ایټالوي رسنیو د ایټالیا د پخواني صدراعظم سلفیو برلوسکوني د مړینې خبر ورکړی. میلیاردر سوداګر برلوسکوني مخکې له دې چې د سیاست ډګر ته ننوځي د ایټالیا د رسنیو تر ټولو لویه کمپنۍ جوړه کړه. د رسنیو د راپورونو له مخې برلوسکوني چې د څه وخت لپاره یې د وینې د سرطان ناروغي لرله او په دې وروستیو کې د سږو ناروغي هم ورته پیدا شوې وه، نن د ۸۶ کلونو په عمر مړ شو.
د ملګرو ملتونو سرمنشي انټونتو ګوټېرېش وايي، له دې کبله اندېښمن دی چې روسیه د راروانې جولای میاشتې په اوولسمه د اوکراین له تور سمندرګي څخه د غلې او کیمیاوي سرې د صادراتو له تړون څخه وځي. مسکو ګواښ کړی چې که د روسیې د غلې او سرې د صادراتو پر وړاندې خنډونه له منځه ولاړ نهشي نو له دې تړون څخه چې تېر کال د ترکیې او ملګرو ملتونو په منځګړتوب د اوکراین او روسیې ترمنځ لاسلیک شو، وځي. ګوټېرېش نن خبریالانو ته وویل د اندېښنې ترڅنګ سخته هڅه کوي څو دا یقیني شي چې د تور سمندرګي له لارې د روسیې او اوکراین د غلې دانې او سرې د صادراتو تړون پر ځای پاتې شي.
د ملګرو ملتونو تعلیمي، علمي او کلتوري ادارې یونسکو ویلي چې د امریکا متحدهایالات غواړي بېرته له دې ادارې سره یو ځای شي. د ملګرو ملتونو تعلیمي، علمي او کلتوري ادارې، یونسکو د دوشنبې په ورځ اعلان وکړ چې د امریکا متحدهایالات په پام کې لري چې بېرته له دې ادارې سره یو ځای شي او د څو کلونو د خپلې ونډې پیسې به چې څه باندې شپږ سوه ميلیون ډالره کېږي، ورکړي. د اسوشېټېډپرېس اژانس د راپور له مخې متحدو ایالتونو په یونسکو کې خپل غړیتوب په ۲۰۱۱ کال کې وروسته له هغې وځنډاوه چې په دغه اداره کې یې د فلسطین له غړیتوب سره مخالفت څرګند کړ. Читать дальше...
د طالبانو د حکومت تر کنټرول لاندې د هوا پېژندنې ادارې د افغانستان په مرکزي، ختیځو او شمال ختیځو سیمو کې د سختو بارانونو، سېلابونو او د تالنده برښنا، احتمالي خبر ورکړی دی. نعمت الله د لوګر ولایت د پل علم ولسوالۍ د بابوس کلي اوسېدونکی دی، چې د وروستیو سېلابونو له امله ورته د مال تاوان اوښتی دی. نوموړي ازادي راډیو ته وویل، سېلابونو د ده ټولې کروندې ویجاړې کړې دي. هغه وايي: "له بده مرغه زموږ په سیمه کې سېلابونو ډېری خلک زیانمن کړي، یو شمېر کورونه او زموږ کروندې زیانمنې شوي دي. زموږ په سیمه کې د... Читать дальше...
د سږکال له پیله څخه ترافیکي پېښو ۳۹۱ کسان وژلي او ۹۴۰ نور یې ټپیان کړي دي. د طالبانو د حکومت د ترافيکو د عمومي رياست مسوولان وايي چې ګڼ شمېر کسان د ٦١١ ترافيکي پېښو په نتيجه کې مړه او ټپيان شوي دي. د سوسن په نوم يو افغانه چې د پروان – کابل پر لاره ډېر تګ راتګ کوي وايي: "موږ شاهد یو چې هره ورځ په یو وخت په څو ولایتونو کې څو ترافیکي پېښې رامنځته کېږي." نوموړې وايي، کله ناکله په دې لويه لاره په يوه ورځ کې څو ترافيکي پېښې ويني. هغې ازادي راډيو ته وویل: "زه فکر کوم چې د ترافيکي پېښو د زياتېدو... Читать дальше...
