Новости за 31.01.2020

(Әлмәт, 31 гыйнвар, «Татар-информ», «Әлмәт таңнары»). Әлмәт танкистлары берлеге вәкилләре Колшәрип авылында яшәүче Бөек Ватан сугышы ветераны Рәүф Газизовның югалган орденын кире кайтарды. Ветеран инде вафат булу сәбәпле, бүләк аның улы Азат Газизовка тапшырылды. Бу турыда район басмасы хәбәр итә.

(Казан, 31 гыйнвар, «Татар-информ»). 30 гыйнварда Арчада «Мөнәҗәтләр — халкыбызның җан авазы» бәйгесе узды. «Шәрык» мәчетенең зур залында Татарстанның Арча, Балтач, Биектау, Кукмара, Теләче һәм башка районнарыннан йөздән артык конкурсант җыелды. Бу турыда Татарстан мөселманнары Диния нәзарәте сайтында хәбәр ителә.

(Казан, 31 гыйнвар, «Татар-информ»). Опера җырчысы Артур Исламовка Татарстанның атказанган артисты исеме бирелде. Бу хакта җырчы үзенең Инстаграмында язган.

(Казан, 31 гыйнвар, «Татар-информ», Полина Шевчук). ТР Гадәттән тыш хәлләр министрлыгы өй түбәләреннән һәм тау битләреннән кар төшү куркынычы турында кисәтә. Бу турыда Россия Гадәттән тыш хәлләр министрлыгының ТР буенча Баш идарәсе матбугат хезмәтендә хәбәр иттеләр.

(Казан, 31 гыйнвар, «Татар-информ», Полина Шевчук). Татарстанда фура белән «Шкода» бәрелешкән. Юл-транспорт һәлакәтеннән соң, җиңел машина йөртүчесен аңсыз килеш хастаханәгә алып киткәннәр, соңрак ул шунда үлгән. Бу хакта авария шаһитлары хәбәр итә.

(Казан, 31 гыйнвар, «Татар-информ», Зилә Мөбәрәкшина). Г.Тукай исемендәге Дәүләт бүләге лауреаты, халык язучысы Нәкый Исәнбәтнең «Идегәй» дастанын борынгы грек язучысы Гомерның «Илиада» һәм «Одиссей» поэмаларына тиңләделәр. Бу хакта Габдулла Тукай музеенда тууына Исәнбәтнең 120 ел тулуга багышланган «Мин Тукайның замандашы» дип аталган фәнни-әдәби кичәсендә әйтелде.

(Казан, 31 гыйнвар, «Татар-информ», Екатерина Ларионова). Муса Җәлил исемендәге Татар дәүләт опера һәм балет театры Татарстан Президенты Рөстәм Миңнехановтан яңа музыкаль инструментларга 10 миллион сум акча алды. Сертификатны театр директоры Рәүфәл Мөхәммәтҗановка ТР Дәүләт Советы Рәисе Фәрит Мөхәммәтшин Федор Шаляпин исемендәге XXXVIII Халыкара опера фестивале ачылышы вакытында тапшырды.

(Казан, 31 гыйнвар, «Татар-информ»). Татарстан Президенты Рөстәм Миңнеханов «ПОЗиС» АҖ җитәкчелеге белән очрашты. Бу турыда республика җитәкчесенең матбугат хезмәте хәбәр итә.

(Казан, 31 гыйнвар, «Татар-информ»). Татарстан Президенты Рөстәм Миңнеханов ТР Хөкүмәте Йортында Яшел Үзәннең «Горький исемендәге завод» АҖ топ-менеджменты вәкилләре белән очрашты. Бу хакта республика җитәкчесенең матбугат хезмәте хәбәр итә.

(Казан, 31 гыйнвар, «Татар-информ»). ТАССРның 100 еллык юбилеена багышланган Татарстан сайтында республиканың күренекле эшлеклеләре өчен тавыш бирү башланды. Бу акция «Якташың өчен тавыш бир!» дип атала.

(Казан, 31 гыйнвар, «Татар-информ», Зилә Мөбәрәкшина). Татарстан Язучылар берлеге рәисе Данил Салихов Г.Тукай исемендәге Дәүләт бүләге лауреаты, халык язучысы Нәкый Исәнбәткә Казанда һәйкәл куярга тәкъдим итте. Бу хакта ул Габдулла Тукай музеенда Исәнбәтнең тууына 120 ел тулуга багышланган «Мин Тукайның замандашы» дип аталган фәнни-әдәби кичәдә сөйләде.

(Казан, 31 гыйнвар, «Татар-информ»). Коронавирустан вакцина ким дигәндә бер елдан барлыкка килергә мөмкин, чөнки бу озак процесс. Бу иң оптимистик фаразлар. РФ Сәламәтлек саклау министрлыгының Н.Ф.Гамалеи исемендәге эпидемиология һәм микробиология Илкүләм тикшеренү үзәгенең әйдәп баручы фәнни хезмәткәре Николай Малышев шул хакта сөйләде. Бу турыда РИА Новости хәбәр итә.

(Казан, 31 гыйнвар, «Татар-информ», Полина Шевчук). Татарстанда хатын-кыз сигез айлык кызын автомобиль руле артына утырткан һәм видеога төшергән. Видеоролик социаль челтәрләрдә чыкты.

