Новости за 27.04.2020

(Казан, 27 апрель, «Татар-информ»). Яшел Үзәннең 20нче балалар бакчасы үзизоляция шартларында да белем бирү процессын туктатмаган. Барлык төркемнәр дә танып белү, сөйләм, физик тәрбия биремнәрен үтәгән. Бу турыда «Новости Зеленодольска» газетасы яза.

(Казан, 27 апрель, «Татар-информ»). Атна уртасында Татарстанда янә температура төшәчәк. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

 (Казан, 27 апрель, «Татар-информ», Гөлнара Әүхәдиева). Таиландтан кайткан Түбән Новгород гаиләсе коронавирус аркасында бер атна Казанның «Ливадия» шифаханәсе обсерваторында булган. Бүген алар шифаханәнең баш табибына һәм персоналына карантин вакытында кайгыртулары һәм сабырлыклары өчен рәхмәт белдереп видеомөрәҗәгать яздырган.

(Казан, 27 апрель, «Татар-информ», Полина Шевчук). Казанда яшәүче ике ир-ат «Мерседес» өчен кеше урлауда гаепләнә.  Бу турыда Россия Тикшерү комитетының Татарстан буенча Тикшерү комитеты җитәкчесенең өлкән ярдәмчесе Андрей Шептицкий сөйләде.

(Казан, 27 апрель, «Татар-информ» Гөлнар Гарифуллина). Коронавирус белән бәйле изоляция вакытында Татарстанның салым хезмәте тикшерүләрне тулысынча туктаткан. Бу хакта «Татар-информ» агентлыгында онлайн узган матбугат конференциясендә Федераль Салым хезмәтенең Татарстан буенча идарәсе җитәкчесе Марат Сафиуллин әйтте.

(Казан, 27 апрель, «Татар-информ»). Татарстан медицина учреждениеләренең Covid-19 коронавирусыннан дәвалаучы хезмәткәрләренә чәй янына татлы ризык җыелмалары оештырылачак. Бу хакта «Бердәм Россия» Татарстан төбәк башкарма комитеты җитәкчесе Марат Сәмигуллин партия генераль советы секретаре Андрей Турчак белән онлайн-киңәшмә вакытында хәбәр итте.

(Казан, 27 апрель, «Татар-информ», Ләйсән Рәхмәтуллина). Төзелеш өлкәсендә пандемия белән бәйле проблемалар булмавы турында ТР Төзелеш, архитектура һәм ТКХ министры Фәрит Хәнифов әйтте.

(Казан, 27 апрель, «Татар-информ» Гөлнар Гарифуллина). Коронавирус белән бәйле изоляция вакытында аеруча зыян күргән предприятиеләрнең салым түләү сроклары күчерелә. Бу хакта «Татар-информ» агентлыгында онлайн узган матбугат конференциясендә Федераль Салым хезмәтенең Татарстан буенча идарәсе җитәкчесе Марат Сафиуллин әйтте.

(Казан, 27 апрель, «Татар-информ», Полина Шевчук). Татарстан прокуратурасы фирмага эшчеләренә хезмәт хакы буенча миллион сумнан артык бурычын түләтүгә ирешкән. Бу турыда Татарстан прокурорының өлкән ярдәмчесе Руслан Галиев хәбәр итте.

(Казан, 27 апрель, «Татар-информ», Полина Шевчук). Элеккеге хатынын, кечкенә улын һәм үги малаен чәнчеп үтергән ир-атка суд булачак. Бу турыда Россия Тикшерү комитетының Татарстан буенча Тикшерү идарәсе җитәкчесенең өлкән ярдәмчесе Андрей Шептицкий сөйләде.

(Казан, 27 апрель, «Татар-информ», Ләйсән Рәхмәтуллина). Авыл җирендә йорт салу өчен 2,7 процентлы ипотека бирелүе хакында ТР Төзелеш, архитектура һәм ТКХ министры Фәрит Хәнифов әйтте.

(Казан, 27 апрель, «Татар-информ», Наталия Никифорова). Прокуратура Казанның күп катлы йортлары халкын көчләп тагылган домофон өчен түләүдән азат итте. Бу хакта Татарстан прокурорының өлкән ярдәмчесе Руслан Галиев сөйләде.

(Казан, 27 апрель, «Татар-информ» Гөлнар Гарифуллина). Салым декларацияләрен тапшыру өч айга чигерелә. Бу хакта «Татар-информ» агентлыгында онлайн узган матбугат конференциясендә Федераль Салым хезмәтенең Татарстан буенча идарәсе җитәкчесе Марат Сафиуллин әйтте.

