Новости за 19.04.2020

(Әлки, 19 апрель, «Татар-информ», «Әлки хәбәрләре»). Бу көннәрдә Әлки районы башлыгы Александр Никошин инициативасы белән профессор А.Ф. Агафонов исемендәге республика клиник йогышлы авырулар хастаханәсе табибларына ярдәм күрсәтелде. Әлки кешеләре хастаханәгә 20 азык-төлек җыелмасы илтте.

(Азнакай, 19 апрель, «Татар-информ», «Маяк», Резидә Шәрипова). Азнакайның Яңа Юл микрорайонында Чалтугай урамында республика программасы буенча күп функцияле үзәк төзелә башлады. Бу турыда район басмасы хәбәр итә.

(Әгерҗе, 19 апрель, «Татар-информ», «Әгерҗе хәбәрләре»). Әгерҗе районының Кадыбаш мәктәбе «Җиңү — барыбыз өчен дә берәү» акциясе кысаларында «Сугыш турында укыйбыз» исемле акция-марафон башлады. Бу турыда район басмасы хәбәр итә. 

(Казан, 19 апрель, «Татар-информ»). Бу көннәрдә Түбән Кама муниципаль районы Ветераннар советы 40 еллык юбилеен билгеләп үтә. Түбән Камада Бөек Ватан сугышы ветераннары советын төзү турында карар 1980 елның 17 апрелендә кабул ителә. Бу турыда Түбән Кама муниципаль районы рәсми сайтында хәбәр ителә.

(Казан, 19 апрель, «Татар-информ»). Иртәгә, 20 апрельдә, Татарстанда +15 градуска кадәр җылытачак. Бу хакта ТР Гидрометеорология үзәге хәбәр итә.

(Казан, 19 апрель, «Татар-информ»). Киләсе атнада Россиядә Covid-19 яңа коронавиус белән авыручылар саны артмавының беренче билгеләре барлыкка килергә мөмкин. Бу турыда Россия Президентының матбугат секретаре Дмитрий Песков «Россия 1» телеканалының «Мәскәү. Кремль. Путин» программасында сөйләде.

(Казан, 19 апрель, «Татар-информ»). Сәнәгать һәм сәүдә министрлыгы Россиядә чит ил продуктларына бәяләрнең акрынлап артуын кире какмый. Бу турыда министрлык башлыгы Денис Мантуров сүзләренә сылтама белән РИА Новости хәбәр итә.

(Казан, 19 апрель, «Татар-информ», Наталия Никифорова). Татарстанда яшәүче 7 меңнән артык кеше үз-үзеңне изоляцияләү режимын бозган. Бу хакта Коронавируска каршы көрәш буенча оператив штабта хәбәр иттеләр.

(Казан, 19 апрель, «Татар-информ»). Россия мөселманнары Диния нәзарәте Голәмәләр шурасы Рамазан аендагы мәҗбүри сәдака күләмен һәм намаз тәртибен билгеләде. «Коронавирус таралу сәбәпле, карантин һәм үз-үзен изоляцияләү мөселманнарга ураза тотарга комачауламаска тиеш. Голәмәләр шурасы COVID-19 авыруы куркынычы аркасында уразаны калдырырга ярамый дип саный», — диелә карарда. Бу карар шимбә көнне Россия мөселманнары Диния нәзарәте сайтында чыккан. Бу турыда РИА Новости хәбәр итә.

(Казан, 19 апрель, «Татар-информ»). Татарстан Президенты Рөстәм Миңнеханов Чүпрәле районында эш сәфәрендә булды. Анда ул «Цильна» ҖЧҖ ындыр табагы эше белән танышты. Бу турыда республика җитәкчесенең матбугат хезмәте хәбәр итә.

(Казан, 19 апрель, «Татар-информ»). Covid-19 яңа коронавирус инфекциясе таралуга юл куймас өчен, вирус таралуны профилактикалау чараларын үтәүне дәвам итәргә кирәк. InnoSTage компанияләр төркеменең бизнес-хәл итү юнәлеше җитәкчесе Фёдор Селезнев фикеренчә, авыруны йоктыручылар саны 6 меңнән артырга мөмкин. Бу хакта «Татар-информ»га Фёдор Селезнев сөйләде.

(Казан, 19 апрель, «Татар-информ»). Газ исе белән ир-ат һәм хатын-кыз агуланган йортта газ котелын сүндергәннәр һәм төтен юлларын тикшерәләр. Бу турыда «Газпром трансгаз Казань» ҖЧҖнең массакүләм мәгълүмат чаралары белән элемтә хезмәтендә хәбәр иттеләр.

