د اروپا پارلمان د پنجشنبې په ورځ په افغانستان، چیچنیا او مصر کې د بشري حقونو د وضعیت په اړه درې پریکړه لیکونه تصویب کړل. د اروپايي پارلمان اکثرو غړیو له هغې ډلې اېوېن اینسر په افغانستان کې اوسنۍ بشري ناخوالې په تېره بیا د ښځو په وړاندې د طالبانو زیاتېدونکي محدودیتونه وغندل. دوی د طالبانو له واکمنو چارواکو وغوښتل چې د عفوې فرمان ته ژمن پاتې شي او هم د ښځو او نجونو په وړاندې محدودیتونه لرې کړي. صفي الله ستانکزی او نور جزییات
د دې جام په لومړنۍ لوبه کې نن نیوزیلند وتوانید چې د نهو منډو په توییر انګلستان ته ماتې ورکړي. د کرکټ نړیوال جام لوبې د احمد آباد ښار د کرکټ په لوی نړیوال لوبغالي کې پیل شوې.
تر ۵۰ زیاتې افغان نجونې دوبۍ پوهنتون کې د خپلو زده کړو د دوام په موخه متحده عربي اماراتو ته رسېدلي. د هغو ۱۰۰ افغان نجونو له ډلې څخه چې د طالبانو د حکومت لهخوا د زده کړو لپاره دوبۍ ته د تګ مخه یې نیول شوې وه، تر ۵۰ څخه زیاتې يې متحده عربي اماراتو ته رسېدلې دي. د طالبانو حکومت دغه نجونې د نوي لمریز کال د وږي په لومړۍ ورځ د کابل له هوايي ډګر څخه بېرته راوګرځولې. که څه هم دغو نجونو ادعا کړې وه چې شرعي محرم یې هم درلود بیا هم طالبانو دوی له تلو څخه منعه کړې، خو طالبانو په دې اړه خپل نظر نه دی څرګند کړی. Читать дальше...
د اروپا پارلمان په افغانستان کې د بشري حقونو د سرغړونو په کچې اندېښنه ښودلې او د ملګرو ملتونو په مشرۍ یې د ځواب ورکونې د یوې تګلارې د جوړېدو غوښتنه کړې ده. دغه پارلمان د اروپایي ټولنې چې ۲۷ غړي هېوادونه په کې دي، یو له مهمو ارګانونو څخه دی. د اروپا پارلمان په دې اړه خپل پرېکړه لیک کې ویلي چې د طالبانو له بیا واکمنۍ وروسته بشري حقونه په دوامداره توګه نقض شوي دي. پرېکړه لیک کې زیاته شوې چې د طالبانو د بښنې له فرمان سره سره د پخواني جمهوري نظام مسوولان او امنیتي ځواکونه ځورول شوي او د ښځو او نجونو حقونه ځپل شوي دي. Читать дальше...
د اروپا پارلمان د پنجشنبې په ورځ په افغانستان، چیچنیا او مصر کې د بشري حقونو د وضعیت په اړه درې پرېکړه لیکونه تصویب کړل. د اروپا د پارلمان غړي وايي چې د افغان ښځو او نجونو په وړاندې د طالبانو محدودیتونه د غندلو دي او سمدستي باید لرې شي. دوی ټینګار کړی چې اروپايي ټولنه او غړي هېوادونه باید د بشري حقونو د مدافعینو لپاره د ځانګړې مرستې او محافظت پروګرامونو تمویل او له افغان مدني ټولنې خپل ملاتړ ګړندی کړي. د اروپا د پارلمان غړې اېوېن اینسر وویل چې د ملګرو ملتونو په مشرۍ یو هیئت باید د دغو محدودیتونو او راپور شویو تاوتریخوالو پوښتنه وکړي. Читать дальше...
