Новости за 08.04.2020

(Казан, 8 апрель, «Татар-информ»). Түбән Каманың 6, 7нче микрорайонында яшәүчеләр өй шартларында саклагыч битлекләр тегә башлаган. Бу турыда Түбән Кама муниципаль районы рәсми сайтында хәбәр ителә.

(Чирмешән, 8 апрель, «Татар-информ», «Безнең Чирмешән», Кадыйр Гомәров). Чирмешәндә 16 фатирлы тагын бер аренда йорты төзелешендә эш әле дә туктамый. Бу йорт быел җәй файдалануга тапшырылачак. Бу турыда район басмасы хәбәр итте.

(Казан, 8 апрель, «Татар-информ», Александра Давыдова). Җиңел яки билгеләрсез формада коронавирус белән авыручы пациентларны дәвалау өчен изоляция кирәк. Бу авыруның катлаулы стадиягә күчүенә юл куймаска мөмкинлек бирәчәк. Бу турыда Традицион кытай медицинасы белән дәвалау буенча Экспертларның илкүләм төркеме башлыгы урынбасары, Пекин хастаханәсе җитәкчесе Лю Цинцюаньга сылтама белән «Казинформ» хәбәр итә.

(Казан, 8 апрель, «Татар-информ»). Бүген, 8 апрель көнне, күренекле эшмәкәр, Әгерҗе районы Ямурза авылы КФХ җитәкчесе, «Бөтенроссия татар авыллары» иҗтимагый оешмасы Советы әгъзасы Сәхипов Илшат Мәлик улы вафат булды. Бу турыда Бөтендөнья татар конгрессы хәбәр итте.

(Казан, 8 апрель, «Татар-информ»). СМС-сервис эшли башлаганнан бирле үз-үзен изоляцияләү чорында хәрәкәт итүгә рөхсәт алу өчен Татарстанда яшәүче 630 мең кеше теркәлгән. Сервис камилләште һәм хәзер бер минуттан да азрак вакытта хәбәр килә. Бу турыда Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министрлыгы хәбәр итә.

(Казан, 8 апрель, «Татар-информ»). Танылган режиссер Тимур Бекмамбетов Милләтләр театрында Хуҗа Насретдин турында спектакль куячак. Бу хакта театр аккаунтында аның директоры Евгений Миронов хәбәр иткән.

(Казан, 8 апрель, «Татар-информ», Ксения Перепеченова). Россия Президенты Владимир Путин ил гражданнарына бүгенге вазгыять аркасында килеп чыккан барлык авырлыкларга һәм проблемалар карамастан, үз-үзеңне изоляцияләү шартларын үтәүне сорап мөрәҗәгать итте. Коронавирус таралуын туктату өчен режим кирәк.

(Казан, 8 апрель, «Татар-информ»). Бүген Татарстан Премьер-министры Алексей Песошин рәислегендә «Татэнергосбыт» АҖ директорлар советы утырышы узды. Компаниянең 2019 елдагы эшчәнлек нәтиҗәләре турында «Татэнергосбыт» АҖ директоры Рифнур Сөләйманов доклад ясады. Бу турыда Татарстан Президенты матбугат хезмәте хәбәр итте.

(Казан, 7 апрель, «Татар-информ»). Татарстан Президенты Рөстәм Миңнеханов Республика клиник хастаханәсенең травматология бүлегендә булды, анда йогышлы авырулардан дәвалану өчен вакытлы госпиталь булдырылган. Республика җитәкчесенә 15 бригада төзелгәнлеге турында хәбәр иттеләр, кирәк булган очракта медицина персоналы саны ике тапкыр арттырылачак.

(Казан, 8 апрель, «Татар-информ», Егор Никитин). Якындагы ике көндә Россия Хөкүмәте федераль койка фондын ил төбәкләре карамагына тапшыру графигын төзиячәк. Россия Президенты Владимир Путин бу йөкләмәне коронавирус таралуга каршы көрәшкә багышланган киңәшмәдә әйтте.

(Казан, 8 апрель, «Татар-информ»). Татарстан Президенты Рөстәм Миңнеханов Казанда Covid -19 коронавирусыннан авырулар дәвалана торган Агафонов исемендәге Республика клиник йогышлы авырулар хастаханәсендә медицина персоналының эш шартларын тикшерде. Республика җитәкчесе Россия Президенты Владимир Путин белән селектор киңәшмәсеннән соң ук табиблар янына килде.

(Казан, 8 апрель, «Татар-информ», Адилә Зиатдинова). Россия Президенты Владимир Путин Хөкүмәткә гражданнарның барлык шәхси таныклыкларын кимендә өч айга автомат рәвештә озайту механизмын эшләргә кушты. Бу хакта ул төбәк башлыклары белән киңәшмәдә хәбәр итте.

