Новости за 21.01.2020

(Азнакай, 21 гыйнвар, «Татар-информ», «Маяк», Резеда Шәрипова). 22-23 апрельдә Азнакайда тарих һәм туган якны өйрәнүчеләрнең V Бөтенроссия фәнни-гамәли конференциясе узачак. Әлеге фәнни форум ТАССР оешуның — 100, Бөек Ватан сугышында Җиңүнең 75 еллыгына һәм Азнакайда Чатыр-тау елына йомгак ясауга багышланачак. Бу турыда район басмасы хәбәр итә.

(Казан, 21 гыйнвар, «Татар-информ», Гөлия Хәсбиуллина). Бүген «Ак Барс» хоккейчылары Мәскәүдә «Динамо» командасына каршы уенда җиңде. «Динамо» — «Ак Барс» матчы 0:2 исәбе белән төгәлләнде.

(Кукмара, 21 гыйнвар, "Татар-информ», «Хезмәт даны»). 2020 елда «Куркынычсыз һәм сыйфатлы автомобиль юллары» илкүләм проекты буенча Кукмара районына керүче Балтач-Шәмәрдән юлын төзекләндерергә планлаштыралар. Бу турыда район басмасы хәбәр итә.

(Казан, 21 гыйнвар, «Татар-информ»). Владимир Путин яңа Министрлар Кабинеты составы турындагы указга кул куйды, премьер-министр Михаил Мишустинның тугыз урынбасары булачак. Бу хакта РИА Новости хәбәр итә.

(Казан, 21 гыйнвар, «Татар-информ»). Россиядә гыйнварның өченче атнасында грипп һәм ОРВИ белән авыручылар санының түбән булуы теркәлгән. Бу хакта Роспотребнадзор хәбәр итә.

(Казан, 21 гынйнвар, "Татар-информ", Гөлнар Гарифуллина). Бүген Татарстан Министрлар Кабинетында брифингта ТР спорт министрының беренче урынбасары Хәлил Шәйхетдинов 2020 елда узачак спорт вакыйгаларын атады.

(Казан, 21 гыйнвар, «Татар-информ»). Россия Президенты Марат Хөснуллинны РФ Хөкүмәте вице-премьеры итеп билгеләп куюны раслады. Бу хакта Мәскәү Кремле сайтындагы указда әйтелә.

(Казан, 21 гыйнвар, "Татар-информ"). Социаль челтәрләрдә җырчы Фидан Гафаров автоһәлакәттә үлгән дигән ялган хәбәр таралган.

(Казан, 21гыйнвар, “Ттатар-информ”). Быел Санкт-Петербург дәүләт университетында Россия тарихында беренче тапкыр ислам теологиясе турында докторлык дессертациясе яклавы планлаштырылган. Аның авторы - Дамир Мөхетдинов. Бу хакта “Интерфакска” уку йорты хәбәр иткән.

(Казан, 21 гыйнвар, «Татар-информ», Екатерина Ларионова ). Дәүләт хезмәтләре порталына һәм бөтен Россия буенча барлык федераль һәм региональ хакимият органнары сайтларына керү бу елның мартыннан бушлай булачак. Бу хакта РИА Новости хәбәр итә.

(Казан, 21 гыйнвар, «Татар-информ»). Татарстанның Төзелеш, архитектура һәм торак-коммуналь хуҗалык министрлыгының элеккеге башлыгы Марат Хөснуллин шәһәр төзелеше мәсьәләләре буенча Россия Премьер-министры урынбасары вазифасына билгеләнергә мөмкин. Бу хакта РБК Россия Министрлар Кабинетындагы чыганакларга сылтама белән хәбәр итә.

(Казан, 21 гыйнвар, «Татар-информ»). Татарстан Дәүләт автоинспекциясе башлыгы Ленар Габдрахманов Чаллыда Юл-транспорт һәлакәтләрен теркәү үзәген ачты. Бу хакта республика ЮХИДИендә хәбәр иттеләр.

(Казан, 21 гыйнвар, «Татар-информ»). РФ Элемтә һәм массакүләм коммуникацияләр министрлыгы россиялеләр өчен социаль челтәрләргә, мессенджерларга һәм эзләнүләргә бушлай керү мөмкинлеген булдыруны кире какмый, шул ук вакытта операторлар өчен компенсацияләр механизмын эшләп чыгара. Бу хакта ТАСС хәбәр итә.

(Казан, 21 гыйнвар, «Татар-информ»). «Татарстан» Дәүләт телерадиокомпаниясе сайтында тест режимында тәүлек буе татарча эшли торган музыкаль «Татарстан авазы» дип исемләнгән интернет-радио эшли башлады, дип хәбәр итә үзенең фейсбук битендә Раил Садретдинов.

