Новости за 27.01.2020

(Чирмешән, 27 гыйнвар, «Татар-информ», «Безнең Чирмешән», Марат Гомәров). Лашман мәктәбе укучылары билбау көрәше буенча Казахстанда узган халыкара турнирдан, республика данын яклап, призлы урыннар яулап кайтты. Бу турыда район басмасы хәбәр итә.

(Кукмара, 27 гыйнвар, «Татар-информ», «Хезмәт даны»). Кукмара район башлыгы Сергей Димитриев һәм район социаль яклау бүлеге җитәкчесе Светлана Җамалиева Кукмара районының Өлге авылында яшәүче Хәтирә Салихованы Ленинградны фашистлардан тулысынча азат итүгә 76 ел тулу белән котлады. Бу турыда район басмасы хәбәр итә.

(Казан, 27 гыйнвар, «Татар-информ»). Әйтик, 100 мең - 200 мең сумлык хезмәт хакына сораштырылучыларның 26 проценты дәгъва итә. Бу хакта «Работа.ги» порталы үткәргән сораштыру нәтиҗәләренә сылтама белән «Российская газета» хәбәр итә.

(Казан, 27 гыйнвар, «Татар-информ»). Радий Хәбиров Башкорт дәүләт опера һәм балет театры исеме өчен интернет-тавыш бирүгә йомгак ясады. Бу хакта «Башинформ» хәбәр итә.

(Казан, 27 гыйнвар, «Татар-информ», Виктория Свешникова). Казанда икенче хоспис төзелеше башланды. Проектны тормышка ашыру өчен 350 млн сум тирәсе акча тотарга планлаштыралар, әмма төгәл мәгълүматлар төзелеш тәмамланганнан соң гына билгеле булачак. Бу хакта «Татар-информ» корреспондентына Анжела Вавилова фондына нигез салучы Владимир Вавилов сөйләде.

(Казан, 27 гыйнвар, «Татар-информ»). Бүген Татарстан Хөкүмәте Йортында Татарстан Республикасы Премьер-министры Алексей Песошин рәислегендә «Татэнергосбыт»АҖ директорлар советының чираттагы утырышы узды. Бу хакта ТР Президенты матбугат хезмәте хәбәр итә.

(Казан, 27 гыйнвар, «Татар-информ» ). Бүген Татарстан Президенты Рөстәм Миңнеханов видеоконференция элемтә аша «Бердәм Россия» партиясенең Югары советы бюросының киңәйтелгән утырышында катнашты. Бу хакта Татарстан Президенты матбугат хезмәте хәбәр итә.

(Казан, 27 гыйнвар, «Татар-информ»). Иртәгә, 28 гыйнварда, Татарстан территориясендә кинәт салкынайтып җибәрә. Бу хакта Гидрометеорология үзәге хәбәр итә.

(Казан, 27 гыйнвар, «Татар-информ», Гөлия Хәсбиуллина). Бүген Казанның «Ак Барс» хоккейчылары Чиләбедә «Трактор» командасын җиңде. Уен исәбе — 2:4.

(Казан, 27 гыйнвар, «Татар-информ», Арсений Кәримов ). Бүген Татарстан Президенты Рөстәм Миңнеханов республиканың IT-компанияләренең эшләнмәләре күргәзмәсен карады. Анда робот ярдәмчеләреннән алып цифрлы медицина үзәкләренә һәм Россия программа тәэминатына кадәрге эшләрнең киң спектры тәкъдим ителде.

(Казан, 27 гыйнвар, «Татар-информ»). 29 гыйнварда Свердловск өлкәсенең Туган якны өйрәнү музеенда Алабуга дәүләт музей-тыюлыгы экспонатларыннан «Татарларда кунакта» дигән күргәзмә ачыла. Бу хакта Бөтендөнья татар конгрессы матбугат хезмәте хәбәр итә.

(Казан, 27 гыйнвар, «Татар-информ»). Казан халкы пенсия, гаилә, хезмәт һәм торак законнары мәсьәләләре буенча түләүсез консультация ала алачак. Бу хакта Татарстанда Кеше хокуклары буенча вәкаләтле вәкил матбугат хезмәте хәбәр итә.

(Казан, 27 гыйнвар, «Татар-информ»). Татарстан Республикасы мөселманнары Диния нәзарәте журналистлар өчен традицион иҗади конкурс игълан итә. Быелгы бәйгенең темасы – «Динем – Ислам, милләтем – татар». Бу хакта ТР Диния нәзарәте матбугат хезмәте хәбәр итә.

