Новости за 03.08.2023

د طالبانو حکومت د عامې روغتیا وزارت یو میلیون کسان په افغانستان کې په تور او سپین زیړي اخته دي او دا شمېر مخ په زیاتېدو دی. د طالبانو د حکومت د عامې روغتیا وزارت د خدمتونو د وړاندې کولو مرستیال حبیب الله اخندزاه د چهارشنبې په ورځ د هپیټایټ د نړیوالې ورځې په مناسبت په یوه خبرې کنفرانس کې وویل، په افغانستان کې شاوخوا ۶۸۰ زره کسان په هپیټایټ بي او ۳۲۰ زره تنه په هپیټایټ 'سي' اخته دي. ده د ۲۰۱۷ کال څخه د روان کال د جون میاشتې پورې په دغه ناروغۍ د اخته کسانو د شمېر په اړه زیاته کړه: "له ۲۰۱۷ کال څخه... Читать дальше...

د کارګر ګوند استازې او د بريتانيا د استازو جرګې د نړيوالې پرمختيايي کمېټې مشره سارا چيمپيون خبرداری ورکوي چې د افغانستان، يمن او د افريقايي هېوادونو په ګډون يو شمېر هېوادونو ته یې د هېواد د پرمختيايي بودیجې په کمېدو سره به ښځو او ماشومانو ته مرګوني خطرونه پېښ شي. هغه خبرداری ورکوي چې د افغانستان، یمن او یو شمېر افریقايي هېوادونو په څېر په بشري ناورین کې د ښکېلو هېوادونو لپاره د بریتانیا د بهرنیو مرستو د بودیجې کمېدل به ښځو او ماشومانو لپاره وژونکې پایلې ولري. په هغه اعلاميه کې چې د چهارشنبې په... Читать дальше...

د طالبانو حکومت د کورنیو چارو وزارت وايي، په نږدې راتلونکي کې به د افغانستان په بېلابېلو ولایتونو کې ۴۰ نوې ولسوالۍ جوړې کړي. د طالبانو حکومت د کورنیو چارو وزارت د اکمالاتو معین عبدالله مختار د پنجشنبې په ورځ په کابل کې 'ملت ته د حکومت د حساب ورکونې پروګرام' په غونډه کې وویل چې دغه وزارت، د ۲۷ ولسوالیو حدود 'حدود اربعه' هم ټاکلي، چې په خبره يې پخوا تصویب شوې وې. عبدالله مختار زیاتوي چې د طالبانو حکومت سل نوي کلي هم جوړ کړي دي. هغه وویل: "د هېواد په بېلابېلو سيمو کې سل کلي نوي جوړ شوي دي. د... Читать дальше...

د پاکستان په اسلام اباد کې د افغان کډوالو شورا وايي، پولیسو تېره شپه په دغه ښار کې لسګونه افغانان نیولي او نن سهار یې د پیسو په بدل کې خوشې کړي دي. د پاکستان په پلازمېنه اسلام اباد کې د افغان کډوالو شورا وايي، د دغه هېواد پولیسو د پنجشنبې په شپه ناوخته په 'ایف ۱۷' کې د افغانانو په کورونو ورغلي او ۳۴ تنه یې نیولي دي. دغه شورا زیاتوي، که څه هم دوی د پنجشنبې په سهار د پیسو په بدل کې دوی بېرته خوشې کړل، خو د نیولو پر مهال چې د افغانانو کورونو ته ورننوتي دوی یې ځورولي دي. په اسلام اباد کې د افغان... Читать дальше...

ټاکل شوې چې نن د کوربه وېسټ اینډیز او هندوستان ترمنځ د ۵ شل اوریزو سیالیو لوبلړۍ پیل شي. دغه سیالۍ به د ویسټ اینډیز په بېلابېلو لوبغالو کې ترسره شي. تر دې وړاندې دواړو لوبډلو د درېیو یو ورځنیو سیالیو لوبلړۍ هم ترسره کړه چې دوه د یو پر وړاندې هندوستان وګټله. همدارنګه د روانو سیالیو په ترڅ کې لومړی د یادو هېوادونو ترمنځ د دوه ټیسټ سیالیو لوبلړۍ هم ترسره شوې وه چې یو د صفر پر وړاندې هند ګټلې وه.

