Новости за 09.04.2020

(Әлки, 9 апрель, «Татар-информ», «Әлки хәбәрләре», Азат Низамиев). Әлки районы Базарлы Матак бистәсендә яшәүче эшмәкәр Надыр Зәйнуллин гараж өстендә кыяр-помидор үстерә. Бу турыда район басмасы хәбәр итә.

(Казан, 9 апрель, «Татар-информ»). Түбән Камада 18 апрельдән аена 5 миллион данә медицина битлекләре әзерли башлау планлаштырыла. Производствода эшләү өчен ун хезмәткәр кирәк булачак. Бу турыда Түбән Кама муниципаль районы рәсми сайтында хәбәр ителә.

(Казан, 9 апрель, «Татар-информ», Гөлүзә Ибраһимова). Бүгенге көндә халык тарафыннан гадәттән тыш хәл режимын кертүне теләү дөрес түгел. Ул бурычлардан азат итми. Бу хакта Мәскәү татарлар штабының инстаграм сәхифәсендә узган туры эфирда адвокат Екатерина Глянц сөйләде.

(Истанбул, 9 апрель, «Татар-информ», Рушания Алтай). Төрки дөньяның «Кардәш каләмнәр» әдәбият журналы160 нчы санында Татарстан халык шагыйре  Роберт Миңнуллинның үлеме уңаеннан кайгы уртаклашкан. Ул тулы бер биттә бирелгән.

(Казан, 9 апрель, «Татар-информ»). Фигуралы шуу буенча Пхенчхан-2018 олимпия чемпионы Алинә Заһитова хәзер Казанда. Ул сеңлесе Сабина белән бергә Беренче канал өчен видеомөрәҗәгать яздырган.  

(Казан, 9 апрель, «Татар-информ»).Татарстан Президенты Рөстәм Миңнеханов видеоэлемтә аша республикада элемтә операторлары - компания вәкилләре белән очрашты. Бу хакта төбәк җитәкчесенең матбугат хезмәте хәбәр итә.

(Казан, 9 апрель, «Татар-информ»). Татарстан Республикасы Президенты Рөстәм Миңнеханов видеоэлемтә аша Чит илләр белән хәрби-техник хезмәттәшлек мәсьәләләре комиссиясе утырышында катнашты. Бу хакта республика җитәкчесенең матбугат хезмәте хәбәр итә.

(Казан, 9 апрель, «Татар-информ», Зилә Мөбәрәкшина). Башкортстанның атказанган артисты Әнвәр Нургалиев әнисендә коронавирусның дөрестән дә табылуын белеп, моңа карата янау сүзләре язган кешеләр җавапка тартылачагын әйтте. Бу хакта ул Инстаграмдагы битендә хәбәр итте.

(Чаллы, 9 апрель, «Татар-информ»). Чаллының 2нче шәһәр хастаханәсендә «пневмония» диагнозы белән алты пациент дәвалана. Бу хакта Автошәһәр мэриясе матбугат хезмәте хәбәр итә.

(Казан, 9 апрель, «Татар-информ», Зилә Мөбәрәкшина). Үз-үзеңне изоляцияләү чорыннан соң волонтерлык эшендә катнашкан актив яшьләрнең хезмәте бәяләнәчәк. Бу хакта Татарстан яшьләр эшләре министры Дамир Фәттахов Инстаграмдагы рәсми битендә узган туры эфир вакытында сөйләде.

(Казан, 9 апрель, «Татар-информ»). Иртәгә, 10 апрельдә, иртәнге һәм көндезге сәгатьләрдә Татарстан территориясендә урыны белән көчле җил булачак. Бу хакта Татарстан Гидрометеорология үзәге хәбәр итә.

(Казан, 9 апрель, «Татар-информ», Наталия Никифорова). Түбән Камада яшәүче бер кешене өендә антисептик ясаган һәм аны социаль челтәрдә саткан өчен тоткарлаганнар. Бу хакта «Татар-информ»га коронавируска каршы көрәш буенча оператив штабта хәбәр иттеләр.

(Казан, 9 апрель, «Татар-информ»). Үз-үзеңне изоляцияләү режимы гамәлдә булган вакытта дәүләт социаль адаптация үзәкләре авыр тормыш хәлендә калган билгеле бер яшәү урыны һәм шөгыльләре булмаган кешеләрне кабул итүне дәвам итә. Бу хакта ТР Хезмәт, халыкны эш белән тәэмин итү һәм социаль яклау министрлыгы матбугат хезмәте хәбәр итә.

