Новости за 04.04.2020

(Әлки, 5 апрель, «Татар-информ», «Әлки хәбәрләре»). Әлки якташлык җәмгыяте фронтовик язучы Нәби Дәүли эзләре буенча туристлык маршруты әзерли. Бу турыда район басмасы хәбәр итә

(Лениногорск, 4 апрель, «Татар-информ», «Заман сулышы»). Бүгенге катлаулы вакытта, Лениногорскида табибларга ярдәм итү йөзеннән, балалар өчен рәсем конкурсы башлана. Бу турыда Яшьләр эшләре идарәсенә сылтама белән район басмасы хәбәр итә.

(Казан, 4 апрель, «Татар-информ», Надежда Гордеева). Татарстанның Мәгариф һәм фән министры Рафис Борһанов укучыларның әти-әниләренә мөрәҗәгать белән чыгып, мәктәпләрдә, урта профессиональ уку йортларында һәм вузларда уку процессының 6 апрельдән дистанцион формада дәвам итәчәген әйтте.

(Әлмәт, 4 апрель, «Татар-информ», «Әлмәт таңнары»). Әлмәт госпиталенә коронавируска шикле анализ белән бер кеше урнаштырылган. Бу турыда район басмасы хәбәр итә.

(Казан, 4 апрель, «Татар-информ»). Түбән Кама 2019 елгы рейтинг нәтиҗәләре буенча яшәү өчен иң уңайлы булган 55 моношәһәр арасына керде. Индекс ел саен Россия Төзелеш министрлыгы тарафыннан Россия Хөкүмәте белән берлектә төзелә. Бу турыда Түбән Кама муниципаль районы рәсми сайтында хәбәр ителә.

(Казан, 4 апрель, «Татар-информ», Полина Шевчук). Бөгелмә районында чыккан янгында бер кешенең гомере өзелгән, берсе зыян күргән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 4 апрель, «Татар-информ», Полина Шевчук). Чаллыда полиция белән «куышкан» шоферны тоткарлаганнар. Бу хакта «Татар-информ» агентлыгына ТР буенча эчке эшләр министрлыгының матбугат хезмәтеннән хәбәр иттеләр.

(Истанбул, 4 апрель, “Татар-информ”, Рушания Алтай). Истанбул университеты әдәбият факультеты 3 курс студенты Гүлҗан Һава Эраслан Роберт Миңнуллинның вафатына бәйле мәкалә язган. Ул Төркиянең Милли фикер мәркәзенең электрон басмасында басылып чыкты.

(Казан, 4 апрель, «Татар-информ»). Кайбер мәктәпләрдә уку елы 8 июньгә – Бердәм дәүләт имтиханы башланган көнгә кадәр озайтылырга мөмкин. Бу хакта РИА Новости агентлыгы РФ мәгариф министры Сергей Кравцовка сылтама белән хәбәр итә.

(Казан, 4 апрель, «Татар-информ»). «Көн саен Әлмәт шәһәренә: ишегаллары, тукталыш павильоннары, кибетләр, даруханәләр, кеше күп йөри торган башка урыннарга дезинфекция үткәрәбез. Эш көндез дә, төнлә дә туктамый», - дип яза Татарстанның Әлмәт районы башлыгы Тимур Нагуманов Instagram социаль челтәрендәге үз сәхифәсендә.

(Казан, 4 апрель, «Татар-информ», Рәмис Латыйпов). Анкарада яшәүче журналист Эльмира Исрафилова-Тейран «Татар-информ» хәбәрчесенә Төркия хөкүмәтенең халыкны тынычландыру сәясәте алып баруы хакында сөйләде.

(Казан, 4 апрель, «Татар-информ»). Быел Татарстанда күп фатирлы йортларны капиталь ремонтлау программасы буенча гомуми мәйданы 6,5 миллион квадрат метр тәшкил иткән 1 мең 64 торак объектын төзекләндерү күздә тотыла. ТР төзелеш, архитектура һәм ТКХ министры Фәрит Хәнифов бүген ТР Хөкүмәте йортында узган республика киңәшмәсендә шулай дип белдерде.

(Казан, 4 апрель, «Татар-информ»). Татарстанда торакны онлайн сатып алуга сорау артты, шул ук вакытта, икенчел торакка ихтыяҗ 90 процентка кимеде. ТР бизнес-омбудсмены Фәрит Абдулганиев кризиска каршы интенсивта шул хакта хәбәр итте.

