Новости за 10.01.2020

(Казан, 10 гыйнвар, "Татар-информ"). 10 гыйнвардан 11 гыйнварга кадәр Кама аша (Алабуга районының Покровское авылы - Түбән Кама районының Кызыл Чишмә бистәсе) боз кичүе ябык булачак. Бу турыда Түбән Кама муниципаль районы рәсми сайтында хәбәр ителә.

(Чирмешән, 10 гыйнвар, «Татар-информ», «Безнең Чирмешән», Гөлсирә Шәрифуллина). Яңа елның беренче сигез көнендә чаңгы базасына 125 кеше чаңгы шуарга килгән. Яңа ел бәйрәмнәрендә чаңгыларны бушлай биргәннәр. Бу турыда район басмасы хәбәр итә.

(Казан, 10 гыйнвар, «Татар-информ»). Татарстан укучылары «Экология» темасы буенча «Минем Россия» II Бөтенроссия балалар рәсеме конкурсында катнашырга чакырыла. Бу турыда ТР Мәгариф һәм фән министрлыгы матбугат хезмәте хәбәр итә.

(Казан, 10 гыйнвар, «Татар-информ»). Татарстанда шәхси эшмәкәрләрне һәм юридик затларны теркәүне ундүрт эш көненнән бишкә кадәр тизләтүче сервис эшләнде. Бу хакта ТР Дәүләт идарәсен цифрлы нигездә үстерү, мәгълүмат технологияләре һәм элемтә министрлыгының матбугат хезмәте хәбәр итә.

(Казан, 10 гыйнвар, "Татар-информ"). Буа мәдрәсәсендә 2 гыйнвардан алып 11 гыйнварга кадәр читтән торып укучыларның кышкы сессиясе дәвам итә. Бу хакта ТР Диния нәзарәтенең матбугат хезмәте хәбәр итә.

(Казан, 10 гыйнвар, «Татар-информ»). Якын арада Татарстанның күп функцияле үзәкләрендә 20дән артык яңа хезмәт күрсәтелә башлаячак. Бу хакта Татарстанда күп функцияле үзәк матбугат хезмәте хәбәр итә.

(Казан, 10 гыйнвар, «Татар-информ»). Яңа ел бәйрәмнәре вакытында, 2019 елның 30 декабреннән 2020 елның 8 гыйнварына кадәр, Татарстанга 170 меңнән артык турист килде. Бу хакта ТР Туризм буенча дәүләт комитеты матбугат хезмәте хәбәр итә.

(Казан, 10 гыйнвар, «Татар-информ»). Мәскәүнең «Заманча пьеса мәктәбе» театрында драматург Фәрит Нәгыймнең пьесасы буенча «Непьеса» спектакленең премьерасы узачак. Бу турыда Татарстанның Россиядәге Тулы вәкаләтле вәкиллеге хәбәр итә.

(Казан, 10 гыйнвар, «Татар-информ»). Хәбәрләр язу телефонны колак янында тотуга караганда куркынычсызрак. Бу турыда Роспотребнадзор хәбәр итте. Кәрәзле телефоннан имин файдалану буенча тәкъдимнәр ведомствоның рәсми сайтында бастырылган.

(Казан, 10 гыйнвар, «Татар-информ»). Бүген Татарстан Республикасының Санкт-Петербургтагы һәм Ленинград өлкәсендәге даими вәкиле Ренат Вәлиуллин Санкт-Петербург һәм Ленинград өлкәсе татарлары порталын төзүче Равил Закиров һәм туган якны өйрәнүче-экскурсовод Зөһрә Әхмәтҗанова белән очрашты. Бу турыда вәкиллек матбугат хезмәте хәбәр итә.

(Казан, 10 гыйнвар, «Татар-информ»). Татарстан Дәүләт Киңәшчесе Минтимер Шәймиев Казаннан унҗиде яшьлек Антон Насретдиновның яңа ел хыялын тормышка ашырды, аңа компьютер бүләк итте. Бу хакта ТР Президенты матбугат хезмәте хәбәр итә.

(Казан, 10 гыйнвар, «Татар-информ»). Бөек Җиңүнең 75 еллыгы елында Татарстан халкы Бөек Ватан сугышы Үзәк музее базасында уза торган «Җиңү йөзе» проектына кушыла ала. Җиңү музеенда «халык экспозициясе» булдырылган, анда «Җиңү йөзе» проектында катнашучылар бабаларының портретын балаларына һәм оныкларына күрсәтә ала, дип хәбәр итә оештыручылар.

