Новости за 05.01.2020

(Казан, 5 гыйнвар, «Татар-информ», «Әтнә таңы»). Татарстан районнарында чаңгы ярышлары уза. 3 гыйнвар көнне Балтачта чаңгыда узышу буенча ачык беренчелек, 4 гыйнвар көнне Саба беренчелегенә ачык ярыш узды. Әтнәдән абыйлы-энеле Мөхәммәтҗановлар җиңү яулап кайтты. Бу турыда район басмасы хәбәр итте.

(Казан, 5 гыйнвар, «Татар-информ»). 12 гыйнварда Уфада Федор Шаляпин исемендәге Концерт залы сәхнәсендә К.М.Веберның «Вольный стрелок» операсының премьерасы була. Ул опера җырчысы, Россиянең халык артисты, Башкорт опера һәм балет театры солисты Салават Әскәров истәлегенә багышланган. Бу турыда «Башинформ» хәбәр итә.

(Казан, 5 гыйнвар, «Татар-информ»). Росстандарт сыйфатсыз ягулыклы автозаправка станцияләре исемлеген игълан итте. 2019 елда аларда сыйфатсыз ягулык салу фактлары ачыкланган. Бу хакта ТАСС хәбәр итә.

(Казан, 5 гыйнвар, «Татар-информ», Гөлия Хәсбиуллина). Бүген Казанда «Татнефть-Арена» боз сараенда «Ак Барс» Чиләбенең «Трактор» командасын кабул итте. «Ак Барс» елның беренче матчында 4:3 исәбе белән җиңү яулады.

(Казан, 5 гыйнвар, «Татар-информ», «Аксубай», Зинаида Леонтьева). Казанда мәктәп укучылары арасында чуваш теле һәм әдәбияты буенча Республика олимпиадасының йомгаклау этабында Аксубай укучылары призлы урыннар алды. Бу турыда район басмасы хәбәр итте.

(Казан, 5 гыйнвар, «Татар-информ», «Әгерҗе хәбәрләре», Миләүшә Ягъфәрова). Бүген Әгерҗедәге «Олимп» физкультура-сәламәтләндерү комплексында Рәсим Закиров истәлегенә уллары һәм туганнары райондашлар арасында волейбол һәм шашка ярышлары уздыралар.

(Казан, 5 гыйнвар, «Татар-информ», Сергей Гаврилов). Түбән Каманың «Нефтехимик» командасы Екатеринбургта күчмә матчта «Автомобилистка» 0:3 исәбе белән оттырды. Икенче периодта биш минут эчендә барлык шайбаларны да ычкындырды.

(Казан, 5 гыйнвар, «Татар-информ»). Язучы, Татарстан Республикасының атказанган мәдәният хезмәткәре, Татарстан Фәннәр академиясенең матбугат сәркатибе Маргарита Виктор кызы Небольсина вафат булган. Бу хакта Татарстан Мәдәният министрлыгының матбугат хезмәте хәбәр итә.

(Казан, 5 гыйнвар, «Татар-информ»). Россиянең Юстиция министрлыгы никахлашу яшен үзгәртергә тели. Бу хакта 2020 елда Россия Хөкүмәтенең закон чыгару эшчәнлеге планында әйтелә.

(Казан, 5 гыйнвар, «Татар-информ»). 2020 елда компанияләрнең 80 проценты хезмәт хакын арттырырга тели. Бу хакта HeadHunter компаниясе уздырган тикшерүгә сылтама белән «Российская газета» яза.

(Казан, 5 гыйнвар, «Татар-информ»). Кышкы каникул көннәрендә Татарстан мәчетләрендә укучылар өчен рухи-сәламәтләндерү чаралары уза. Мөхтәсибәтләрдә белем алу һәм күңел ачу программалары, иҗади мастер-класслар, викториналар, әхлак дәресләре, конкурслар, Коръән бәйгеләре һәм дәресләре, тимераякта, чаңгыда шуу оештырыла. Бу хакта Татарстан мөселманнары Диния нәзарәте матбугат хезмәте хәбәр итә.

(Казан, 5 гыйнвар, «Татар-информ»). Актаныш районында җиңел машиналар бәрелешкәндә өч бала һәм ике олы кеше имгәнгән. Бу хакта «Татар-информ» га юл һәлакәтенең шаһитлары хәбәр итте.

(Казан, 5 гыйнвар, «Татар-информ»). Россия Президенты Владимир Путин М. В. Нестеров исемендәге Башкорт дәүләт сәнгать музее коллективын оешманың 100 еллыгы белән котлады. Котлау телеграммасы Кремль сайтында урнаштырылган.

