Новости за 21.04.2020

(Яшел Үзән, 21 апрель, «Татар-информ», «Яшел Үзән»). Яшел Үзәннең Осиново бистәсендә яшәүче эшмәкәр Андрей Варламов җирле амбулатория өчен дезинфекция чаралары сатып алган. Алар хастаханәдәге бүлмәләрне җыештыру өчен кулланылачак. Бу турыда район басмасы хәбәр итәчәк.

(Казан, 21 апрель, «Татар-информ»). «Экология» илкүләм проекты кысаларында Түбән Камага урман янгыннарын сүндерүдә икенче типтагы яңа станция бинасы төзү өчен 6 млн сумга якын акча бүлеп бирелгән. Ул Кызыл Чишмә бистәсендә урнашачак. Бу турыда Түбән Кама муниципаль районы рәсми сайтында хәбәр ителә.

(Казан, 21 апрель, «Татар-информ»). Иртәгә, 22 апрельдә, Татарстанда болытлы, салкынча һәм дымлы һава торышы саклана. Бу хакта ТР Гидрометеорология үзәге хәбәр итә.

(Казан, 21 апрель, «Татар-информ», Наталия Никифорова). Судка 9 айлык кызы ваннада батып үлгән Казан кешесе эшен тапшырганнар. Ир-ат баланы ваннада ялгыз калдырган. Бу хакта Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

(Казан, 21 апрель, «Татар-информ»). Башкортстан Республикасы Диния нәзарәтендә Коръәнне башкорт теленә тәрҗемә итү мәсьәләсен карадылар. Бу хакта Россия мөфтиләр шурасы сайтында хәбәр ителә. 

(Казан, 21 апрель, «Татар-информ», Александра Давыдова). «Рональд Макдональд йорты»нда Балалар Республика клиник хастаханәсе табибларына бушлай урыннар бүлеп бирделәр. Мондый карар яңа коронавирус инфекциясе таралуга каршы көрәштә табибларның эш графигы тыгыз булу сәбәпле кабул ителде.

(Казан, 21 апрель, «Татар-информ»). Казанлыларны үзмәшгульләрнең беренче «ӨйдәБулФест» онлайн-фестиваленә чакыралар. Чара 25-26 апрельдә узачак һәм анда лекцияләр, онлайн-маркет һәм фуд-корт була. Бу хакта Татарстан башкаласы мэриясе матбугат хезмәте хәбәр итә.

(Казан, 21 апрель, «Татар-информ», Гөлнар Гарифуллина). Татарстанда мобиль элемтә булмаган торак пунктларда мәктәп укучыларына белем бирүдә кейс-технологияләр кулланыла. Бу хакта туры эфир барышында Татарстан Премьер-министры урынбасары — мәгариф һәм фән министры Рафис Борһанов әйтте.

(Казан, 21 апрель, «Татар-информ», Эльза Кузнецова). Социаль челтәрләрдә ТР Президенты Рөстәм Миңнехановның ата-аналар җыелышында катнашуы турында шаян видеоролик пәйда булды.

(Казан, 21 апрель, «Татар-информ», Гөлнар Гарифуллина). Татарстан Премьер-министры урынбасары — мәгариф һәм фән министры Рафис Борһанов дистанцион укыту буенча ZOOM платформасына карата фикерен белдерде. Бу хакта сорауга ул туры эфир барышында җавап бирде.

(Казан, 21 апрель, «Татар-информ»). Татарстанда Цифрлы үткәргечләр системасы эшли башлаганнан бирле өйдән чыгу өчен 5 миллионнан артык код бирелгән. Бу хакта Татарстан Республикасы Дәүләт идарәсен цифрлы нигездә үстерү, мәгълүмат технологияләре һәм элемтә министрлыгының матбугат хезмәте хәбәр итә.

(Казан, 21 апрель, “Татар-информ”, Гөлнар Гарифуллина). Биш көнлек уку атнасына күчүне һәр мәктәп үзе хәл итә ала. Бу хакта туры эфир барышында Татарстан Премьер-министры урынбасары – мәгариф һәм фән министры Рафис Борһанов әйтте.

(Казан, 21 апрель, «Татар-информ», Рузилә Мөхәммәтова). Шамил Идиатуллинның «Бывшая Ленина» китабы «Большая книга» әдәби премиясенә дәгъва итә. Бүген әдәби премиянең унбишенче сезон исемлеге дөнья күрде.

