Новости за 05.04.2020

(Лениногорск, 5 апрель, «Татар-информ», «Заман сулышы»). Бүген 5 апрельдә иртә таңнан ук техника Лениногорск шәһәре урамнарын юарга һәм дезинфекцияләүгә кереште. Бу турыда район басмасы хәбәр итә.

(Казан, 5 апрель, «Татар-информ»). Берничә төркем   патруль хезмәте шәһәр янындагы яшел массивларны йөреп чыгачак һәм хокук бозучыларны тикшерәчәк. Бу турыда Түбән Кама муниципаль районы рәсми сайтында хәбәр ителә.

(Азнакай, 5 апрель, «Татар-информ», «Маяк»). Азнакай картлар һәм инвалидлар интернат-йортында кулинаротерапия буенча дәресләр үткәрелә башлады. Бу турыда район басмасы хәбәр итә.

(Казан, 5 апрель, «Татар-информ»). Иртәгә, 6 апрельдә, Татарстанда температураның сизелерлек кимүе көтелә. Бу хакта Татарстанда Гидрометеорология үзәге хәбәр итә.

(Казан, 5 апрель, «Татар-информ»). Россия Хакимияте кабул иткән чаралар илдә яңа типтагы Сovid-19 коронавирусы белән зарарланган кешеләр санының кискен артуын тоткарларга мөмкинлек бирә. Бу хакта Роспотребнадзор җитәкчесе Анна Попова Россия 1 телеканалында «Мәскәү. Кремль. Путин» программасында интервьюда әйтте.

(Казан, 5 апрель, «Татар-информ»). Россия Президенты Владимир Путин, ким дигәндә, тагын бер атна дистанцион режимда эшләүне дәвам итәчәк. Бу хакта Кремльнең рәсми вәкиле Дмитрий Песков Россия 1телеканалында «Мәскәү. Кремль. Путин» программасында интервьюда әйтте.

(Казан, 5 апрель, «Татар-информ»). Соңгы тәүлек эчендә Татарстанда яңа Covid-19 коронавирусы белән зарарлану очраклары теркәлмәгән. Бу стопкоронавирус.рф сайты тарафыннан бастырылган яңа зарарлану статистикасы турындагы мәгълүматтан күренә.

(Казан, 5 апрель, «Татар-информ»). Яңа типтагы Covid-19 коронавирус пандемиясе тәмамланганнан соң, кайбер һөнәрләргә ихтыяҗ булмаячак яки алар артык конкурентлы булачак. Бу хакта Прогрессив белем бирү институты экспертлары вазгытькә уздырган анализ нәтиҗәләре турында RT хәбәрт итә.

(Казан, 5 апрель, «Татар-информ»). Иртәгә, 6 апрельдә, Татарстанда һава шартларының сизелерлек начарлануы көтелә. Бу хакта Татарстан Гидрометеорология үзәге хәбәр итә.

(Казан, 5 апрель, «Татар-информ»). Түбән Кама тегү фабрикасы медицина битлекләрен чыгаруны көйләде – фабрика яңа җитештерү алымына берничә көн элек күчте. Тегүчеләр көненә 1,5 мең берәмлек шәхси саклану чарасы әзерли. Җитештерелә торган битлекләр саны якын арада аена 5 млн данәгә кадәр артачак. Бу хакта «НТР 24» хәбәр итә.

(Казан, 5 апрель, «Татар-информ»). Якшәмбе көнне, 5 апрельдә, шахмат буенча онлайн-турнир башлана, аны «Татар-информ» мәгълүмат агентлыгы оештыра. Анда әлеге уенны яратучы һәркем катнаша ала. Ярышлар мәгълүмат агентлыгының 30 еллыгына багышлана.

(Казан, 5 апрель, «Татар-информ»). Россиянең барлык төбәкләрендә яңа типтагы Сovid-19 коронавирус пандемиясе шартларында басма массакүләм мәгълүмат чаралары чыгарга тиеш. Россия Сәнәгать һәм сәүдә министрлыгы федерация субъектлары җитәкчеләренә тиешле күрсәтмәләр җибәрде, аларны төбәк массакүләм мәгълүмат чаралары җитәкчеләренең Альянс компаниясе үз сайтында бастырды.

