Новости за 06.04.2020

(Чирмешән, 6 апрель, «Татар-информ», «Безнең Чирмешән», Гөлсирә Шәрифуллина). Чирмешән районының мәгариф һәм мәдәният оешмалары хезмәткәрләре тәүлек дәвамында диярлек эштә торучы полиция хезмәткәрләре өчен күп тапкыр кулланыла торган битлекләр тегеп бирделәр. Бу турыда район басмасы хәбәр итә.

(Казан, 6 апрель, «Татар-информ). Татарстанда ТАССРның 100 еллыгын бәйрәм итү кысаларында Бөтенроссия иҗади эшләр бәйгесе игълан ителде. Бу турыда Татарстанның Россиядәге Тулы вәкаләтле вәкиллеге хәбәр итә.

(Казан, 6 апрель, «Татар-информ», Гөлнар Гарифуллина). Чаллының «Этюд» спорт мәктәбендә шахмат спорт төре белән шөгыльләнүче балалар Интернет-матчта Монреальдәге яшьтәшләреннән өстен чыккан. Бу хакта «Татар-информ»га җиңүчеләрнең берсе Эмиль Гаттаровның әнисе Эльвира Гаттарова хәбәр итте. Бу турыда Чаллының рәсми сайтында да язылган.

(Казан, 6 апрель, «Татар-информ», Зилә Мөбәрәкшина). «Голос. Дети» проекты финалисты Сәйдә Мөхәммәтҗанова өйдә изоляциядә утырган барлык кешегә яраткан хоббилары белән шөгыльләнергә киңәш итте. Бу хакта ул #айдадомой онлайн-концертлар марафонында узган концертында сөйләде.

(Казан, 6 апрель, «Татар-информ»). Мартта шикәр комының бәясе 13,5 процентка, ә карабодай 6,2 процентка, ә макарон 2,4 процентка арткан. Бу турыда Росстат мәгълүматларына сылтама белән РИА Новости хәбәр итә.

(Казан, 6 апрель, «Татар-информ», Надежда Гордеева). Татарстанда балалар бакчаларына дежур төркемнәргә йөрүче балалар саны арткан. Бу турыда республика мәгариф һәм фән министры Рафис Борһанов хәбәр итте.

(Казан, 6 апрель, «Татар-информ», Полина Шевчук). Татарстанда бер балыкчы батып үлгән, икенчесен коткаручылар эзли. Бу турыда «Татар-информ»га һәлакәт урыннан үз хәбәрчесе хәбәр итте.

(Казан, 6 апрель, «Татар-информ», Полина Шевчук). Финанс пирамидасыннан акчасын кире кайтарырга уйлаган Татарстан кешесе 1,3 млн сумнан артык акчасын югалткан. Бу хакта «Татар-информ» мәгълүмат агентлыгына Татарстан буенча Эчке эшләр министрлыгы матбугат хезмәтендә сөйләделәр.

(Казан, 6 апрель, «Татар-информ», Наталья Рыбакова). Җиңүнең 75 еллыгын бәйрәм итү уңаеннан Татарстаннан 32 мең Бөек Ватан сугышы ветераны һәм анда катнашучы түләүләр алды. Бу хакта бүген журналистларга Татарстан хезмәт, эш белән тәэмин итү һәм социаль яклау министры Эльмира Зарипова хәбәр итте.

(Казан, 6 апрель, «Татар-информ»). Россиядә шәхси саклану чараларын сатуга чикләүләр урнаштырдылар. Ил Хөкүмәте карары Министрлар Кабинеты сайтында чыккан.

(Казан, 6 апрель, «Татар-информ»). Роспотребнадзор белгечләре өй шартларында коронавирусны ачыклау өчен уздырачак тест 1250 сум торачак. Бу турыда РИА Новости хәбәр итә.

(Казан, 6 апрель, “Татар-информ”, Рузилә Мөхәмәмтова). Кичә Казан мәдәният институты профессоры, ТР атказанган мәдәният хезмәткәре Фирдания Садриева иртәгә Юдино зиратына җирләнәчәк. Бу хакта туганнары хәбәр итте.

(Казан, 6 апрель, «Татар-информ»). Татарстан табиблары бер тәүлек дәвамында республика клиникаларында коронавирустан дәваланган дүрт кешене өйләренә чыгарган. Бу турыда Татарстан Президенты матбугат хезмәтенең җитәкчесе Лилия Галимова хәбәр итә.