د ښځینه فوټبال نړیوال جام د ګروپي پړاو سیالۍ نن پای ته ورسېدې او تر دې وروسته به د ۱۶ غوره لوبډلو مرحله پیلېږي. د ګروپي پړاو په ترڅ کې نن وروستۍ دوه سیالۍ ترسره شوې چې مراکش یو د صفر پر وړاندې کولمبیا ته ماتې ورکړه. دغه راز په دویمې سیالۍ کې بیا سویلي کوریا او جرمني خپله سیالي یو د یو پر وړاندې مساوي کړه. سبا د جولای په ۴مه نېټه هېڅ سیالي نه‌شته او د همدې میاشتې په ۵مه نېټه د ۱۶ غوره لوبډلو پړاو د سویس او هسپانیې په لوبې سره پیلېږي. د ۱۶ غوره لوبډلو پړاو ته د هسپانیې، سویس، کولمبیا، مراکش،... Читать дальше...

د کابل د خاک جبار ولسوالۍ په یو ګرځنده ښوونځي کې د نجونو په ګډون لسګونه ماشومان زده کړې کوي. دغه ښوونځی د زده کړو د فعالانو د یوې ډلې له لوري جوړ شوی او په کمو ښوونیزو امکاناتو یې دغو ماشومانو ته د زده کړو زمینه برابره کړې ده. نور په ویډیو کې:

د امریکا د کانګرس د استازو جرګې د بهرنیو اړیکو د کمېټې رییس مایکل مککال د افغانستان لپاره د دغه هېواد له استازو غوښتي چې له طالبانو سره دې خبرې ودروي. په دوحه کې د امریکا د استازو او د طالبانو حکومت د دوه ورځنۍ غونډې په اړه له غبرګونونو وروسته د امریکا د کانګرس د استازو جرګې د بهرنیو اړیکو د کمېټې رییس مایکل مککال د افغانستان لپاره د دغه هېواد له استازو وغوښتل چې له طالبانو سره خبرې ودروي. جمهوري غوښتونکی مایکل مککال د ډیموکرات جو بایډن د ادارې، په ځانګړې توګه له افغانستانه د امریکايي ځواکونو د وتلو، یو له سخت منتقدینو څخه دی. Читать дальше...

د طالبانو د حکومت ویاند ذبیح الله مجاهد د پاکستاني چارواکو هغه ادعاوي رد کړې چې وايي، د دې هېواد په وروستیو ناامنۍ کې افغانان ښکېل دي. مجاهد نن پر ټویټر لیکلي چې د بېلابېلو پاکستاني چارواکو له خوا په دې دغه هېواد کې د امنیتي وضعیت په اړه پر افغانستان لګول شوي تورونه ردوي. مجاهد زیاته کړې چې د دوی حکومت هیچاته اجازه نه ورکوي چې د افغانستان خاوره د کوم بل هېواد پر خلاف وکارول شي. د طالبانو د حکومت ویاند دا څرګندونې وروسته له هغې کوي چې بېلابېلو پاکستاني چارواکو په وروستیو کې په افغانستان کې د... Читать дальше...

د افغانستان او قزاقستان ترمنځ درې ورځنۍ اقتصادي غونډه نن په استانه کې پيل شوه. د قزاقستان د بهرنیو چارو وزارت وایي، ۱۵۰ تنه افغان چارواکي او سوداګر دغې غونډې ته وربلل شوي دي. د دې وزارت په خبره، په دغو کسانو کې هېڅ داسې کس نه شته چې د نړیوالو له خوا دې د بندیزونو په لېست کې شامل وي. د طالبانو د صنعت او سوداګرۍ وزارت بیا وایي، د دوی د سرپرست وزیر نورالدین عزیزي په مشرۍ پلاوی د افغانستان او قزاقستان د سوداګریزې نښلېدا دغې غونډې ته ورغلی دی. د دغه وزارت په وینا، د غونډې مقدماتي مراسم پرون چهارشنبه پيل شوي دي. Читать дальше...

