Новости за 28.01.2020

(Әлмәт, 29 гыйнвар, «Татар-информ», «Әлмәт таңнары»). Май ахырына кадәр Әлмәт районының барлык 36 җирлегендә дә сугыштан соң гомерләре өзелгән Бөек Ватан сугышы катнашучыларының исемнәре язылган стендлар урнаштырылачак. Бу турыда район басмасы хәбәр итә.

(Казан, 28 гыйнвар, «Татар-информ»). 27-31 гыйнварда Казанда «Безнең ишегалды» гомумроссия программасы кысаларында «Ишегалды территорияләрен уңайлы итү» дигән воркшоп уза. Воркшопның эшче төркеме кичә Арчада халык өчен уңайлы булган ишегалды комплексы тудыру турында киңәште, урынга барып мөмкинлекләрне карады, биредә яшәүче халыкның фикерләрен тыңлады. Бу турыда «Арча хәбәрләре» газетасы хәбәр итә.

(Казан, 28 гыйнвар, «Татар-информ»). Иртәгә, 29 гыйнварда, чираттагы атлантик циклон йогынтысында, Татарстанда һава торышы яңадан үзгәрә башлаячак. Бу хакта ТР Гидрометеорология үзәге хәбәр итә.

(Казан, 28 гыйнвар, «Татар-информ»).Табиб-терапевт, иммунолог Ирина Ярцева «360» телеканалында әңгәмә вакытында вируслы инфекция авыруларыннан саклану өчен киңәшләр бирде. Бу хакта РИА Новости хәбәр итә.

(Казан, 28 гыйнвар, «Татар-информ»). «Бердәм Россия» - Россия Президенты Владимир Путин тарафыннан РФ Федераль Җыенына юлланган бурычларны тормышка ашырырга сәләтле илдәге бердәнбер партия. Мондый фикерне партия рәисе Дмитрий Медведев «Бердәм Россия» югары советы бюросының киңәйтелгән утырышында әйтте.

(Казан, 28 гыйнвар, «Татар-информ», «Шәһри Казан», Дамир Бәдриев). «ШК» танылган шәхесләрнең фикерләрен белешүне дәвам иттерә.

(Казан, 28 гыйнвар, «Татар-информ», Зилә Мөбәрәкшина). Татарстан һәм Башкорстанның халык артисты Салават Фәтхетдинов Казан дәүләт мәдәният институты бинасында милләткә бик кирәкле һөнәр кешеләре туа дигән фикердә. «Бер генә атна җырсыз, моңсыз телевизор һәм радионы сүндереп яшәп карагыз, шуннан соң безнең бу дөньяда никадәр кирәкле икәнне белерсез», — ди ул. Бу хакта җырчы студентлары белән очрашуда сөйләде.

(Казан, 28 гыйнвар, «Татар-информ»). РФ Вице-премьеры Марат Хөснуллин Россия Хөкүмәтендә Кырым Республикасы кураторы була. Бу турыда Кырым башлыгы Сергей Аксеновка сылтама белән ТАСС хәбәр итте.

(Казан, 28 гыйнвар, «Татар-информ», Виктория Свешникова). Татарстан территориясендә быел ярмага, ит һәм сөт продуктларына бәяләрнең кискен күтәрелүе фаразланмый, чөнки сәүдә челтәрләрендә азык-төлек бәясе ярминкәләр һәм базарлар ярдәмендә тоткарлана. Бу хакта «Татар-информ»га Татарстан Авыл хуҗалыгы һәм азык-төлек министрлыгының матбугат хезмәтендә сөйләделәр.

(Казан, 28 гыйнвар, «Татар-информ»). Татарстан Президенты Рөстәм Миңнеханов РМФА Россия кардиология фәнни-җитештерү үзәгенең А. Л. Мясников исемендәге Клиник кардиология институты йөрәк-кан тамырлары хирургиясе бүлеге җитәкчесе Ренат Акчурин белән очрашты. Бу хакта ТР Президенты матбугат хезмәте хәбәр итә.

(Казан, 28 гыйнвар, «Татар-информ»). Бүген Татарстан Дәүләт Советы Рәисе Фәрит Мөхәммәтшин Мәскәүдә Бөек Ватан сугышында Җиңүнең 75 еллыгына багышланган «Бөек җиңү: мирас һәм варислар» дип аталган VIII Раштуа парламент очрашуларында катнаша. Чара РФ Федерация Советында уза. Бу турыда Татарстан Дәүләт Советы матбугат хезмәте хәбәр итте.

(Чаллы, 28 гыйнвар, «Татар-информ», Эльвира Мөхәммәтдинова). Чаллыда җиңел машина һәм автобус бәрелешкән вакытта җәмәгать транспортындагы 14 яшьлек пассажир зыян күргән. Бу хакта шәһәр автоинспекциясендә хәбәр иттеләр.

(Казан, 28 гыйнвар, «Татар-информ»). Татарстан Президенты Рөстәм Миңнеханов Инстаграм сәхифәсендә шаян видеоролик урнаштырды. Анда «Рубин»ның баш тренеры Леонид Слуцкий «Вечерний Ургант» телетамашасында әйткән сүзләрдән соң, Рөстәм Миңнехановның уйчан фотосы куелган.

