Новости за 04.08.2023

په مسکو کې یوې محکمې د حکومت سیاسي مخالف الکسي ناوالني په ۱۹ کاله بند محکوم کړ. ناوالني، چې په زندان کې خپل نهه کلن بند تېروي، نن په ۱۹ کلونو بند محکوم شو. ۴۷ کلن ناوالني چې د روسیې د حکومت سیاسي مخالف دی، په اختلاس، په ټولنه کې د افراطیت په خپرولو او په نورو خطرناکو عملونو تورن شوی دی. ناوالني ټول تورونه رد کړي او ویلي دي چې دا تورونه سیاسي انګېزه لري. دا لا څرګنده نه ده چې د ناوالني نوې سزا به د هغه پخوانۍ سزا ته اضافه شوي وي او که هغه په ټوله کې له ۱۹ کاله بند سزا سره مخ شوی دی. دی د... Читать дальше...

د بریتانیا د کډوالو شورا وايي، د دغه هېواد حکومت په خپله هغه ژمنې کې چې د برتانوي ځواکونو د افغان همکارانو 'تود هرکلی' به کوي، پاتې راغلى دى. د بریتانیا د کډوالو شورا وايي، د دغه هېواد حکومت د خپل افغان همکارانو د 'تود هرکلي' په برخه کې پاتى راغلى او دا ناکامي لامل شوې چې دوی بریتانیا ته د رسېدو په موخه خطرناکې لارې غوره کړي. دغې شورا د پنجشنبې په ورځ د یوه راپور په خپرولو سره ویلي چې د لېږد د بهیر د ناکامۍ له امله تېر کال له اتو زرو څخه ډېر افغانان د کښتیو له لارې تللي، زیاتوي چې دوی خپل ځانونه... Читать дальше...

هغه پاکستانۍ نجلۍ چې د چادري په لرې کولو سره د رزمي لوبو ډګر ته ننوځي.

د کابل یو شمېر ښاریان وايي، د هوا له تودېدو سره د برښنا پرچاوي لا ډېره شوې ده. د کابل د چهلستون اوسېدونکی مختار وايي، د هوا په تودېدو سره د برښنا پرچاوي تر پخوا لا ډېره شوې ده. ده ازادي راډيو ته وویل، د سختې ګرمې له امله یې ماشومان د شپې خوب نه لري. هغه زیاته کړه: "کابل کې په ۲۴ ساعتونو کې درې/ څلور ساعته هم موږ برښنا نه لرو. د ورځې خو برښنا نه وي بیا شپې له خوا په نوبت برښنا وي. کله چې ویده کېږو خو هوا ډېره ګرمه وي او پکي ته اړتیا وي، ماشومان مو هېڅ نه ویده کېږي. بل یخچال ته اړتیا وي چې یخې اوبه وڅښو. Читать дальше...

په تور سمندرګي کې د روسیې پر یوه لویه پوځي اډه او په کریمیا کې چې روسیې اشغال کړې، د بې‌پېلوټه الوتکو حملې شوې دي. تېره شپه په تور سمندرګي کې د روسیې پر لوی ترینه پوځي اډه او کریمیا ټاپووزمې چې مسکو په غیرقانوني ډول له خپلې خاورې سره الحاق کړې، د بې‌پېلوټه الوتکو حملې شنډې کړای شوي دي. دا حملې د دې سبب شوي چې د روسیې په یو له لویو بندرونو کې د کښتیو تګ راتګ د لنډ وخت لپاره وځنډول شي. د روسیې دفاع وزارت نن سهار ویلي چې د سمندري ځواک دوو بې پېلوټه الوتکو د تور سمندرګي په نوفو رو سېسک کې د روسیې د سمندري ځواکونو پر یوه اډه حمله کړې ده. Читать дальше...

د روسیې دفاع وزارت نن سهار ویلي چې د سمندري ځواک دوو بې‌پیلوټه الوتکو د تور سمندرګي په نوفو رو سېسک کې د روسیې د سمندري ځواکونو پر یوه اډه حمله کړې ده. دغه وزارت په یوه اعلامیه کې ویلي، بې چلوونکو کښتیو د روسیې له هغو بېړیو چې د سمندري ځواکونو د اډې ساتنه کوي، دغه بې پېلوټه الوتکې کشف او ویجاړې کړې. تر دې مخکې د ټلګرام په کانال کې په سمندرګي کې د چاودنو راپورونه ورکړل شوي وو. د روسیې ریا نووستي اژانس د کراسنودر سیمې د والي وینیامین کوندراتییف په حواله راپور ورکړی و چې ویلي یې دي، په دې حمله کې چا ته مرګژوبله نه ده اوښتې. Читать дальше...