د طالبانو د حکومت د دفاع سرپرست وزیر ملا محمد یعقوب مجاهد له پاکستانه د افغان کډوالو د ایستلو پرېکړه غیر عادلانه بولي. مجاهد نن په کابل کې یوې غونډې ته د وینا پر مهال له ملګرو ملتونو، د پاکستان له ولس او دیني علماوو غوښتنه وکړه چې پاکستاني دولت له خپلې پرېکړې راوګرځوي. هغه زیاته کړه: "پاکستان حکومت چې د افغانانو په هکله کومه پرېکړه کړې ده چې کډوال به د نومبر تر لومړۍ نېټې له پاکستانه وځي، دا پرېکړه مونږ غندو، دا پرېکړه غیر عادلانه او بې انصافه پرېکړه ده." د پاکستان د کورنیو چارو وزارت د تېرې... Читать дальше...
له پاکستانه د افغان کډوالو او پناه غوښتونکو د ایستلو په پرېکړې په پاکستان کې دننه او بهر ګڼو سازمانونو غبرګونونه ښودلي دي. د بشري حقونو او کډوالو ځینو سازمانونو یوځل بیا د پاکستان پر حکومت غږ کړی چې د افغان کډوالو او پناه غوښتونکو د اجباري ایستلو لړۍ ودروي. د پاکستان د بشر حقونو کمېسیون د افغان کډوالو او پناه غوښتونکو د ايستلو پرېکړه د نړیوالو بشري حقونو خلاف بللې او د دې پرېکړه د بېرته اخیستلو غوښتنه یې کړې ده. یاد کمېسیون د چهارشنبې په ورځ ناوخته پر خپله اېکس پاڼه لیکلي، د دې ادعا له امله... Читать дальше...
بي بي لیلا پنځه کلنه وه چې پاکستان ته کډواله شوه. هغه اوس ۴۵ کلنه ده خو د پاکستاني پولیسو له لوري د خپل مشر زوی عطاالله په نیول کېدو خواشینې او اندېښمنه ده. د پاکستان حکومت هغو افغان کډوالو ته چې قانوني اسناد نه لري، د نومبر تر لومړۍ وخت ورکړی چې له دغه هېواده ووځي. که څه هم پاکستاني چارواکي وايي چې نیول شوي افغانان د کډوالۍ اسناد نه لري، خو راپورونه وايي چې سلګونه افغانان له قانوني اسنادو سربېره نیول شوي.
د اکټوبر پنځمه د ښوونکي نړیواله ورځ ده. دا ورځ د درېيم ځل لپاره په داسې حال کې په افغانستان کې د طالبانو د واکمنۍ پر مهال نمانځل کېږي، چې ګڼ شمېر ښځینه ښوونکو خپلې دندې له لاسه ورکړي او په کورونو کې ناستې دي. دغو ښوونکو وروسته له هغې خپلې دندې له لاسه ورکړې، چې د طالبانو حکومت له شپږم ټولګي پورته نجونې ښوونځيو ته له تګ منع کړې. يو شمېر دغه ښځينه ښوونکې وايي چې په کور کې پاتې کېدو له اقتصادي او رواني ستونزو سره مخ کړي دي. له دغو ښځینه ښوونکو څخه یو شمېر یې ان د بېکارۍ او بې وزلۍ له امله کډوالۍ ته اړ شوي دي. Читать дальше...
د ۲۰۲۳ کال د کرکټ د نړیوال جام لومړۍ لوبه نن د انګلستان او نیوزیلنډ تر منځ روانه ده. انګلستان په ۲۰۱۹ کال کې د نیوزیلند په وړاندې د نړیوال جام پایلوبه ګټلې وه. د دوی نننۍ لوبه د هند په احمداباد ښار کې روانه ده او انګلستان بېټنګ/ توپ وهنه کوي. تر دې لوبې مخکې د افغانستان په شمول د ټولو ټیمونو لوبډلمشران په یوه کنفرانس کې غږېدلي او د خپلو ټیمونو د چمتووالي ډاډ یې ورکړی دی. افغان لوبډلمشر حشمت الله شهیدي ویلي چې ټيم یې نه یواځې په بالنګ کې مخکې دی بلکې دا وار به د ده په خبره ټولو ته څرګنده کړي چې ښه بېټنګ هم کولای شي. Читать дальше...