د افغانستان کرکټ بورډ ویلي چې اسدالله خان یې د غوراوي کمېټې د مشر په توګه ټاکلی دی. تر دې وړاندې دغه دنده نورالحق ملکزي پر مخ بیوله چې ویل کېږي، د شخصي بوختیاوو له امله یې استعفا کړې او اوس د همدې کمېټې د غړي په توګه دنده کوي. دا په داسې حال کې ده چې د افغانستان ملي لوبډله روان کال په دوو سترو ټورنمنټونو اسیا جام او پنځوس اوریز نړیوال جام کې ګډون کوي. په خبرپاڼه کې ویل شوي چې، اسدالله خان له دې وړاندې هم په افغان کرکټ اداره کې د سرپرست اجرايوي رییس، د غوراوي کمېټې د مشر او ملي لوبډلې د ویډیو انالیسټ په توګه دندې ترسره کړې دي. Читать дальше...
د کرکټ نړیوالې شورا د پنځوس اوریزو سیالیو د نړیوال جام پیلیزه سیالي به د انګلستان او نیوزیلنډ ترمنځ د اکتوبر میاشتې په ۵مه نېټه وي. د کرکټ د باوري ویبپاڼې 'کریک اینفو' د خبر له مخې چې د راتلونکي پنځوس اوریز نړیوال جام په ترڅ کې به د افغانستان او هندوستان ترمنځ سیالي د اکتوبر په ۱۱مه نېټه په ډیلي ښار کې وي. دغه راز افغان لوبډله به د پاکستان پر وړاندې د اکتوبر په ۲۳مه نېټه د هند په چینای ښار کې سیالي کوي. که څه هم په دې خبر کې د افغانستان د نورو لوبو نېټې نهدي په ډاګه شوي، خو په ټورنمنټ کې لس... Читать дальше...
د افغانستان فوټبال ملي لوبډله د مرکزي اسیا د اتلوليو په ترڅ کې سبا سهشنبه د جون ۱۳مه خپله دویمه سیالي له ایران سره ترسره کوي. د کافا اتلولیو په ترڅ کې افغانستان خپله لومړۍ سیالي ۱ د صفر پر وړاندې کوربه قرغیزستان ته وبایلله. د افغانستان فوټبال فدراسیون د خبر له مخې، د ایران پر وړاندې سیالۍ چې د کابل پر وخت د ماښام ۷:۳۰ بجې به پیل شي مشر روزونکی عبدالله المطیري به د محرومیت له امله په دې سیالۍ کې ګډون ونهکړای شي. خبر زیاتوي، په دې لوبه کې به پخوانی افغان لوبغاړی حمیدالله یوسفزی به د افغانستان د مشر روزونکي دنده ترسره کړي. Читать дальше...
ایرنا خبري اژانس د ایراني چارواکو له قوله خبر ورکړی چې ۱۹ زره هغه افغان کډوال چې په غیرقانوني لارو دې هېواد ته دننه شوي وو، نیولي او بېرته افغانستان ته ستانه کړي دي. له ایرانه راایستل شوی یو افغان کډوال چې نهغواړي نوم یې په راپور کې یاد شي ازادي راډیو ته وویل، موده وړاندې په غیرقانوني لارو ایران ته تللی و او خیاطي یې کوله، خو ۱۵ ورځې وړاندې کله چې کار ته پر لار و، ایراني پولیسو ونیوه او افغانستان ته یې راستون کړ. هغه وايي: "زه خیاط یم. غوښتل مې کار ته ولاړ شم، خو هلته یې ونیولم. یو څو ورځې یې... Читать дальше...
په پاکستان کې د افغان کډوالو د نیولو په وړاندې د غبرګونونو په دوام، د افغانستان د بشر د حقونو خپلواک کمېسیون چې طالبانو لغوه کړی او اوس له هېواده بهر فعالیت کوي، د پاکستان له حکومته غوښتي، چې د افغانانو نیول او له دغه هېواده د شړلو لړۍ دې ودروي. د پاکستان په پلازمېنه اسلاماباد کې مېشته افغان کډواله رویا شېرزۍ وایي، د ویزو د اعتبار نېټه یې ختمه شوې او شپږ ورځې وړاندی يې د پاکستان پولیسو ۱۴ کلن زوی د کور له منځه ونیوه او له ځانه سره یې یووړ. اغلې شېرزۍ چې د دوشنبې په ورځ د پاکستان د راولپنډۍ محکمې... Читать дальше...
