Новости за 14.01.2020

(Арча, 14 гыйнвар, «Татар-информ», «Арча хәбәрләре», Ильяс Фәттахов). Бүген Арчада депутатлар Тукайның 135 еллыгына әзерлек турында сөйләште. 2021 елда Г.Тукайның тууына 135 ел тула. Республикада шушы юбилейга әзерлек башланды. Бу турыда район басмасы яза.

(Казан, 14 гыйнвар, «Татар-информ»). Түбән Камада дүртенче тапкыр чиркәүләр карамагындагы якшәмбе мәктәпләре фестивале үтте. Балалар һәм өлкәннәр шәһәр халкына игелек һәм мәхәббәт турында кечкенә өч спектакль күрсәтте, танылган композиторларның рухи темага язылган әсәрләрен башкардылар. Бу турыда Түбән Кама муниципаль районы рәсми сайтында хәбәр ителә.

(Казан, 14 гыйнвар, «Татар-информ»). Хуҗабикәләргә үзмәшгуль буларак салым салырга тәкъдим иткән Дәүләт Думасы депутаты инициативасын «Бердәм Россия» партиясе тәнкыйтьләде. Бу хакта «Татар-информ»га КФУның конфликтология кафедрасы мөдире Андрей Большаков хәбәр итте.

(Казан, 14 гыйнвар, «Татар-информ»). Иртәгә, 15 гыйнварда, республика территориясендә бозлавык һәм кар явуы көтелә. Бу хакта Татарстан Гидрометеорология үзәге матбугат хезмәте хәбәр итә.

(Казан, 14 гыйнвар, «Татар-информ»). Андрей Каргинов җитәкчелегендәге «КАМАЗ-Мастер» командасы экипажы «Дакар» ралли-рейдының тугызынчы этабында җиңү яулады. Бу хакта ТАСС хәбәр итә.

(Казан, 14 гыйнвар, «Татар-информ», Наталья Рыбакова). Бүген Татарстан Президенты Рөстәм Миңнеханов ТР Экология һәм табигать ресурслары министрлыгы һәм ТР Урман хуҗалыгы министрлыгының уртак утырышында автомобиль юллары буендагы урман-саклау полосаларын торгызу һәм тәртипкә китерүгә юнәлдерелгән яңа программаны эшләргә тәкъдим итте.

(Казан, 14 гыйнвар, «Татар-информ», «Шәһри Казан», Лилия Локманова). 11не генә түгел, 9нчы сыйныфны тәмамлаучылар өчен дә авыр вакытлар җитә. Хәер, ел дәвамында тырышып әзерләнсәң, имтихан бирүнең кыенлыгы юк кебек. Системалы рәвештә шөгыльләнгәндә, бигрәк тә.

(Казан, 14 гыйнвар, «Татар-информ»). Бүген Казанда Татарстан Иҗтимагый палатасының Татарстан Президенты һәм республика Дәүләт Советы раслаган әгъзалары җыелышы узды. Җыелышта палатаның калган өчтән бер өлеше формалашты. Бу хакта оешманың матбугат хезмәте хәбәр итә.

(Казан, 14 гыйнвар, «Татар-информ»). Бүген Йәмәннең көньягындагы Абьян провинциясендә урнашкан мәчеттә атыш булган. Кимендә биш кеше һәлак, тагын унбер кеше яраланган. Бу турыда Al Arabiya телеканалына сылтама белән ТАСС агентлыгы хәбәр итте.

(Казан, 14 гыйнвар, «Татар-информ», Артур Шипилов). Татарстанның спорт инфраструктурасы республика файдасына хезмәт итәргә тиеш, спорт белән шөгыльләнүчеләр санын 2 млн кешегә кадәр җиткерергә кирәк. Татарстан Спорт министрлыгы коллегиясеннән соң республика Президенты Рөстәм Миңнеханов шундый бурыч куйды.

(Казан, 14 гыйнвар, «Татар-информ», Динара Прокопьева). Казанда яшәүчеләрнең хезмәт хакы 2019 елда аена уртача 37 мең сум тәшкил иткән. «Авито» аналитиклары әнә шундый мәгълүмат әзерләгән.

(Казан, 14 гыйнвар, «Татар-информ», Наталья Рыбакова). Татарстанда калдыкларны термик эшкәртү заводы проектына бәйсез халыкара экологик экспертиза Германия экспертлары катнашында узачак, аның нәтиҗәләре бар кешеләр өчен дә ачык булачак. Бу хакта бүген ТР Президенты Рөстәм Миңнеханов ТР Экология һәм табигать ресурслары министрлыгы һәм ТР Урман хуҗалыгы министрлыгының Казанда узган уртак утырышында хәбәр итте.

(Казан, 14 гыйнвар, «Татар-информ»). М12 Мәскәү–Казан яңа тиз йөрешле трассасы өчен исем сайлау акциясе кысаларында Россия кешеләре «Автодор» дәүләт компаниясенә 95 атама тәкъдим иткән. Бу хакта компания социаль челтәрдәге битендә язды.

(Казан, 14 гыйнвар, «Татар-информ», Артур Шипилов). Татарстан Республикасы Президенты Рөстәм Миңнеханов, нәтиҗәләр нинди булуга карамастан, Татарстан спорт клубларына карата уңай мөнәсәбәтен белдерде.