(Казан, 31 гыйнвар, «Татар-информ», Зилә Мөбәрәкшина). КФУ доценты, галимә Миләүшә Хәбетдинова Габдулла Тукай әдәби музеенда Г.Тукай исемендәге Дәүләт бүләге лауреаты, халык язучысы Нәкый Исәнбәтнең тууына 120 ел тулуга багышланган «Мин Тукайның замандашы» дип аталган фәнни-әдәби кичәдә татар халкы исеменнән Нәкый Исәнбәттән гафу үтенде.

(Казан, 31 гыйнвар, «Татар-информ», Диана Авакян). Казанда савытлар кабул итү буенча фандоматлар — автоматлар урнаштыру буенча «РТ-Инвест» сынау проекты эшли башлады. Яңа проект 181нче мәктәптә тәкъдим ителде. Анда Татарстан Республикасы Президенты Рөстәм Миңнеханов, «Ростех» дәүләт корпорациясе генераль директоры Сергей Чемезов, Казан мэры Илсур Метшин катнашты.

(Казан, 31 гыйнвар, «Татар-информ», Наталья Рыбакова). Киләсе ял көннәрендә Казанда аномаль җылылык һәм явым-төшем көтелә. Бу хакта профессор, география фәннәре докторы, КФУның метеорология, климатология һәм атмосфера экологиясе кафедрасы мөдире Юрий Переведенцев белдерде.

(Казан, 31 гыйнвар, «Татар-информ»). ТР прокуратурасының хәрби хезмәткә чакырылыштан качу очракларын тикшерү нәтиҗәләре билгеле булды. Бу хакта «Татар-информ» мәгълүмат агентлыгына ТР прокурорының өлкән ярдәмчесе вазифаларын башкаручы Руслан Бариев сөйләде.

(Казан, 31 гыйнвар, «Татар-информ»). Иртәгә, 1 февраль, Татарстан мөхтәсибәтләрендә Халыкара хиҗаб көнен билгеләп үтәчәкләр. Әлеге дата уңаеннан мәчетләрдә һәм Татарстан мөхтәсибәтләрендә гүзәл затлар өчен махсус чаралар узачак. Бу хакта ТР Диния нәзарәте матбугат хезмәте хәбәр итә.

(Казан, 31 гыйнвар, «Татар-информ»). Россия Юстиция министрлыгы юлларда тизлекне арттырган өчен административ хокук бозулар турында яңа Кодекс проектына җәза чаралары өстәде. Проект норматив хокукый актлар проектларының федераль порталында чыккан. Бу турыда «Газета.ру» сайты хәбәр итте.

(Казан, 31 гыйнвар, «Татар-информ»). Россиядә коронавирус белән авыруның ике очрагын теркәгәннәр. Бу турыда вице-премьер Татьяна Голикова сүзләренә сылтама белән ТАСС агентлыгы хәбәр итә.

(Казан, 31 гыйнвар, «Татар-информ»). «Татарстан–Яңа гасыр» телеканалының Оренбург өлкәсендәге үз хәбәрчесе Фирүзә Әпсәләмова мактаулы исемгә лаек булды. Аңа Татарстанның басма һәм массакүләм коммуникацияләр атказанган хезмәткәре исеме бирелде. Бу турыда Бөтендөнья татар конгрессы матбугат хезмәте хәбәр итте.

(Казан, 30 гыйнвар, «Татар-информ», Диләрә Нурмәтова). 20- 22 апрельдә Татарстан Хөкүмәте ярдәмендә Kazan Expo халыкара күргәзмә үзәгендә Tatarstan Hospitality Expo күргәзмәсе узачак. Анда берничә интерактив зона, шул исәптән азык-төлек лабораториясе эшләячәк. Бу турыда оештыручылар хәбәр итә.

(Казан, 31 гыйнвар, «Татар-информ», Гөлнара Әүхәдиева ). Татарстан Югары суды Казанда яшәүче 39 яшьлек ир-атны сигез яшьлек укучы баланы көчләүдә гаепле дип тапты. Җинаять узган елның сентябрендә була. Бу вакытта икенче сыйныфта укучы ике кыз бала дәресләрдән соң өйгә кайтып килә. Шул вакытта Липатов урамында алар янына билгесез ир-ат килеп чыккан.

(Казан, 31 гыйнвар, «Татар-информ», Диана Авакян). Илкүләм проектларны һәм РФ Президенты Владимир Путин йөкләмәләрен гамәлгә ашыруда иң катлаулысы объектларны төзүгә бәйле. Бу хакта Татарстан Президенты Рөстәм Миңнеханов ТР Төзелеш, архитектура һәм торак-коммуналь хуҗалык министрлыгы коллегиясенең йомгаклау утырышында хәбәр итте.

(Казан, 31 гыйнвар, «Татар-информ», Ксения Перепеченова). «Татмедиа» АҖ массакүләм мәгълүмат чараларын биш челтәр линиясен берләштерәчәк. Бу хакта оешманың генераль директоры Шамил Садыйков «Татмедиа» Республика матбугат һәм массакүләм коммуникацияләр агентлыгы коллегиясе утырышында әйтте.