Новости за 03.10.2023

له برېتانیا خپریدونکې کرکټ ټایمز خپرونې په هند د کرکټ نړیوال جام د سیالیو په درشل کې لیکلي، د افغانستان ملي ټیم د هند د ملي لوبډلې پخوانی کاپیټان اجای جدیجا د مربي او مشاور په توګه ټاکلی دی. خپرونه زیاتوي، افغانستان به د دې نړیوال جام په سیالیو کې خپل سفر د شنبې په ورځ د بنګه دېش پر وړاندې په لوبې سره پیل کړي. خپرونې د ښاغلی جدیجا ټاکل یوه ښه او پر وخت ټاکنه یاده کړې، او زیاتوي چې د هغه له لاسته راړونو به افغان لوبغاړې په دې نړیوالو سیالیو کې ګټه پورته کړي. د خپرونې په ټکو، د افغانستان د کرکټ... Читать дальше...

پاکستان وایي، ټول غیرقانوني کډوال دې د دوی له خاورې ووځي کنه په زوره به یې وباسي. رویټرز اژانس د پاکستان د کورنیو چارو د سرپرست وزیر سرفراز بُګتي په وینا خبر ورکړ، چې سږکال په پاکستان کې له څلرویشت ځان مرګو بریدونو څخه څوارلس افغانانانو کړې دي. بګتي زیاته کړه، چې شاوخوا یو میلیون او درې اویا زره غیرقانوني افغان کډوال په پاکستان کې ژوند کوي او دوی باید د نومبرترلومړۍ نېټې له پاکستانه ووځي. د طالبانو د حکومت چارواکو تراوسه د پاکستان د کورنیو چارو د سرپرست وزیر د دغو څرګندونو په اړه غبرګون ندی ښودلی. Читать дальше...

د بلګراد سترې محکمې نن د پولیسو د هغو څلورو لوړپوړو چارواکو محاکمه پیل کړه، چې په ۲۰۰۸ کال کې د سربیا په پلازمېنه کې د امریکا پر سفارت د برید په مخنیوي کې په پاتې راتلو تورن شوي دي. د ۲۰۰۸ کال په فبرورۍ کې د کاسوود خپلواکۍ د اعلان پر ضد د لاریون په مهال چې لاریون کوونکو د امریکا پرسفارت د یرغل هڅه کړې وه، اور ولګید. په تاوتریخوالي کې چې پریوشمیراروپایي سفارتونو بریدونه پکې شامل و، یو کس وژل شوی او لسګونه نور ټپیان شوي وو. د امریکا سفارت ته د اوراچونې د پېښې په تړاو تراوسه هیڅوک ندي زنداني... Читать дальше...

څرنګه ښه ژباړه کولی شو او له پېړیو راهیسې په ژباړو کې څه تغییرات راغلي دي؟ په کابل کې مو د کتابونو د بازارونو له یو څه غوړیدو خبروو. د ګرافیک ډیزاین د یوه هنرمند له هڅو سره مو اشنا کوو او په دې خپرونه کې به واورئ چې په یوه مرکز کې د پښتو موسیقي کورس جوړ شوی دی. د ازادي راډیویي مجلې د دې خپرونې د اوریدو لپاره لاندې لېنک کېکاږئ:

په میدان وردګ ولایت کې له ۷۰۰ بې سرپرسته کورنيو سره د نغدي مرستو د وېش لړۍ پیل شوه. د دغه ولایت د سرې مياشتې چارواکي وايي، دغه مرسته د څه کم شپږ میليونه افغانيو په اندازه ده، چې د مرکز میدانښار په ګډون په ټولو ولسوالیو کې به پر ۷۰۰ بې سرپرسته او غریبو کورنیو وویشل شي. دوی زیاتوي، چې د دغو  مرستو زیاته برخه یې د کونډو لپاره ځانګړې کړې ده. بلخوا: هغه کونډې او بې سر پرسته ښځې چې یاده نغدي مرسته يې تر لاسه کړې، له دې امله خوشاله دي او د نورو مرستو غوښتنه لري. په دې اړه زموږ د همکار راپور د دغه لېنک له کېکاږلو سره اوریدلی شئ... Читать дальше...

د افغان ورزشکارانو یوه ډله چې د اسیا په لوبو کې یې مډالونه ګټلي، د دوشنبې په ورځ کابل ته راستانه شوه. افغانستان تراوسه په دې لوبو کې څلور برنز مډوالونه لاسته راوړي. همداراز، ګڼ شمېر افغانان د افغانستان د کرکټ لوبې ته هیله مند دي چې خپله لومړنۍ لوبه به سبا (چهارشنبه) ترسره کړي.

