Новости за 26.04.2020

(Яшел Үзән, 26 апрель, «Татар-информ», «Яшел Үзән»). Татарстан шәһәрләре буенча үзизоляциянең уртача индексы якшәмбе, 26 апрельдә, 3,5 балл тәшкил итте. «Яндекс» мәгълүматлары буенча, бу күрсәткеч шимбә белән чагыштырганда арткан. Бу турыда район басмасы хәбәр итә.

(Мөслим, 26 апрель, «Татар-информ», «Авыл утлары»). Мөслим гимназиясе укучылары язучы Антон Павлович Чеховның тууына 160 ел тулуга багышланган бөтенроссия иҗади конкурсында җиңде. Бу турыда район басмасы хәбәр итә.

(Әлмәт, 26 апрель, «Татар-информ», «Әлмәт таңнары»). Татарстан Эчке эшләр министрлыгының Әлмәт районы бүлеге матбугат хезмәте корбаннарның банк карталарыннан 100 мең сум үзләштергән мошенник турында хәбәр итте.

(Бөгелмә, 26 апрель, «Татар-информ», «Бөгелмә авазы»). Югра Думасы каршындагы Яшьләр парламенты «ВКонтакте» платформасында Россия Федерациясе Герое, Россия Федерациясе очучы-космонавты, Бөгелмә шәһәренең Мактаулы гражданины Сергей Николаевич Рыжиков белән очрашу оештырды. Бу турыда район басмасы хәбәр итә.

(Казан, 26 апрель, «Татар-информ», Зилә Мөбәрәкшина). «Татар дозор — 2020» квест уены быел беренче тапкыр онлайн форматта үтте. Аның нәтиҗәләре «Мин татарча сөйләшәм» акциясенең туры эфирында игълан ителде.

(Казан, 26 апрель, «Татар-информ», Зилә Мөбәрәкшина). Сәләт клубы президенты Тимерхан Шәйхетдинов «Мин татарча сөйләшәм» акциясенең туры эфирында Татарча Википедия бәйгесе җиңүчеләрен котлады.

(Казан, 26 апрель, «Татар-информ», Наталия Никифорова). Казанлылар, үзизоляция режимына да карамастан, ишегалдында дискотека оештырган. Шау-шулы кичәне күршеләре видеога төшереп, социаль челтәрләргә урнаштырган.

(Казан, 26 апрель, «Татар-информ», Зилә Мөбәрәкшина). Бөтендөнья татар яшьләре форумы рәисе Ленария Мөслим Татарстан министрлыкларының Тел канунын үтәүгә карата тәнкыйть сүзләрен әйтте. Бу хакта ул «Мин татарча сөйләшәм» акциясенең туры эфирында сөйләде.

(Казан, 26 апрель, «Татар-информ», Зилә Мөбәрәкшина). Бөтендөнья татар яшьләре форумы рәисе Ленария Мөслимова Татарстанның кырык биш районы арасында икетеллелек кулланылышын үтәгән иң яхшыларын билгеләп үтте. Бу хакта ул «Мин татарча сөйләшәм» акциясенең туры эфирында сөйләде.

(Казан, 26 апрель, «Татар-информ»). Бүген Казан мэры Илсур Метшин бөек татар шагыйре Габдулла Тукай һәйкәленә чәчәк куйды. Бу хакта мэриянең матбугат хезмәте хәбәр итә.

(Казан, 26 апрель, «Татар-информ»). Роспотребнадзор башлыгы Анна Попова россиялеләрне Май бәйрәмнәрендә үзизоляция режимын бозмаска чакырды. Федераль хезмәт җитәкчесе «Россия 1» каналындагы «Мәскәү. Кремль. Путин» тапшыруына биргән интервьюсында шулай дип белдерде.

(Казан, 26 апрель, «Татар-информ», Зилә Мөбәрәкшина). «Мин татарча сөйләшәм» хәрәкәте кысаларында һәр елны «Тяжело с татарским» антипремиясе тапшырыла. Быел ул Федераль дәүләт статистикасы хезмәтенә бирелде. Бу хакта «Мин татарча сөйләшәм» акциясенең туры эфирында Бөтендөнья татар яшьләре форумы рәисе урынбасары Айрат Фәйзрахманов хәбәр итте.

(Казан, 26 апрель, «Татар-информ»). Киләсе атнада Россия Президенты Владимир Путин яңа төрдәге Covid-19 коронавирус инфекциясенә бәйле вазгыять буенча ил гражданнарына яңа мөрәҗәгать белән чыгарга мөмкин. Бу хакта «Интерфакс» агентлыгы дәүләт башлыгының матбугат сәркатибенә сылтама белән хәбәр итә.

