Новости за 13.02.2020

(Арча, 13 февраль, «Татар-информ», «Арча хәбәрләре»). Арча районына яз хәбәрчесе — кара каргалар кайткан. Бу хакта район газетасы сайтында хәбәр ителә.

(Казан, 13 февраль, «Татар-информ», Гөлия Хәсбиуллина). Бүген Казанның «Ак Барс» командасы Ригада «Динамо» командасына каршы уенда җиңде. Матч исәбе — 1:2.

(Әлмәт, 13 февраль, «Татар-информ», «Әлмәт таңнары»). «Сөйләр сүзләр әле никадәр…» ТАССР оешуга 100 ел, Бөек Ватан сугышының 75 еллыгы уңаеннан үзәк китапханәдә Габдулла Тукай премиясе лауреаты, Халык шагыйре, кызыклы шәхес, бик күп китаплар авторы, популяр язучы Клара ханым Булатова белән очрашу үтте. Бу турыда район басмасы хәбәр итә.

(Казан, 13 февраль, «Татар-информ»). Ялларда Татарстанда һава торышы сизелерлек үзгәрәчәк. Бу хакта Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 13 февраль, «Татар-информ»). БДБ Хөкүмәтләре башлыклары советы каршындагы Хәрби-интернационалистлар эшләре комитеты рәисе, Советлар Союзы Герое Руслан Аушев Казан Кремлендә Әфган сугышы ветераннарын хөрмәтләү тантанасында катнашачак. Бу хакта «Татар-информ» мәгълүмат агентлыгына республика җитәкчесе матбугат хезмәтендә хәбәр иттеләр.

(Чаллы, 13 февраль, «Татар-информ», Эльвира Мөхәмәтдинова). Чаллыда суд дүрт кечкенә баланы җәзалауда шикләнеп 25 яшьлек ир-атны сак астына алды.

(Казан, 13 февраль, «Татар-информ»). Россия Президенты Владимир Путин Калуга өлкәсе губернаторы Анатолий Артамоновның үз теләге белән отставкага китүен кабул итте. Ул Обнинск шәһәре мэры вазифаларын вакытлыча башкаручы итеп Владислав Шапшаны билгеләде. Дәүләт башлыгы Указы Кремль матбугат хезмәте сайтында чыкты.

(Казан, 13 февраль, "Татар-информ", Рузилә Мөхәммәтова). Танылган җырчы Венера Ганиева үз укучысы Илнар Мирановны татар җырын Европа дәрәҗәсендә җырлый алган җырчы дип бәяләде. Казанның "Корстон" залларының берсендә татар эстрадасының яшь җырчысы Илнар Мирановның концерты башланып китте.

(Казан, 13 февраль, «Татар-информ»). 15-16 февральдә Болгар шәһәрендә «Олимп» спорт комплексы базасында самбо буенча Татарстан беренчелеге ярышлары узачак. Бу турыда Спорт министрлыгы хәбәр итә.

(Казан, 13 февраль, «Татар-информ»). Дәүләт Думасында торак-коммуналь хезмәтләре өчен онлайн түләүчеләргә ташламалар кертергә тәкъдим иттеләр. РФ Төзелеш министрлыгы башлыгы Владимир Якушевка депутат Борис Чернышов шундый тәкъдим белән хат юллаган. Бу турыда RT хәбәр итә.

(Казан, 13 февраль, «Татар-информ», Рәмис Латыйпов). Бүген Татарстанның халык артисты Гүзәл Уразова «Татнефть-Арена» да 8 мең тамашачыны җыйды.

(Казан, 13 февраль, «Татар-информ»). «Спорт һәм социаль проектлар дирекциясе» коммерцияле булмаган автоном оешма генераль директоры Азат Кадыйров Россия Федерациясе спорт министрының беренче урынбасары булачак.

(Казан, 13 февраль, «Татар-информ», Рузилә Мөхәммәтова). «Казан» милли-мәдәни үзәге язучы Шаһинур Мостафинны Тукай премиясенә тәкъдим итте. Константин Васильев галереясында бу уңайдан махсус киңәшмә уздырылып, катнашучылар кандидатураны бертавыштан хупладылар. «Казан» милли-мәдәни үзәге киңәшмәне ачык форматта уздырды.

(Казан, 13 февраль, «Татар-информ»). Бүген Татарстан Президенты Рөстәм Миңнеханов Женевада Tatneft Europe трейдинг компаниясе җитәкчелеге белән очрашты. Алар Татарстан компанияләре продукциясен Евросоюз базарларында чыгару мөмкинлекләре турында фикер алышты. Бу хакта республика җитәкчесе матбугат хезмәтендә хәбәр иттеләр.