(Казан, 6 апрель, «Татар-информ»). 8 июньдә башланачак Бердәм дәүләт имтиханының яңа расписаниесе проекты норматив хокукый актлар проектларының федераль порталында бастырылган. Бу турыда РИА Новости хәбәр итә.

(Казан, 6 апрель, «Татар-информ», Алинә Айдарова). Татарстан Республикасының Мөслим районында коронавируска каршы изоляция вакытында өмә үткән. Редакциядә өмәнең булуын раслый торган фото бар.  Бу хакта «Татар-информ» мәгълүмат агентлыгына үз чыганаклары хәбәр итә.

(Казан, 6 апрель, «Татар-Информ», Гөлнар Гарифуллина). Татарстан Премьер-министры урынбасары — мәгариф һәм фән министры Рафис Борһанов дистанцион укыту системасында укучы һәм укытучы элемтәсе яхшы булачагына ышана. Бу хакта ул мәктәпләрдә дистанцион белем бирүнең беренче көненә нәтиҗә ясаганда әйтте.

(Казан, 6 апрель, «Татар-информ»). Уфада Куватов исемендәге республика клиник хастаханәсе карантинга ябылган. Хастаханәнең биш табибында һәм ике пациентта коронавирус инфекциясе булуда шикләнәләр. Бу турыда Башкортстан сәламәтлек саклау министрлыгына сылтама белән РИА Новости хәбәр итә.

(Казан, 6 апрель, «Татар-информ»). «Голос. Дети» проекты финалисты Сәйдә Мөхәммәтҗанова, өйдә изоляциядә утырган барлык кешегә теләктәшлек күрсәтү максатыннан, #айдадомой онлайн-концертлар марафонына кушылачак. Бу турыда оештыручылар хәбәр итте.

(Казан, 6 апрель, «Татар-информ», Полина Шевчук). Прокуратура ялган белешмә сатучыларны һәм Татарстанда Covid-19 корбаннары турында ялган хәбәр авторын ачыклаган. Бу турыда Россия Генераль прокуратурасы хәбәр итә.

(Казан, 6 апрель, «Татар-информ», Рәмис Латыйпов). Канаданың Квебек провинциясендәге Монреаль шәһәрендә яшәүче Марат Сәлахетдинов Россиядә коронавирус турында күпсанлы уйдырма хәбәрләрнең таралуын халыкның чит телләр белмәве белән аңлатты. 

(Казан, 6 апрель, «Татар-информ», Гөлнар Гарифуллина). Казанда коронавируска бәйле изоляция чорында хокук бозулар өчен 151 машина йөртүчегә штраф салынган. Бу хакта Казан мэриясендә коронавирусны кисәтү буенча шәһәр штабы утырышында Россия Эчке эшләр министрлыгының Казан шәһәре буенча идарәсе башлыгы урынбасары Валерий Саматошенков әйтте.

(Казан, 6 апрель, «Татар-информ», Рәмис Латыйпов). Бакудагы «Туган тел» татар мәдәнияте оешмасында, яшьләр бүлеге җитәкчесе Назим Мохтар әйтүенчә, Азәрбәйҗанда да Россиядәге кебек СМС буенча урамга чыгарга рөхсәт алу һәм штрафлар кертелгән.

(Казан, 6 апрель, «Татар-информ», Наталья Рыбакова). Апрель башында Казанда аномаль җылы һава торышын көтелмәгән салкын алыштырды, бүген шәһәрдә иртәдән бирле кар ява. Татарстан башкаласында яңадан кайчан җылы һава торышы булачагы турында «Татар-информ»га КФУ Экология һәм табигатьтән файдалану институтының метеорология, климатология һәм атмосфера экологиясе кафедрасы мөдире профессор Юрий Переведенцев сөйләде.

(Казан, 6 апрель, «Татар-информ»). Мәҗит Гафури исемендәге Башкортстан драма театры «Драматург & Драматург» пьесалар уку проектын эшләтеп җибәрде. Драматурглар бер-берсенең пьесаларын укыячак. Бу турыда «Башинформ» хәбәр итә.

(Казан, 6 апрель, «Татар-информ»). Казандагы Агафонов исемендәге Республика клиник йогышлы авырулар хастаханәсеннән Covid-19 коронавирусы белән авырганнан соң терелгән ике пациентны өйләренә чыгарганнар. Бу хакта «Татар-информ» мәгълүмат агентлыгына Татарстан Президенты матбугат хезмәте җитәкчесе Лилия Галимова хәбәр итте.