(Казан, 26 апрель, «Татар-информ»). Соңгы мәгълүматларга караганда, Татарстанда коронавирус белән авыручы тагын өч кеше терелгән. Бу хакта коронавирус инфекциясенә каршы көрәш буенча оператив штаб хәбәр итә. Аларның барысы да Чаллыда дәваланган. Республикада эпидемия башланганнан бирле 562 кешенең 57се терелеп, хастаханәдән чыгарылган.

(Казан, 26 апрель, «Татар-информ», Зилә Мөбәрәкшина). «Мин татарча сөйләшәм» хәрәкәтендә быел «Рәхмәт билгесе» дигән яңа премия булдырылды. Ул өч кешегә тапшырылды. Бу хакта «Мин татарча сөйләшәм» хәрәкәтенең туры эфирында билгеле булды.

(Казан, 26 апрель, «Татар-информ»). Туган тел һәм Габдулла Тукайның туган көнендә популяр социаль челтәрләрнең берсендә шагыйрьнең аккаунты барлыкка килде. Проектны «Татарстан яшьләре» иҗтимагый хәрәкәте оештырган. Бу хакта ТР Яшьләр эшләре министрлыгының матбугат хезмәте хәбәр итә.

(Казан, 26 апрель, “Татар-информ”, Рузилә Мөхәммәтова). Татарстан Язучылар берлеге быел традицион шигырь бәйрәмен онлайн форматка күчерде. Социаль челтәрләрдә бәйрәмгә багышланган видеоязмалар урнаштырыла башлады.

(Казан, 26 апрель, «Татар-информ»). Татарстанда коронавирус инфекциясе йоктыруның 71 яңа очрагы ачыкланган. Бу хакта ТР Президентының матбугат хезмәте җитәкчесе Лилия Галимова хәбәр итте.

(Казан, 26 апрель, «Татар-информ»). Пандемия вакытында кешеләрнең медицина битлеге кияргә теләмәве - вазгыятьнең җитди булмавына үзеңне ышандырырга тырышу. Бу хакта «Известия» газетасы Россия Фәннәр академиясенең Медицина-биологик проблемалар институты социаль һәм когнитив психология лабораториясенең әйдәп баручы фәнни хезмәткәре Анна Юсуповага сылтама белән хәбәр итә.

(Казан, 26 апрель, «Татар-информ», Рузилә Мөхәммәтова). Чуашстан татарлары милли-мәдәни автономиясе Тукай мирасын өйрәнүгә багышланган «Без — Тукайлы халык» бәйрәм-флешмобына катнашучыларга рәхмәтләрен җиткерә. Бу хакта автономия җитәкчесе Фәрит Гыйбатдинов хәбәр итә.

(Казан, 26 апрель, «Татар-информ»). Марий Эл Республикасы Идел буе федераль округы төбәкләрендә яшәүче халыкларны бердәм коллективка берләштерә торган «Безнең Җиңү көне» халык акциясенә кушылды. Акция РФ Президентының Идел буе федераль округындагы вәкаләтле вәкиле аппараты инициативасы белән үткәрелә, дип хәбәр итә оештыручылар.

(Казан, 26 апрель, «Татар-информ», Рузилә Мөхәммәтова). Быелгы Габдулла Тукай исемендәге Дәүләт премиясе лауреатлары рәсми рәвештә игълан ителде. Лауреатлар исемлеген Татарстан мәдәният министрлыгы матбугат үзәге хәбәр итә.

(Казан, 26 апрель, «Татар-информ»). РФ Премьер-министры Михаил Мишустин Россия компанияләре һәм шәхси эшкуарлар эшчәнлегенә кертелгән чикләүләрне этаплап гамәлдән чыгару буенча тәкъдимнәр әзерләргә йөкләмә бирде. Россия Министрлар Кабинеты сайтында дөнья күргән документта шул хакта сүз бара.

(Казан, 26 апрель, «Татар-информ»). РФ Гадәттән тыш хәлләр министрлыгы белгечләре россиялеләргә үзизоляция урыныннан бары тик тормыш яки сәламәтлеккә куркыныч янаган очракта гына китәргә киңәш итә. Бу хакта ТАСС агентлыгы Россия Гадәттән тыш хәлләр министрлыгының Бөтенроссия гражданнар оборонасы һәм гадәттән тыш хәлләр проблемалары буенча фәнни-тикшеренү институты хезмәткәрләре тарафыннан әзерләнгән киңәшләргә сылтама белән хәбәр итә.

(Казан, 26 апрель, «Татар-информ»). Бүген көндез һәм кич Татарстанның кайбер районнарында, шулай ук Казанда яшенле яңгыр көтелә. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.