(Казан, 14 гыйнвар, "Татар-информ"). Татарстан Республикасында «Урман янгыннары үзәге» ДБУ диспетчерлык идарәсенең төбәк пункты эшен дәвам итә. Республикада яшәүче һәркем урман законнары бозылу факты турында 8-800-100-94-00, 8 (843) 221-37-95 номерларына шалтыратып, шулай ук «Халык контроле» мобиль кушымтасы аша хәбәр итә ала. Бу турыда Татарстан Урман хуҗалыгы министрлыгы матбугат хезмәте хбәр итте.

(Казан, 14 гыйнвар, «Татар-информ»). «Фобос» һава торышы үзәгенең әйдәп баручы белгече Евгений Тишковец РБК белән әңгәмә вакытында быел Россиядә язның климатик нормадан берничә градуска җылырак булачагын әйтте. Бу хакта РИА Новости хәбәр итә.

(Казан, 14 гыйнвар, «Татар-информ», Динара Прокопьева). Татарстан Иҗтимагый палатасы башлыгын алмаштыру мәсьәләсе 16 гыйнварда гомуми утырышта каралачак. Моңа кадәр әлеге вазифага «Казан Кремле» музей-тыюлыгы директоры Зилә Вәлиева күчә дигән хәбәр таралган иде. Палатаның хәзерге җитәкчесе Анатолий Фомин бу мәгълүмат турында фикерләрен «Татар-информ» хәбәрчесенә әйтте.

(Казан, 14 гыйнвар, «Татар-информ», Артур Шипилов). Татарстан Республикасы Президенты Рөстәм Миңнеханов һәм Россия Федерациясе Спорт министры Павел Колобков «2019 елда Татарстан Республикасы спорт министрлыгының эш йомгаклары һәм 2020 елга бурычлар турында»гы мәсьәлә буенча Татарстан Республикасы спорт министрлыгы коллегиясе утырышында катнашты.

(Казан, 14 гыйнвар, Дмитрий Киселев). РФ спорт министры Павел Колобков Казанга эш сәфәре барышында пуля белән ату комплексында булды. Анда ул республика спорт мәктәбендә тәрбияләнүчеләр белән тренировкада катнашты һәм тәкъдим ителгән барлык цельгә тидереп, винтовкадан атуда таң калдырды. Бу хакта ТР пуля белән һәм стендка ату федерациясе матбугат хезмәте хәбәр итә.

(Казан, 14 гыйнвар, «Татар-информ», Оксана Романова). Татарстанның Балык Бистәсе районының Олы Елга авылында 1879 елда төзелгән, ә узган ел башында Вологда өлкәсенә реставрациягә җибәрелгән агач мәчет өчен яңа фундамент быел май аенда җылыту белән салыначак. Бу хакта «Татар-информ» агентлыгына биргән интервьюсында агач сәнгате җәүһәрләрен архитектор-реставрацияләүче Александр Попов хәбәр итте.

(Казан, 14 гыйнвар, «Татар-информ», Наталья Рыбакова). Татарстанның «Экология» илкүләм проектында катнашуы төбәккә мөһим экологик проблемаларны хәл итәргә мөмкинлек бирә. Бу хакта бүген ТР Президенты Рөстәм Миңнеханов ТР Экология министрлыгы һәм ТР Урман хуҗалыгы министрлыгының Казанда узган уртак утырышында хәбәр итте.

(Казан, 14 гыйнвар, «Татар-информ», Екатерина Ларионова). Казан галимнәре пробиркада үстерергә ниятләгән ат итенең ни дәрәҗәдә хәләл булуын әлегә бәяләве кыен. ТР мөселманнары Диния нәзарәтенең шәригать мәсьәләләре бүлеге башлыгы Булат хәзрәт Мөбарәков «Татар-информ» агентлыгына шул хакта хәбәр итте.

(Казан, 14 гыйнвар, «Татар-информ», Гөлия Хәсбиуллина). Бүген «Ак Барс» хоккейчылары Хабаровск шәһәрендә «Амур» командасын буллит бәрү сериясендә 2:3 исәбе белән җиңде.

(Казан, 14 гыйнвар, «Татар-информ», Дмитрий Киселев). Дәүләт Думасының Хезмәт, социаль сәясәт һәм ветераннар эшләре комитеты Россия Федерациясенең «Хезмәттә дан-шөһрәт казанган шәһәр» мактаулы дәрәҗәсе турындагы закон проектын хуплады һәм беренче укылышта кабул итәргә киңәш итте. Әлеге мактаулы дәрәҗәгә Татарстан башкаласы да дәгъва кыла ала. Бу хакта «Татар-информ» агентлыгына РФ Дәүләт Думасына Татарстаннан сайланган депутат Ольга Павлова хәбәр итте.

(Казан, 14 гыйнвар, «Татар-информ», Ләйсән Рәхмәтуллина). Азнакай районы башлыгы аерылырга теләп ЗАГС идарәсенә гариза язып килгән гаиләләрне үзе кабул итә. Бу хакта «Гаилә» мәчете уздырган бәйгеләргә багышланган матбугат конференциясендә әйтелде.