Новости за 13.04.2020

(Әлмәт, 13 апрель, «Татар-информ», «Әлмәт таңнары»). Әлмәттә 7 кешегә коронавирус диагнозы куелган. Бу турыда Әлмәт районы башлыгы Тимур Нагуманов Инстаграмда бүгенге көндә коронавирус белән бәйле вазгыятьне бәян итте. Бу турыда район басмасы хәбәр итә.

(Казан, 13 апрель, «Татар-информ», Зилә Мөбәрәкшина). Татар эстрадасы җырчысы Айдар Рәкыйпов артист кеше тамашачы алдында уйнап кыланырга тиеш түгел дип саный. Бу фикерен ул #айдадомой онлайн-концертлар марафонында әйтте.

(Казан, 13 апрель, «Татар-информ»). Татарстан синоптиклары узган ял көннәрендә булган явым-төшемнәрдән соң автомобильләрдә барлыкка килгән гадәти булмаган катламның ни булуын аңлатты. Бу хакта ТР Гидрометеорология үзәге хәбәр итә.

(Казан, 13 апрель, «Татар-информ»). Россия тимер юллары эпидемиологик хәл аркасында 13 апрельдән Бөек Ватан сугышы инвалидларын һәм анда катнашучыларны, шулай ук аларны озатып йөрүчеләрне ерак араларга йөрүче поездларда бушлай йөртүләрне туктатып тора. Бу хакта Россия тимер юллары матбугат хезмәте хәбәр итә.

(Казан, 13 апрель, «Татар-информ»). Фигуралы шуу буенча Пхенчхан-2018 олимпия чемпионы Алинә Заһитова элеккеге фигуристканы, ә хәзер үзенә эш бирүчеләренең берсе Татьяна Навканы туган көне белән котлады. Алинә Заһитова әлегә Казанда яши.

(Казан, 13 апрель, «Татар-информ»).«Бердәм Россия» партиясе балаларны дистанцион укыту өчен техник чаралар кирәк булган гаиләләргә, укытучыларның хезмәт хокуклары үтәлешен күзәтергә һәм ташламалары булган балаларны өйләрендә туклану белән тәэмин итәргә ярдәм итәчәк. «Бердәм Россия» партиясенең РФ Мәгариф министрлыгы башлыгы Сергей Кравцов белән онлайн-киңәшмәсендә сүз шул турыда барды. Бу хакта «Бердәм Россия»нең Татарстан мәгълүмат үзәге хәбәр итә.

(Казан, 13 апрель, «Татар-информ», Марат Ишкилдин). Татарстан хөкүмәте 2020 елның хосусыйлаштыру планына «Мамадыш су каналы» акционерлык җәмгыятенә кагылышлы төзәтмәләр кертте. ТР Министрлар Кабинетының тиешле карары республиканың хокукый мәгълүмат рәсми порталында басылып чыкты.

(Казан, 13 апрель, «Татар-информ»). Үз-үзеңне изоляцияләү режимы кертелгәннән соң беренче атнада Казанда һава шактый чистарды. Бу хакта Татарстан Гидрометеорология үзәге хәбәр итә.

(Казан, 13 апрель, «Татар-информ»). Instagram социаль челтәрендә ТАССР төзелүнең 100 еллыгына багышланган битлек барлыкка килде. Бу хакта Казанның Киров һәм Мәскәү районнары хакимияте матбугат хезмәте хәбәр итә.

(Казан, 13 апрель, «Татар-информ», Полина Шевчук). Татарстанда башкарма комитет башлыгын внедорожникны металлоломга «озатып», үзендә калдыруда шикләнәләр. Бу хакта «Татар-информ»га Татарстан Эчке эшләр министрлыгының матбугат хезмәтендә сөйләделәр.

(Казан, 13 апрель, «Татар-информ», Зилә Мөбәрәкшина). Берләшкән Гарәп Әмирлекләрендә яшь гаиләләрне онлайн режимда теркәү сервисы эшли башлаган. Ул яңа өйләнешкән парларга үз-үзеңне изоляцияләү вакытында мөнәсәбәтләрен рәсмиләштерергә ярдәм итәчәк. Бу хакта «Татар-информ» хәбәрчесенә Дубайда яшәүче татар блогеры Әлфия Бәдретдинова сөйләде.

(Казан, 13 апрель, «Татар-информ», Әдилә Зыятдинова ). «Татмедиа» АҖ KazanExpress белән берлектә матбугат ветераннары өчен «Татмедиа» җәмгыяте кайгыртучанлык һәм хөрмәт белән» дип аталган хәйрия акциясен оештырды. Бу хакта «Татмедиа» АҖ генераль директоры Шамил Садыйков сөйләде.

