سړې هوا او په کابل کې د برېښنا دوامداره نشتوالي په افغانستان کې د بېوزله کورنیو ژوند تیاره کړی دی. د برېښنا د نشتوالي له امله ان د دکاندارانو کاروبار زیانمن شوی دی. افغانستان خپل د اړتیا وړ نږدې ۷۰ سلنه برېښنا له خپلو ځینو ګاونډیو هېوادونو واردوي.
غور ولایت کې د طالبانو حکومت د عامې روغتیا مسؤلین وايي چې تېرو ۱۰ میاشتو کې په خوارځواکۍ اخته ۲۷ زره ماشومان او ۱۳ زره میندې یې ثبت کړې دي. د قوي خوړو نشتوالی او بېوزلي له عمده لاملونو بلل کېږي. غور کې د طالبانو د عامې روغتیا مسؤلین خبرداری ورکوي چې که مرستې بندې شي دا شمېرې به نورې هم لوړې شي.
د افغانستان لپاره د اروپايي ټولنې ځانګړی استازی توماس نیکلاسن وايي، که څه هم دوی نهغواړي افغانستان منزوي کړي، خو د طالبانو په رسمیت پېژندلو لپاره کومه لاره شتون نهلري. يوه مېرمن چې د دريو ماشومانو مور ده، وايي طالبانو څو مياشتې وړاندې، کار ته له تلو منع کړې ده. دا مېرمن چې نهغواړي د امنيتي ستونزو له امله يې نوم په راپور کې واخيستل شي، د کندز په یوه لیرې سیمه کې یې له يوه نادولتي مؤسسې سره په روغتيايي برخه کې کار کاوه. نوموړې ازادي راډیو ته وویل چې د دندې او عايد له لاسه ورکول به يې دې ته اړه کړي چې له هېواده بهر ولاړه شي. Читать дальше...
د لوګر د محمداغې ولسوالۍ یو شمېر ورزشکاران د هېواد له کرېکټ بورډ څخه غواړي، چې په یاده ولسوالۍ کې د کرېکټ د لوبغالي د جوړېدو په ټپه ولاړې چارې له سره پیل کړي. یاد ورزشکاران وايي، که څه هم د دوی د کرېکټ د لوبغالي ودانیزې چارې لا نیمګړي پاتې دي، خو خپلې لوبې روانې ساتلې دي. د لوګر د محمداغې ولسوالۍ له لیرې پرتو سیمو ورزشکاران هغه له خاورو او ګردونو ډک میدان ته ورځي، چې په تېر جمهوریت کې يې د کرېکټ د لوبو لپاره د اساسي او معیاري جوړولو کارونه پیل شوي وو، خو د نظام په بدلون سره يې چارې ټکنۍ شوې او کار يې نیمګړی پاتې شو. Читать дальше...
د افغانستان د بشري حقونو لپاره د ملګرو ملتونو ځانګړي راپور ورکوونکي، ریچارد بېنیټ په کابل کې د پوهنتون د یوه استاد اسماعیل مشعل پر نیولو اندېښنه وښوده. ښاغلي بېنیت نن په یوه ټویټ کې ویلي، د سولهییزو مدني حرکتونو په نښه کول او مخنیوی د نه منلو او د افغانستان له تعهداتو سره په ټکر کې عمل دی. د طالبانو حکومت یوه چارواکي اسماعیل مشعل، چې د طالبانو په توقیف کې دی، د نظام په تخریب تورن کړ. د طالبانو د اطلاعاتو او فرهنګ وزارت د خپرونو مشر عبدالحق حماد پرون ناوخته په خپل ټویټر کې لیکلي: استاد مشعل... Читать дальше...
د طالبانو د حکومت له لوري له شپږمو ټولګیو پورته د نجونو په وړاندې د ښوونځیو د دروازو د تړلو ۵۰۰ ورځې پوره شوې. مخکې له دې چې مدینه په دولسم ټولګي ته لاړه شي، د طالبانو حکومت، له شپږمو ټولګیو پورته د نجونو پر مخ د ښوونځيو دروازې وتړلې. مدینه وايي، ۵۰۰ ورځې کېږي، چې د ښوونځيو د بېرته پرانيستلو لپاره شېبې شماري. هغه وایي، که نجونې او ښځې د پوهې په ګاڼه سمبال نهشي، نهشي کولای په ټولنه کې د علم او پوهې په پرمختګ کې ونډه واخلي. مدينې ازادي راډيو ته وويل: "که موږ نن په نړۍ کې ډېری پرمختګونه وينو، دا ټول د ساینس او پوهې له برکته دي. Читать дальше...