(Казан, 27 апрель, «Татар-информ», Назлыгөл Мәсәлимова). Март ахырында коронавирус белән авырый башлаган Казан кешесе Бахром Хамроев терелеп, табибларга рәхмәт сүзләре җиткереп, видео яздырган.

(Казан, 27 апрель, «Татар-информ», Егор Никитин). Дәүләт һәм муниципаль хезмәткәрләрнең керемнәре һәм чыгымнары турында декларацияләр бирү сроклары өч айга — 2020 елның 1 августына кадәр озайтылды. Карар Covid-19 коронавирусы пандемиясе аркасында кабул ителде, ул 10 меңнән артык татарстанлыга кагылачак. Бу хакта Татарстан Президентының Коррупциягә каршы сәясәт мәсьәләләре буенча идарәсенең баш киңәшчесе Салават Рәхимов хәбәр итте.

(Казан, 27 апрель, «Татар-информ», Ләйсән Рәхмәтуллина). Ташламага ия яшь гаиләләр, күп балалы гаиләләр һәм бюджет өлкәсендә эшләүчеләрнең торак хәлен яхшырту программалары турында ТР Төзелеш, архитектура һәм ТКХ министры Фәрит Хәнифов «Татарстан онлайн» тапшыруында сөйләде.

(Казань, 27 апрель, «Татар-информ»). Бүген Татарстан Республикасы Президенты Рөстәм Миңнеханов азык-төлеккә һәм даруларга бәяләрне күзәтү мәсьәләләре буенча киңәшмә уздырды. Бу турыда республика Президентының матбугат хезмәте хәбәр итә.

(Казан, 27 апрель, «Татар-информ»). Россия Президенты Владимир Путин сишәмбе көнне РФ төбәкләре җитәкчеләре белән киңәшмә уздырачак. Анда коронавирус инфекциясе таралу белән бәйле вазгыять турында фикер алышачаклар. Бу хакта дәүләт башлыгы матбугат секретаре Дмитрий Песков сүзләренә сылтама белән Sputnik радиосы хәбәр итә.

(Казан, 27 апрель, «Татар-информ», Ләйсән Рәхмәтуллина). Татарстанда ташламалы 6,5 процентлы ипотека гамәлгә керүе турында «Татарстан онлайн» тапшыруында республиканың Төзелеш, архитектура һәм ТКХ министры Фәрит Ханифов әйтте.

(Казан, 27 апрель, «Татар-информ», Зилә Мөбәрәкшина). Бөек Җиңүнең 75 еллыгы уңаеннан Татар Википедиясендә Бөек Ватан сугышында катнашкан кешеләр турында мәкаләләр язу марафоны оештырыла. Бу хакта «Татар-информ» хәбәрчесенә «Сәләт» клубы президенты Тимерхан Шәйхетдинов хәбәр итте.

(Казан, 27 апрель, «Татар-информ», Диана Авакян). Татарстан бизнес-омбудсмены Фәрит Абдулганиев республика территориясендә сәүдә үзәкләре эшен яңартуны хуплады. Бу хакта Татарстан Президенты каршындагы Эшмәкәрләр хокуклары буенча вәкаләтле вәкил матбугат хезмәтендә хәбәр иттеләр.

(Казан, 27 апрель, «Татар-информ»). Covid-19 яңакоронавирус пандемиясе шартларында Федерация субъектлары бер-берсе белән элемтәләрне ныгытырга тиеш. Татарстан Президенты Рөстәм Миңнеханов Россия инновацион төбәкләре ассоциациясе әгъзаларының киңәшмәсендә шул хакта әйтте. Бу турыда республика җитәкчесенең матбугат хезмәте хәбәр итә.

(Казан, 27 апрель, «Татар-информ», Наталия Никифорова). Татарстанда җиңел машина йортның кирпеч диварын җимереп бүлмәгә барып кергән. Һәлакәт урыныннан фотосурәтләрне шаһитлар социаль челтәрләргә урнаштырган.

(Казан, 27 апрель, «Татар-информ»). Татарстан синоптиклары фаразлавынча, республикада көчле җил һәм яшенле яңгыр көтелә. Бу хакта ТР Гидрометеорология үзәге хәбәр итә.

(Казан, 27 апрель, «Татар-информ»). Татарстанда чәчүлекләрнең иң зур проценты арпага туры килә. Ул 123,9 мең гектар мәйданда чәчелгән. Бу планның 28 процентын тәшкил итә. Бу хакта Татарстан Авыл хуҗалыгы һәм азык-төлек министрлыгының матбугат хезмәте хәбәр итә.