د ملګرو ملتونو د خوړو نړیوال پروګرام وايي، په افغانستان کې یې له څه باندې پنځه سوه زره کسانو سره مرسته کړې چې د کسبونو په زده کولو سره په خپلو پښو ودرېږي. دغې ادارې نن جمعه په خپل ټویټر کې د بادغیس د اوسېدونکې لیلا څرګندونې خپرې کړي چې وايي، د خیاطۍ د مهارت په زده کولو سره توانېدلې د خپلې کورنۍ نفقه برابره کړي. د خوړو نړیوال پروګرام لیکلي چې د نویو کسبونو زده کول له ښځو سره مرسته کوي چې پیسې وګټي. څه کم دوه کاله مخکې پر افغانستان د طالبانو د ولکې له بیا ټینګولو وروسته په اکثرو دولتي ادارو کې... Читать дальше...

د افغانستان د هواپېژندنې ملي ادارې په اتو ولایتونو کې د سختو اورښتونو او سېلابونو اټکل کړی دی. دغې ادارې ویلي، نن او سبا شنبه په نورستان، کونړ، لغمان، ننگرهار، لوګر، پکتیا، خوست او پکتیکا کې د سختو اورښتونو په نتیجه کې د سېلابونو د راوتلو اټکل شوی دی. بلخوا د روغتیا نړیوال سازمان یا 'ډبلیو ایچ او' په افغانستان د هوا د بېساري تودېدو خبرداری ورکړی او له کورنیو څخه یې غوښتي چې له تودې هوا څخه د خلاصون لپاره یولړ سپارښتنې عملي کړي. د هوا پېژندنې د ادارو د اټکل له مخې، نن جمعه او د شنبې په ورځ به... Читать дальше...

د بشري حقونو بنسټ 'فریډم نو' یوځل بیا د قلم لار بنسټ مشر مطیع‌الله ویسا د ژر تر ژره خوشې کېدو غوښتنه کړې ده. د قلم لار بنسټ د مشر مطيع‌الله ويسا د خوشې کېدو لپاره يو ځل بيا د طالبانو پر  حکومت غږ وشو. یاد بنسټ تېره ورځ په خپله ټویټرپاڼه لیکلي:  "موږ نه‌شو کولای مطیع‌الله ویسا د زده کړې هغه زړور فعال هېر کړو چې په افغانستان کې یې د نجونو د زده کړو ملاتړ کاوه." 'فریډم نو' زیاته کړې، مطیع‌الله ویسا چې پرته له کوم دلیله په ناحقه نیول شوی، د څلور میاشتو راهیسې د طالبانو په بند کې دی. د يادونې... Читать дальше...

د ملګرو ملتونو د امنیت شورا د خوړو د خوندیتوب په غونډه کې چې تېره ورځ ترسره شوه، د برېتانیا، روسیې، قطر، پاکستان، سویزرلنډ او هند په ګډون د یو شمېر هېوادونو استازو د ملګرو ملتونو د امنیت شورا په غونډه کې په افغانستان کې د بشري وضعیت او د خوړو د نا امنۍ په اړه اندېښنه ښودلې ده. د خوړو د خوندیتوب په اړه په دې جوړه شوې غونډه کې د ملګرو ملتونو سازمان له قحطۍ سره د مبارزې او مخینوي همغږې کوونکې رینا ګېلاني وویل: په ۲۰۲۲ کال کې د نړۍ په کچه ۲۵۰ میلیونه انسانان له سختې لوږې سره مخ وو. نوموړې وویل چې... Читать дальше...

د افغانستان د تکواندو ملي لوبغاړو د کوریا له یوې ازادې نړیوالې سیالۍ څخه څلور د ژېړو/برنزو او دوه د سپینو زرو/نقرې مډالونه وګټل.  دغو سیالیو کې د دېرش هېوادونو ۲۲۰ لوبغاړو ګډون کړی.  له افغانستانه اته لوبغاړي ورغلي.  په دویم وزن کې محسن رضايي د امریکا، جنوبي کوریا او استرالیا لوبغاړي مات کړل او د سپینو زرو مډال یې په غاړه کړ.  په اووم وزن کې اشرف شکران د جنوري کوریا لوبغاړی مات کړ او د دویم مقام په ګټلو یې د نقرې مډال خپل کړ.  د افغانستان لپاره د برنزو مډالونه حکمت الله زین، رامین امیني، رامش حسیني او علي اکبر امیري ګټلي.