ټاکل شوې چې نن د امریکا پخوانی ولسمشر ډونالډ ټرمپ په واشنګټن کې د فدرال محکمې د قاضي پر وړاندې حاضر شي. د امریکا د متحدو ایالتونو پخوانی ولسمشر ډونالډ ټرمپ نن اګست ۳مه د دغه هېواد فدرالي محکمي ته ورغوښتل شوی څو د خپلو تورونو په وړاندې د قاضي پوښتنې ځواب کړي. ډونالډ ټرمپ په دې تورن دی چې د ۲۰۲۰ کال د ټاکنو د پایلو د لغوه کولو په لټه کې و. ټرمپ څو ځلې ادعا کړې چې د امریکا ولسمشریزو ټاکنو کې درغلۍ شوې، خو اوسنی ولسمشر جوبایډن وايي، د ټرمپ د دې ادعا په اړه هېڅ ثبوت نه‌شته. د ټاکنیزو درغلیو په... Читать дальше...

د ارزګان په مرکز ترینکوټ کې د والیبال یو میاشتنۍ سیالۍ د الهام لوبډلې په بریا پای ته ورسېدې. د ارزګان ولایت د سپورټ د برخې مسوولان وايي، د دې سیالیو څخه يې هدف له نشه‌یي توکو سره مبارزه وه. دوی وايي، غواړي دغلته ځوانان وهڅوي څو له نشه‌يي توکو لاس واخلي او سپورټ ته مخه کړي. په ورته مهال لوبغاړي په دې ولایت کې د یوه معیاري لوبغالي، روزونکي او نورو اسانتیاوو غوښتنه کوي. نور حال د لاندې لېنک په کېکاږلو سره اورېدلی شئ:

د دولت په چارو کې د پاکستان د بهرنیو چارو وزارت وزیرې حنا رباني کهر ادعا کړې چې د پاکستان په وروستیو ناامنیو کې افغانان ښکېل دي او په دې اړه یې په افغانستان کې د طالبانو له حکومت سره شواهد شریک کړي دي. د دولت په چارو کې د پاکستان د بهرنیو چارو وزیرې ادعا کړې چې د پاکستان په وروستیو ناامنیو کې افغانان ښکېل دي. حنا رباني کهر پرون له یوه پاکستاني تلوېزیون آج سره په مرکه کې وویل، د بریدګرو له تابعیت څخه ښکاري چې افغانان دي. هغې وویل: "شواهد تابعیت دی، په ډېرو پېښو کې موږ ځانګړي شواهد لرو چې شریک کړي مو هم دي. Читать дальше...

د افغانستان د تکواندو ملي لوبغاړو د کوریا په نړیوالو ازادو سیالیو کې تر دې دمه د امریکا، عراق، جنوبي کوریا او ګووام لوبغاړي مات کړي دي. د تکواندو فدراسیون د معلوماتو په اساس په دویم وزن ۵۸ کیلو کې محسن رضايي خپل امریکايي سیال په دوو رونډو کې مات کړ او کوارټرفاینل ته یې لار پيدا کړه. محسن رضايي د اسیا اتل دی. حکمت الله زین په ۶۸ کیلو وزن کې عراقی لوبغاړی مات کړ او دی هم کوارټرفاینل ته ووت. رامین امیني په ۵۴ کیلو وزن کې خپل کوریايي سیال مات کړ او نیمه پایلوبې ته یې لار پيدا کړه. رامش حسیني... Читать дальше...

د چین په پلازمېنه پېکېنګ کې د وروستیو ورځو سخت بارانونه د اندازې له پلوه په ۱۴۰ کلونو کې په دغه ښار کې تر ټولو زیات ورښت بلل شوی دی. د پېکېنګ د هوا پېژندنې ادارې د اعلان پر اساس، د شنبې له ورځې تر پرون سهاره پورې په دغه ښار کې تر ۷۴۴ میلي متره زیات باران اورېدلی دی. تراوسه پورې د بارانونو په نتیجه کې د سېلابونو له کبله ۲۱ کسان مړه شوي او تر ۲۶ ډېر نور لادرکه شوي دي.

د بشري حقونو رسنیو پرون چهارشنبې خبر ورکړ چې په تېرو درو ورځو کې د ایران د سیستان او بلوچستان ولایت په زندانونو کې ۱۱ بلوڅان اعدام شوي دي. د ازادې اروپا/ ازادي راډیو ایراني څانګې په بلوچستان کې د بشري حقونو د فعالې رسنۍ 'حال وش' د راپور پر اساس وویل چې دا کسان د مخدره موادو په تور اعدام شوي خو هېڅ یوه ته اجازه نه ده ورکړل شوې چې تر اعدام مخکې د کورنۍ له غړیو سره وویني او یوازې له اعدامه وروسته یې مړي کورنیو ته سپارل شوي دي. حال وش وايي چې په ایران کې د 'ښځې، ژوند او ازادي' په نوم د اعتراضونو... Читать дальше...