(Казан, 9 апрель, «Татар-информ», Рузилә Мөхәммәтова). Әдәбият галиме Әлфәт Закирҗанов үзизоляциядә утыру вакытын әдипләребезгә файдага дип саный. «Татар-информ» хәбәрчесе белән ул шушы фикерләре белән уртаклашты.

(Казан, 9 апрель, «Татар-информ»). Татарстанда үз-үзеңне изоляцияләү режимында өйдән рөхсәт белешмәсеннән башка чыккан өчен яңа маддә буенча штрафка тарта башлаганнар.

(Казан, 9 апрель, «Татар-информ», Гөлнар Гарифуллина). Казанда шәһәр җәмәгать транспорты хәрәкәтен ун процентка арттырганнар. Бу хакта онлайн брифингта ТР Президенты матбугат хезмәте җитәкчесе Лилия Галимова хәбәр итте.

(Казан, 9 апрель, «Татар-информ», Марат Ишкилдин). Татарстан катлаулы хәлләргә башка төбәкләрдән яхшырак әзерләнгән һәм федерациянең башка субъектлары өчен үрнәк булырга тиеш. Бу хакта «Идел» эксперт клубының онлайн-утырышында Бизнес һәм дәүләт элемтә белгечләре илкүләм лигасы башлыгы Марат Бәширов хәбәр итте.

(Казан, 9 апрель, «Татар-информ», Эвелина Киселёва). Татарстанның Республика клиник хастаханәсенең травматология үзәге бинасын яңа Covid-19 коронавирус инфекциясенә шикле пациентлар өчен үзгәртеп корганнар. Бу хакта «Татар-информ» корреспондентына вакытлыча йогышлы авырулар госпитале башлыгы Михаил Бурмистров хәбәр итте.

(Казан, 9 апрель, «Татар-информ», Ләйсән Рәхмәтуллина). «Казан утлары»ның Инстаграмында март аеннан эшли башлаган «Корыч малае» дигән яңа видеосәхифәдә журналның проза бүлеге мөхәррире Камил Кәримов хат ташучыларны ярышка чакыра.

(Казан, 9 апрель, «Татар-информ»). Башкортстанда үз-үзеңне изоляцияләү режимының үтәлешен контрольдә тоту көчәйтелде. Бу хакта коронавирус инфекциясен профилактикалау буенча киңәшмәдә республика башлыгы Радий Хәбиров белдерүенә сылтама белән «Башинформ» хәбәр итә.

(Казан, 9 апрель, «Татар-информ»). Татарстан Президенты Рөстәм Миңнеханов Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы һәм Татарстан Мәгариф һәм фән министрлыгына күп балалы мохтаҗ гаиләләрдәге мәктәп укучыларын планшет компьютерлар белән тәэмин итәргә кушты. Сүз 9нчы һәм 11нче сыйныф укучылары турында бара, аларга хәзер төп дәүләт имтиханына (ТДИ) һәм бердәм дәүләт имтиханына (БДИ) интенсив әзерлек алып барырга кирәк. Бу хакта Татарстан Президенты матбугат хезмәте хәбәр итә. Читать дальше...

(Казан, 9 апрель, «Татар-информ», Вероника Ваганова). Казанда 2019/20 елда җылыту сезоны тоткарлыксыз тәмамлана. Бу хакта Казанның ТЭЦ-3 баш инженеры Рәшит Әхмәтҗанов электростанция буенча пресс-турда хәбәр итте.

(Казан, 9 апрель, «Татар-информ», Ксения Перепеченова). «Татмедиа» рәсми telegram-каналы укучыларының аудиториясе 5 меңнән артып китте. Мондый күрсәткечләр белән канал Telegram мессенджерында Татарстанның башка массакүләм мәгълүмат чаралары каналлары арасында абунәчеләр саны буенча лидер булып тора. Бу хакта «Татмедиа» АҖнең массакүләм матбугат чаралары департаменты җитәкчесе Арсений Соколов сөйләде.

(Казан, 9 апрель, «Татар-информ»). Башкортстанның Мәләвез шәһәр хастаханәсендә пациентның үлеме Covid-19 коронавирус инфекциясенә бәйле түгел. Бу хакта «Башинформ» агентлыгы Башкортстан сәламәтлек саклау министры Максим Забелинга сылтама белән хәбәр итә.

(Казан, 9 апрель, «Татар-информ»). Россия туры инвестицияләр фонды Татарстанда булдырылган йогышлы авыруларны тиз арада диагностикалау комплексын җитештерүгә 1 миллиард сумнан артык инвестиция кертте. ТР Президентының матбугат хезмәте җитәкчесе Лилия Галимова «Татар-информ» агентлыгына шул хакта хәбәр итте.