Новости за 25.04.2020

(Ютазы, 25 апрель, «Татар-информ», «Ютазы таңы», Ильмира Галиева). Иртәгә Россиядә дөньякүләм тарихта иң куркыныч даталарның берсе — Чернобыль атом электр станциясе һәлакәтенә 34 ел тулачак. Ютазы халкы бу вакыйга катнашы булучыларны искә алды. Бу турыда район басмасы хәбәр итә.

(Казан, 25 апрель, «Татар-информ»). Түбән Кама балалар йорты тулысынча үзизоляциягә ябылды, аннан чыгып йөрү катгый рәвештә тыела. Баллаар йортында тәрбияләнүчеләр белән бергә тәрбиячеләр, табиблар һәм хезмәт күрсәтүче персонал яшәячәк. Бу турыда «НТР 24» хәбәр итә.

(Апас, 25 апрель, «Татар-информ», «Апастово-информ», Ләлә Сафиуллина). Апас районы башлыгы Равил Хисаметдинов тәкъдиме белән районда «Ак халатлы фәрештәләр» акциясе узды. Район башлыгы барлык ак халатлы шәфкать ияләренә олы ышанычын белдереп, чәчәккә күмелгән яз гөлләре бүләк итте. Бу турыда район басмасы хәбәр итә.

(Әлмәт, 25 апрель, «Татар-информ», «Әлмәт таңнары»). 25 апрельдә төнге өч тулганда 112 номерына Сөләйманова урамындагы 10 йортның 8-9 нчы катлары арасындагы балконның тышкы ягында ир-ат басып торуын хәбәр итәләр. Бу турыда район басмасы хәбәр итә.

(Казан, 25 апрель, «Татар-информ», Рузилә Мөхәммәтова). Быелгы Габдулла Тукай исемендәге Дәүләт премиясе ияләре билгеле булды. Исемлек «Татар-информ» журналистына үз чыганакларыннан билгеле булды.

(Казан, 25 апрель, «Татар-информ», «Ватаным Татарстан», Фәния Арсланова). Таҗвирус районнарга, авылларга да килеп җитте. Биектау районын­да гына да 17 очрак теркәлгән. Авыруларның 11е өйдә дәвалана, 2се хастаханәдә ята, дүрт кеше терелгән.

(Казан, 25 апрель, «Татар-информ»). Уфадан HAUA төркеме Испаниядә ALGA («Алга») исемле өченче тулы форматлы альбом чыгарды. Бу хакта «Башинформ» хәбәр итә.

(Казан, 25 апрель, «Татар-информ»). Чит кешенең банк картасына кагылмау, тапкан очракта аны юк итү хәерле. Бу турыда AMarkets аналитик департаменты җитәкчесе Артем Деев сүзләренә сылтама белән РИА Новости хәбәр итә.

(Казан, 25 апрель, «Татар-информ», Полина Шевчук). Мамадышта офис бинасы түбәсен көчле җил алып аткан. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр.

(Казан, 25 апрель, «Татар-информ»). Пенза өлкәсенең татар милли-мәдәни җәмгыяте үз-үзеңне изоляцияләү чорында «Россия халыкларының милли ашлары һәм милли ризыклары» челленджын башлап җибәрде. Бу хакта Бөтендөнья татар конгрессы матбугат хезмәте хәбәр итә.

(Казан, 25 апрель, «Татар-информ», Эвелина Киселёва). Татарстанда яңа коронавирус инфекциясе белән авыруның 126 очрагы читтән кертелгән дип санала. Татарстанлылар авырып кайткан илләр һәм шәһәрләр исемлеген төбәк Хөкүмәте Йортында узган киңәшмәдә Роспотребнадзорның Татарстан идарәсе башлыгы Марина Патяшина җиткерде.

(Казан, 25 апрель, «Татар-информ»). Татарстанның алты муниципаль районында — Теләче, Чүпрәле, Лаеш, Питрәч, Тәтеш, Биектау районнарында — Covid-19 тибындагы коронавирус инфекциясе белән авыручылар санының югары күрсәткечләре билгеләнде. Бүген Татарстан Хөкүмәте Йортында узган республика киңәшмәсендә Роспотребнадзорның Татарстан буенча идарәсе башлыгы Марина Патяшина шул турыда сөйләде. Бу хакта республика җитәкчесенең матбугат хезмәте хәбәр итә.

(Казан, 25 апрель, «Татар-информ»). Татарстан синоптиклары көчле җил көтелү сәбәпле шторм кисәтүе игълан итте. Бу хакта Татарстан Гидрометеорология үзәге хәбәр итә.