د پاکستان د بهرنیو چارو وزارت وايي، تېره میاشت د بلوچستان ایالت د ژوب پر پوځي فرقې برید افغان ترهګرو کړی و. د جولای په ۱۲ مه څو وسله‌والو د ژوب په فرقه برید وکړ او لږترلږه ۱۳ تنه یې ووژل. پاکستاني چارواکو په پیل کې هم ادعا کړې وه چې برید کوونکي افغانان وو، خو د پاکستان د بهرنیو چارو وزارت ویاندې ممتاز بلوچ پرون چهارشنبې وویل په دې برید کې ۵ برید کوونکو برخه لرله چې ۳ یې افغانان وو. د پاکستان د بهرنیو چارو وزارت ویاندې وویل چې دا برید په کلکه غندي او په دې اندېښنه ښيي چې د افغانستان له خاورې پر پاکستان د بریدونو لپاره کار اخیستل کېږي. Читать дальше...

د ایران د بشري حقونو یو بنسټ چې مرکز یې په ناروې کې دی وایي، تېره جولای میاشته کې ۶۱ کسان په ایران کې اعدام شوي دي. دغه بنسټ د چهارشنبې په ورځ په یوه خبرپاڼه کې ویلي چې په اعدام شویو کسانو کې پنځه افغانان او یوولس بلوڅان شامل دي. په ټوله کې څلور ښځې هم د اعدام شویو کسانو په ډله کې دي. د خبرپاڼې له مخې اعدام شوي کسان د نشه یي توکو په قاچاق، وژنو او جنسي تیریو محکوم شوی وو. د بشري حقونو یاد بنسټ وایي، روان ۲۰۲۳ کال کې په ایران کې اعدامونه د پام وړ زیات شوي او په خبره یې د همدې کال له پيله تراوسه ۴۲۳ کسان دغه هېواد کې اعدام شوي دي. Читать дальше...

په خوست کې هغه دوه تنه انسان تښتونکي نیول شوي چې د تېرې جمعې په ورځ یې یو دوه نیم کلن ماشوم اختطاف کړی و. د طالبانو د حکومت کورنیو چارو وزارت پرون وویل، ځانګړو ځواکونو یې دغه کسان داسې مهال ونیول چې تښتول شوی ماشوم یې وژلی و. پېښه د خوست په مرکز متون کې شوې چې تراوسه یې نور جزییات نه دي خپاره شوي. تر دې وړاندې هم په خوست او نورو ولایتونو کې ورته جنایي پېښې شوي چې لامل یې بې کاري او روانه بې وزلي بلل شوې ده. په تېره اپرېل میاشته کې د خوست د صرافانو په مارکېټ کې نامعلومه کسانو یو صراف په ډزو وواژه او پیسې یې ترې وې وړې.

د طالبانو د بهرنیو چارو سرپرست وزیر امیر خان متقي د افغانستان لپاره د قطر د بهرنیو چارو وزارت له استازي سره پر سیاسي، اقتصادي او سوداګریزو مسلو خبرې کړي دي. د متقي او مطلق القحطاني په خبرو کې ویل شوي چې په هره برخه کې باید همکاري دوام پيدا کړي چې د افغانستان د پراختیا لپاره ګټوره تمامه شي. د طالبانو د بهرنیو چارو وزارت له خوا خپره شوې خبرپاڼه کې راغلي چې القحطاني د افغانستان اوسنی وضعیت د قناعت وړ بللی او د سیمې له هېوادونو یې غوښتي چې طالبانو سره تعامل وکړي. د قطر د بهرنیو چارو وزارت تر دې دمه په دې اړه څه نه دي ویلي. Читать дальше...

