Новости за 03.04.2020

(Лениногорск, 3 апрель, «Татар-информ», «Заман сулышы»). Лениногорск хокук сакчылары катлаулы эпидемиологик чорда олы яшьтәге, ялгыз ветераннарына адреслы ярдәм күрсәтә. Бу турыда Эчке эшләр бүлеге матбугат хезмәтенә сылтама белән район басмасы хәбәр итә.

(Кукмара, 3 апрель, «Татар-информ», «Хезмәт даны»). Кукмара районы башлыгы Сергей Димитриев коронавирус таралу белән бәйле рәвештә авыр тормыш хәлендә калган район халкына азык продуктлары алу өчен акча күчерде. Бу турыда район басмасы хәбәр итә.

(Казан, 3 апрель, «Татар-информ»). Иртәгә, 4 апрельдә, Татарстанда һава температурасы 16 градуска кадәр күтәреләчәк. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 3 апрель, «Татар-информ»). Башкортстанда мәчет манарасыннан мөселманнарны карантин таләпләрен үтәргә чакыралар. Башкортстан мөселманнары Диния нәзарәте рәисе мөфти Айнур Биргалин «Намазга чакыру өчен кулланыла торган тавыш көчәйткечләрне халыкны үз-үзеңне изоляцияләү режимын үтәргә чакыру максатында куллану турында»гы боерык имзалаган. Бу турыда Россия Мөфтиләр шурасы хәбәр итә.

(Казан, 3 апрель, «Татар-информ»). Тарих фәннәре кандидаты Айрат Фәйзрахманов иртәгә, 4 апрельдә, йортның 15 нче катында урнашкан балконнан онлайн экскурсия уздырырга ниятли. Бу турыда ул Фейсбук челтәрендәге сәхифәсендә хәбәр итте.

(Казан, 3 апрель, "Татар-информ"). Россия кошларны саклау берлеге иң яхшы сыерчык оясы буенча VIII интернет-конкурста катнашырга чакыра. Эшләрне 30 апрельгә кадәр кабул ителә. Бәйгедә теләге булган һәркем катнаша ала. Бу турыда Татарстан Урман хуҗалыгы министрлыгының матбугат хезмәте хәбәр итте.

(Казан, 3 апрель, «Татар-информ», Наталия Никифорова). Татарстанда юл патруль хезмәте инспекторлары һәм росгвардиячеләр «Безнең өчен өйдә утыр» бөтендөнья флешмобына кушылды. Бу турыда Дәүләт автоинспекциясендә хәбәр иттеләр.

(Казан, 3 апрель, «Татар-информ», Рәмис Латыйпов). Финляндиянең Ярвенпяа шәһәрендә яшәүче җырчы Җәмилә Бакир «Татар-информ» хәбәрчесенә үзенең коронавируска тест тапшыруы хакында сөйләде.

(Казан, 3 апрель, «Татар-информ»). 4 апрельдә теләге булган һәркем «Тоталь диктант» онлайн-марафонына кушыла ала. Җиде сәгать дәвамында лекцияләр белән экспертлар һәм чакырылган кунаклар чыгыш ясаячак. Бу турыда Казан мэриясе матбугат хезмәте хәбәр итте.

(Казан, 3 апрель, «Татар-информ», Зилә Мөбәрәкшина). Татарстаның атказанган артисты Фирдүс Тямаев карантинда үз-үзеңне изоляцияләү режимында утыручыларның концертны карап, кәефләре күтәрелсә, шуңа шат булуын сөйләде. Җырчы әлеге минутларда #айдадомой онлайн-концертлар марафонында чыгыш ясый.

(Чаллы, 3 апрель, «Татар-информ»). «КАМАЗ» ГАҖ генераль директоры Сергей Когогин производство эшли башлавы турында рәсми рәвештә хәбәр итте.

(Казан, 3 апрель, «Татар-информ»). Казанлылар өйдән чыкмыйча гына Ирек мәйданы турында экскурсия тыңлый ала. Экскурсияне туган якны өйрәнүче Марк Шишкин үткәрә. Бу турыда Казан мэриясенең матбугат хезмәте хәбәр итте.

(Казан, 3 апрель, «Татар-информ», Зилә Мөбәрәкшина). Киләсе ике атна дәвамында Татарстанда кече бизнес вәкилләре өчен чикләүләр үз көчендә кала. Чикләүләрнең бер өлеше 19 апрельдән соң бетерелергә мөмкин. Бу хакта Кулланучы хокукларын яклау һәм кеше иминлеге өлкәсендә күзәтчелек федераль хезмәтенең Татарстан буенча идарәсе җитәкчесе Марина Патяшина Хөкүмәт Йортында узган брифингта сөйләде.