(Казан, 27 гыйнвар, «Татар-информ», Диана Авакян). Татарстанның мәгълүмати технологияләр үзәгенә киберкуркынычсызлык чараларын көчәйтергә кирәк булачак. Бу күптән түгел республика дәүләт хезмәтләре порталына булган хакер һөҗүме белән бәйле. Татарстанның мәгълүмати технологияләр үзәгенә тиешле йөкләмәне ведомство коллегиясе утырышында Татарстан Дәүләт идарәсен цифрлы нигездә үстерү, мәгълүмат технологияләре һәм элемтә министры Айрат Хәйруллин бирде.

(Казан, 27 гыйнвар, «Татар-информ»). Татарстан Президенты Рөстәм Миңнеханов республика халкына Кытайдан коронавирус кертү куркынычын булдырмау өчен республикада күрелә торган чаралар турында җентекләп сөйләргә кушты. Бу хакта «Татар-информ»га ТР Президенты матбугат хезмәте җитәкчесе Лилия Галимова хәбәр итте.

(Чаллы, 27 гыйнвар, «Татар-информ», Эльвира Мөхәммәтдинова). Чаллы халыкның табигый үсеше буенча Татарстан лидерлары өчлегенә керде. Бу хакта мэриядә узган киңәшмәдә шәһәрнең ЗАГС идарәсе башлыгы Равилә Зарипова хәбәр итте.

(Казан, 27 гыйнвар, «Татар-информ» Полина Шевчук). Казан янындагы трассада ике җиңел машина бәрелешкән, төрле тән җәрәхәте алган бер машина йөртүче хастаханәгә озатылган. Бу хакта «Татар-информ»га юл-транспорт һәлакәтенә шаһит булучылар сөйләде.

(Казан, 27 гыйнвар, «Татар-информ», Полина Шевчук). Татарстанда ЮХИДИ машина йөртүчеләрне һава торышы начарланган вакытта игътибарлы булырга чакыра. Бу хакта «Татар-информ»га Татарстан Дәүләт автоинспекциясендә хәбәр иттеләр.

(Казан, 27 гыйнвар, «Татар-информ»). Санкт-Петербургта Ленинградны фашист блокадасыннан тулысынча азат итүгә 76 ел тулу уңаеннан тантаналы-матәм чарасы узды. Пискарев зиратына веноклар һәм чәчәкләр салуда Татарстанның Санкт-Петербург һәм Ленинград өлкәсендәге Даими вәкиле Ренат Вәлиуллин җитәкчелегендәге татар җәмәгатьчелеге катнашты. Бу хакта Тулы вәкаләтле вәкиллекнең матбугат хезмәте хәбәр итә.

(Казан, 27 гыйнвар, «Татар-информ», Екатерина Ларионова). 2021 елның 1 гыйнварыннан Татарстан 53 илдә яшәүчеләрне электрон виза буенча кабул итә башлый. Бу хакта ТР Туризм буенча Дәүләт комитеты рәисе Сергей Иванов ведомствоның йомгаклау коллегиясендә хәбәр итте.

(Казан, 27 гыйнвар, «Татар-информ», Оксана Романова). Татарстан төбәкнең иң яхшы кече авыл хуҗалыгы предприятиеләрен 100 мең сумлык премияләр белән бүләкләячәк. Бу хакта Татарстан авыл хуҗалыгы һәм азык-төлек министрының икътисад һәм аграр үзгәртеп корулар буенча урынбасары Ришат Хәбипов Казан кооператив техникумында чыгыш ясаганда хәбәр итте.

(Казан, 27 гыйнвар, «Татар-информ»). «Польша татарларының еллык журналы»ның егерменче саны дөнья күргән. «Бу Польша татарларының иң борынгы журналы», — диде журналның авторы Муса Чахаровски «Татар-информ»га.

(Казан, 27 гыйнвар, «Татар-информ», Екатерина Ларионова). «Идел буе Болгары» туристик-рекреация кластерын үстерүгә Татарстан федераль бюджеттан 481 млн сум акча алачак. Бу хакта туризм буенча Татарстан Дәүләт комитеты рәисе Сергей Иванов ведомствоның йомгаклау коллегиясендә хәбәр итте.

(Казан, 27 гыйнвар, «Татар-информ»). Татарстанда «Безнең ишегалды» программасын гамәлгә ашыру өчен министрлыклар, ведомстволар, шулай ук муниципалитетлар һәм идарәче компанияләрнең көчләрен берләштерергә кирәк. Татарстан Президенты Рөстәм Миңнеханов Казанда белем бирү воркшобын ачу тантанасында шулай дип белдерде.

(Казан, 27 гыйнвар, «Татар-информ», Екатерина Ларионова). Казан Изге Ана иконасы чиркәвен яңадан торгызу нәтиҗәсендә Татарстан бөтен дөньядан хаҗиларны үзенә җәлеп итү үзәгенә әвереләчәк. ТР Туризм буенча дәүләт комитеты рәисе Сергей Иванов ведомствоның йомгаклау коллегиясендә шулай дип белдерде.