د افغانستان کرېکټ ملي لوبډلې لوبغاړي کریم جنت د بنګلهدېش په غوره لیګ سیالیو کې تر دې دمه ښې لوبې کړي دي. ښاغلی جنت چې د الراونډر په توګه لوبیږي، په توپ اچونه او توپ وهنه کې د خپلې لوبډلې لپاره ښه لوبېدلی دی. نوموړی چې د فارټن باریشال لوبډلې غړی دی، نن(د فبرورۍ ۳مه) د خولنا ټایګرز لوبډلې پر وړاندې ۱۶ منډې وکړې او ۴ وېکټې یې ترلاسه کړې. کریم جنت تر دې دمه په یاد لیګ کې ۱۰ لوبې ترسره کړي دي چې ټولټال یې ۱۳۹ منډې کړي دي او ۱۰ وېکټې یې اخستي دي. هغه تر ډېره د لوبې په وروستیو شېبو کې توپ وهنې... Читать дальше...
افغانستان سره د امريکا او نړيوالو پر نغدي مرستو د سيګار اندېښنې. د افغانستان د بیارغونې لپاره د امریکا د ځانګړي سرمفتش اداره یا سیګار وايي، طالبان ورځ په ورځ ظالمانه چلند خپلوي او د امریکا د متحدو ایالتونو د کانګرس غړي باید دا وڅېړي چې د امریکا هغه تر حد زیاتې مرستې چې افغانستان ته لېږل کېږي ایا د طالبانو لاس ته ورځي که څنګه؟ د سیګار دغه راپور چې کانګرس ته وړاندې شوی، په ۲۰۲۱م کال کې له افغانستانه د امریکايي ځواکونو تر وتلو وروسته د بیارغونې او د مرستو د هڅو په اړه دی. راپور کې د امریکا د... Читать дальше...
پېښو سره د طالبانو حکومت د مبارزې وزارت وایي، په تېرو دریو اوونیو کې د افغانستان په بېلابېلو سیمو کې د سړې هوا له امله ۱۷۶ تنه مړه شوي دي. د کابل دا اوسېدونکی چې نهغواړي راپور کې يې نوم واخيستل شي، په دې سوړ ژمي که د سون توکو د نه لرلو له امله شکایت کوي. د کابل ياد اوسېدونکي ازادي راډيو ته وویل، ان دخوراکي توکو د اخیستلو توان هم نهلري. نوموړی وايي: "همدا اوس لرګي نهلرم، سکاره نهلرم، کور کې مې ستونزې ډېرې دي، ټوله کورنۍ مو یو ډول ناروغۍ نیولې، موږ بې روزګاره یو، کارو بار خو بیخي ټول کابل... Читать дальше...
د ملګرو ملتونو د امنیت شورا په داعش او القاعده ډلې د بندیزونو کمېټې په خپلې تازه پرېکړه کې د داعش او القاعده ډلو اړوند په یو شمېر اشخاصو او ادارو خپلو بندیزونو کې نوي تعدیلات راوستي. دا پرېکړه چې د فبروري په ۲مه تصویب شوه پر بنسټ، د دې کسانو، ډلو او ادارو شتمنۍ کنګل کېږي، له بهرنیو سفرونو راګرځول کېږي او تر څنګ یې دوی ته د وسلو په ورکولو او خرڅلاو هم بندیز لګول کېږي. په دې بندیزونو کې ۲۹ کسان او ادارې شاملې دي چې ځینې یې په افغانستان کې هم په ترهګریزو کړنو او فعالیتونو تورن دي. له دوی امین... Читать дальше...
