Новости за 01.01.2020

(Казан, 1 гыйнвар, «Татар-информ»). 8 февральдә Мамадыш районында ЅunnуФЕСТ креатив чаналар Бөтенроссия фестивале узачак, аның приз фонды 100 мең сум тәшкил итәчәк. Иң яхшы чана өчен көрәштә ике-алты кешедән торган командалар катнаша ала. Гаризалар 1 февральгә кадәр кабул ителә. Бу хакта фестивальнең ВКонтакте челтәрендәге рәсми битендә хәбәр ителә.

(Казан, 1 гыйнвар, «Татар-информ»). 2020 елның 1 февраленнән WhatsApp мессенджеры Android операцион системасын 2.3.7 версияләренә кадәр кулланучы гаджетларда, шулай ук iPhoneда iOS 8гә кадәр операция системалары белән эшләүне туктатачак.

(Казан, 1 гыйнвар, «Татар-информ»). Россиянең күпчелек төбәкләрендә гыйнвар «кызыл» булачак, ягъни нормадан җылырак булачак. Бу хакта Россия Гидрометеорология һәм әйләнә-тирә мохитне күзәтү үзәге директоры вазифаларын башкаручы Роман Вильфанд сүзләренә сылтама белән «Российская газета» яза.

(Казан, 1 гыйнвар, «Татар-информ»). Яңа ел алдыннан күп көнлек сәяхәттә Кыш бабай илнең 50 шәһәрендә булды, шул исәптән Казан да. Ул төп чыршыларда ут кабызды һәм 200 тоннадан артык бүләк тапшырды. Бу турыда ТАСС хәбәр итә.

(Казан, 1 гыйнвар, «Татар-информ», Полина Шевчук). Казанда 1 гыйнварда юл-патруль хезмәте дежур экипажында юл-транспорт һәлакәтен рәсмиләштерергә мөмкин булачак. Бу хакта «Татар-информ» мәгълүмат агентлыгына Казан юл-патруль хезмәте полкының муниципаль хезмәтендә сөйләделәр.

(Казан, 1 гыйнвар, «Татар-информ»). Бүгеннән башлап Россиядә электрон хезмәт кенәгәләре турындагы закон үз көченә керә. Яңалык Россиядә яшәүчеләргә документны цифрлы форматта алып барырга мөмкинлек бирә.

(Казан, 1 гыйнвар, «Татар-информ»). Яңа ел төнендә Татарстан башкаласында Республика клиник хастаханәсенең бала тудыру йортында беренче булып малай дөньяга килгән. Бу турыда ТР Сәламәтлек саклау министрлыгы матбугат хезмәте хәбәр итә.

(Казан, 1 гыйнвар, «Татар-информ»). 1 гыйнвардан Россиягә чит ил интернет-кибетләреннән сатып алуларны 500дән 200 еврога кадәр киметелә. Кагыйдәләр яңа Таможня кодексында теркәлгән, аны Евразия икътисади берлеге (ЕАЭС) катнашучы илләр кабул иткән. Бу турыда ТАСС хәбәр итә.

(Казан, 1 гыйнвар, «Татар-информ»). Татарстан Президенты Рөстәм Миңнеханов Үзбәкстан җитәкчелеген һәм халкын Яңа ел белән котлады. Дустанә республикадан хезмәттәшләр соравы буенча язма ТНВ студиясендә татарстанлыларга Яңа ел мөрәҗәгате яздырганда төшерелгән. Мөрәҗәгать «Үзбәкстан-24» үзәк телеканалында трансляцияләнде.

(Казан, 1 гыйнвар, «Татар-информ», Полина Шевчук). Татарстанда внедорожник һәм Перьмнан килгән җиңел машина бәрелешкән. Һәлакәттә бер кеше үлгән һәм ике кеше имгәнгән. Бу турыда һәлакәт шаһитлары хәбәр итә.

(Казан, 1 гыйнвар, «Татар-информ»). Россиядә куркыныч токымлы этләрне йөртү буенча яңа кагыйдәләр гамәлгә керде. Бу хакта Дәүләт Думасы сайтында хәбәр ителә.

(Казан, 1 гыйнвар, «Татар-информ», Полина Шевчук). Татарстанда җиңел машина йөртүчесе юлда утырып торган ир-атны таптаткан. Ир-ат үлгән. Бу турыда һәлакәт урыныннан «Татар-информ» агентлыгының үз корреспонденты хәбәр итте.

(Казан, 1 гыйнвар, «Татар-информ»). 1 гыйнвардан хезмәт хакының минималь күләме 850 сумга артачак, ә эшләмәүче пенсионерлар өчен картлык буенча пенсия 6,6 процентка индексацияләнә. Эшсезлек буенча пособие күләме генә үзгәрмәячәк, ул 2019 елдагы кебек үк, 1,5 меңнән 8 мең сумга кадәр тәшкил итәчәк. Бу хакта РИА Новости хәбәр итә.

(Казан, 1 гыйнвар, «Татар-информ»). Гыйнварның беренче көннәрен яңа ел мәҗлесеннән соң гадәти туклану режимына кайту өчен җиңелчә ашарга кирәк. Бу хакта РФ Сәламәтлек саклау министрлыгының штаттан тыш баш белгеч-диетологы, Туклану, биотехнология һәм азык-төлек куркынычсызлыгы федераль үзәгенең фәнни җитәкчесе Виктор Тутельянга сылтама белән ТАСС хәбәр итә.

(Казан, 1 гыйнвар, «Татар-информ»). Яңа елның беренче көнендә циклонның җылы секторы йогынтысында Татарстанда дымлы һәм җылы һава булачак. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 1 гыйнвар, «Татар-информ»). Яңа елга 12 сәгать кала Башкортстандагы Раевка авылында туып үскән гимнастка Ләйсән Үтәшева Instagram социаль челтәрендәге үз сәхифәсендә үзләренең гаиләсендә буыннан буынга күчеп килә торган мантый рецепты белән уртаклашты. Ләйсәнгә аны әбисе тапшырган. Бу хакта «Башинформ» агентлыгы хәбәр итә.

(Казан, 1 гыйнвар, «Татар-информ», Полина Шевчук). Татарстанның Актаныш районы Пучы авылында чыккан янгында 66 яшьлек ир-атның гомере өзелгән. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 1 гыйнвар, «Татар-информ»). 2020 елның 1 гыйнварыннан Россиядә автомобильләрне бердәм дәүләт реестрына кертәчәкләр. Шул хактагы карар Россия Хөкүмәте сайтында дөнья күргән.

(Казан, 1 гыйнвар, «Татар-информ»). Татарстан Республикасы Мәдәният министрлыгы кино төшерү буенча субсидияләр бирү өчен гаризалар сайлап алуга йомгак ясады. Яшел Үзән районының «Ника» яшьләргә һәм спортка ярдәм итү һәм үстерү фонды 1 млн сум күләмендә субсидия алды. Бу хакта ТР Мәдәният министрлыгы матбугат хезмәте хәбәр итә.

(Казан, 1 гыйнвар, «Татар-информ»). 2020 елның җәендә Краснодар краеның Кара диңгез ярында XXVI «Зур тәнәфес» XXVI Халыкара гомумдәүләт фестиваль-конкурсы узачак. Анда катнашырга Татарстан Республикасы Мәдәният һәм мәгариф оешмаларының иҗади коллективлары һәм аерым башкаручылары чакырыла. Бу хакта ТР Мәдәният министрлыгы матбугат хезмәте хәбәр итә.