د هسپانیې د لالیګا په لیګ کې نن د فوټبال د دوو مخکښو کلبونو بارسولونا او ریال ماډریډ ترمنځ سیالي ترسره شوه چې ماډریډ وګټله. سیالي د بارسولونا په کوربتوب ترسره شوه چې دوه د یو په مقابل کې ریال ماډریډ وګټله. د ماډریډ لوبډلې لپاره دواړه ګولونه جوډ بالینګهم ووهل او بارسولونا ته یوازینی ګول ایلکای ګونډیګان ترسره کړ. د دې سیالۍ تر ګټلو وروسته ریال ماډریډ د نومرو په جدول کې اول مقام ته ورسېده او بارسولونا په درېیم مقام کې قرار لري.
د رزمي لوبو افغان لوبغاړي عبدالعظیم بدخشي نن شپه خپل کوریايي سیال ناک اوټ کړ. د دوی لوبه د هندوستان په پلازمینه نوې ډهلي کې وشوه. عبدالعظیم بدخشي وتوانېد چې کوریایی لوبغاړی هې جن پارک په لومړي رونډ کې د سوکانو او څنګلو په ګوزارو مات کړ. عبدالعظیم بدخشي له یو نیم کلن ځنډ وروسته لوبه کړې وه. د هغه د ټولو بریاوو شمېر ۱۴ ته ورسېد حال دا چې درې لوبې یې مخکې بایللي هم دي.
د کرکټ نړیوال جام په ۲۸مه سیالۍ کې نیدرلینډ د ۸۷ منډو په توپیر بنګله دېش ته ماتې ورکړه. دا په روان نړیوال جام کې د نیدرلینډ دویمه بریا ده. د دې سیالۍ پچه نیدرلینډ ګټلې وه، توپوهنه یې وکړه او د ۲۳۰ منډو هدف یې ټاکلی و. بنګله دېش د هدف په تعقیب یوازې ۱۴۲ منډې وکړې او په دې سره یې پرله پسې ۵مه سیالي هم وبایلله. په ننۍ سیالۍ کې د نیدرلینډ لپاره پاول وین میکرین ۴ لوبغاړي وسوځول چې د لوبې د غوره او اغېزمن لوبغاړي جایزې یې وګټلې. نیدرلینډ تر دې وړاندې د سویلي افریقا لوبډلې ته هم ماتې ورکړې وه. Читать дальше...
د طالبانو د حکومت د بهرنیو چارو وزیر امیرخان متقي نن ترکیې ته تللی دی. دا خبره د طالبانو ویاند ذبیح الله مجاهد په خپله ایکس پاڼه لیکلې ده. مجاهد زیاته کړې چې متقي به په انقره کې له افغان سفارت او استانبول کې له قنسولګرۍ لیدنه وکړي. هغه به همداراز په ترکي چارواکو سربېره هلته له مېشتو افغان سوداګرو سره وګوري.
د پاکستان صدراعظم انوارالحق کاکړ ویلي، که د کرکټ په نړیوال جام کې له افغانستان څخه وروستۍ لوبه د دوی ټیم ګټلې وای نو د بریالیتوب جایزه به یې خپلو هغو امنیتي ځواکونو ته به یې ډالۍ کړې وای چې افغان بې اسناده کډوال له پاکستانه څخه باسي. کاکړ دا خبره تازه په یوه ټلویزیوني مرکه که کړې ده. هغه د افغان لوبغاړي ابراهیم ځدراڼ له خوا له پاکستانه ایستل کېدونکو افغان کډوالو ته د لوبې د غوره لوبغاړي د جایزې د ډالۍ کولو په غبرګون دا خبره کړې ده. افغانستان له پاکستان څخه په کرکټ نړیوال جام کې څو ورځې مخکې... Читать дальше...
اسرایل نن وویل، چې له پلیو ځواکونو او زغروالو وسایطو په استفاده په غزه کې خپل ځمکني عملیات پراخوي. د دغو عملیاتو پر مهال له هوايي او سمندرګي «پراخې» حملې شوي او د حماس ډلې سمڅې بمباري شوې دي. دغه سمڅې پر غزه د واکمنې ډلې حماس، د ځپلو لپاره کلیدي اهداف ګڼل کېږي.