د اکتوبر پنځمه د ښوونکي/معلم له نړیوالې ورځې سره برابره ده. په افغانستان کې ګڼو ښوونکو په تېره بیا ښځینه وو معلمینو د طالبانو په بیا واکمنېدو سره خپلې دندې له لاسه ورکړي دي او له اقتصادي ستونزو کړېږي. د طالبانو حکومت د ښوونکي د ورځې په مناسبت په کابل کې یوه غونډه هم نیولې ده. دې غونډې ته د طالبانو د حکومت د رییس الوزرا اداري مرستیال عبدالسلام حنفي وویل که امکانات تر لاسه کړي نو له ټولو مخکې به د ښوونکو امتیازات پورته کړي.
د ۲۰۲۳ کال د کرکټ د نړیوال جام لومړۍ لوبه نن د انګلستان او نیوزیلند تر منځ کېږي. انګلستان په ۲۰۱۹ کال کې د نیوزیلند په وړاندې د نړیوال جام پایلوبه ګټلې وه. تمه ده د دوی نننۍ لوبه د هند په احمداباد ښار کې وشي. تر دې لوبې مخکې د افغانستان په شمول د ټولو ټیمونو لوبډلمشران په یوه کنفرانس کې غږېدلي او د خپلو ټیمونو د چمتووالي ډاډ یې ورکړی دی. افغان لوبډلمشر حشمت الله شهیدي ویلي، چې ټيم یې نه یواځې په بالنګ کې مخکې دی بلکې دا وار به د ده په خبره ټولو ته څرګنده کړي چې ښه بېټنګ هم کولای شي. Читать дальше...
د پاکستان او افغانستان د سوداګرۍ ګډې خونې د اسلام اباد له لوري افغانستان ته پر واردېدونکو مالونو نوی فیس او په ټرانزېټي تړون کې نور بدلونونه رد کړي دي. د پاکستان او افغانستان د سوداګرۍ شريکې خونې ګډ مشر خان جان الکوزي ازادي راډیو ته وويل، چې د ۲۰۱۰ز کال د تړون له مخې افغان سوداګر له نورو هېوادونو څخه اخیستي مالونه د پاکستان د بندرونو له لارې خپل هېواد ته لېږدولی شي. د ده په خبره، د پاکستان له خوا نوي بدلونونه د منلو نه دي ځکه چې دواړو غاړو ته یې سخت تاوان رسي. اسلام اباد د اکتوبر پر درېیمه،... Читать дальше...
د پاکستان پوځ وايي چې د چمن دروازې په پرونۍ پېښه کې دوه پاکستانیان وژل شوي او یو ماشوم ټپي شوی دی. د پاکستان پوځ په خپله خبرپاڼه کې ویلي، چې د دوی خواکونو له زغمه کار اخیستی خو له طالب چارواکو یې غوښتي چې د ډزو عاملان ونیسي او دوی ته یې وسپاري. په همدې حال کې د چمن د هغې غاړې یوشمېر اوسیدونکو پر ټولنیزو رسنیو ویلي، چې د طالبانو د پوله ساتو په ډزو کې دوه تنه وژل شوي او د پاکستان د یوه سرتیري په ګډون دوه تنه ټپیان دي. تیره میاشت په تورخم بندر کې د طالبانو او پاکستاني لوري د ډزو د تبادلې له کبله... Читать дальше...
د امریکا د دیموکرات ګوند ۲۰ سناتورانو پرون د سعودي عربستان او اسراییل د اړیکو د عادي کېدو د امکان ملاتړ وکړ، خو د دې کار په وړاندې یې د امریکا له لوري سعودي ته د امنیتي مرستې په ورکولو اندېښنه ښکاره کړه. دوی د امریکا ولسمشر جو بایډن ته په یوه لیک کې ویلي، که ټاکل شوې وي چې د امریکا حکومت د سعودي او اسراییل د اړیکو د ښه کېدو په بدل کې د ریاض غوښتنې پوره کړي، دا موضوع د سپینې ماڼۍ په وړاندې د کانګریس مقاومت پارولی شي. امریکايي چارواکو د سعودي عربستان او اسراییل د اړیکو د عادي کولو په خبرو کې... Читать дальше...