د طالبانو حکومت له افغان شخصیتونو سره د اړیکو کمېسیون وايي، د تېر جمهوري حکومت چارواکو او نورو سیاستوالو ته یې د خوندیتوب کارتونو د وېش لړۍ پيل کړې ده. یاد کمېسیون پر خپله اېکس پاڼه لیکلي دي، چې تېره اوونۍ یې هم د مخکېني حکومت ځینو چارواکو، جنرالانو او د ولسي جرګې غړو ته د خوندیتوب کارتونه ورکړي دي. له افغان شخصېتونو سره د اړیکو کمېسیون وايي، له دې کارتونو څخه یې هدف دا دی چې پخوانیو چارواکو ته څوک ګواښ پېښ نه کړي. په تېر حکومت کې د ولسي جرګې غړی عبدالقادر کلاتوال چې دا کارت یې اخیستی، وايي... Читать дальше...

د افغانستان لپاره د اروپایي ټولنې ځانګړی استازی ټوماس نیکلاسن وایي، په افغانستان کې د محاکمې له پریکړې پرته د هغو افغانانو نیونه چې د خپلو او د نورو د حقونو دفاع کوي، غیرقانوني ده. نیکلاسن نن سې شنبې په خپله ایکس پاڼه کې ویلي، چې دغه نیونې همدارنګه د کورني مشروعیت او رغنده خبرو اترو لپاره اړین باور هم کمزوری کوي. نیکلاسن دغه څرګندونې د هغه کمپاین په ملاتړکړي، چې د مطیع الله ویسا، ژولیا پارسي او ندا پرواني د خوشې کیدو لپاره پیل شوی دی. په عین حال کې د اروپایي ټولنې د بهرنیو چارو او امنیتي پالیسیو... Читать дальше...

د امریکا متحده‌ایالاتو د استازو جرګې د بهرنیو اړیکو د کمېټې مشر مایکل مک‌کال، چې د جمهور رییس بایډن د ادارې کلک منتقد دی له داعش خراسان څانګې سره د طالبانو مبارزه د د دې ډلې داخلي قدرت د دوام لپاره بولي، نه د ده له قوله، د دوحې د هوکړې پر بنسټ. د هغې دا څرګندونې د بهرنیو اړیکو کمېټې پرون یوه اعلامیه کې خپرې کړي دي. دا اعلامیه د جمهور رییس بایډن حکومت د هغو څرګندونو وروسته خپره شوې، چې تېره اوونۍ یې ویلي و، طالبان د دوحې د تړون په بنسټ له ترهګرۍ سره مبارزه کوي. خو د ښاغلي مک‌کال په اعلامیه کې... Читать дальше...

د نړیوال جام د تمریناتي سیالیو په لړ کې افغانستان د سریلانکا پر وړاندې لوبه پیل کړې ده. دغه سیالي باید د کابل پر وخت تر غرمې وروسته یوه بجه پیل شوی وای، خو ورښت ځنډولې وه او تر څه ځنډ بعد پیل شوه. د سیالۍ پچه اچول شوې، چې افغان لوري ګټلې او توپ اچونه یې غوره کړې. سریلانکا تر دې دمه خپل یو لوبغاړی له لاسه ورکړی او په ۹ اورونو کې یې تر ۴۰ زیاتې منډې کړې دي .د لوبې د اصولو له مخې، په تمریناتي سیالۍ کې ټول پینځلس کسیز نوملړ ته د لوبیدو چانس ورکول کېږي. د ویلو ده، چې د افغانستان لومړۍ لوبه د... Читать дальше...

ټاکل شوې، چې نن د نړیوال جام د تمریناتي سیالیو په لړ کې افغانستان د سریلانکا پر وړاندې لوبه وکړي. دغه سیالي باید د کابل پر وخت تر غرمې وروسته یوه بجه پیل شوی وای، خو ورښت ځنډولې ده. د سیالۍ پچه اچول شوې، چې افغان لوري ګټلې او توپوهنه یې غوره کړې. د لوبې د اصولو له مخې، په تمریناتي سیالۍ کې ټول پینځلس کسیز نوملړ ته د لوبیدو چانس ورکول کېږي. د ویلو ده، چې د افغانستان لومړۍ لوبه د سویلي افریقا پر وړاندې وه چې د ورښت له امله ترسره نشوه.