د امریکا پخوانی ولسمشر ډونالډ ټرمپ په واشنګتن ډي سي کې یوې فدرال محکمې ته ورغی او ویې ویل چې بېګناه دی.  دا درېیم وار وو چې ټرمپ محکمې ته حاضر شو.  د ډونالډ ټرمپ محاکمه د مازدیګر د څلور بجو وروسته پداسې حال کې پیل شوه چې په ښار کې سخت امنیتي تدابیر نیول شوي وو.  ټرمپ باندې تور لګول شوی چې د ۲۰۲۰ کال د ټاکنو د پایلو د بدلولو هڅه یې کړې. د هغه پلویانو بیا د ۲۰۲۱ کال د جنوري په شپږمه د امریکا د کانګرس په ودانۍ کپېټول هېل باندې یرغل ور ووړ.   له پولیسو سره په اخ او ډب کې پنځه کسان ووژل شول او تر سلو ډېر پولیس ټپیان شول. Читать дальше...

واشنګټن ايګزامينر: واشنګټن ايګزامينر په خپله تازه ګڼه کې د قطر په پلازمېنه دوحه کې له طالبانو سره د امريکايي پلاوي د وروستۍ ناستې په اړه ليکنه خپره کړې او ليکلي چې امريکايي چارواکو په دې ناسته کې ډېرو ژورو مسايلو ته پام نه دی کړی. د مقالې لیکوال بیت بیلي چې د فاکس نیوز لپاره هم مقالې لیکي او له افغانستانه د امریکا له وتلو وروسته د تراژیدۍ تر نامه لاندې د پروژې مشري کوي، په دې باور ده چې امریکايي چارواکو د دوی غونډه ډېره مثبته ارزولې په داسې حال کې چې حیاتي مسایل په جدي توګه ندي لیدل شوي. د... Читать дальше...

د اوکراین ولسمشر ولودیمیر زیلینسکي وايي، د ده د هېواد ځواکونه که څه هم د روسیې پرضد له بېرحمانه جګړې سره مخامخ دي، خو دی زیاتوي چې اوکراین به بالاخره بریالی کېږي.  ښاغلي زیلینسکي زیاته کړه، چې روسي ځواکونه چې هرڅه کوي، خو په روانه جګړه کې اوکرایني ځواکونه مخکې دي.  د اوکراین د وسله وال پوځ ستر درستیز بیګا راپور ورکړ، چې د جبهې په لومړۍ کرښه کې یې دېرش نښتې ثبت کړې دي. د پوځ په بیان کې راغلي، چې د اوکراین پوځ د ختیځ بخموت ښار په شاوخوا کې د ایوانوفسکي ښار په جنوب او جنوب ختیځ کې د روسیې حملې په شا تمبولي دي. Читать дальше...

پولنډ خبرداری ورکړی چې په بېلاروس کې د روسیې د واګنر ملېشو د ځای پرځای کولو هدف، په داسې حال کې چې د اوکراین جګړه روانه ده د ناټو د ختیځې څنډې بې ثباته کول دي.  د پولنډ صدراعظم ماتیوس موراویڅکي پرون- د اګست ۳مه د لیتوانیا له ولسمشر ګیتاناس ناوسیدا سره تر کتنې وروسته وویل، د ناټو غړي باید خپل پام زیات کړي، ځکه د ده په وینا د خطرونو احتمال ډېر دی.  دا څرګندونې دوه ورځې وروسته له هغه کېږي چې د بیلاروس دوه پوځي هیلیکوپټرې په سرحد کې د روزنیزو تطبیقاتو پرمهال د لنډ وخت لپاره د پولنډ فضايي قلمرو ته ننوتلې. Читать дальше...

د خوړو نړیوال پروګرام WFP وايي چې د روان میلادي کال له پیله د دې ادارې په مرسته په افغانستان کې څه باندې څلور میلیون ماشومانو او ښځو ته د خوارځواکۍ د مخنیوي ځانګړي خواړه ویشل شوي دي.  د ملګروملتونو دې اړوند سازمان پر خپل ټویټر په یوه بیان کې لیکلي چې اوس مهال له درې میلیون زیات افغانان په خوارځواکۍ اخته دي.  له دې مخکې د ماشومانو د ملاتړ لپاره د ملګروملتو د مرستې صندوق یونیسیف ویلي و، چې د روان ۲۰۲۳ کال په لومړیو پنځو میاشتو کې یې په افغانستان کې په خوارځواکۍ د اخته ۲۷۳ زره ماشومانو د درملنې په چاره کې یې مرسته کړې ده. Читать дальше...