امریکا وايي، د ایران د سپاه پاسدران یوسلو یو میلیون مرمۍ یې د اوکراین وسله والو ځواکونو ته سپارلي دي. دا مرمۍ چې د ایران سپاه پاسداران د یمن حوثیانو ته لېږلې، د امریکا سمندري ځواکونو ضبط او توقیف کړې وې. د امریکا مرکزي قوماندانۍ یا سینټکام پرون په یوه خبرپاڼه کې وویل، دا مرمۍ ایران د امنیت شورا د ۲۲۱۶ پرېکړه لیک خلاف په یمن کې حوثیانو ته لېږلې. رویټرز خبري اژانس د یوه امریکايي چارواکي په قول ویلي، چې د امریکا پوځ په تېرو کلونو کې د ایران له لوري د اوبو له لارې د یمن حوثیانو ته ډېر شمېر لېږل کېدونکې وسلې او مهمات نیولي دي.
د اکتوبر پنځمه د ښوونکو د نړیوالې ورځې په توګه لمانځل کیږي. د دې ورځې د لمانځل کېدو سره هم مهاله، د کندهار ښوونکي د معاشونو د ځنډ او کموالي او دغه راز دوی ته د استوګنې لپاره د ورکول شویو ځمکو له غصب څخه شکایت کوي. د جمهوري نظام پرمهال د کندهار پر ښوونکو ددغه ولایت په ارغنداب او دامان ولسوالیو کې د استوګنې شاوخوا ٤٥٠٠ نومرې وویشل شوې . د کندهار ښوونکي وايي د تنخواو په ورکړه کې د ځنډ له امله یې یوځل کاربندیز هم وکړ، خو لا یې هم ستونزې نه دي حل شوي . په دې اړه زموږ همکار راپور استولی، د اوریدو لپاره یې دغه لېنک پرانیزئ... Читать дальше...
د قرغزستان امنیتي ځواکونو د پلان شویو جرمونو یوه مشهوره څېره کامچي کولبایف وژلی دی. د ازادي راډیو د خبر مرکزي څانګې لیکلي، چې کولبایف چې د ( اکه کامچي بیک اسنبیک ) په مستعار نوم مشهور دی ۲۰۱۱ کال کې امریکا د نړۍ په کچه د نشه یي توکو د لویو قاچاق وړونکو په نوملړ کې شامل کړی و. د قرغزستان د ملي امنیت ادارې ویلي، چې کولبایف پرون په پلازمېنه بشکیک کې د ځانګړو عملیاتو پر مهال له امنیتي ځواکونو سره د ډزو د تبادلې له کبله ووژل شو. نهه څلویښت کلن کولبایف ۲۰۲۰ کال کې توقیف شو، خو ۲۰۲۱ کال کې بیرته خوشې او ورته وویل شول چې له هېواده به نه وځي.
د افغانستان لپاره د امریکا د سفارت شارژدافیره کرین ډیکر وایي، د افغانانو د بشري حقونو او ثبات لپاره یې د هېواد ملاتړ دوام مومي. میرمن ډیکر پرون ماښام پر خپله ایکس پاڼه په افغانستان کې د یوه خیریه بنسټ د کارکونکي ټام سټیفاني د وژلو په مناسبت لیکلي، په افغانستان کې د دوی د ځواکونو قربانۍ به هېرې نه شي. سټیفاني په ۲۰۰۷ کال کې په غزني کې د سړک غاړې ماین په چاودنه کې ووژل شو. د کرین ډیکر په خبره، ټام سټیفاني په غزني کې یوازې له بزګرو سره مرسته کوله چې له کروندو ډېر حاصلات واخلي.
