Новости за 12.04.2020

(Баулы, 12 апрель, «Татар-информ», «Баулы-информ», Айгөл Хөсәенова). Баулылар «Без бергә» бөтенроссия һәм «Янәшәдә — ветераннар» район хәйрия акцияләренә кушылып, өлкәннәргә ярдәм итәләр. Бу турыда район басмасы хәбәр итә.

(Арча, 12 апрель, «Татар-информ», «Арча хәбәрләре»). Арча-Әтнә юлында Түбән Аты борылышында «Приора» машинасы белән трактор бәрелешкән. Бу турыда район басмасы хәбәр итә.

(Апас, 12 апрель, «Татар-информ», «Апастово-информ», Ләлә Сафиуллина). Апасның «Кояшкай» балалар бакчасында бер дежур төркем эшли. Биредә 10 бала йөри. Балалар бакчасында катгый рәвештә кисәтү чаралары алып барыла. Шәфкать туташы Ландыш Фәйзуллина балаларның сәламәтлеген даими кайгыртып тора. Бу турыда район басмасы хәбәр итә.

(Әлки, 12 апрелль, «Татар-информ», «Әлки хәбәрләре»). Әлки районында өлкән яшьтәгеләргә ашамлыклар, дарулар илтү, коммуналь түләүләр башкаруда ярдәм итәргә теләүчеләрне волонтер булырга чакыралар. Бу эшкә 18 яшьтән өлкәнрәк егетләр һәм кызлар кирәк. Бу турыда район басмасы ххәбәр итә.

(Казан, 12 март, «Татар-информ», Алинә Айдарова). «Аигел» төркеменең солисткасы, татар кызы Айгөл Гайсинаны Нью-Йорктагы рус теллеләргә коронавирус авыруы белән бәйле мөрәҗәгатьләр укырга чакырганнар. Мөрәҗәгатьнең бер өлешен җырчы үзенең Instagram cәхифәсендә урнаштырган.

(Казан, 12 апрель, «Татар-информ»). Россия Премьер-министры Михаил Мишустин Илшат Гафуровны өченче срокка КФУ ректоры итеп билгеләп кую турындагы боерыкны имзалады. Документ хокукый мәгълүмат порталында урнаштырылган.

(Казан, 12 апрель, «Татар-информ»). Татарстан Президенты ярдәмчесе Наталия Фишман-Бекмамбетова Россия Иҗтимагый палатасының яңа составына керде. Россия Президенты Указы бүген хокукый мәгълүмат порталында басылып чыкты.

(Казан, 12 апрель, «Татар-информ», Елена Сәлахова). Үз-үзеңне изоляцияләү режимын үтәүне бердәм тикшерү вакытында полиция хезмәткәрләренә белешмәсез һәм смс-пропусксыз кунакка барган Казан кешесе эләгә.

(Казан, 12 апрель, «Татар-информ»). 700гә якын экспонат, шул исәптән болгар ханлыгының борынгы башкаласы - Татарстандагы Болгар шәһәрендә археологик казылмалардан табылган экспонатларны Тула өлкәсенең «Куликово кыры» музеенда тәкъдим итәчәкләр. Бу - Татар Автоном Совет Социалистик Республикасы (ТАССР) төзелүнең 100 еллыгына багышланган Болгар дәүләт тарих-архитектура музей-тыюлыгы белән уртак проект. Бу хакта ТАССка «Куликово кыры» матбугат хезмәтендә сөйләделәр.

(Казан, 12 апрель, «Татар-информ»). Монополиягә каршы Федераль хезмәттә имбирьгә ваклап сату бәяләренең тотрыклануы турында белдергәннәр. Бу хакта Sputnik радиосы хәбәр итә.

(Казан, 12 апрель, «Татар-информ», Зилә Мөбәрәкшина). Татар эстрадасы җырчысы Альбина Апанаева Инстаграмдагы битендә туры эфирда бушка вокал дәресен үткәрәчәк. Бу хакта җырчы «Татар-информ» хәбәрчесенә сөйләде.

(Казан, 12 апрель, «Татар-информ», Рузилә Мөхәммәтова). Мәскәүгә якын урнашкан Нижгар авыллары короновирус куркынычы астында дип чаң суга продюсер, Ваһапов исемендәге мәдәният фонды җитәкчесе Рифат Фәттахов. Ул бу хакта видеомөрәҗәгать ясап социаль челтәрләргә урнаштырган.