(Казан, 3 апрель, «Татар-информ», Зилә Мөбәрәкшина). Татарстанда онкология белән авыручыларга, кирәкле ярдәм алу өчен, медицина учреждениеләренә бару рөхсәт ителгән. Бу хакта бүген Татарстан Министрлар Кабинетында узган брифингта Татарстан Премьер-министры урынбасары Ләйлә Фазлыева хәбәр итте.

(Казан, 3 апрель, «Татар-информ»). Татарстан Президенты Рөстәм Миңнеханов үз-үзеңне изоляцияләү чорын бакчада үткәрүче татарстанлыларга үсентеләр һәм орлыклар бирү мөмкинлеген булдырырга йөкләде. Бу турыда «Татар-информ» агентлыгына Татарстан Президенты матбугат хезмәте җитәкчесе Лилия Галимова хәбәр итте.

(Казан, 3 апрель, «Татар-информ», Зилә Мөбәрәкшина). Татарстанда мәйданы йөз квадрат метрдан кимрәк булган кибетләрдә басма матбугатны сатарга рөхсәт ителә. Бу хакта Хөкүмәт Йортында узган брифингта ТР Премьер-министры урынбасары Ләйлә Фазлыева хәбәр итте.

(Казан, 3 апрель, «Татар-информ»). Татарстанда сентябрьгә планлаштырылган Татарстан Президентын сайлау, муниципаль сайлаулар һәм республика Дәүләт Советына өстәмә сайлаулар көне әлегә күчерелмәячәк. Бу хакта Татарстан Үзәк сайлау комиссиясе рәисе Андрей Кондратьев сөйләде.

(Казан, 3 апрель, «Татар-информ», Александра Давыдова). Үз-үзеңне изоляцияләү чорында эшли торган предприятиеләрдә санитария-дезинфекция режимын үтәү буенча катгый таләпләр куела. Бу турыда Кулланучы хокукларын яклау һәм кеше иминлеге өлкәсендә күзәтчелек буенча федераль хезмәтнең Татарстан буенча идарәсе җитәкчесе Марина Патяшина сөйләде.

(Казан, 3 апрель, «Татар-информ). «Татар радиосы» коронавирус чорында җырчыларга ярдәм итү максатыннан барлык яңа җырларны эфирга бушлай бирәчәген белдерде. Бу хакта радионың директоры Динә Гәрәева инстаграмда язган.

(Казан, 3 апрель, «Татар-информ», Зилә Мөбәрәкшина). Татарстан Премьер-министры урынбасары Ләйлә Фазлыева якын арада Татарстанда SMS-пропуск белән урамга чыгу вакыты арттырылырга мөмкинлеген әйтте. Бу хакта ул бүген Хөкүмәт Йортында узган брифингта хәбәр итте.

(Казан, 3 апрель, «Татар-информ», Зилә Мөбәрәкшина). Бүгенге көндә Татарстанга чит илләрдән һава юллары аша кайтучылар көтелми. Бу хакта Хөкүмәт Йортында узган брифингта Татарстан Премьер-министры урынбасары Ләйлә Фазлыева хәбәр итте.

(Казан, 3 апрель, «Татар-информ»). Россиянең федераль салым хезмәте территориаль салым органнарында салым түләүчеләрне кабул итүне туктатып тора. Бу турыдагы мәгълүмат Федераль салым хезмәте сайтында чыкты.

(Казан, 3 апрель, «Татар-информ», Зилә Мөбәрәкшина). ТР Премьер-министры урынбасары Ләйлә Фазлыева азык-төлек сатучы кибет челтәрләре һәм даруханәләр эшчәнлеген туктатмаячагын белдерде. Бу хакта ул Хөкүмәт Йортында оештырылган туры элемтә вакытында сөйләде.

(Казан, 3 апрель, «Татар-информ», Эвелина Киселёва). Татарстанның төзелеш өлкәсе Covid-19 коронавирус пандемиясе белән бәйле кризистан лаеклы чыгарга тиеш. Бу хакта Татарстан Төзелеш, архитектура һәм торак-коммуналь хуҗалык министры урынбасары Илшат Гыймаев «коронавирус чорында күчемсез милек базары перспективалары» дигән кризиска каршы интенсивта сөйләде.

(Казан, 3 апрель, «Татар-информ», Зилә Мөбәрәкшина). Кулланучыларның хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе җитәкчесе Марина Патяшина Татарстанда Covid-19 коронавирус инфекциясе таралу куркынычы янаган вакытта үз-үзеңне изоляцияләү режимын бозучыларга барлыгы 356 беркетмә төзелгәнлеген әйтте. Бу хакта ул ТР Министрлар Кабинетында узган брифингта сөйләде.