(Казан, 13 февраль, «Татар-информ»). «Иделне савыктыру» — Татарстанда «Экология» илкүләм проекты кысаларында гамәлгә ашырыла торган программа иң күп акча таләп итә. Бу хакта «Республика Татарстан» газетасына биргән интервьюсында ТР экология һәм табигать ресурслары министры Александр Шадриков хәбәр итте.

(Казан, 13 февраль, «Татар-информ», Алсу Гыйльманова). 18 февраль көнне Казан хоккей клубы Омск шәһәреннән килгән «Авангард» белән уйнаячак. Клубның рәсми сайтында эленгән афишада: «Чын татарча матч булачак», — дип вәгъдә ителә.

(Казан, 13 февраль, «Татар-информ», Гөлнар Гарифуллина). Бүген Казанда Г.Тукай әдәби музеенда Габдулла Тукайның замандашы, шагыйрьнең туган якларын фотога төшергән фотограф Кыйвам Зөлфакаровның тууына 150 ел тулуга багышланган лекция укылды. Әлеге шәхес белән музейның өлкән фәнни хезмәткәре Лена Тябина таныштырды.

(Казан, 13 февраль, «Татар-информ», Елена Сәлахова). Дәүләт автоинспекциясендә һәр ел нәтиҗәләре буенча юл йөрү кагыйдәләрен бер тапкыр да бозмаган һәм авариягә эләкмәгән Татарстанда яшәүче машина йөртүчеләрен бүләкләячәкләр. Бу хакта «Татар-информ» мәгълүмат агентлыгында узган матбугат конференциясендә ТР Дәүләт баш автоинспекторы Ленар Габдрахманов хәбәр итте.

(Казан, 13 февраль, «Татар-информ», Зилә Мөбәрәкшина). Бүген УНИКС концертлар залында меңгә якын милләттәш студент җыелды. Алар өчен TED форматында мотивацион чыгышлар һәм концерт программасы күрсәтелә.

(Казань, 13 февраля, «Татар-информ»). Россия Гражданнар оборонасы эшләре, гадәттән тыш хәлләр һәм бәла-каза нәтиҗәләрен бетерү министрлыгы томан вакытында юлда йөрү кагыйдәләрен искәртә. Бу хактагы мәгълүмат Россия Гадәттән тыш хәлләр министрлыгының Татарстан буенча Баш идарәсенең рәсми сайтында чыкты.

(Казан, 13 февраль, «Татар-информ»). Бүген, 13 февральдә, 20:00 сәгатьтә «Корстон» сәүдә-күңел ачу үзәгендә «Үзгәреш җиле» проекты катнашучысы, Әлфия Авзалова исемендәге халыкара бәйге призеры, «Тюрквижн» халыкара бәйгесе катнашучысы Илнар Миранов концерты булачак.

(Казан, 13 февраль, «Татар-информ», Гөлнар Гарифуллина). ТР вице-премьеры — мәгариф һәм фән министры Рафис Борһанов Арчада үзе укыган В. Ежков исемендәге 1 нче урта гомуми белем бирү мәктәбендә очрашуда укытучыларын җылы сүзләр белән искә алган. Бу хакта министрлыкның матбугат хезмәте хәбәр итә. «1 класстан 10 класска кадәр укыткан һәр укытучының исем-фамилиясен, әтисенең исемен хәтерлим һәм яратып искә алам», — дип әйткән.

(Казан, 13 февраль, «Татар-информ»). Таможня хезмәткәрләре татарстанлыны анаболиклар белән посылка алганда тоткарлаган. Бу турыда Татарстан таможнясы матбугат хезмәтендә хәбәр иттеләр.

(Казан, 13 февраль, «Татар-информ», Гөлнар Гарифуллина). Бүген ТР вице-премьеры — мәгариф һәм фән министры Рафис Борһанов Арчада үзе укыган В. Ежков исемендәге 1 нче урта гомуми белем бирү мәктәбе укучылары һәм укытучылары белән очрашты. Бу хакта «Татар-информ» агентлыгына ТР Мәгариф һәм фән министрлыгының матбугат хезмәте хәбәр итте.

(Казан, 13 гыйнвар, «Татар-информ», Елена Сәлахова). 2020 елда Казанда Мамадыш трактында һәм Горький шоссесында тизлекне сәгатенә 80 километрга кадәр арттырырга планлаштыралар. Бу хакта «Татар-информ» мәгълүмат агентлыгында узган матбугат конференциясендә ТР Дәүләт автоинспекторы Ленар Габдрахманов хәбәр итте.