د کییف متحدان د پیسو له نړیوال صندوق یا (IMF) غواړي چې اوکراین ته د پور ورکولو یو پروګرام تصویب کړي. فایننشل ټایمز ورځپاڼې په دې اړه نن جمعه په یوه راپور کې ویلي، ټاکل شوې په دې باب د پیسو نړیوال صندوق استازي له اوکرایني چارواکو سره شا و خوا دوې اوونۍ وروسته د پولنډ په پلازمېنه وارسا کې وګوري او دغه پروګرام تر پسرلي پورې نهايي شي. د ورځپاڼې په راپور کې د ځینو چارواکو په حواله چې له دې موضوع خبر دي ویل شوي، د دې پور اندازه به د ۱۴ او ۱۶ ملیارد ډالرو ترمنځ وي. اوکراین ویلي چې، روان میلادي کال... Читать дальше...
د کییف متحدان د پیسو له نړیوال صندوق یا (IMF) غواړي چې اوکراین ته د پور ورکولو یو پروګرام تصویب کړي. فایننشل ټایمز ورځپاڼې په دې اړه نن په یوه راپور کې ویلي، ټاکل شوې په دې باب د پیسو نړیوال صندوق استازي له اوکرایني چارواکو سره شا و خوا دوې اوونۍ وروسته د پولنډ په پلازمېنه وارسا کې وګوري او دغه پروګرام تر پسرلي پورې نهايي شي. د ورځپاڼې په راپور کې د ځینو چارواکو په حواله چې له دې موضوع خبر دي ویل شوي، د دې پور اندازه به د ۱۴ او ۱۶ ملیارد ډالرو ترمنځ وي. اوکراین ویلي چې، روان میلادي کال د ۳۸... Читать дальше...
د فرانسې ولسمشر امانویل مکرون د اسرائیل له صدراعظم بنیامین نتنیاهو سره تر خبرو وروسته د ایران د اټومي پروګرام چټک تشدید وغانده. نتنیاهو په پاریس کې دی او د تهران په وړاندې د اروپا د دریځ د سختېدو هڅه کوي. مکرون د تېر ماښام تر کتنې وروسته په یوه اعلامیه کې خبرداری ورکړ، د تهران د اټومي پروګرام دوام به جدي عواقب ولري. اسرائیل له اودې مودې ایران د اټومي وسلو د جوړولو په هڅه تورنوي، خو تهران ټینګار کوي، چې اټومي پروګرام یې یوازې د انرژۍ د تولید لپاره دی.
د پاکستان پوځ وايي، ډیورنډ کرښې ته څېرمه یې د پاکستاني طالبانو پر یوه مرکز چاپه اچولې چې وروسته ډزې تبادله شوي او په نتیجه کې یې دوه وسلهوال وژل شوي دي. پوځ یوه اعلامیه کې ویلي، پوځیانو نن جمعه په شمالي وزیرستان کې د افراطي وسلهوالو د وسلو یوه زېرمه هم کشف او ضبط کړې ده. دا پېښه داسې وخت شوې، چې د پاکستان صدراعظم شهباز شریف د دغه هېواد د اپوزیسیون رهبر عمران خان او نور چارواکي د نا امنیو د زیاتېدو په وړاندې د اقدام پر لارو چارو د بحث لپاره وربللي. د نا امنیو په دوام تېره دوشنبه د پېښور په یوه جومات کې بمي چاودنې ۱۰۱ کسان ووژل.
د پاکستان د بهرنیو چارو وزارت ویلي، په افغانستان کې د طالبانو له حکومته د ترهګرۍ په وړاندې د مبارزې په برخه کې د صادقانه همکارۍ تمه لري. د بهرنیو چارو وزارت ویاندې ممتاز زهرا بلوچ پرون په اسلام اباد کې د اوونیزې خبري غونډې پر مهال د یوې پوښتنې په ځواب کې وویل، پاکستان هیله لري چې د طالبانو حکومت به د ترهګرۍ پر ضد هغه ژمنې پوره کړي چې له نړیوالې ټولنې سره یې کړې دي. نوموړې دا څرګندونې تر هغې یوه ورځ وروسته وکړې چې د طالبانو د حکومت د بهرنیو چارو سرپرست وزیر امیر خان متقي هغه ادعاګانې ناسمې وبللې... Читать дальше...