(Казан, 4 апрель, «Татар-информ», Полина Шевчук). Нократ елгасында суның күтәрелүе нәтиҗәсендә Татарстанның Кукмара районында биш йортны су баскан. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 4 апрель, «Татар-информ»). Татарстан предприятияләре шәхси саклану һәм дезинфекция чаралары җитештерү күләмен арттыра, дип хәбәр итте бүген ТР икътисад министры Мидхәт Шаһиәхмәтов ТР Хөкүмәте йортында узган республика киңәшмәсендә. Барлык муниципаль районнар белән видеоконференция элемтәсе режимындагы киңәшмәне Татарстан Президенты Рөстәм Миңнеханов үткәрде. Бу хакта ТР Президентының матбугат хезмәте хәбәр итә.

(Казан, 4 апрель, «Татар-информ», Гөлнар Гарифуллина). Чит илдән Татарстанга ничә кеше кайта алмавы турында бүгенгә төгәл мәгълүмат юк. Бу хакта ТР Министрлар Кабинетында видеоконференция режимында санитар-эпидемиягә каршы комиссия утырышында ТР Премьер-министры урынбасары Ләйлә Фазлыева әйтте.

(Казан, 4 апрель, «Татар-информ»). Мәҗит Гафури исемендәге мәдәният фонды әдипнең тууына 140 ел тулу уңаеннан интернет-флешмоб үткәрә. Бу хакта «Башинформ» агентлыгы Мәҗит Гафури исемендәге мәдәният фонды советы рәисе Люция Камаева һәм Мәҗит Гафуриның Мемориаль музей-йорты мөдире Гадилә Бүләковага сылтама белән хәбәр итә.

(Казан, 4 апрель, «Татар-информ»). Россия Премьер-министры Михаил Мишустин өч яшьтән җиде яшькә кадәрге бала тәрбияләүче аз тәэмин ителгән гаиләләргә айлык түләүләр тәртибенә карата таләпләрне раслады. Шул хактагы документ Министрлар Кабинеты сайтында дөнья күргән. Бу хакта РИА Новости агентлыгы хәбәр итә.

(Казан, 4 апрель, «Татар-информ», Гөлнар Гарифуллина). Коронавирус таралуга юл куймау максатыннан чикләү чараларын исәпкә алып, Чаллыдан хакимият органнарына бик күп сораулар яудыралар. Бу хакта ТР Министрлар Кабинетында видеоконференция режимында сантар-эпидемиягә каршы комиссия утырышында ТР Премьер-министры урынбасары Ләйлә Фазлыева әйтте.

(Казан, 4 апрель, «Татар-информ»). Татарстан Республикасында коронавирус буенча оператив штаб республикада яшәүчеләргә үз-үзеңне изоляцияләү режимы гамәлдә булган чорда өйдән чыкканда үзең белән паспорт алырга кирәклеген искәртә. РФ Хөкүмәте карарында шул хакта сүз бара.

(Казан, 4 апрель, «Татар-информ»). Бүген Татарстан Президенты Рөстәм Миңнеханов барлык муниципаль районнар белән видеоконференция элемтәсе режимында киңәшмә үткәрде. Анда ТР вице-премьеры — авыл хуҗалыгы һәм азык-төлек министры Марат Җәббаров язгы кыр эшләренең барышы һәм бакчачылык ширкәтләрен инженерлык инфраструктурасы белән тәэмин итү хакында да сөйләде. Бу хакта ТР Президентының матбугат хезмәте хәбәр итә.

(Казан, 4 апрель, “Татар-информ”, Гөлнар Гарифуллина). Үпкә ялкынсынуы булган барлык пациентлар аерым бүлектә дәваланырга тиеш. Бу хакта Роспотребнадзор хезмәтенең Татарстан буенча идарәсе башлыгы Марина Патяшина ТР Министрлар Кабинетында видеоконференция режимында сантар-эпидемиягә каршы комиссия утырышында әйтте.

(Казан, 4 апрель, «Татар-информ», Полина Шевчук). Автоцистерна катнашындагы авариядән соң түгелгән 20 тонна нефтьне РегионСпас коткаручылары инде дүртенче тәүлек җыя. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 4 апрель, «Татар-информ», Гөлнар Гарифуллина). Татарстанда соңгы тәүлектә коронавирусның яңа очраклары теркәлмәгән. Бу хакта Роспотребнадзор ведомствосы статистикасынннан хәбәр ителә.

(Казан, 4 апрель, «Татар-информ», Гөлнар Гарифуллина). Казаннан бакчаларга яшәргә күчү тыелмаячак. Бу хакта ТР Министрлар Кабинетында видеоконференция режимында санитар-эпидемиягә каршы комиссия утырышында ТР Премьер-министры урынбасары Ләйлә Фазлыева хәбәр итте.