ناټو نن په اروپا کې د لوړې کچې هوایي پوځي تمرینات پيلوي. لوېدیځو اژانسونو دغه تمرینونه چې نږدې دوه اوونۍ به دوام وکړي، بېساري او د دغه سازمان په پنځه اویا کلن تاریخ کې تر ټولو لوی بللي دي. ناټو د خپل تاریخ تر ټولو لوی هوایي پوځي تمرینونه د دغه سازمان د غړو هېوادونو پر ښارونو، هوایي ډګرونو او سمندري بندرونو د هوایي حملو د خوندیتوب په هدف پلان کړي دي. د 'ایر دیفندر 23' په نوم دغه تمرینونه د جرمني په مشرتابه نن دوشنبه پیلېږي چې د جون میاشتې تر ۲۳مې نېټې دوام کوي. فرانس پریس خبري اژانس لیکلي... Читать дальше...
د کابل یو شمېر اوسېدونکي شکایت لري چې د طالبانو تر کنترول لاندې برښنا شرکت د برښنا بیې څو برابره زیاتې کړي دي. عبدالحمید چې په کابل کې ژوند کوي او دوکاندار دی وايي، له ګڼو اقتصادي ستونزو سره لاس اوګرېوان دی او اوس هم په یوه کرایي کور کې ژوند کوي. نوموړي ازادي راډيو ته وویل، د طالبانو د حکومت د برښنا شرکت د دوی د برښنا په بلونو لګښت ډېر لیکلي، چې دوی یې د ورکولو توان نهلري. نوموړی وايي: "دا دومره وخت زموږ د برښنا بل به ډېر تر ډېره ۷۰۰ افغانۍ راغی، خو دا ځل مو د برښنا بیل ۸۵۰۰ راغلی، اضافي او... Читать дальше...
يو افغان ځوان د حقوقو او سیاسي علومو په برخه کې د لیسانس سند لري، خو اوس د ترکاریو د پلورلو کاروبار کوي. دا چې نهغواړي نوم یې راپور کې واخیستل شي ازادي راډيو ته وویل، ونه توانېده چې د طالبانو د واکمنۍ پر مهال په خپل مسلک کې دنده ومومي، نو ځکه یې د ترکاریو پلورلو کار پیل کړ. ياد ځوان د اقتصادي ستونزو سره سره لا هم هوډ لري چې خپلو زدهکړو ته دوام ورکړي او په بهر کې د بورسونو د ترلاسه کولو لپاره د انګلیسي ژبې زدهکړه هم کوي. نور تفصيل د لاندې غږيز فايل په کېکاږلو اورېدلی شئ:
د خوړو نړیوال پروګرام یا 'ډبلیو ایف پي' وایي، هڅه کوي چې افغانستان کې د ماشومانو د کار هره بڼه پای ته ورسوي. د ډبلیو ایف پي د افغانستان څانګې دغه خبره د ماشومانو د کار د مخنیوي د نړیوالې ورځې په مناسبت، چې نن د جون په ۱۲مه لمانځل کېږي، کړې ده. که څه هم په افغانستان کې د کارګرو ماشومانو تازه شمېرې نهشته، خو تېرو کلونو کې د افغانستان د کارګرو ملي ټولنې او نورو بنسټونو دغه شمېر ۳ اعشاریه ۷ میلیونه ښودلی دی. د بشري حقونو فعالانو د افغانستان اوسنیو اقتصادي شرایطو ته په پام اندېښنه ښودلې چې دغه شمېر به زیات شوی وي. Читать дальше...
ټاکل شوې چې ایران د چهارشنبې په ورځ له دوه نیم سوو ډېر نور افغان زندانیان په هرات ولایت کې د طالبانو حکومت ته وسپاري. دا خبره په تهران کې د طالبانو تر کنټرول لاندې د افغانستان د سفارت شارژدافېر فضل محمد حقاني پرون ناوخته ازادي راډیو ته وکړه. هغه تایید کړه چې پرون یکشنبه نژدې سل زندانیان افغان لوري ته وسپارل شول. حقاني زیاته کړه: "د ایران حکومت تقریباً سل زنداني د نیمروز له لارې د افغانستان اسلامي امارت ته تسلیم کړل اودغه پروسه به دوام لري او انشاالله د چهارشنبې په ورځ به له دوه نیم سوو تر۲۶۰... Читать дальше...