(Казан, 19 апрель, «Татар-информ»). Төркиянең Анталия шәһәреннән Казанга рейс якынча 21 апрельгә билгеләнгән. Бу хакта Россия Цифрлы үсеш, элемтә һәм массакүләм коммуникацияләр министрлыгының телеграм-каналында хәбәр ителә.

(Казан, 19 апрель, «Татар-информ»). Татарстан Президенты Рөстәм Миңнеханов Буа районында җирле агрокомплекс активы белән очрашты һәм авыл хуҗалыгы продукциясе күргәзмәсен карады. Бу турыда Татарстан Президенты матбугат хезмәте хәбәр итә.

(Казан, 19 апрель, «Татар-информ»). Паспортларның, шулай ук машина йөртү таныклыкларының гамәлдә булу срогы тәмамланган гражданнарга документларны 15 июльгә кадәр алыштыру таләп ителми. Эчке эшләр министрлыгы мондый документларны алыштыру тәртибен рәсми сайтында урнаштырды. Бу хакта «Российская газета» хәбәр итә.

(Казан, 19 апрель, «Татар-информ»). Бүген шахмат буенча онлайн-турнирның өченче раунды узачак. Аны «Татар-информ» мәгълүмат агентлыгы оештыра. Ярышта бу уенны яратучы һәркем катнаша ала.

(Казан, 19 апрель, «Татар-информ»). Татарстан Республикасы Президенты Рөстәм Миңнеханов Буа районы аграрийлары белән очрашуда барысын да Пасха бәйрәме белән котлады һәм чиркәүләргә барудан тыелырга өндәде. Бу хакта ТР Президенты матбугат хезмәте хәбәр итә.

(Казан, 19 апрель, «Татар-информ»). Коронавирус пандемиясе шартларында Мәскәүнең Татар милли-мәдәни автономиясе онлайн форматта эшләвен дәвам итә һәм яңа юнәлешләрне үстерә. Бу турыда Бөтендөнья татар конгрессы сайтында хәбәр ителә.

(Казан, 19 апрель, «Татар-информ»). Россиядә коронавирус йоктыручылар саны 42 853 кешегә җитте. Бу хакта COVID-19 таралуга каршы көрәш буенча оператив штабка сылтама белән РИА Новости хәбәр итә.

(Казан, 19 апрель, «Татар-информ»). «Иннополис» махсус икътисади зонасының элеккеге генераль директоры, Түбән Новгород өлкәсе губернаторы урынбасары Игорь Носов коронавирус белән авырый. Бу хакта төбәк башлыгы Глеб Никитин сүзләренә сылтама белән РИА Новости хәбәр итә.

(Казан, 19 апрель, «Татар-информ»). Татарстанда бер тәүлектә  инфекция йоктыруның 31 яңа очрагы теркәлгән. Бу хакта Татарстан Президенты матбугат хезмәте җитәкчесе Лилия Галимова хәбәр итте.

(Казан, 19 апрель, «Татар-информ»). Россиядә Covid-19 коронавирусыннан үлем очраклары аз булуы, күп кенә пациентларның авыруы җиңел формада узуы, шулай ук хастаханәләрнең авыруларны кабул итүгә яхшы әзерлеге белән бәйле. Бу хакта Сеченов университетының Марцинов исемендәге медицина паразитологиясе, тропик һәм трансмиссив авырулары институты директоры Александр Лукашев сүзләренә сылтама белән «Известия» хәбәр итте.

(Казан, 19 апрель, «Татар-информ», Полина Шевчук). Казанда биш катлы йортта газ исенә агуланган ике кешене хастаханәгә озатканнар. Бу турыда Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә хәбәр иттеләр.

(Казан, 19 апрель, «Татар-информ», Зилә Мөбәрәкшина). Казан шәһәре «Татар телендә белем бирүче 27 гимназия» укучылары КФУның Филология һәм мәдәниятара багланышлар институты оештырган «Минем Тукай» флешмобында Тукайның Зәйтүнәгә мәхәббәте турында фильм белән катнаша. Бу хакта «Татар-информ» хәбәрчесенә гимназиянең татар теле укытучысы Гөлгенә Нурмиева сөйләде.

(Истанбул, 19 апрель, “Татар-информ”, Рушания Алтай). Интернетта татар халкының бөек шагыйре Габдулла Тукайга багышланган флешмобка төрек музыканты Кәмаль Кутлу да кушылган. Ул анда Тукайның “Шагыйрь” шигыренә иҗат иткән җыры белән катнашкан.