(Казан, 5 гыйнвар, «Татар-информ», Алексей Новиков). Татарстан Гидрометеорология һәм әйләнә-тирә мохитне күзәтү идарәсе мәгълүматларына караганда, бүген кич һәм иртәгә республика территориясендә һава шартлары бозылачак. Бу хакта Татарстан буенча Россия Гадәттән тыш хәлләр министрлыгы Баш идарәсенең матбугат хезмәте хәбәр итә.

(Казан, 5 гыйнвар, «Татар-информ»). Казанда тугыз катлы йортта чыккан янгында төтен белән агуланган хатын-кызны хастаханәгә салганнар. Бу хакта Татарстан буенча Россия Гадәттән тыш хәлләр министрлыгы Баш идарәсенең матбугат хезмәте хәбәр итә.

(Казан, 5 гыйнвар, «Татар-информ»). Тулысынча зарядка җыйган смартфонны челтәргә тоташтырылган килеш озак тотарга ярамый, бу батареяның ресурсын киметә. Бу хакта BatterieIngenieure немец компаниясе җитәкчесе әйтте. Бу турына Business Insider басмасына сылтама белән «Известия» газетасы хәбәр итә.

(Казан, 5 гыйнвар, «Татар-информ»). Россия Мөфтиләр шурасы һәм Россия мөселманнары Диния нәзарәте рәисе Мөфти шәех Равил Гайнетдингә Animarium проектына нигез салган Артур Әхмәтҗанов һәм Эльдар Шәрипов яңа уникаль эшләнмәне күрсәтте. Очрашуда Россия Мөфтиләр шурасы рәисенең беренче урынбасары Рушан Аббясов та катнашты.

(Казан, 5 гыйнвар, «Татар-информ»). Бөгелмәдә полицейский-кинолог булып эшләүче стажер егет янгын вакытында бер кешене коткарган. Бу хакта «Татар-информ» агентлыгына Россия Эчке эшләр министрлыгының Бөгелмә районы буенча бүлегенең матбугат хезмәтендә әбәр иттеләр.

(Казан, 5 гыйнвар, «Татар-информ», Полина Шевчук). Ел башыннан бирле тиешсез урыннарда салют аттырган өчен Татарстанда өч кешегә штраф салынган. Бу хакта «Татар-информ»га Татарстан буенча Россия Гадәттән тыш хәлләр министрлыгы Баш идарәсенең матбугат хезмәтендә сөйләделәр.

(Казан, 5 гыйнвар, «Татар-информ»). Самара өлкәсе мөфтие, Самара өлкәсе мөселманнары Диния нәзарәтенең төбәк идарәсе рәисе Талип Яруллин «Балалар йортларына ярдәм» хәйрия проектын башлап җибәрде. Акция 2019 елның 1 декабреннән 2020 елның 10 гыйнварына кадәр барачак. Бу хакта «Самара татарлары» сайтында хәбәр ителә.

(Казан, 5 гыйнвар, «Татар-информ»). Бүген, 5 гыйнварда Татарстанда аномаль җылы һава торышы саклана. Бу хакта республика Гидрометеорология һәм әйләнә-тирә мохитне күзәтү идарәсе хәбәр итә.

(Казан, 5 гыйнвар, "Татар-информ"). Россия Юстиция министрлыгы 2020 елга бердәм дәүләт имтиханы (БДИ), төп дәүләт имтиханы (ТДИ) һәм дәүләт чыгарылыш имтиханы (ДЧИ) расписаниесен раслый торган Россия Мәгариф министрлыгы һәм Мәгариф һәм фән өлкәсендә күзәтчелек федераль хезмәтенең уртак боерыкларын теркәде. Бу турыда ТР Мәгариф һәм фән министрлыгы матбугат хезмәте хәбәр итте.

(Казан, 5 гыйнвар, «Татар-информ»). Татарстанда җиңел машиналар бәрелешкәннән соң бер кеше һәлак булган, бишесе хастаханәдә. Бу хакта Татарстан буенча Эчке эшләр министрлыгының матбугат хезмәтендә хәбәр иттеләр.

(Казан, 5 гыйнвар, «Татар-информ»). Россия Президенты Владимир Путин 15 гыйнварда «Манеж» Үзәк күргәзмәләр залында Россия Федераль Җыенына юллама белән мөрәҗәгать итәчәк. Бу хакта хокукый мәгълүмат порталына сылтама белән РИА Новости хәбәр итә.

(Казан, 5 гыйнвар, «Татар-информ»). Россиянең бөтен территориясендә диярлек гыйнвар аенда һава температурасы гаять югары булуы теркәлде. Атлантикадан килгән зур циклон үзе белән җылы алып килде. Бу хакта Россия Гидрометеорология үзәге хәбәр итә.