(Казан, 13 апрель, «Татар-информ»). Татарстанның Санкт-Петербургтагы һәм Ленинград өлкәсендәге вәкиллеге үз-үзеңне изоляцияләү режимында ветераннарга, блокадада булган кешеләргә азык-төлек җыелмасы тапшыру буенча хәйрия акциясе оештырды. Әлеге акция Грачья Погосян исемендәге хәйрия фонды белән берлектә үткәрелә. Бу хакта бүген Facebook челтәрендә вәкиллек башлыгы Ренат Вәлиуллин язган.

(Казан, 13 апрель, «Татар-информ»). «Татнефть» компаниясе медицина һәм социаль учреждениеләрне «ТАНЕКО» комплексында җитештерелә торган антисептиклар белән тәэмин итә башлау өчен рөхсәт документларын алды. Бу хакта компаниянең матбугат хезмәте хәбәр итә.

(Казан, 13 апрель, «Татар-информ»). Гүзәл Яхина романы буенча төшерелгән «Зөләйха күзләрен ача» фильмының төп героинясы Казан Кремленә татар токымлы атларда киләчәк. Бу хакта Татарстан Республикасы Авыл хуҗалыгы һәм азык-төлек министрлыгының матбугат хезмәте хәбәр итә.

(Казан, 13 апрель, «Татар-информ», Гөлнар Гарифуллина). Россия төбәкләре коронавирус таралмасын өчен зур көч куярга тиеш. Бу хакта киңәшмәдә РФ Премьер-министры урынбасары Татьяна Голикова белдерде.

(Казан, 13 апрель, «Татар-информ»). Татарстанда үз-үзеңне изоляцияләү вакытында 24 меңнән артык машина үткәрү урыннарыннан кире борылган. Бу хакта «Татар-информ»га коронавируска каршы көрәш буенча оператив штабта хәбәр иттеләр.

(Казан, 13 апрель, «Татар-информ», Гөлнар Гарифуллина). Әгәр ихтыяҗ туса, Оборона министрлыгы мөмкинлекләре коронавируска каршы көрәштә кулланылырга тиеш. РФ Президенты Владимир Путин туры эфирда барган киңәшмәдә шул хакта әйтте.

(Казан, 13 апрель, «Татар-информ»). Татарстанда шәһәр халкын сезонлы эшләр белән тәэмин итү мөмкинлеге булдыру өчен Татарстан Республикасы Авыл хуҗалыгы һәм азык-төлек министрлыгы тарафыннан «Авылга җәйге эшкә — 2020» чакыру игълан ителде. Бу турыда министрлыкның матбугат хезмәте хәбәр итте.

(Казан, 13 апрель, «Татар-информ», Гөлнар Гарифуллина). Россия Федерациясе Президенты Владимир Путин илдә коронавируска каршы көрәштә берләшергә өндәде, бердәм резерв булдыруны тәкъдим итте. Бу хакта ул туры эфир барышында әйтте.

(Казан, 13 апрель, «Татар-информ», Ксения Перепеченова). Татарстанда үз-үзеңне изоляцияләү чорында смс-пропуск буенча дачага бару рөхсәт ителгән санны чикләделәр. Республика халкы атнага ике тапкыр шәһәр читендәге йортына бара ала, моның өчен дүрт СМС-рөхсәт алырга кирәк. Бу хакта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы матбугат хезмәте хәбәр итә.

(Казан, 13 апрель, «Татар-информ», Гөлнар Гарифуллина). Коронавирус таралу белән бәйле изоляциягә карамастан, Казанда мәктәпләр һәм балалар бакчалары төзелеше өчен финанслау күләмнәре сакланачак. Бу хакта Казан мэриясендә утырышта Казан башкарма комитеты җитәкчесенең шәһәр төзелеше сәясәте буенча беренче урынбасары Азат Нигъмәтҗанов әйтте.

(Казан, 13 апрель, «Татар-информ», Зилә Мөбәрәкшина). Төркиянең абруйлы журналларыннан берсе булган, Истанбулда чыгып килә торган «Тәмрин» журналы 2020 елның дүртенче санын (102 номер) тулысы белән классик татар язучысы Аяз Гыйләҗевкә багышлап чыгарган. Бу хакта «Татар-информ» хәбәрчесенә тәрҗемәче, Татарстан Язучылар берлеге әгъзасы Фатиһ Кутлу сөйләде.

(Казан, 13 апрель, «Татар-информ»). Башкортстанда чәчтарашханәләр һәм оптика салоннары эшли башлый. 13 апрельдә узган оператив киңәшмәдә хөкүмәт премьер-министрының беренче урынбасары Андрей Назаров шул турыда белдерде. Бу хакта «Башинформ» хәбәр итә.

(Казан, 13 апрель, «Татар-информ»). Татарстанда Татарстан Президенты Рөстәм Миңнеханов йөкләмәсе белән цифрлы пропусклар системасына үзмәшгуль гражданнарга өйдән чыгарга рөхсәт бирә торган дүрт яңа максат өстәлде. Бу хакта Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министрлыгының матбугат хезмәте хәбәр итә.