Новости за 24.04.2020

(Саба, 24 апрель, «Татар-информ», «Саба таңнары»). Бөтендөнья татар конгрессы һәм «Татарлар» газетасы тарафыннан оештырылган «Татар авылы» конкурсында Саба районы Гран-при яулады. Бу турыда район басмасы хәбәр итә.

(Казан, 24 апрель, «Татар-информ», Зилә Мөбәрәкшина). Бүген «Звезда» телеканалында тамашачылар игътибарына татар разведчигы Исхак Әхмәров турындагы «Исхак Ахмеров. Мистер «Резидент» фильмы тәкъдим ителә.

(Казан, 24 апрель, «Татар-информ», «Сөембикә»). «Сөембикә» журналы мәрхүмә Хәния Фәрхинең төрле елларда чыккан әңгәмәләренә нигезләнеп, тупланма эшләгән.

(Казан, 24 апрель, «Татар-информ»). Россия Дәүләт Думасында үз-үзеңне изоляцияләү режимы май бәйрәмнәреннән соң йомшарырга мөмкин дип фаразлыйлар. Бу хакта «Интерфакс» хәбәр итте.

(Казан, 24 апрель, «Татар-информ»). Татарстан Республикасы Премьер-министры урынбасары, Бөтендөнья татар конгрессы Милли шура рәисе Васил Шәйхразыев Самара өлкәсендә чыга торган «Бердәмлек» газетасын 30 еллык юбилее белән котлый. Бу турыда Бөтендөнья татар конгрессы матбугат хезмәте хәбәр итте.

(Казан, 24 апрель, «Татар-информ»). Татарстаннан сенатор Олег Морозов «Бердәм Россия» праймеризында катнашу өчен документлар тапшырды. Аларны Россия Дәүләт Думасына Түбән Кама бер мандатлы округы буенча сайлаулар алдыннан уздыру планлаштырыла. Бу хакта «Бердәм Россия» сәяси партиясенең Татарстан төбәк бүлеге мәгълүмат үзәгендә хәбәр иттеләр.

(Казан, 24 апрель, «Татар-информ»). Алабуга Үзәк район хастаханәсендә эшләүче табибның Covid-19 авыруына тесты уңай нәтиҗә күрсәткән. Бу турыда район матбугат хезмәте хәбәр итә.

(Казан, 24 апрель, «Татар-информ»). Covid-19 пандемиясе чорында Омск өлкәсе татарларының төбәк мохтарияте халыкның социаль якланмаган катламнарына ярдәм итә. Бу турыда Омск татарлары мохтарияте сайтында хәбәр итә.

(Казан, 24 апрель, «Татар-информ»). Татарстанда «Бердәм Россия» партиясе республика бүлегенең волонтерлык үзәге ярдәм сорап мөрәҗәгать итүчеләрнең киң даирәсен колачлады. Авылда ялгыз яшәүчеләргә дару, азык-төлек, сканворд газеталары сатып алырга, бакча казырга һәм хәтта мунча ягарга да ярдәм итәләр. Бу хакта партия сайтында хәбәр ителә.

(Казан, 24 апрель, «Татар-информ»). Татарстан Дәүләт Советы Рәисе Фәрит Мөхәммәтшин Төркия парламентарийларын Бөек милли җыенының 100 еллыгы белән котлады. Парламент җитәкчесе сүзләренчә, Татарстан Төркия парламентарийларының ике республика арасындагы хезмәттәшлекне ныгытуга керткән өлешен бәяли. Бу хакта Татарстан парламентының матбугат хезмәте хәбәр итә.

(Казан, 24 апрель, «Татар-информ»). Омск өлкәсенең Большереческ районында яшәүче ир-ат Омск шәһәрендә коронавирустан үлгән. Ул Казаннан кайткан булган. Бу хакта Омск өлкәсе буенча Сәламәтлек саклау министрлыгына сылтама белән «Город55» хәбәр итә.

(Казан, 24 апрель, «Татар-информ»). Татарстан Президенты Рөстәм Миңнеханов һәм «КАМАЗ» ГАҖ генераль директоры Сергей Когогин Россия Президенты илдәге автомобиль сәнәгатендә вазгыять һәм коронавирус пандемиясе вакытында тармакка ярдәм итүгә багышланган Владимир Путин рәислегендә киңәшмәдә катнашты. Бу хакта республика җитәкчесенең матбугат хезмәте хәбәр итә.

(Казан, 24 апрель, «Татар-информ»). Дагыстан мөфтияте коронавирустан үлгән кешләрнең мәетен юу өчен Махачкалада махсус мәчет билгеләде. Бу турыда мөфтиятнең матбугат хезмәтенә сылтама белән «Интерфакс» агентлыгы хәбәр итә.