د طالبانو حکومت یوه چارواکي د کابل پوهنتون استاد اسماعیل مشعل، چې د طالبانو په توقیف کې دی، د نظام پر تخریب تورن کړ. د طالبانو د اطلاعاتو او فرهنګ وزارت د خپرونو مشر عبدالحق حماد پرون ناوخته په خپل ټویټر کې لیکلي، استاد مشعل «په ډېر مهارت د نظام پر ضد پاروونکي کړنې ترسره کولې، ګڼ خبريالان یې پر ځان راټول کړي وو او پر عمومي سړک يې ګڼه ګوڼه جوړه کړې وه، امنيتي ادارو د تحقيقاتو لپاره بېولی دی.» استاد مشعل چې څه موده مخکې په یو مدني حرکت کې د نجونو او ښځو په وړاندې د پوهنتونونو د دروازو له تړل کېدو... Читать дальше...
د امریکا متحدهایالاتو د بهرنیو چارو وزارت وايي، طالبان نهشي کولای چې له افغانانو سره په خپلو کړو ژمنو کې پاتې راشي او له نړیوالې ټولنې سره د اړیکو ښه کېدو تمه ولري. د دې وزارت ویاند نېډ پرایس پرون خبریالانو ته وویل، طالبان دې تر هغه د نړیوالې ټولنې د ملاتړ تمه نهلري، تر کله چې د ټولو افغانانو بشري حقونو او بنسټیزو ازادیو ته درناوی و نهکړي. نوموړي ويلي: "طالبان په پرلهپسې ډول له نړیوالو سره په خپلو ژمنو کې پاتې راغلي، خو تر ټولو مهمه دا چې دوی هغه ژمنې هم ماتې کړي چې له افغانانو سره یې کړي. Читать дальше...
په افغانستان کې د راتلونکي کال د ثور په میاشت کې بزګران په تودو سيمو کې له کوکنارو څخه تاریاک راټولوي او په سړو سيمو کې بیا په پسرلي کې کوکنار کرل کېږي. د طالبانو حکومت وايي چې، د کوکنارو د کښت مخه يې نيولې ده. د طالبانو د حکومت د کورنیو چارو وزارت له شمېرو ښودلو پرته ادعا کوي چې د کوکنارو د کښت په اړه يې د خپل مشر فرمان په برياليتوب سره عملي کړی او اوس په افغانستان کې د کوکنارو کښت صفر ته نږدې شوی دی. د طالبانو د حکومت د کورنیو چارو وزارت له نشه يي موادو سره د مبارزې معین عبدالحق همکار وايي،... Читать дальше...
په کابل کې د نهه ولایتونو د څه باندې ۱۵۰ لوبغاړو تر منځ د تکواندو سیالۍ شوي. د تکواندو د ملي فدراسیون چارواکو ویلي، دا سیالۍ یې د تکواندو د ملي ټیم د پخواني سر روزونکي کوریايي ماستر مین سین هاک د هڅو د درنښت په خاطر د هغه په نوم پلان او ترسره کړي. په دې سیالیو کې اتل لوبغاړي د تکواندو د فدراسیون په رده بندي کې ځای پیدا کوي چې بیا په نورو سیالیو کې د ګډون چانس ترلاسه کولای شي. مین سین هاک څو کاله د افغانستان د تکواندو د ملي ټیم سر روزونکی وو او د هغه د هڅو په مټ روح الله نیکپا وتوانېد په بیجینګ... Читать дальше...
د خیبر پښتونخوا په کواټ کې په یوه ترافیکي پېښه کې د ښځو او ماشومانو په ګډون ۱۷ کسان مړه شوي دي. د کواټ د پولیسو ویاند فضل نعیم تېر ماښام ازادي راډیو ته وویل، یو مساپر وړونکی (فلاینګ کوچ های اېس) ګاډی په تونل کې له بار وړونکې لارۍ سره لګېدلی. په پېښه کې د نعیم په خبره اولس کسان مړه شوي او یو تن ټپي دی. دی وايي، د مرستندویه ادارې کارکوونکي سمدستي د پېښې ځای ته ورسېدل او ژوبل کس او د وژل شویو جسدونه یې د کواټ لوی روغتون ته ولېږدول. د پاکستان دولتي خبري اژانس وايي، مساپر وړونکی ګاډی له لکي مروته د پېښور پر لوري روان وو چې د پېښې ښکار شو. Читать дальше...