(Казан, 12 апрель, «Татар-информ», Алинә Айдарова). Татарстанның халык артисты Гүзәл Уразова республикабызның биш картлар йортын — «Сөембикә» журналына, шулай ук Татарстанның төрле районнарында урнашкан биш балалар йортын «Ялкын» журналына яздырган. Бу хакта җырчы үзенең Instagram сәхифәсендә хәбәр итә.

(Казан, 12 апрель, «Татар-информ»). Кытайдан 10 апрельдә килгән җиһазларда медицина битлекләрен җитештерү буенча «Түбән Кама нефть химиясе» ГАҖнең автоматлаштырылган линиясен эшләтеп җибәрү төгәлләнеп килә. Бу хакта предприятиенең матбугат хезмәте хәбәр итә.

(Казан, 12 апрель, «Татар-информ»). Россиядә тәүлек эчендә коронавирус инфекциясе белән зарарланган кешеләр саны 2 меңнән артып киткән. Бу хакта оператив штаб хәбәренә сылтама белән «Известия» яза.

(Казан, 12 апрель, «Татар-информ», Надежда Гордеева). Бүген Татарстан Республикасы Президенты Рөстәм Миңнеханов Казанның Мәскәү районы халыкны эш белән тәэмин итү үзәгендә булганнан соң, авыр тормыш хәлендә калган кешеләргә ярдәм итү өчен барысын да эшләячәкбез, дип белдерде журналистларга.

(Казан, 12 апрель, «Татар-информ»). Шенген зонасы чикләренең коронавирус пандемиясе аркасында сентябрь аена кадәр ябык булып калуы мөмкин. Франция Президенты Эмманюэль Макрон шул турыда искәртте. Бу хакта BFM телеканалына сылтама белән ТАСС хәбәр итә.

(Казан, 12 апрель, «Татар-информ»). Татарстан Күп функцияле үзәге 13 апрельдән килүчеләрне кабат кабул итә башлый, әмма алдан язылу буенча гына. Бу хакта Татарстан Республикасында  Күп функцияле үзәк матбугат хезмәтендә хәбәр иттеләр.  

(Казан, 12 апрель, «Татар-информ»). Татарстан Президенты Рөстәм Миңнеханов Космонавтика көне уңаеннан Instagram челтәрендә Ирек мәйданы сурәте белән традицион фото куйды. Ул шулай ук космик тематикага Казан күренешләре белән тагын берничә фотография урнаштырды. 

(Казан, 12 апрель, «Татар-информ», Полина Шевчук). Татарстанда төзек булмаган мич аркасында чыккан янгында йорт хуҗасы һәлак булган. Бу хакта «Татар-информ»га Татарстан буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр.

(Казан, 12 апрель, «Татар-информ»). Covid-19 коронавирусы белән авырган Кытай халкының бер өлешендә неврологик симптомнар күзәтелгән. Бу хакта JAMA Neurology басмасындагы тикшеренүләргә сылтама белән «Известия» хәбәр итә.

(Казан, 12 апрель, «Татар-информ»). Татарстан Республикасында тәүлек эчендә Covid-19 коронавирусы белән зарарлануның яңа очраклары теркәлмәгән. Бу хакта коронавируска каршы көрәш буенча оператив штаб хәбәр итә.  

(Казан, 12 апрель, «Татар-информ»). Covid-19 коронавирус инфекциясеннән дәваланган кешеләр, әгәр дә аларның хәле кискен начар булган булса, пневмония билгеләре юкка чыккач та, тирә-юньдәгеләр өчен биш атна дәвамында йогышлы булып калырга мөмкин.

(Казан, 12 апрель, «Татар-информ», Полина Шевчук). Казанда хатын-кыз һәм ике кечкенә улы ис газы белән агуланган. Бу хакта «Татар-информ»га Татарстан буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр.

(Казан, 12 апрель, «Татар-информ»). Бүген, 12 апрельдә, Татарстанда салкын һәм болытлы һава торышы саклана. Бу хакта Татарстан Гидрометеорология үзәге хәбәр итә.