Новости за 18.04.2020

(Аксубай, 18 апрель, «Татар-информ», «Авыл таңнары», Людмила Жаренова). Аксубайда подъездларны, зур кибетләр янындагы парковкаларны һәм үзәк урамнарны дезинфикцияләү атнага ике тапкыр даими үткәреләчәк.Бу турыда район басмасы хәбәр итә.

(Әлки, 18 апрель, «Татар-информ», «Әлки хәбәрләре»). Әлки районы урманчылыгы бу язда 27 гектарда каен һәм нарат агачлары утырту планлаштырылган. Бу турыда район басмасы хәбәр итә.

(Казан, 18 апрель, «Татар-информ»). 20 апрельдән башлап Татарстан кешеләре кибеттә һәм җәмәгать транспортында медицина битлеге яки респиратор киеп йөрергә тиеш. Татарстан Премьер-министры Алексей Песошин шул хактагы карарны имзалады. Әлеге документ Татарстан Хөкүмәте сайтында чыкты.

(Казан, 18 апрель, «Татар-информ»). Татарстан Республикасы Президенты Рөстәм Миңнеханов Пасха бәйрәме уңаеннан халыкка мөрәҗәгать итте. 

(Алексеевск, 18 апрель, «Татар-информ», «Таң», Алексей Вангаев). Алексеевскида район бюджетыннан биш мең сум күләмендә бер тапкыр бирелә торган акча шәхси ярдәмче хуҗалыклар башлыкларына бирелә. Бу турыда җирле басма хәбәр итә.

(Аксубай, 18 апрель, «Татар-информ», «Авыл таңнары»). Аксубай урманчылыгы һәм урман хуҗалыгы коллективы Татарстан Урман хуҗалыгы министрлыгының янгынга каршы акциясен хуплады. Урман хезмәткәрләре, район халкын урманга барудан һәм учак ягудан тыелырга өндәп, төп мәгълүмати юллама белән флешмоб оештырдылар. Бу турыда район басмасы хәбәр итә. 

(Казан, 18 апрель, «Татар-информ»). 24 апрельдә изге Рамазан ае, изге гамәлләр һәм яңа мөмкинлекләр ае башлана. «Мәскәү татарлары штабы» традицион ифтарлар урынына «Рамазан ае барышында мохтаҗларга һәм аз керемлеләргә ярдәм ит» дигән хәйрия акциясе үткәрәчәк. Бу хакта «Мәскәү татарлары штабы»ның матбугат хезмәте хәбәр итә.

(Казан, 18 апрель, «Татар-информ»). Татарстанда 20 апрельдән чәчтарашханәләр эшли башлаячак. Татарстан Премьер-министры Алексей Песошин шул хакта документны имзалады. Әлеге карар Татарстан Хөкүмәте порталында чыкты.

(Казан, 18 апрель, «Татар-информ», «Сөембикә», Лилия Гәрәева). Ярты миллионлы тираж белән бөтен СССРга таралучы журнал тышында сурәтләре басылып чыкканнан соң тормышларында нинди үзгәрешләр булды икән аларның? Бу проект шул хакта да… Татарстан тарихында аларның — ул чорда «Азат хатын», бүген инде «Сөембикә» булып басылучы журналыбыз геройларының да салган эзләре бар.

(Казан, 18 апрель, «Татар-информ», Полина Шевчук). Татарстанның ЮХИДИ идарәсе үзизоляция чорында шәһәрара автобуслар һәм таксида пассажирларны йөртү кагыйдәләре хакында искәртә. Бу хакта «Татар-информ» агентлыгына республика Дәүләт автоинспекциясеннән хәбәр иттеләр.

(Казан, 18 апрель, «Татар-информ», Алексей Угаров). Татарстан Президенты Рөстәм Миңнеханов РФ Премьер-министры Михаил Мишустинга шәхси эшкуарлар һәм үзмәшгульләргә ярдәм күрсәтү үтенече белән хат юллады. Бу хакта ТР Президентының матбугат хезмәте җитәкчесе Лилия Галимова хәбәр итте.

(Казан, 18 апрель, «Татар-информ»). Татарстанда коронавирус инфекциясенә 29 меңгә якын тест үткәрелгән, шуның 678е – узган тәүлектә. Бу хакта Роспотребнадзорның ТР буенча идарәсе матбугат хезмәте хәбәр итә.

(Казан, 18 апрель, «Татар-информ»). Татарстан Республикасы Милли китапханәсенең кулъязмалар һәм сирәк китаплар бүлеге, «Чаян» журналына нигез салучыларның берсе Мәхмүт Кәшфелһади улы Бөдәйлинең тууына 125 ел тулуга багышлап, «Мәхмүт Бөдәйли һәм „Чаян“ журналы» дигән виртуаль күргәзмә тәкъдим итә. Бу турыда китапханәнең матбугат хезмәте хәбәр итте.