د طالبانو د حکومت د بهرنیو چارو د سرپرست وزیر امیرخان متقي په مشرۍ یو پلاوی نن سهار د چین په رسمي بلنه دغه هېواد ته ولاړ.  د بهرنیو چارو وزارت مرستیال ویاند حافظ ضیا احمد پر خپله ایکس پاڼه لیکلي، چې دغه پلاوی د چین په شي ژانګ ایالت کې د ترانس همالیا فورم په دریمه ناسته کې ګډون کوي.  د هغه په وینا په یاده فورم کې د همالیا د غرونو شاوخوا هېوادونو پر اقتصادي همکاریو او سیمه ییز اتصال خبرې کوي.  د راپورونو له مخې، دغه دوه ورځنۍ غونډه سبا چهارشنبه د اکتوبر په څلورمه پيلیږي.  چین د طالبانو له حکومت... Читать дальше...

د سوریې په دیرالزور ولایت کې د سوریایي ځواکونو پر مرکزونو د اسرایل تر پرونیو بریدونو وروسته د دوو سوریایي ځواکونو د ټپي کېدو خبر ورکړل شوی دی.  د رویټرز خبري اژانس په وینا، د دغې پیښې راپور نن سه شنبه سهار وختي د سوریې یوې دولتي رسنۍ د پوځي سرچینې په حواله خپور کړی دی.  د اسرایل پوځ سملاسي په دې اړه تبصره نه ده کړې.  اسرایل له کلونو راهیسې د دوی په ټکو په سوریه کې د ایران پر اهدافو بریدونه کوي.  په سوریه کې وروسته تر هغه د ایران نفوذ زیات شوی، چې تهران د سوریې په کورنۍ جګړه کې چې ۲۰۱۱ کال کې پیل شوې، د بشار الاسد د حکومت ملاتړ شروع کړ.

د طالبانو د حکومت د فواید عامې وزارت د کابل- جلال اباد لویې لارې د اصلي مسیر د بیرته پرانستلو خبر ورکړی دی. دغه وزارت پر خپله ایکس پاڼه لیکلي، چې دغه لاره د غره د ښویدو له کبله تړل شوې وه او له درې ورځنیو هڅو وروسته پرون ماښام بیرت پرانستل شوه. د دوی په ټکو، د لارې د بندوالي پر مهال موټرو پر یوه فرعي لاره باندې تګ راتګ کاوه. د کابل- جلال اباد لویه لاره د تېرې سنبلې یا وږي میاشتې په وروستیو کې هم په ماهیپر سیمه کې د غره ښوېدو له کبله څو ورځې بنده وه. چې هغه مهال موټرو ته د کاپیسا او یا هم لته بند له لارې د تګ راتګ سپارښتنه شوې وه.

د بښنې نړیوال سازمان په پاکستان کې د افغان کډوالو پر وضعیت اندیښنه ښودلې ده. د دغه سازمان د جنوبی اسیا څانګې د دوشنبې په ورځ پر خپله ایکس پاڼه لیکلي، اکثره هغه افغانان چې د طالبانو د حکومت له ویرې پاکستان ته تللي، هلته ځورول کیږي، نیول کیږي او افغانستان ته ستنول کیږي. د بښنې نړیوال سازمان په دې برخه کې پر نړیوالو هم نیوکه کړې او ویلي یې دي، دې ستونزې ته یې پام نه دی کړی. په اسلام اباد کې د افغان کډوالو شورا ازادي راډیو ته وویل، چې تر پرون دوشنبې ماښام پورې هم د افغان کډوالو د نیولو لړۍ روانه وه. Читать дальше...

د سلواکیا د بهرنیو چارو وزارت د دوشنبې په ورځ وویل، چې دوی د روسیې د سفارت یو استازی احضار کړی چې د سلواکیا په وروستیو پارلماني انتخاباتو کې د روسیې د "نه منلو وړ لاسوهنې" په اړه اعتراض ورته وړاندې کړي. د روسیې د بهرنیو استخباراتو مشر سرګي ناریشکین په یوه بیان کې، چې د انتخاباتو په درشل کې خپره شوه ویلي وو چې امریکا به د انتخاباتو په پایلو کې لاسوهنه وکړي. خو د سلواکیا د بهرنیو چارو وزارت دا اعلان په ټاکنو کې د لاسوهنې په هدف د ګمراه کوونکو اطلاعاتو قصدي خپراوی بللی او غندلی یې دی. د سلواکیا... Читать дальше...