(Казан, 24 апрель, «Татар-информ»). Бүген, Рамазан-шәриф аеның беренче көнендә, Татарстанда Галиев мәчетеннән Коръән хәтем кылу — Изге Китапны тулысынча укып чыгу башланды. Коръәннең беренче җүзен Татарстан мөфтие, Коръән-хафиз Камил хәзрәт Сәмигуллин укыды. Кәлам-шәрифне укыр алдыннан мөфти Изге Рамазан аена багышланган хәдисләр сөйләде. Бу турыда Татарстан Диния нәзарәте матбугат хезмәте хәбәр итте.

(Казан, 24 апрель, «Татар-информ»). Татарстан Президенты Рөстәм Миңнеханов «ЛУКОЙЛ» нефть компаниясенең Директорлар советы рәисе Валерий Грайферның үлеме сәбәпле, кайгы уртаклашу белдерде. Хөкүмәт телеграммасы «ЛУКОЙЛ» нефть компаниясе» ГАҖ президенты Вагит Алекперов адресына җибәрелгән.

(Казан, 24 апрель, «Татар-информ», Гөлнар Гарифуллина). Авыл хуҗалыгы терлекләре коронавирус белән авырмый. Бу хакта «Татар-информ» агентлыгында онлайн матбугат конференциясендә ТР Министрлар Кабинеты каршындагы Баш дәүләт ветеринария идарәсе башлыгы Алмаз Хисаметдинов хәбәр итте.

(Казан, 24 апрель, «Татар-информ», Полина Шевчук). Казанда ике чит ил машинасы катнашындагы һәлакәттә бала имгәнгән. Бу турыда шәһәр дәүләт автоинспекциясендә сөйләделәр.

(Казан, 24 апрель, «Татар-информ», Гөлнар Гарифуллина). Коронавирус таралу белән бәйле изоляция чорында Татарстанның мал табиблары урамнарны, офисларны һәм биналарны дезинфекцияләүдә катнаша. Бу хакта «Татар-информ» агентлыгында онлайн матбугат конференциясендә ТР Министрлар Кабинеты каршындагы Баш дәүләт ветеринария идарәсе башлыгы Алмаз Хисаметдинов хәбәр итте.

(Казан, 24 апрель, «Татар-информ», Гөлнар Гарифуллина). Татарстанда апрель азагына кадәр шәхси хуҗалыкларда терлекне вакцинацияләү төгәлләнәчәк. Бу хакта «Татар-информ» агентлыгында онлайн матбугат конференциясендә ТР Министрлар Кабинеты каршындагы Баш дәүләт ветеринария идарәсе башлыгы Алмаз Хисаметдинов хәбәр итте.

(Казан, 24 апрель, «Татар-информ»). Пенсия фонды коронавирус шартларында кайбер пособиеләр һәм пенсияләр билгеләүне гадиләштерде. Бу турыда РИА Новости хәбәр итә.

(Казан, 24 апрель, «Татар-информ»). Ислам динен тотучылар изге Рамазан аен каршы алды. Шул уңайдан мөфти Равил Гайнетдин мөселманнарга мөрәҗәгать итте. Бу турыда Россия Мөфтиләр шурасы хәбәр итә.

(Казан, 24 апрель, «Татар-информ», Гөлнар Гарифуллина). Коронавирустан саклану максатыннан, урамнан кергәч, йорт этләренең тәпиләрен спиртлы антисептиклар белән ышкырга ярамый. Махсус шампунь, су белән яхшылап юу да җитә. Бу хакта «Татар-информ» агентлыгында онлайн матбугат конференциясендә ветеринария табибы — эпизоотолог Максим Шкатов әйтте.

(Казан, 24 апрель, «Татар-информ»). Соңгы мәгълүматлар буенча, тагын 11 кеше Covid-19 дан дәваланып терелгән. Бу турыда коронавирус инфекциясенә каршы көрәш буенча оператив штаб хәбәр итә.

(Казан, 24 апрель, «Татар-информ», Гөлнар Гарифуллина). Әгәр кеше коронавирус белән авырган һәм этен калдырыр урыны юк икән, махсус зоокунакханәләргә алып китү мөмкинлеге тудырылган. Бу хакта «Татар-информ» агентлыгында онлайн матбугат конференциясендә ТР Министрлар Кабинеты каршындагы Баш дәүләт ветеринария идарәсе башлыгы Алмаз Хисаметдинов хәбәр итте.

(Казан, 24 апрель, «Татар-информ»). Гамалеи исемендәге эпидемиология һәм микробиология тикшеренү үзәгенең арбовируслар бүлеге җитәкчесе Александр Бутенко Россиядә яңа типтагы коронавирус пандемиясе тәмамлану вакытын фаразлады. Бу хакта РИА Новости хәбәр итә.