(Казан, 28 гыйнвар, «Татар-информ», Гөлүзә Ибраһимова). Кытайның Чжэнчжоу шәһәрендәге Россия студентлары берләшмәсе рәисе, Татарстан егете Роман Лобанов Кытайда коронавирус барлыкка килү сәбәпле кертелгән үзгәрешләр хакында «Татар-информ» хәбәрчесенә сөйләде.

(Казан, 28 гыйнвар, «Татар-информ»). Татарстан Президенты Рөстәм Миңнеханов Берләшкән Гарәп Әмирлекләрендә урнашкан Time Hotels Management компаниясе генераль директоры Мөхәммәд Авадалла белән республика территориясендә кунакханә бизнесын үстерү мөмкинлеге турында фикер алышты. Бу хакта ТР Президенты матбугат хезмәте хәбәр итә.

(Казан, 28 гыйнвар, «Татар-информ», Марат Ишкилдин ). Казанда җырчы Сара Садыйкова истәлегенә мемориаль такта куелачак. ТР Министрлар Кабинеты карарын ТР Премьер-министры Алексей Песошин имзалады.

(Казан, 28 гыйнвар, «Татар-информ»). Татарстан Президенты Рөстәм Миңнеханов Alishech Ltd медицина компаниясе башлыгы Исраэль Левин белән очрашты. Бу хакта ТР Президенты матбугат хезмәте хәбәр итә.

(Казан, 28 январь, «Татар-информ», Зәринә Хуҗина). Татарстан Республикасы Фәннәр академиясе әгъза-корреспонденты, КНИТУның тарихи-мемориаль эшчәнлек буенча рәисе Вильям Барабанов 1941-1942 елларда камалышта булган Ленинград шәһәрендә яшәгән. Ул Милли музейда узган «Буйсынмас Ленинград» чарасында Казан укучыларына балачагы турында сөйләде.

(Казан, 28 гыйнвар, «Татар-информ»). Чаллы дәүләт татар драма театрының башкарма директоры итеп Руслан Исмәгыйлев билгеләнде. Бу хактагы мәгълүмат театрның рәсми сайтында чыкты.

(Казан, 28 гыйнвар, «Татар-информ», Екатерина Ларионова). Татарстан РФ ВЭБ дәүләт корпорациясенә керүче моношәһәрләр үсеше фонды ярдәмендә Кама Аланы бистәсендә юллар һәм Haier индустриаль паркының икенче чиратын төзергә планлаштыра. Бу хакта ТР Президенты Рөстәм Миңнеханов Дәүләт корпорациясе башлыгы Игорь Шувалов белән телекүпер вакытында белдерде.

(Казан, 28 гыйнвар, «Татар-информ», Елена Саляхова). 2019 елда Татарстанда киберҗинаятьләр саны ике тапкырга диярлек арткан. Бу хакта бүген Татарстан Республикасы буенча Эчке эшләр министра Артем Хохорин хәбәр итте. Аның сүзләренә караганда, 2018 елда республикада Интернет аша дүрт меңнән артык караклык очрагы теркәлгән, 2019 елда — 8 меңнән артык.

(Казан, 28 гыйнвар, «Татар-информ», Александра Давыдова). 2019 елда Татарстанда 28 һәйкәл Россия халыкларының мәдәни мирас объектлары (тарих һәм мәдәният һәйкәлләре) Бердәм дәүләт реестрына кертелде. Бу хакта бүген ТР Дәүләт Советының Мәгариф, мәдәният, фән һәм милли мәсьәләләр комитеты утырышында ведомство җитәкчесе Иван Гущин хәбәр итте.

(Казан, 28 гыйнвар, «Татар-информ», Егор Никитин). Җәмгыятьнең цифрлы трансформациясе шартларында дәүләт статистикасы органнары объектив һәм тулы мәгълүмат чыганагының аерым ролен алды. Соңгысы республика хакимиятенә барлык татарстанлылар өчен мөһим карарларны оператив һәм вакытында кабул итәргә мөмкинлек бирә. Бу хакта Татарстан статистика хезмәте һәм Социаль-икътисади мониторинг комитеты коллегиясенең йомгаклау утырышында Татарстан Премьер-министры Алексей Песошин хәбәр итте.

(Казан, 28 гыйнвар, «Татар-информ», Гөлүзә Ибраһимова). Бөек Ватан сугышы ветераны Александр Малов өч өлештән — сугыш, госпитальдәге яралыларның истәлекләре һәм тыныч тормыштан торган мемуарлар һәм шигырьләр китабын тәкъдим итте. Чара «Татар-информ» мәгълүмат агентлыгында узды.

(Казан, 28 гыйнвар, «Татар-информ», «Мәдәни җомга», Миләүшә Галиуллина). Бу көннәрдә Казан Кремлендәге күргәзмә залларын бер әйләнсәң, татар мәдәниятенең кадерсез түгеллеген күреп шатланасың һәм үзеңне дә бу дөньяда кемгәдер кирәкле итеп тоя башлыйсың.