په کندهار کې د طالبانو ځایي چارواکو د چمن په دروازه کې د پاکستاني پوله ساتو ځواکونو په ډزو کې د درېیو افغانانو د ټپي کېدو خبر ورکړی دی. په کندهار کې د طالبانو د حکومت امنیه قومندانۍ پرون چهارشنبه یوه خبرپاڼه کې ویلي، چې ټپیانو کې یو سپین ږیری او دوه ماشومان شامل دي. تراوسه د ډزو انګیزه معلومه نه ده، خو د قومندانۍ په خبرپاڼه کې راغلي چې د چمن دروازه د تګ راتګ په مخ پرانیستې ده. بل لورته د ازادي راډیو خبریال وایي، د چمن د هغې غاړې یوشمېر اوسیدونکو پر ټولنیزو رسنیو ویلي، چې د طالبانو د پوله... Читать дальше...
د کریکټ د یو ورځنیو یا پنځوس اوره لوبو نړیوال جام نن په هند کې پیلیږي. د افغانستان د لوبډلې په ګډون د نړۍ لس غوره ټیمونه دغه جام کې لوبیږي. د جام لومړۍ لوبه نن د احمد اباد په کریکټ لوبغالي کې د انګلستان او نیوزلند ترمنځ ده. افغانستان په دې جام کې خپله لومړنۍ لوبه د شنبې په ورځ له بنګله دیش سره کوي او د اکتوبر په ۱۱مه له هند سره د سیالۍ ډګر ته ښکته کیږي. د کریکټ نړیوال جام به د نومبر میاشتې تر نولسمې نیټې پورې دوام کوي.
د بښنې نړیوال سازمان د پاکستان له حکومته غواړي، چې د سلګونه زره افغان کډوالو د اجباري ستنولو له هوډه لاس په سر شي. دا غوښتنه داسې مهال کیږي، چې پاکستان کې افغان کډوال د خپل برخه لیک په اړه اندیښمن دي او له نړیوالو سازمانونو غواړي چې غږ یې واوري. په اسلام اباد کې یوې افغان پنا غوښتونکې مرسل عزیزي د چهارشنبې په ماښام ازادي راډیو ته وویل، چې له ټولو پنا غوښتونکو سره د پولیسو چلند ډېر ناوړه دی او په خبره یې د نیولو لړۍ لا هم روانه ده. نوموړې وایي: " له دوو کلونو راهیسې پاکستان کې ژوند کوم. زمونږ د کډوالۍ د قضیې او کارونو څرک نه لګیږي. Читать дальше...
په ایران کې د ښوونځي یوه ۱۶ کلنه نجلۍ چې د حجاب نه مراعاتولو له کبله د ادعا له مخې له پولیسو سره په شخړه اوښتې، په درېیمه ورځ هم د کوما په حالت کې وه. دغه نجلۍ ارمیتا ګراوند نومیږي او ویل کیږي چې د کوما لامل یې مغزي خونریزي ده. په ټولنیزو رسنیو کې د دغې نجلۍ قضیه د بلې ایرانۍ پیغلې مهسا امیني قضیې ته ورته بلل شوې چې یو کال وړاندې د پولیسو تر شکنجې وروسته روغتون کې مړه شوه. د ازادې اروپا/ازادي راډیو فردا څانګه وایي چې شپاړس کلنه ارمیتا ګراوند د سر په کوپړۍ او مغزو کې د خونریزي له کبله لا هم په کوما حالت کې ده. Читать дальше...
ریلییف ویب: ریلییف ویب خپرونې د طالبانو تر واک لاندې د افغانستان د اقتصاد په اړه یو مطلب خپور کړی دی. دا خپرونه لیکي، داسې اټکل کېږي چې روان میلادي کال به د افغانستان اقتصاد ډېره وده ونه کړي. په دې لیکنه کې د نړیوال بانک په وینا راغلي چې د طالبانو سخت دریځه تګلارې چې نجونه یې له زده کړو او ښځې له کاره منع کړي دي، د افغانستان اقتصادي وده پسې کمزورې کړې ده. نړیوال بانک د افغانستان د اقتصاد په تړاو خپل راپور د چهارشنبې په ورځ خپور کړ. په دې راپور کې راغلي چې اقتصادي رکود د افغانستان په ټولو برخو اغېزې کړي دي. Читать дальше...