نن د کرکټ نړیوال جام سیالیو په ترڅ کې ۲۷مه لوبه د نیوزیلینډ او اسټرالیا ترمنځ ترسره شوه چې اسټرالیا وګټله. اسټرالیا چې لومړۍ توپوهنه کړې وه د ټرویس هېډ د سلیزې او ډیویډ وارنر د نیمه سلیزې پر مټ یې د ۳۸۹ منډو هدف ټاکلی و. د نیوزیلینډ ټرینټ بولډ او ګلین پیليپي درې درې لوبغاړي سوځولي وو. نیوزیلینډ له لومړي سره د هدف پوره کولو په موخه لوبه پيل کړه. د یادې لوبډلې لومړنۍ دوه لوبغاړي که څه هم ژر وسوځیدل، خو یو وار بیا رچین رویندرا ۱۱۶، ډیري میچل ۵۴ او جیمي نیشم په اخره کې چټکې ۵۸ منډې وکړې. یادې... Читать дальше...
په جګړه ځپلي اوکراین کې درې کسان د سختو بادونو له کبله مړه شوي دي. د دغو بادونو له کبله په زرګونو کسان له برېښنا بې برخې شوي، ځکه د اوکراین د انرژۍ سکټور د روسیې د حملو له کبله ډېر زیانمن شوی دی. په اوکراین کې توفانونو او اورښتونو د دغو هېواد د انرژۍ د خوندیتوب په باب اندېښنې زیاتې کړي دي، هغه هم داسې مهال چې ژمی په راتلو دی او د روسیې د تېرو شلو میاشتو یرغل لا هم دوام لري. د ولسمشرۍ ماڼۍ د دفتر د رئیس مرستیال اولیکسي کولیبا په ټولنیزو شبکو کې نن لیکلي، د بدې هوا له کبله دوه کسان په پلازمېنه... Читать дальше...
نن شپه د نړۍ د سوک وهنې د درانه وزن اتل تایسون فیوري د خپل کمربند د دفاع لپاره له فرانسس نګانووا سره لوبه کوي. دا لوبه د سعودي په پلازمېنه ریاض کې ترسره کېږي. تایسون فیوري ۳۳ لوبې کړي چې ټولې یې ګټلي. فرانسس ناګنووا تر دې مخکې په یو اف سي کې د درانه وزن اتلولي درلوده، خو په سوک وهنې کې یې دا لومړنۍ حرفه يي لوبه ده.
اسراییل نن شنبه وویل چې له پلیو ځواکونو او زغروالو وسایطو په استفاده یې په غزه کې خپل ځمکني عملیات پراخ کړي دي. د دغو عملیاتو پر مهال له هوا او سمندرګي «پراخې» حملې شوي او د حماس ډلې سمڅې بمباري شوې ده. دغه سمڅې پر غزه د واکمنې ډلې حماس، د ځپلو لپاره کلیدي اهداف ګڼل کېږي. وروسته له هغې چې حماس ډلې درې اوونۍ مخکې پر اسراییل حمله وکړه، له هغې راهیسې پر غزه جګړه روانه ده.
د پاکستان د کراچۍ ښار په زندانونو کې افغان ناروغان لازمو روغتیایی خدمتونو ته لاس رسی نه لري. په کراچۍ کې د افغان بندیانو مدافع وکیله منیزه کاکړ وايي چې په دوی کې د سرطان زړه او پښتورګو په ناروغۍ اخته کسان هم شامل دي. اغلې کاکړ وايي، د ۲۰۲۲ زېږدیز کال له اکتوبر میاشتې څخه تر اوسه له دغو ناروغانو ۵ کسان مړه شوي دي، خو نوموړې دا مهال د کراچۍ په زندانونو کې د ناروغانو د کره شمېر په اړه څه ونه ویل. د اغلې کاکړ په خبره، دا مهال شا او خوا ۹۰۰ افغان کډوال د کراچۍ په زندانونو کې دي. د پاکستان په کراچۍ... Читать дальше...