(Казан, 18 апрель, «Татар-информ»). Россия Мөфтиләр шурасы рәисенең беренче урынбасары, Россия мөселманнары Диния нәзарәте башлыгы урынбасары Рушан Аббясов мөселманнарның мәчетләрнең ябылуына, хаҗ сезоны булмый калу ихтималына карата фикере турында Sputnik Үзбәкстан басмасына сөйләде. Бу хакта Россия Мөфтиләр шурасы сайты хәбәр итә.

(Казан, 18 апрель, «Татар-информ»). 23 апрельдә «Самар татарлары» журналының быелгы беренче саны дөнья күрер дип көтелә. Басманың журналистлары ТР Дәүләт Советы Рәисе, Татарстан халыклары Ассамблеясы Советы рәисе Фәрит Мөхәммәтшин белән интервью әзерләгән. Бу хакта «Самар татарлары» сайты хәбәр итә.

(Казан, 18 апрель, «Татар-информ»). Россиянең Европа өлешендәге зур территориядә май аенда җылы һава торышы фаразлана. Бу хакта «Российская газета» Росси Гидрометеоүзәгенең лаборатория мөдире Людмила Паршинага сылтама белән хәбәр итә.

(Казан, 18 апрель, «Татар-информ»). Җырчы Лилия Муллагалиева бүген кич онлайн-концерт күрсәтәчәк. Бу турыда ул социаль челтәрләрдә хәбәр итте.

(Казан, 18 апрель, «Татар-информ»). Татарстан Президенты Рөстәм Миңнеханов, республиканың район башлыкларына мөрәҗәгать итеп, коронавирус инфекциясенә каршы көрәштә җәлеп ителгән барлык структураларның төгәл эшчәнлеген оештырырга йөкләмә бирде.

(Казан, 18 апрель, «Татар-информ»). Ульяновск өлкәсендә моннан алты ел элек төбәк мөселманнарының Диния назарәте каршында оештырылган «Сәдака» хәйрия фонды ялгыз әби-бабайларга, авыру балаларга ярдәм итә, өлкәдә уза торган һәртөрле хәйрия чараларында катнаша. Узган ел гына да алар изгелек эшенә дүрт миллион сумнан артык акча тоткан. Бу турыда Бөтендөнья татар конгрессы хәбәр итте.

(Казан, 18 апрель, «Татар-информ», Алексей Угаров). Татарстан әлегә коронавирусны кисәтү белән бәйле чикләү чараларын йомшарта алмый, чөнки республика авыруның иң югары ноктасын әле узмаган. Татарстан Президенты Рөстәм Миңнеханов Татарстан Хөкүмәте йортында узган киңәшмәдә шулай дип белдерде.

(Казан, 18 апрель, «Татар-информ», Алексей Угаров). Татарстан Президенты Рөстәм Миңнеханов республиканың сәүдә челтәрләрендә азык-төлек бәяләрен мониторинглау эшен көчәйтергә, шулай ук әйбер бәяләре нигезсез арттырылган очракта моңа игътибар бирергә кушты. Бу хакта Татарстан Президентының матбугат хезмәте хәбәр итә.

(Казан, 18 апрель, «Татар-информ»). «Татарстан» дәүләт телерадиокомпаниясе үзизоляция режимын бозучыларга ау башлануы турындагы ялган хәбәрләрне кире какты. Әлеге хәбәрләрне компаниягә сылтама белән кайбер социаль челтәрләр һәм мессенджерларда таратканнар иде.

(Казан, 18 апрель, «Татар-информ», «Шәһри Казан», Хәмидә Гарипова). Кәсебенә керешсәң, мул уңыш бирүчән суперэлита, элита бүлбеләрне үзебез дә җитештерә алабыз. Чыгымы юк дәрәҗәсендә, нәтиҗәсе — куандырырлык.  

(Казан, 18 апрель, «Татар-информ»). Татарстанда яңа төрдәге коронавирус инфекциясе йоктыручылар саны артачак. Татарстан сәламәтлек саклау министры урынбасары Владимир Жаворонков «Татар-информ» агентлыгына шулай дип белдерде.

(Казан, 18 апрель, «Татар-информ», Алексей Угаров). 20 апрельдән урамнарда массакүләм тикшерүләр турындагы имеш-мимешләр кебек үк, үзизоляция чорында эшкә чыгу өчен белешмәнең форматы үзгәрү хакындагы хәбәр дә — ялган. Татарстан Президентының матбугат хезмәте җитәкчесе Лилия Галимова социаль челтәрдә таралган хәбәрне фейк дип атады.