د پاکستان د بهرنیو چارو وزیر وايي، په افغانستان کې واک ته د طالبانو له رسېدو وروسته په پاکستان کې بېلابېل بریدونه شوي دي. د پاکستان د بهرنیو چارو وزیر بلاول بوټو زرداري وايي، هېواد کې یې وروستیو کې نا امني ډېره او ترهګریزې پېښې زیاتې شوي چې دی یې پړه په ټي ټي پي TTP اچوي، هغه ډله چې د ده له قوله، د افغانستان له خاورې ګټه اخلي او په پاکستان کې بریدونه کوي، هغه ادعا چې طالبانو تل رد کړې ده. بلاول بوټو له الجزیره تلوېزیون سره خپله نوې مرکه کې وویل، پاکستان د پاکستاني طالبانو تحریک له امنیتي او... Читать дальше...
د پاکستان صدراعظم شهباز شریف وایي، د اسلاماباد او مسکو د نوي تړون له مخې، د روسیې د خامو تېلو لومړنۍ جوپه د کراچۍ بندر ته ورسېده. دا د دغو دواړو هېوادونو ترمنځ د اړیکو د نوي څپرکي له پیله د روسیې د خامو تېلو لومړنۍ جوپه یا محموله ده چې پاکستان ته رسېږي. شهباز شریف یکشنبه ناوخته په یوه تویټ کې دغه خبره کړې او د روسیې د دې ګام هرکلی یې کړی دی. د رویټرز خبري اژانس د راپور له مخې په تخفیف سره پاکستان ته د روسیې لهخوا تېل ورکول له اقتصادي پلوه له اسلاماباد سره مرسته کوي. پاکستان دا مهال له... Читать дальше...
د هلمند ولایت یو شمېر کروندګر وايي، د انجې کښت کمې اوبه غواړي، خو حاصل او ګټه يې ډېره ده. دوی وايي، دغلته کروندګرو له هغه وروسته د انجې کښت ته مخه کړه، له کله چې د اوبو کچه کمه شوه او دغه راز طالبانو پر کوکنارو بنديز ولګاوه. اوسمهال د افغانستان په مارکېټونو کې د يو کيلو انجې بيه له ۱۵ زره افغانيو څخه تر ۲۵ زره افغانۍ پورې ده. په دې اړه نور تفصيل د لاندې غږيز فايل په کېکاږلو اورېدلی شئ:
ټاکل شوې د افغانستان د فوټبال ملي ټیم د مرکزي اسیا د مسابقو په دویمه لوبه کې سبا د ایران پر وړاندې مسابقه وکړي. د افغانستان د فوټبال فدراسیون د معلوماتو له مخې، دغه مسابقه د کابل پر وخت د ماښام اووه نیمې بجې د قرغزستان په پلازمېنه بشکیک کې کېږي. افغانستان د دغو مسابقو په لومړۍ هغه کې د شنبې ماښام د قرغزستان په وړاندې یو د صفر په وړاندې ماتې وخوړه. د مرکزي اسیا مسابقې د قرغزستان په کوربهتوب پیل شوي دي. په دغو مسابقو کې د افغانستان، ایران، قرغزستان، ازبکستان، ترکمنستان، تاجکستان او عمان ملي ټیمونه په دوو ګروپونو کې مسابقه کوي. Читать дальше...
په اسټرالیا کې پولیسو او رسنیو نن دوشنبه ویلي، لس کسان هغه وخت مړه شول، یو بس موټر چې له واده څخه ۴۰ تنه راستنېدونکي مېلمانه یې لېږدول، د شپې پر مهال نسکور شو. پولیس وايي، ۱۱ نور کسان چې په دې پېښه کې ټپیان شوي وو د سیمې روغتونونو ته لېږدول شوي او ۱۸ نورو کسانو ته زیان نهدی اوښتی. پولیسو په یوه اعلامیه کې ویلي، د بس چلوونکی د ضروري معایناتو او ارزونې لپاره یوه روغتون ته لېږدول شوی او د پولیسو تر څار لاندې دی. پولیس وايي، د دې پېښې په اړه یې څېړنې پیل کړې دي.