د افغانستان د کرکټ ملي لوبډله به نن ماسپښین یوه بجه په هند کې د نړیوال جام په درشل کې په خپله دویمه تمریناتي لوبه کې د سریلانکا له لوبډلې سره مخامخ شي. د افغانستان او جنوبي افریقا لومړۍ تمریناتي لوبه د باران له امله لغوه شوې وه. د افغانستان د لوبډلې مرستیال روزونکي رئیس احمدزي د نننۍ لوبې د اهمیت په اړه ازادي راډيو ته وویل: " تمریني لوبې د دې لپاره دي چې د نړۍ له بیلابیلو سیمو څخه راغلې لوبډلې د نړیوال جام سیالیو کې د لوبې کولو دمخه یو بل سره لوبې وکړي ترڅو ځانونه د میدانونو او هوا سره بلد کړي. Читать дальше...

د عربستان د الاتحاد او د ایران د سپاهان لوبډلې تر منځ دوشنبه ناوخته د فوټبال لوبه لغوه شوه. که څه هم رسماً د دې کار علت نه دی په ډاګه شوی، خو راپورونه وايي چې الاتحاد ټیم دا لوبه د اصفهان په سټډیوم کې د قاسم سلیماني د مجسمې موجودیت په خاطر لغوه شوې ده. د ازادې اروپا فردا څانګې لیکلي الاتحاد ټیم دا کار د فوټبال له لوبې سیاسي ګټه اخیستنه یاده کړې ده. قاسم سلیماني، چې د ایران د سپاه پاسداران د قُدس ډلې مشر وو ۱۳۹۸ کال د عراق په پلازمینه بغداد کې د امریکا په ډرون برید سره ووژل شو. د الاتحاد په... Читать дальше...

یونیسف یا د ملګرو ملتونو د ماشومانو وجهي صندوق وايي، په تېر اګست میاشت کې په سختې خوارځواکۍ اخته شپېتو زرو ماشومانو درملنه کړې ده. دې ادارې دا خبره پرون په یوه اعلامیه کې کړې ده. یونیسف په عین حال کې په شدیدې نس ناستې د ۸۷ زره نورو ماشومانو د اخته کېدو په اړه اندېښنه ښودلې. یونیسف په خپله ایکس پاڼه په یوه بیان کې زیاته کړې، چې د محلي ټولګیو له لارې یې له ۶۸۲ زرو زیاتو ماشومانو سره مرسته کړې چې خپلو درسونو ته دوام ورکړي. یونیسف ویلي، چې د ژمي په درشل کې له اړمنو کورنیو سره د مرستې لپاره د ۹۲ میلیونه ډالرو بودیجې ته اړتیا ده. Читать дальше...

د طالبانو د حکومت د سوداګرۍ او صنایعو وزارت په کابل کې د سیروم د تولید د یوې فابریکې د پرانیستلو خبر ورکړ. دغه فابریکه د ۲۵ میلیونو ډالرو په لګښت جوړه شوې، چې په ورځني ډول د بېلابېلو طبي سیرومونو د ۱۱۰ زره کڅوړو د تولید ظرفیت لري او څه باندې زرو تنو ته یې کاري فرصتونه برابر کړي دي. افغانستان د خپلې اړتيا وړ ډېر درمل له بهر څخه واردوي او خلک شکايت کوي، چې يو شمېر دغه درمل په ځانګړي ډول له ګاونډيو هېوادونو څخه واردېږي، چې کيفيت يې ښه نه وي.

د اوکراین ولسمشر ولودیمیر زیلینسکي د دوشنبې په ورځ په کییف کې د اروپايي ټولنې د غړو هېوادونو د بهرنیو چارو وزیرانو غونډې ته په وینا کې د جګړې پر مهال د اوکراین د دفاعي ملاتړ پر اهمیت ټینګار وکړ. هغه وویل، چې د روسیې په وړاندې بریا د اروپا په همکارۍ تړلې ده. زیلینسکي زیاته کړه: " زه ډاډه یم چې اوکراین او ټوله ازاده نړۍ د دې مقابلې د ګټلو توان لري. خو زموږ بریا مستقیما له تاسو سره زموږ په همکارۍ پورې اړه لري. څومره چې قوي او کلک ګامونه پورته شي، په هماغه اندازه به دا جګړه په چټکۍ سره پای ته ورسېږي،... Читать дальше...