(Казан, 21 апрель, «Татар-информ»). «Казан» халыкара аэропортында чит илдә булган 143 Россия гражданинын каршы алдылар. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.

(Казан, 21 апрель, «Татар-информ»). Язучы Гүзәл Яхинаның шул исемдәге романы буенча «Зөләйха күзләрен ача» сериалының өченче сериясе узган атнада Мәскәүдә иң популяр телетамашаларның берсе булды. Бу хакта Mediascope компаниясе мәгълүматлары дәлилли.

(Казан, 21 апрель, «Татар-информ»). Татарстаннан РФ Дәүләт Думасы депутаты Ольга Павлова Covid-19дан дәвалаучы Казанның 7нче шәһәр хастаханәсе табибларына 2 меңгә якын медицина киеме комплектын тапшырды. Бу хакта «Бердәм Россия» Бөтенроссия сәяси партиясенең Татарстан төбәк бүлеге мәгълүмат үзәге хәбәр итә.

(Казан, 21 апрель, «Татар-информ»). Татарстан Президенты Рөстәм Миңнеханов «Волга-Днепр» компанияләр төркеме җитәкчесе Алексей Исайкин белән республикада медицина товарлары өчен складлар төзү турында фикер алышты. Әңгәмә видеоконференция элемтә аша узды. Бу хакта ТР Президенты матбугат хезмәте хәбәр итә.

(Казан, 21 апрель, «Татар-информ»). Татарстан Президенты Рөстәм Миңнеханов республикада дача сезоны башлануга әзерлек буенча киңәшмә уздырды. Бу хакта ТР Президенты матбугат хезмәте хәбәр итә.

(Казан, 21 апрель, «Татар-информ», Александра Давыдова). Даруларны маркировкалауның грамоталы системасы һәм логистика традицион даруханәләрнең юкка чыгуына китерәчәк. Мондый фикерне Татарстаннан РФ Дәүләт Думасы депутаты, медицина фәннәре докторы Борис Менделевич әйтте.

(Казан, 21 апрель, «Татар-информ», Гөлнар Гарифуллина). Көзге культуралар яхшы хәлдә дип бәяләнә. Татарстан Премьер-министры урынбасары — авыл хуҗалыгы һәм азык-төлек министры Марат Җәббаров ТР Министрлар Кабинетында онлайн брифингта шулай дип хәбәр итте.

(Казан, 21 апрель, «Татар-информ», Гөлнар Гарифуллина). Татарстанда, Идел буе федерал округының башка төбәкләре белән чагыштырганда, арзанрак булган туклану продуктлары билгеле. Аларны ТР Министрлар Кабинетында онлайн брифингта Татарстан Премьер-министры урынбасары — авыл хуҗалыгы һәм азык-төлек министры Марат Җәббаров атады.

(Казан, 21 апрель, «Татар-информ»). Берләшкән Гарәп Әмирлекләре хакимияте мөселманнарны бу атнада башланачак Рамазан аенда  намаз вакытында бергә җыелмаска чакыра. Бу хакта Интерфакс хәбәр итә.

(Казан, 21 апрель, «Татар-информ», Гөлнар Гарифуллина). Һөнәри осталык буенча WorldSkills дөнья чемпионатында кулланылган җиһаз-җайланмалар Татарстан районнарына тапшырыла. Алар «Казан Экспо» үзәгеннән чыгарыла. Бу хакта туры эфир барышында Татарстан Премьер-министры урынбасары — мәгариф һәм фән министры Рафис Борһанов әйтте.

(Казан, 21 апрель, «Татар-информ»). Россиянең һәм Татарстанның халык артисты Винера Ганиева, өйдә изоляциядә утырган барлык кешегә теләктәшлек күрсәтү максатыннан, #айдадомой онлайн-концертлар марафонына кушылачак. Бу турыда оештыручылар хәбәр итте.

(Казан, 21 апрель, «Татар-информ», Гөлнар Гарифуллина). Татарстан хуҗалыкларына язгы кыр эшләренә дәүләттән 4,5 млрд сум күләмендә ярдәм күрсәтелгән. Бу хакта ТР Министрлар Кабинетында онлайн брифингта Татарстан Премьер-министры урынбасары — авыл хуҗалыгы һәм азык-төлек министры Марат Җәббаров хәбәр итте.