اوکراین پرون یکشنبه وویل، چې پوځیان یې توانېدلي د دغه هېواد د جنوب ختیځ په درېیو کلیو کې پرمختګونه وکړي. دا له کله چې اوکراین تېره اوونۍ تهاجمي عملیات پیل کړي، د سیمو د نیولو لومړنی راپور ګڼل کېږي. د اوکراین ځواکونو داسې ویډیوګانې خپرې کړي، چې تایید شوي نهدي او سرتېري پهکې ښکاري چې په دونڅیک کې د بلاهوداتني کلي پر یوه بمباري شوې ودانۍ د اوکراین بیرغ رپوي او په ګاونډي کلي نیسکوچني کې د خپلې قطعې له بیرغ سره عکسونه اخلي. د اوکراین د دفاع وزارت مرستیالې هانا مالیار بیا ویلي، په جنوب کې ماکاریفکا کلی هم نیول شوی دی. Читать дальше...
اوټلوک: د هند اوټلوک مجلې د ملګرو ملتونو د امنیت شورا د بندیزونو د تحلیل او څار کمېټې پر تازه راپور لیکنه خپره کړې چې وايي، طالبان له القاعده شبکې سره قوي اړیکې لري. دغې کمېټې په خپل راپور کې چې د جون پر پنځمه د امنیت شورا پر ویبپاڼه خپور شو ویلي، د تحریک طالبان پاکستان یا ټي ټي پي او القاعده سره د افغانستان د طالبانو اړیکې هغسې پیاوړې پاتې دي. اوټلوک د امنیت شورا د بندیزونو د تحلیل او څار کمېټې د راپور په حواله لیکي، چې د طالبانو تر ولکې لاندې سیمو کې د ترهګرو ازادانه تګ راتګ په سیمه کې د ترهګرۍ خطر زیات کړی دی. Читать дальше...
د افغانستان د بشري حقونو خپلواک کمېسیون چې د طالبانو د حکومت لهخوا لغوه شوی او له هېواده بهر فعالیت کوي، په پاکستان کې د هغه هېواد د پولیسو لهخوا د افغانانو د نیولو د لړۍ په اړه ژوره اندېښنه ښکاره کړې ده. دې کمېسیون پرون یکشنبې د یوې اعلامیې په خپرولو سره ویلي چې له کره سرچینو یې معلومات ترلاسه کړي چې پاکستاني پولیسو د افغان کډوالو د نیولو او افغانستان ته یې د ځینو د بېرته استولو لړۍ پراخه کړې ده. دې کمېسیون دا یوه غمجنه پېښه بللې او ویلي یې دي، چې پاکستان په دې کار سره د یو شمېر ډېرو کسانو،... Читать дальше...
د هندي رسنیو د راپورونو له مخې هغه افغان محصلان چې د هند په پوهنتونونو کې زدهکړې کوي او هند ته د ویزې د نه ورکولو د ستونزې له امله په افغانستان کې بند دي، په خپلو پوهنتونونو کې له انلاین ازموینو هم منع شوي دي دي. د انډین ایکسپرس ورځپاڼې د راپور له مخې د دغو محصلانو یو شمېر مشرانو هڅې پیل کړي چې د هند او په افغانستان کې د طالبانو له حکومتونو سره دغه ستونزه هواره کړي. ياد افغان محصلان د ۲۰۲۱ کال د اګست له میاشتې راهیسې چې طالبان بیا پر افغانستان واکمن شوي، په دې هېواد کې بند پاتې دي ځکه هند ورته له ویزې ورکولو ډډه کړې ده. Читать дальше...
د کډوالۍ نړیوال سازمان یا 'آی او ایم' وایي، په لوګر ولایت کې یې ټیمونو له ۴۶ هغو کورنیو سره بېړنۍ مرستې کړې چې وروستیو سېلابونو زیانمنې کړي دي. د دې سازمان د افغانستان څانګې پرون یکشنبې په یوه ټویټ کې وویل، دغو کورنیو ته د سرپناه بېړنۍ خونې، کورنۍ خېمې او له خوراکي موادو پرته د نورو اړینو توکو لپاره د نغدو پیسو مرستې شوې دي. په عین حال کې د ملګروملتونو پراختیایي اداره یا 'یو این ډي پي' په ننګرهار کې د اوبو لګولو د یوې پروژې د بشپړېدو خبر ورکوي. د دغې ادارې د افغانستان څانګې پرون یکشنبې په یوه... Читать дальше...