نن سهار بیا د هرات شمال لویدیځ کې یوه زلزله شوې ده. د امریکا د جیولوژۍ د سروې ادارې د ارزونې په اساس د څلور اعشاریه پنځو درجې په ځواک دا زلزله سهار وختي له هراته ۳۵ کیلومتره لرې شوې چې عمق يې د ځمکې لاندې لس کیلومترۍ کې و. دا زلزله په هرات کې د یو لړ مرګونو زلزلو په دوام شوې ده. په هرات کې د اکتوبر په اوومه او یوولسمه او تر هغه وروسته ټکانونه وشول. د ملګرو ملتونو د راپورونو په اساس هغو زلزلو په هرات کې شاوخوا یو نیم زر کسان مړه او دوه زره نور يې ټپيان کړل.
د ملګرو ملتونو د ماشومانو وجهي صندوق (یونېسف) وايي، په افغانستان کې د وروستیو زلزلو له امله ماشومان سخت زیانمن شوي دي. یونېسف پرون پر خپله ايکسپاڼه ليکلي چې د دې ادارې ۸۰مټریک ټنه طبي مرسته د هرات د وروستۍ زلزلې له امله د زیانمنو شویو ماشومانو د درملنې په موخه کابل ته رسېدلې ده. خو ياد سازمان دغه مرستې د وروستیو زلزلو له امله د زیانمنو شویو ماشومانو د وضعیت د هواري لپاره کافي نه بولي او د لا زیاتو مرستو غوښتنه کوي. د هرات ولایت اوسېدونکې شکیلا چې د یوه پنځه کلنې ماشومې مور ده وايي، د هرات وروستيو زلزلو د ده پر لور منفي اغېز کړى دى. Читать дальше...
د اسراییل د بمباریو په نتیجه کې په غزه کې مخابراتي خدمات بند شوي او له دې کلابندې شوې سیمې څخه د اطلاعاتو خپرولو مخه نیول شوې ده. د اسراییل پوځ د شنبې په ورځ هغه تصاویر خپاره کړل چې د دوی د ټانکونو کتارونه د غزې د پرانیستو سیمو پر لوري ورو- ورو د تګ په حال کې ښيي. د پوځ په خبره، د اسراییل جنګ الوتکو د حماس ډلې په لسګونو سمڅې او تر ځمکې لاندې سنګرونه بمباري کړي دي. د اسراییل د پوځ ویاند دانیل هاګاري ویلي، د دوی ځواکونه لا هم په ساحه کې دي او خپلې پیل کړې جګړې ته وام ورکوي. د ده په وینا، د... Читать дальше...
د قزاقستان د ډبرو سکرو په یوه کان کې د اورلګېدنې په نتیجه کې لږ تر لږه ۳۲ کارګران مړه شوي دي. ژغورونکي وايي په قراغندي صنعتي ښار کې د دې پېښې په نتیجه کې ۱۴ نور کسان تري تم دي. د ارسلور-میټال (Arcelormittal) په نوم څو ملتي شرکت ویلي، په کان کې ۲۵۰ کارګران په کار بوخت وو چې میټان ګازو اور واخیست. په اګست میاشت کې هم د همدغې کمپنۍ په بل کان کې یوه وژونکې پېښه شوې وه. اوس یو دولتي کمیسیون ګمارل شوی، چې د دې پېښې له کبله دغه شرکت مسوول وګڼي.
د ژبو او ادبياتو يو شمېر استادانو د طالبانو د اطلاعات او کلتور وزارت لهخوا د ژبو د عالي شورا د جوړېدو هرکلی کړی، خو دوی اندېښنه ښېي چې د مسلکي کسانو په نهشتون کې به د ژبو په معياري کېدو کې د لهجو انډول مراعت نه شي او دې سره به د یادې شورا کار اغېزمن نه وي. پوهنمل دکتور نوراحمد اېمل چې د روسيې په کوبان دولتي پوهنتون کې يې د ژبپوهنې په برخه کې دکتورا کړې وايي، د يوې ژبې په معياري کېدو کې د ټولو لهجو مطالعه او ترې ګټه اخيستل مهم دي. نوموړي ازادي راډيو ته وويل: "د ژبو د ارزښت او بډاينې لپاره... Читать дальше...