د خیبر پښتونخوا د باجوړ سیمې د تېرې یکشنبې ورځې خونړي برید د قربانیانو شمېر ۶۳ ته لوړ شوی دی. اسوشېټېډپرېس خبري اژانس په روغتونونو کې د یوشمېر ټپيانو له مړه کېدو وروسته پرون چهارشنبه دغه شمېرې خپرې کړي دي. برید د یکشنبې په ورځ د مولانا فضل الرحمان په مشرۍ د جمعیت علمای اسلام پر یوه غونډه وشو چې مسوولیت یې داعش وسله‌والې ډلې ومانه. د پاکستان دصدر اعظم شهباز شریف په ګډون بېلابېلو چارواکو د ملامتۍ ګوته افغانستان ته نیولې، خو طالب چارواکو تازه په دې اړه څه نه دي ویلي. پخوا تر دې د طالبانو د بهرنیو... Читать дальше...

ټاکل شوې د افغانستان او قزاقستان ترمنځ درې ورځنۍ اقتصادي غونډه نن د اګست په درېیمه په استانه کې پيل شي. د قزاقستان د بهرنیو چارو وزارت وایي، ۱۵۰ تنه افغان چارواکي او سوداګر دغې غونډې ته بلل شوي دي. دغه وزارت ویلي، په دغو کسانو کې هېڅ داسې کس نه‌شته چې د نړیوالو له خوا دې د بندیزونو په لېست کې شامل وي. د طالبانو د صنعت او سوداګرۍ وزارت بیا وایي، د دوی د سرپرست وزیر نورالدین عزیزي په مشرۍ پلاوی د افغانستان او قزاقستان د سوداګریزې نښلېدا دغې غونډې ته ورغلی دی. د دغه وزارت په وینا، د غونډې مقدماتي مراسم پرون چهارشنبه پيل شوي دي.

د ایران د بشري حقونو یو بنسټ چې مرکز یې په ناروې کې دی وایي، په روان ۲۰۲۳م کال کې د ایران دننه اعدامونو کې د پام وړ زیاتوالی راغلی دی. د ایران د بشري حقونو یوه بنسټ په ایران کې د اعدامونو پر روان بهیر نیوکه کړې او ویلې يې دي، ځینو مواردو کې د محکوم شوي کس شرایطو او نیت ته پام نه کېږي. دغه بنسټ پرون چهارشنبه په یوه اعلامیه کې ویلي، د روان میلادي کال له پيله ۴۲۳ کسان اعدام شوي چې د تېر کال همدې مودې پرتله ډراماتیک زیاتوالی ښيي. د اعلامیې له مخې یوازې تېره جولای میاشته کې ۶۱ کسان په ایران کې اعدام شوي دي. Читать дальше...

یوه افغان ځوان وسیم شینواري چې په اسپانیا کې انلاین کاروبار کوي په یوه سمبولیک ګام کې په سپوږمې کې د افغان نجونو د ښونځي لپاره یوه نمره ځمکه اخیستې. هغه وایي، له دې اقدامه یې هدف دا دی چې نړۍ ته وښيي، د افغان نجونو لپاره تعلیمي شرایطو په برابرېدو کې مرسته وکړي. وسیم شینواري له 'لونر لینډ' کمپنۍ څخه په انلاین ډول دغه نمره اخیستې چې په وینا یې لګښت یې هم دومره ډېر نه دی. له نوموړي سره زمونږ همکار اسداله لودین مرکه کړې او په سر کې یې د دې سمبولیک ګام په اړه معلومات ترې غوښتي چې د لاندې لېنک په کېکاږلو يې اورېدلی شئ... Читать дальше...

د طالبانو امنیتي مسوولانو تر همیشه بهار راډیو تلوېزیون وروسته ننګرهار کې دوه نورې راډیوګانې هم پرون بندې کړې. له تېرو درېیو ورځو راهیسې په ننګرهار کې درې رسنیز بنسټونه د طالبانو د ځایي امنیتي مسوولانو له‌خوا تړل شوي دي. په لومړي ګام کې د تېرې دوشنبې په ورځ د همیشه بهار راډیو تلوېزیون ستډیوګانې بندې او په دویم هغه کې پرون چهارشنبه د نن او ځوانانو په نوم راډیوګانې هم بندې شوې. دغو درې واړه رسنیزو بنسټونو د اقتصادي ستونزو له کبله په جلال اباد کې په ګډه یوه حویلۍ کرایه کړې وه او خپلې خپرونې یې کولې. Читать дальше...