(Казан, 25 апрель, «Татар-информ»). Татарстанның авыл хуҗалыгы предприятиеләре коронавирус инфекциясе пандемиясе шартларында эшләрен туктатмыйлар һәм Казан шәһәре хастаханәләре өчен бушлай продукция җибәрә башладылар. Мондый ярдәмне беренчеләрдән булып «Азбука сыра» Мамадыш заводы күрсәтә башлады.Бу турыда Татарстан Авыл хуҗалыгы һәм азык-төлек министрлыгы матбугат хезмәте хәбәр итте.

(Казан, 25 апрель, «Татар-информ», Наталия Никифорова). Татарстанда авыл хуҗалыгы фирмасы операторының чак кына кулын өздерми калу очрагының сәбәбен һәм гаепле кешене тикшерүчеләр ачыклый. Бу хакта Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

(Казан, 25 апрель, «Татар-информ»). Татарстан Республикасы Президенты Рөстәм Миңнеханов традицион киңәшмәдә муниципалитет башлыкларына мөрәҗәгать итте. Ул мохтаҗ кешеләргә район дәрәҗәсендә ярдәм итүдә күбрәк алымнар кулланырга кушты. Бу хакта республика җитәкчесенең матбугат хезмәте хәбәр итә.

(Казан, 25 апрель, «Татар-информ»). Татарстанда бер атна эчендә Covid-19 коронавирусы белән зарарлану очраклары 10 процентка арткан һәм 60 процентка җиткән. Бүген Татарстан Хөкүмәте Йортында узган республика киңәшмәсендә Роспотребнадзорның ТР идарәсе башлыгы Марина Патяшина шул турыда сөйләде. Бу хакта республика җитәкчесенең матбугат хезмәте хәбәр итә.

(Казан, 25 апрель, «Татар-информ»). Татарстан җитәкчелеге «ЛУКОЙЛ» ГАҖ Директорлар советы рәисе Валерий Грайфер вафатына бәйле рәвештә кайгы уртаклашты.Валерий Грайфер кичә, 24 апрельдә, 90 яшендә вафат булды. Бу хакта Татарстан Президенты матбугат хезмәте хәбәр итә.

(Казан, 25 апрель, «Татар-информ»). Татарстанда тәүлек эчендә Covid-19 коронавирус инфекциясенең 65 яңа очрагы теркәлгән. Бу хакта ТР Президенты матбугат хезмәте җитәкчесе Лилия Галимова хәбәр итте.

(Казан, 25 апрель, «Татар-информ»). Хәзерге вакытта Татарстанда яңа типтагы Covid-19 коронавирус инфекциясе таралу сәбәпле гамәлдә булган үз-үзеңне изоляцияләү режимын сакларга кирәк. Татарстан Президенты Рөстәм Миңнеханов муниципалитетлар катнашында узган традицион киңәшмәдә шул турыда белдерде. Бу хакта республика җитәкчесенең матбугат хезмәте хәбәр итә.

(Казан, 25 апрель, «Татар-информ», Полина Шевчук). Татарстанда Кама елгасында нефть продуктлары төягән теплоход сайлыкка утырган. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсе матбугат хезмәтендә сөйләделәр.

(Казан, 25 апрель, «Татар-информ»). Татарстанда яңа типтагы Covid-19 коронавирус инфекциясе белән симптомсыз авыручылар саны арта бара. Бер атна эчендә бу күрсәткеч 10 процентка арткан. Бүген Татарстан Хөкүмәте Йортында узган республика киңәшмәсендә Роспотребнадзорның ТР идарәсе башлыгы Марина Патяшина шул турыда сөйләде. Бу хакта республика җитәкчесенең матбугат хезмәте хәбәр итә.

(Казан, 25 апрель, «Татар-информ», Полина Шевчук). Татарстан Эчке эшләр министрлыгының Икътисади иминлек һәм коррупциягә каршы көрәш идарәсе башлыгы итеп полковник Тимур Минушев билгеләнде. Бу хакта «Татар-информ»га Татарстан Эчке эшләр министрлыгының матбугат хезмәтендә сөйләделәр.

(Казан, 25 апрель, «Татар-информ»). Һәр ел саен 26 апрель көнне Казанның Бауман урамында «Мин татарча сөйләшәм!» акциясе кысаларында концерт уза иде. Быел ул унбишенче тапкыр һәм онлайн форматта була. Бу турыда Бөтендөнья татар конгрессы хәбәр итте.

(Казан, 25 апрель, «Татар-информ»). Татарстанда яңа Covid-19 коронавирус инфекциясе белән авыручылар саны бүгенге көндә 491 кешегә җиткән. Бүген Татарстан Хөкүмәте Йортында узган республика киңәшмәсендә шул турыда Роспотребнадзорның ТР идарәсе башлыгы Марина Патяшина әйтте. Бу хакта республика җитәкчесенең матбугат хезмәте хәбәр итә.