د رسنیو د راپورونو له مخې، د اسلامي دولت ډلې (داعش) خراسان څانګې د تېرې پنجشنبې په ماښام د کابل په دشت برچي سیمه کې پر یوه ورزشي کلپ د برید پړه پر غاړه اخیستې ده. اسوشیتد پرس د اسلامي دولت (داعش) ډلې اړوند د اعماق خبري اژانس په حواله راپور ورکړی چې د دې ډلې غړو د کابل په لویدیځ کې په یوه ورزشي کلپ کې چې ډيری شیعه ګان په کې وو، چاودیدونکي توکي ځای پر ځای کړي دي. د اسوشیتد پرېس په راپور کې راغلي،داعش ادعا کړې چې په دې برید کې یې ۳۵ کسان وژلي او ټپیان کړي دي. د طالبانو حکومت ویلي چې په دغه برید... Читать дальше...
په بېلابېلو هیوادونو کې د طالبانو له حکومت سره د افغانستان د یو شمېر سفارتونو د تعامل او د طالبانو حکومت د یو شمېر دغو سفارتونو د سپارلو په دوام، د طالبانو د بهرنیو چارو وزارت په متحده عربي اماراتو کې هم د افغانستان سفارت ته سرپرست سفیر معرفي کړی دی. د نړیوالو اړیکو یو شمېر پوهان وايي چې طالبانو ته سفارت سپارل د دوی د حکومت د رسمیت پېژندنې په معنا نه دی؛ بلکې دا کار د سوداګریزو اړیکو د ساتلو او په متحده عربي اماراتو کې د افغان سوداګرو د ستونزو د حل په هدف شوی دی. له ډلې یې اسحاق اتمر ازادي راډيو ته وویل... Читать дальше...
د بښنې نړیوال سازمان یا ایمنستي انټرنیشنل ویلي چې د افغان کډوالو د جبري ویستلو په برخه کې د پاکستان وروستۍ پرېکړه د بشري حقونو څخه سرغړونه ده او د کډوالو د خوندیتوب، هوساینې او بنسټیزو خدماتو ته د دوی د لاس رسي په اړه جدي اندېښنې راپورته کوي. دغه سازمان تازه نن په خپل اېکس شبکه په یو بیان کې ویلي چې یو عشاریه ۴ میلیونه غیر قانوني افغان کډوال چې د پاکستان د وروستۍ پرېکړې له مخې د ویستو له خطر سره مخ دي، په خپل هېواد کې یې نه یوازې ژوند د مرګ له ګواښ سره مخ دي؛ بلکې د ژوند له لومړنیو اسانتیاوو هم بې برخې کیږي. Читать дальше...
د پاکستان په کراچۍ ښار کې د افغان کډوالو مدافع وکیله منزه کاکړ او په دغه ښارکې د طالبانو حکومت تر کنترول لاندې افغان کونسلګري د دغه ښار په زندانونو کې افغان ناروغان لازمو روغتیایی خدمتونو ته لاس رسی نه لري. منزه کاکړ د شنبې په ورځ ازادي راډیو ته وویل، دا هغه کسان دي چې د درملني لپاره په ناقانونه توګه پاکستان ته راغلي وو او د پاکستاني پولیسو له خوا نیول شوي دي. د نوموړي په خبره، په دې بندیانو کې داسې ناروغان هم شته چې د سرطان، زړه او پښتورګو په ناروغۍ اخته دي. اغلې کاکړ وايي، تازه یې له یو داسې مور سره کتلي، چې لور یې سخته ناروغه ده. Читать дальше...