(Казан, 10 гыйнвар, «Татар-информ», Рузилә Мөхәммәтова). Татарстанда мәдәни чаралар һәм алар турында игъланнар, чарасына һәм катнашучыларына карап, ике дәүләт телендә уздырылырга тиеш. Массакүләм мәдәни чаралар оештырганда дәүләт телләрен куллану турындагы нигезләмәгә үзгәрешләр кертелде. Нигезләмәгә үзгәрешләргә декабрь азагында ТР Премьер-министры Алексей Песошин имза куйган.

(Казан, 10 гыйнвар, «Татар-информ»). Казанда татар иҗат командалары арасында «Турнирмикрофон» мини-футбол турниры була. Бу хакта Татарстан Спорт министрлыгы матбугат хезмәте хәбәр итә.

(Казан, 10 гыйнвар, «Татар-информ», Надежда Гордеева). 6-9 февральдә Казанда беренче тапкыр Халыкара авыл яшьләре конгрессы узачак. Чарада Россиянең 50 субъектыннан, 25 якын һәм ерак чит илләрдән 250дән артык вәкил катнашачак. Бу хакта «Татар-информ» мәгълүмат агентлыгында узган матбугат конференциясендә ТР Аграр яшьләр берләшмәсе рәисе Диләрә Шувалова хәбәр итте.

(Казан, 10 гыйнвар, «Татар-информ»). «Казметрострой» АҖ Казан метросының икенче линиясе буенча тоннельне февраль уртасында төзи башлаячак. Бу хакта компаниянең генераль директоры Марат Рәхимов сүзләренә сылтама белән РБК Татарстан хәбәр итә.

(Казан, 10 гыйнвар, «Татар-информ», Валерия Белова). Татарстанда яшәүчеләрне Республика клиник онкология диспансерына түләүсез маммография узарга чакыралар. Бу хакта «Татар-информ» мәгълүмат агентлыгына клиника матбугат хезмәтендә хәбәр иттеләр.

(Казан, 10 гыйнвар, «Татар-информ»). 2020 елдан Башкортстанда «белем бирү эшчәнлегендә югары нәтиҗәләргә ирешкән өчен» берәр миллион сум күләмендә 20 грант гамәлгә куела. Бу турыда «Башинформ» хәбәр итә.

(Казан, 10 гыйнвар, «Татар-информ»). Татарстан Дәүләт Советы депутатлары Тегеран шәһәре янындагы авиаһәлакәткә бәйле рәвештә Иранның Казандагы Генераль консуллыгында ачылган кайгы уртаклашу китабында язма калдырды. Парламентарийлар билгеләп үткәнчә, Дәүләт Советында әлеге фаҗигадә һәлак булган кешеләрнең гаиләләренә килгән югалту ачысын уртаклаша. Бу хакта республика парламентының матбугат хезмәте хәбәр итә.

(Казан, 10 гыйнвар, «Татар-информ»). Чаллыда берьюлы өч «Фольксваген» автомобиле бәрелешкән. Бу хакта социаль челтәрләрдән файдаланучылар хәбәр итте.

(Казан, 10 гыйнвар, «Татар-информ»). Казанда «Ачык университет» кысаларында «Заманча татар мәдәнияте» онлайн-курсы башлана. Бу турыда Бөтендөнья татар конгрессы матбугат хезмәте хәбәр итте.

(Казан, 10 гыйнвар, «Татар-информ»). Социаль челтәрләрдә пенсионерларның 3300 сум күләмендә айлык акчалата компенсация алу мөмкинлеге турында мәгълүмат таралуга бәйле рәвештә, ТР Хезмәт, халыкны эш белән тәэмин итү һәм социаль яклау министрлыгы белгечләре республикада яшәүчеләрне уяу булырга һәм мошенникларга ышанмаска чакыра.

(Казан, 10 гыйнвар, «Татар-информ», Валерия Белова). Роспотребнадзорның ТР буенча идарәсе хезмәткәрләре, ноябрь аенда ук ачыкланган хилафлыкларның әле һаман да бетерелмәве сәбәпле, Казанның 104нче балалар бакчасын вакытлыча япты.

(Казан, 10 гыйнвар, «Татар-информ»). 19 гыйнвар көнне ТР мөселманнары Диния нәзарәте Казанның Нагорный бистәсендәге «Иман нуры» мәчете белән берлектә «Ни өчен мин үз динемне яратам?» дип исемләнгән фәнни-тикшеренү конференциясе үткәрәчәк. Бу турыда Диния нәзарәте матбугат хезмәте хәбәр итте.

(Казан, 10 гыйнвар, «Татар-информ»). Казан янында кабан дуңгызлары көтүен видеога төшереп алганнар. Социаль челтәрләрдән файдаланучылар интернетка шундый видеоролик урнаштырган.