(Казан, 21 гыйнвар, «Татар-информ»). Кулланучылар хокукларын яклау һәм кеше иминлеге өлкәсендә күзәтчелек федераль хезмәте Россия халкына яңа коронавирус китереп чыгарган хәлне тотрыклыландырганга кадәр Ухань шәһәренә барудан тыелып торырга тәкъдим итә. Бу хакта ведомствоның матбугат хезмәте хәбәр итә.

(Казан, 21 гыйнвар, «Татар-информ», Екатерина Ларионова). Быел февраль аенда Татарстанның барлык умарталыклары умартачылык паспортлары алачак. Бу хакта «Татар-информ» мәгълүмат агентлыгы корреспондентына ТР Аквакультура һәм умартачылык идарәсе генераль директоры Фәиз Динмөхәммәтов сөйләде.

(Казан, 21 гыйнвар, «Татар-информ»). Татарстанда машина йөртүче шаһитлардан «Газель»дән юлга коелган сырны кире кайтаруларын сорый. Вакыйга урыныннан кадрлар белән социаль челтәрләрдән файдаланучылар уртаклашты.

(Казан, 21 гыйнвар, «Татар-информ»). Башкортстанда Булат Солтангәрәев исемендәге ел саен уздырыла торган иҗади конкурска эшләр кабул ителә башлады. Бу хакта «Башинформ» хәбәр итә.

(Казан, 21 гыйнвар, “Татар-информ”, Рузилә Мөхәммәтова). Татарстан юлларында урнаштырылган юлкүрсәткечләрнең ике дәүләт телендә булуы таләп ителә һәм моны ТР Транспорт һәм юл хуҗалыгы министрлыгы тикшереп тора. Татарстан Республикасы дәүләт телләре турында законның үтәлеше буенча совет утырышында ясаган чыгышында министр Ленар Сафин 2019 ел нәтиҗәләре буенча күрсәткечләрнең яхшыра баруы турында әйтте.

(Казан, 21 гыйнвар, «Татар-информ»). Россия Дәүләт Думасы Россия Иминлек Советы рәисе урынбасары вазифасын кертү турындагы закон проектын хуплады, аны Владимир Путин тәкъдиме белән РФ Хөкүмәтенең элеккеге башлыгы Дмитрий Медведев өчен керттеләр. Бу хакта Sputnik радиосы хәбәр итә.

(Казан, 21 гыйнвар, «Татар-информ», Рузилә Мөхәммәтова). Республика урамнарында урнаштырылган күрсәткечләр барысы да ике телдә эшләнгән, бары тик йортлардагы адрес табличкалары мәсьәләсендә генә проблемалар бар. Бүген Татарстан Республикасы дәүләт телләре турында законның үтәлеше буенча совет утырышы 2019 елга республикада дәүләт телләренең кулланылышына йомгак ясады. ТР Министрлар Кабинетында үткәрелгән киңәшмәне ТР Премьер-министры Алексей Песошин алып барды.

(Казан, 21 гыйнвар, «Татар-информ»). 28 февральдә Свердловск өлкәсендә традицион татар ашлары көне була. Әлеге чара ТАССР төзелүнең 100 еллыгын бәйрәм итү кысаларында оештырыла һәм танылган татар ашлары остасы Юныс Әхмәтҗанов истәлегенә багышлана. Бу турыда Бөтендөнья татар конгрессы матбугат хезмәте хәбәр итте.

(Казан, 21 гыйнвар, «Татар-информ»). Казанның Салмачы бистәсенә баручы автобуста тугыз яшьлек кызга бәйләнгән ир-ат фотороботы пәйда булды. Бу хакта «Татар-информ» чыганагы хәбәр итте.

(Казан, 21 гыйнвар, «Татар-информ»). 5 февральдә, 18.30 сәгатьтә, Габдулла Тукай исемендәге татар дәүләт филармониясендә татар эстрадасының популяр җырчысы, «Алтын барс» премиясе иясе Ләйсән Гыймаева һәм аның ире — алып баручы, шоумен Булат Бәйрәмов «Ир+хатын 4» программасын тәкъдим итәчәк.

(Казан, 21 гыйнвар, «Татар-информ», Гөлүзә Ибраһимова). Ростов-Дон шәһәрендә яшәүче татар кешесе Әнвәр Носов Пенза өлкәсендәге татар авылы Качкаруга (Кутеевка) экскурсия оештыруы турында хәбәр итте.