(Казан, 5 апрель, «Татар-информ»). Хәзер кибет, даруханәләр һәм заправкаларга барганда яңа типтагы Covid-19 коронавирусын йоктыру куркынычы аеруча зур. Бу хакта отоларинголог Владимир Зайцевка сылтама белән «Звезда» телеканалы хәбәр итә.

(Казан, 5 апрель, «Татар-информ»). Россия Банкы яңа төр Covid-19 коронавирус таралудан зыян күргән РФ гражданнарына кредит каникуллары механизмы ничек эшләвен һәм аннан куллану мөмкинлеген аңлатты.

(Казан, 5 апрель, «Татар-информ»). Татарстанда цифрлы пропусклар алу буенча сервиста теркәлү системасын гадиләштерделәр. Бу хакта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы матбугат хезмәте хәбәр итә.

(Казан, 5 апрель, «Татар-информ»). 5 апрельдә Татарстан Республикасы Милли музее — Россиянең иң эре төбәк музее үзенең 125 еллык юбилеен билгеләп үтә һәм бу вакыйга Татарстан һәм бөтен ил тарихында һәм мәдәниятендә әһәмиятле дата булып тора.

(Казан, 5 апрель, «Татар-информ»). Covid-19 авыруының иң күп очраклары Италия, Испания, Франция, Германия һәм Берләшкән Гарәп Әмирлекләреннән кайткан Россия гражданнары арасында теркәлгән. Бу хакта ил вице-премьеры Татьяна Голиковага сылтама белән РИА Новости хәбәр итә.

(Казан, 5 апрель, «Татар-информ»). Россиядә Covid-19га иммунитетны ачыклау тест-системасын апрель уртасында теркәячәкләр. Бу хакта вице-премьер Татьяна Голиковага сылтама белән «Известия» хәбәр итә.

(Истанбул, 5 апрель, «Татар-информ», Рушания Алтай). Анкарада нәшер ителүче төрки дөньяның әдәбият журналы «Кардәш каләмнәр»нең 4 апрельдә чыккан соңгы саны татар әдибе, журналист Фатих Кәриминең тууына 150 ел тулуга багышланган.

(Казан, 5 март, «Татар-информ», Рузилә Мөхәммәтова). Тинчурин театры репертуардан төшкән спектакльләренең видеоязмаларын көнаралаш үзенең YouTube каналына урнаштырып барачак. Бу хакта театрның матбугат үзәге хәбәр итә.

(Казан, 5 апрель, «Татар-информ»). 96 процент очракта Cоvid-19 коронавирус инфекциясе тамчы юлы белән күчә. Бу хакта Роспотребнадзор җитәкчесе Анна Поповага сылтама белән ТАСС хәбәр итә.

(Казан, 5 апрель, «Татар-информ»). Татарстан башкаласында апрель аенда беренче температура рекорды теркәлгән. Бу хакта Татарстан Гидрометеорология үзәге сайтында хәбәр ителә.

(Казан, 5 апрель, «Татар-информ»). Түбән Камада 18 апрельдән аена бишәр млн данә медицина битлеге җитештерүгә керешәчәкләр. Бу битлекләргә дефицитны киметергә һәм бәяләрне арзанайту мөмкинлеге бирәчәк. Бу турыда Түбән Кама муниципаль районы рәсми сайтында хәбәр ителә.

(Кукмара, 5 апрель, «Татар-информ», «Хезмәт даны»). Кукмарада игеннәрне өстәмә тукландыруга керештеләр. Быел барлыгы 22 мең 300 гектар мәйданда уҗымнар һәм күпьеллык үләннәргә минераль ашлама кертеләчәк. Бу турыда район басмасы хәбәр итә.

(Әлки, 5 апрель, «Татар-информ», «Әлки хәбәрләре»). Әлкидә туып үскән эшмәкәр Александр Кулыгин волонтерларга ярдәмгә 20 автомобилен бирде. Бу турыда район басмасы хәбәр итә.