د افغانستان د کورنیو چارو پخوانی وزیر او د امریکا د دفاعي پوهنتون استاد علي احمد جلالي له پښتنو سره د طالبانو د افراطي اعمالو د تړلو ادعا ردوي. نوموړی په عین حال کې وايي، پاکستان، چې د ستراتیژیک عمق لپاره د طالبانو ملاتړ کاوه، اوس په خپله د طالبانو او نورو سختدریځو ډلو په ستراتیژیک عمق بدل شوی دی. ښاغلي جلالي دا خبرې له عصمت څاروان سره په مرکه کې وکړې. په په پیل کې د دې پوښتنې په اړه چې په ملګروملتو کې د پاکستان د سفیر منیر اکرم د دې خبرې په اړه څه وايي چې د طالبانو له لوري د ښځو د تعلیم او... Читать дальше...
د افغانستان د پخواني ولسمشر لومړي مرستيال امرالله صالح ملګرو ملتونو کې د پاکستان استازي څرګندونو ته غبرګون ښودلی. نوموړي پاکستان په دې تورن کړ چې، د افغانستان له حالاتو یې خورا ناوړه استفاده وکړه او د ای ایس ای تر څارنې لاندې مدرسو کې یې افغان هلکان، چې اکثره یې پښتانه وو، د عصري توب او زدهکړو خلاف و روزل. په ملګروملتو کې د پاکستان سفیر منیر اکرم د چهارشنبې په ورځ په نیویارک کې وویل، د طالبانو له لوري د ښځو د زدهکړو او تعلیم مخالفت د پښتنو له کلتور سره تړاو لري. د منیر اکرم دا څرګندونې د... Читать дальше...
د عراق د بهرنیو چارو وزیر فواد حسین د خپل هېواد او سعودي عربستان ترمنځ د همکاریو د زیاتېدا غوښتنه وکړه. ده دا غوښتنه پرون (پنجشنبه) په بغداد کې د سعودي له باندنیو چارو وزیر فیصل بن فرحان سره په یوه ګډه خبري غونډه کې وکړه. د عراق د بهرنیو چارو وزیر بغداد ته د خپل سعودي ساري سفر مهم وباله او ویې ویل دا سفر په داسې وخت کې شوی چې په سیمه کې ګڼې ننګونې شته. د سعودي د بهرنیو چارو وزیر په عراق کې د خپل هېواد د شرکتونو له لوري پانګونې ته چمتووالی وښود. عراق له ډېرې مودې راهیسې له اقتصادي ستونزو سره... Читать дальше...
سيګار وايي، د طالبانو له بياځلي واک وروسته امريکا د افغانستان لپاره ۸مليارده ډالر ځانګړي کړي دي. سیګار یا په افغانستان کې د امریکا د بیارغونې د ځانګړي سرمفتش دفتر، کانګریس ته په خپل نوي درې میاشتني راپور کې ویلي، د ۲۰۲۱ په اګست کې د طالبانو له واک ته رسېدو وروسته د امریکا متحدو ایالتونو د افغانستان په تړاو ۸ میلیارد ډالره مهیا کړي چې د دې پیسو ډېره برخه افغان اتباعو یا کډوالو ته ځانګړې شوې ده. د سیګار په راپور کې، چې د پنجشنبې په ورځ خپور شو راغلي، په دې پیسو کې د افغانستان بانک هغه درې نیم ملیارد... Читать дальше...
افغاني سره میاشت ټولنه وايي، یوولس زره په زړه سوري ماشومان یې ثبت کړي او هڅه کوي چې په هېواد کې دننه یا بهر یې درملنه وکړي. د دې ټولنې ویاند عرفان الله شرفزوی تېره شپه ازادي راډیو ته وویل، له ۲۰۰۸ څخه تر اوسه پورې په هېواد کې دننه او بهر د ۱۳ زره ماشومانو د سوریو زړونو درملنه شوې ده. د ده په وینا، دا پروسه د یوه کال په مخه درېدلې وه خو له تېرو ۵ میاشتو راهیسې بیا پیل شوې ده. شرفزوی وايي، په تېرو ۵ میاشتو کې د کابل په ۶ روغتونونو کې ۱۸۴ تنه تداوي شوي او کورونو ته تللي، خو په دې موده کې ۱۱ زره... Читать дальше...