جرمني د IRIS-T په نوم د هوايي مدافع درېیمه دستګاه هم اوکراین ته ولېږدوله. دا کار داسې وخت کېږي چې د اټکل له مخې اوکراین به په راروان ژمي کې د روسیې د میزاییلو له نورو احتمالي حملو سره مخامخ شي. د جرمني دفاع وزارت پرون جمعه وویل چې د هوايي مدافع دغه دستګاه تېره اوونۍ اوکراین ته لېږدول شوې ده. د جرمني دفاع وزیر بوریس پیسترویس ټینګار وکړ چې د روسي ځواکونو د یرغل په وړاندې به له اوکراین څخه د دوی ملاتړ دوام مومي. بلخوا: د اوکراین ولسمشر ولودمیر زلینسکي په خپله ورځنۍ ویډیويي وینا کې د جرمني... Читать дальше...
په ایران کې ۱۶ کلنه ارمیتا ګراوَند چې له څه مودې په کوما حالت کې وه، نن شنبه ساه ورکړه. ویل شوي دغه تنکۍ پېغله په بشپړ ډول د حجاب د نه رعایت په تور له پولیسو سره لاس و ګرېوان شوې وه او د اکتوبر پر لومړۍ نېټه په کوما حالت کې د تهران له یوې میټرو روغتون ته ولېږدول شوه. د ایران ایرنا خبري اژانس نن شنبه راپور ورکړی چې ارمیتا د مغزي صدمې له کبله په کوما کې د څه وخت له تېرولو وروسته ساه ورکړه. د ګراوند قضیې په لوېدیځ کې اندېښنې ولاړې کړې دي. وروسته له هغې چې د ارمیتا ګراوند ویډیو چې په بېسده حالت... Читать дальше...
د اسراییل پوځ نن ویلي، د دوی جنګي جټ الوتکو د غزې په شمال کې تر ځمکې لاندې ۱۵۰ اهداف ویشتلي دي. دا حملې داسې وخت شوي، چې درې اوونۍ مخکې پر اسراییل د دغه هېواد په تاریخ کې تر ټولو خونړۍ حمله شوې وه. د اسراییل د پوځ په خبره په ویشتل شویو ساحو کې تروریستي سمڅې، تر ځمکې لاندې جنګي ساحې او اضافي زېربناوې شاملې دي. د پوځ په وینا د دوی په حملو کې د حماس ډلې ګڼ «تروریستان» هم وژل شوي دي. په غزې تړانګه او د اسرائیل په جنوب کې خبریالان وايي، چې نن هم راکټي او هوايي حملې دوام لري. د اسراییل پوځ ویلي،... Читать дальше...
د بخښنې نړیوال سازمان نن په پاکستان کې د څه باندې یو میلیون او څلورلکه بې اسناده افغان کډوالو په باب اندېښنه وښوده، چې له هغه هېواده د اخراج له ګواښ سره مخامخ دي. دغه سازمان په خپله اېکس شبکه کې لیکلي دغه شمېر کډوال د نوامبر تر لومړۍ نېټې پورې د پاکستان د ټاکل شوي مهلت له کبله د اخراج له خطر سره مخامخ دي. د بخښنې نړیوال سازمان ویلي دا د کډوالو له بشري حقونو سرغړونه ده او د دغو کډوالو د خوندیتوب، سلامتۍ او اساسي خدماتو ته د لاسرسي په باب جدي اندېښنې ولاړوي. دغه سازمان هم د پاکستان له حکومته... Читать дальше...
د نوبل د سولې جایزې ګټونکې ملالې یوسفزۍ له پاکستانه د افغان کډوالو د ملاتړ او درناوي غوښتنه وکړه. هغې تېره شپه په خپله اېکس شبکه یا پخواني ټویټر کې لیکلي، افغان کدوال چې د طالبانو د مجازاتو له کبله له خپل هېواده په وتو دي، د ملاتړ، عزت او خوندیتوب مستحق دي، نه د نورو خنډونو او ځورونې. هغې لیکلي، د ملګرو ملتونو له غږ سره خپل غږ ملګری کوي او د پاکستان له حکومته غواړي چې د کډوالو د ډله ییز اخراج په باب پر خپله تګلاره بیاکتنه وکړي. د پاکستان حکومت د روانې اکټوبر میاشتې تر پایه په دې هېواد کې مېشتو... Читать дальше...