(Казан, 9 апрель, «Татар-информ»). Кешелек дөньясы өстендә үлемгә китерүче зәхмәт авыру — коронавирус таралуга бәйле рәвештә, Татарстан мөселманнары Диния нәзарәте Казахстан мөфтиятенең башлангычына — 10 апрельдә планетаның барлык почмакларында бер үк вакытта дога кылуга кушылачак. Бу турыда Татарстан Диния нәзарәте матбугат хезмәте хәбәр итте.

(Казан, 8 апрель, «Татар-информ»). Россия Президенты Владимир Путин ил Хөкүмәтенә һәм Үзәк банкка бизнеска өстәмә ярдәм итү программасын әзерләргә йөкләде.

(Казан, 8 апрель, «Татар-информ», Егор Никитин). Коронавируска каршы көрәштә якындагы 2-3 атна хәлиткеч булачак. Атналар уңышлы булсын өчен гражданнарга табибларның барлык киңәшләрен төгәл үтәргә кирәк. Бу хакта Covid-19 таралу куркынычына каршы көрәш буенча киңәшмәдә Россия Президенты Владимир Путин хәбәр итте.

(Казан, 8 апрель, «Татар-информ»). Татарстан Республикасы Авыл хуҗалыгы һәм азык-төлек министрлыгы 2020 елда матди-техник базаны ныгытуга грант бирү өчен авыл хуҗалыгы кулланучылар кооперативларын сайлап алу конкурсы башлануы турында игълан итә. Бу турыда министрлыкның матбугат хезмәте хәбәр итте.

(Казан, 8 апрель, «Татар-информ», Ксения Перепеченова). Ата-аналары эшсез калган гаиләләргә якындагы өч айда 18 яшькә кадәрге һәр бала өчен өстәмә акча түләнергә тиеш. Россия Президенты Владимир Путин төбәк башлыкларына шундый тәкъдим белән мөрәҗәгать итте.

(Казан, 8 апрель, «Татар-информ»). Россия Президенты Владимир Путин төбәк башлыклары белән киңәшмә кысаларында коронавирус белән авыручыларны дәвалаучы медицина персоналы өчен махсус федераль өстәмә түләү билгеләргә тәкъдим итте. Авыручылар белән эшләүче табиблар өчен өстәмә түләү аена 80 мең сум булырга тиеш.

(Казан, 8 апрель, «Татар-информ», Рәмис Латыйпов). Балтачта туып-үскән, хәзерге вакытта АКШның Флорида штатында яшәүче Ленар Мөхәммәдиев (социаль челтәрләрдә Ленар Балтачтан) үз-үзеңне изоляцияләү чорын файдалы итеп үткәрергә өндәде.

(Казан, 8 апрель, «Татар-информ», Адилә Зиатдинова). Россия Президенты Владимир Путин барлык эшсезләргә дә 12 мең 130 сум күләмендә пособие түләүне йөкләде. Бу хакта ул төбәк башлыклары белән киңәшмә кысаларында хәбәр итте.

(Казан, 8 апрель, «Татар-информ», Екатерина Ларионова). Яңа коронавирус инфекциясе белән авыручылар янына баручы ашыгыч медицина ярдәме табиблары 50 мең сум күләмендә федераль түләү алачак. Бу хакта Россия Президенты Владимир Путин төбәкләр башлыклары белән киңәшмә кысаларында хәбәр итте.

(Казан, 8 апрель, «Татар-информ», Гөлүзә Ибраһимова). Татарстанның атказанган артисты Лилия Муллагалиева, «Якыннарыңны яздыр» акциясенә кушылып, әнисен «Сөембикә» журналына яздырган. Бу хакта җырчы үзенең «Instagram» сәхифәсендә хәбәр итә.

(Казан, 8 апрель,«Татар-информ»). Россиядә соңгы тәүлек эчендә 86 кеше коронавирус инфекциясеннән дәваланды, барлыгы 580 кеше сәламәтләнеп хастаханәдән чыкты. Әлеге мәгълүматларны Роспотребнадзор китерде.

(Казан, 8 апрель, «Татар-информ»). Үзизоляция режимыннан күренә торган нәтиҗә киләсе атнаның икенче яртысында сизеләчәк. Бу турыда Россия Президенты матбугат сәркатибе Дмитрий Песковка сылтама белән «Интерфакс» хәбәр итә.

(Казан, 8 апрель, «Татар-информ», Полина Шевчук). Татарстан кешесе шәһәргә чыгу өчен 12 ел элек ябылган фирма исеменнән белешмә саткан. Бу турыда коронавируска каршы көрәш оператив штабында сөйләделәр.