د خبریالانو  د ملاتړ یوې نړیوالې ټولنې د طالبانو له حکومته غواړي چې د رسنیو د ځپلو اقدامات بند کړي. د خبریالانو د خوندیتوب ټولنې CPJ چې مرکز یې په نیویارک کې دی، د ننګرهار د همېشه بهار راډیو ټلویزیون د خپرونو بندیدو ته د په اشارې په ترڅ کې ویلي دي چې طالب چارواکي دې د رسنیو د بېرحمانه ځپل پای ته ورسوي او اجازه دې ورکړي چې د دې رسنۍ خپرونې دوام ولري.  د راپورونو له مخې، د یکشنبې په ورځ د طالبانو شاوخوا شل تنه پولیس په جلال آباد ښار کې د همېشه بهار راډیوټلویزیون پر ودانۍ په داسې حال کې چې هلته... Читать дальше...

د روغتیا نړیوال سازمان WHO په افغانستان د هوا د بیساري تودېدو خبرداری ورکړی او له کورنیو څخه یې غوښتي دي چې له تودوخې څخه د خلاصون لپاره یولړ سپارښتنې عملي کړي.  د هوا پېژندنې د ادارو د اټکل له مخې، نن جمعه او د شنبې په ورځ به د افغانستان په ځینو سیمو کې د تودوخې درجه د سانتي ګراد له دېرشو درجو لوړه شي.  WHO پر خپل ټویټر په یو بیان کې چې پرون خپور شو سپارښتنه کړې، چې خلک دې په لمر کې نه ګرځي، اوبه ډېرې دې څښي، په هغو ځایونو کې له کار کولو دې ډډه وکړي چې تودوخه پکې لوړه ده او ماشومان دې په پارکینګونو کې په موټرو کې یوازې نه پرېږدي.

اسلامي دولت ډلې یا داعش په سوریه کې د خپل لږ پېژندل شوي مشر ابوالحسین حسیني القریشي د وژل کېدو خبر ورکړی او ویلي یې دي چې دې ډلې خپل نوی مشر غوره کړی دی. القریشي له نوامبر میاشتې راهیسې د داعش مشري کوله. نوموړې ډلې نه دي ویلي، چې القریشي څه وخت وژل شوی خو ویلي یې دي چې هغه د القاعده شبکې له یوې اړوندې ډلې سره په جګړه کې وژل شوی دی. د ۲۰۱۴ کال په جون میاشت کې د ابوبکرالبغدادي له خوا د داعش تر جوړېدو او د عراق او سوریې په پراخو سیمو کې د دې ډلې د خلافت تر اعلان وروسته القریشي د داعش څلورم مشر دی چې وژل کېږي. Читать дальше...

داسې مهال چې د طالبانو د حکومت او پاکستان ترمنځ د تروریستي ډلو د پټنځایونو پر سر ناندرۍ روانې دي، د پاکستان او ایران د بهرنیوچارو وزیرانو موافقه کړې چې د افغانستان په مسایلو کې ښکېل پاتې شي. د پاکستاني رسنیو د راپورونو له مخې، بلاول بوټو زرداري او حسین امیر عبداللهیان پرون په یوه ګډه خبري غونډه کې د وینا پرمهال وویل دواړو هېوادونو موافقه کړې چې په ګاونډي افغانستان کې د سولې او ثبات د پرمختګ لپاره به خپلې فعالې ښکېلتیا ته دوام ورکوي. جیو نیوز چینل په دې خبري غونډه کې د ایران د بهرنیوچارو د وزیر... Читать дальше...

د طالبانو حکومت د امام خمیني د مرستو د کمېټې دفترونه په کابل، هرات او مزارشریف کې تړلی دی. په ایران کې د جماران خبري اژانس راپور ورکړی، چې د دې کمېټې دفترونه یوه میاشت وړاندې په کابل او درې ورځې وړاندې په مزار شریف او هرات کې تړل شوي دي. د راپور پر بنسټ، د دې کمیتې دفتر لا د نیمروز ولایت په مرکز زرنج کې خلاص دی. تراوسه د دې دفترونو د تړل کیدو علت معلوم نه دی. د طالبانو حکومت هم په دې اړه څه نه دي ويلي. د راپورنو پر بنسټ، د امام خمیني د مرستو کمېټه د کار او ټولنیزو چارو له وزارت سره ثبت او اقتصاد وزارت ته يې مالیه ورکوله. Читать дальше...