Новости за 03.01.2020

(Казан, 3 гыйнвар, "Татар-информ"). Казанның Татар китабы йорты «Ишекләрне ач...» дип аталган Яңа ел квестында катнашырга чакыра. Балалар һәм өлкәннәр өчен кызыклы программа 6, 9, 10 һәм 11 гыйнварда узачак, дип хәбәр итә оештыручылар.

(Казан, 3 гыйнвар, «Татар-информ», Полина Шевчук). 3 гыйнварда Казан — Оренбург трассасында куркыныч авария теркәлгән. Нәтиҗәдә бер яшьлек сабыйның һәм машина йөртүче белән аның пассажирының гомере өзелгән. Бу хакта «Татар-информ»га Татарстан буенча Эчке эшләр министрлыгы матбугат хезмәте хәбәр итте.

(Апас, 3 гыйнвар, «Татар-информ», «Апастово-информ»). Татарстанның Апас районындагы оешмаларның коллективлары Үзәк паркка кар сыннары ясарга чыккан. Шулай итеп, берничә сәгатьтә парк әкият иленә әверелгән, дип хәбәр итә район газетасы.

(Казан, 3 гыйнвар, «Татар-информ»). Казахстанның Алмата шәһәрендә Яңа ел алдыннан галим, язучы Гриф Хәйруллинның ике китабы киң җәмәгатьчелек игътибарына тәкъдим ителде. Алар — «Татары мы» һәм «Туфаниада» дип атала. Әлеге вакыйга турында Казахстанның Татар һәм башкорт конгрессы рәисе Тәүфикъ Кәримов конгресс сайтында хәбәр итте.

(Казан, 3 гыйнвар, "Татар-информ"). Екатеринбургның татар яшьләре Америкадан килгән гаиләгә шәһәрнең Татар бистәсе буйлап экскурсия үткәргән. Бу гаилә 15 ел элек Урал төбәгеннән бер татар кызын тәрбиягә алып киткән булган. Хәзер Дианага (яңа исеме - Надя) туган җирен күрсәтергә теләгәннәр. Әлеге сәяхәт хакында Екатеринбург татарлары якташлыгы җитәкчесе Эльвина Корбанова Урал татарлары (tatary-urala.ru) сайтында язды.

(Казан, 3 гыйнвар, «Татар-информ», Ләйсән Рәхмәтуллина). Бүген кичке сәгать биштә «Ак чәчәкләр» бульварында татар альтернатив музыка концерты булды.

(Казан, 3 гыйнвар, «Татар-информ»). 5 гыйнварда Согуд Гарәбстанының Җиддә шәһәрендә 42нче Халыкара «Дакар» ралли-марафоны башлана. Татарстанның «КАМАЗ-мастер» командасы стартка әзер, дип хәбәр итә команданың рәсми сайты.

(Казан, 3 гыйнвар, «Татар-информ»). 7 гыйнварда православ христианнар Раштуа бәйрәмен билгеләп үтә. Бу көнне Лаеш районы Никольское авылында Раштуага багышланган рус мәдәнияте бәйрәме оештырылачак, дип хәбәр Татарстан митрополиясе.

(Казан, 3 гыйнвар, «Татар-информ», Полина Шевчук). 4 гыйнварда Татарстанда тагын ике боз кичүе эшли башлый. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 3 гыйнвар, «Татар-информ», Полина Шевчук). Татарстанның Чистай районында ике машина бәрелешеп, берничә кеше зыян күргән. Бу хакта «Татар-информ» агентлыгына әлеге аварияне күргән кешеләр хәбәр итте.

(Казан, 3 гыйнвар, «Татар-информ»). ТР Президенты карамагындагы фән һәм техника өлкәсендә Татарстан Дәүләт премияләре комиссиясе 2020 елда бу премияләргә дәгъва итүчеләрдән гаризалар һәм хезмәтләрен кабул итә башлады. Аларны 2020 елның 1 мартына кадәр тапшырырга кирәк. Бу хакта Татарстан Фәннәр академиясенең матбугат хезмәте хәбәр итә.

(Казан, 3 гыйнвар, «Татар-информ», Наталья Рыбакова). 2020 елда Татарстанда бала тәрбияләүче, матди яктан аз тәэмин ителгән гаиләләр өчен яңа социаль ярдәм чаралары гамәлгә керде. Бу хакта ТР хезмәт, халыкны эш белән тәэмин итү һәм социаль яклау министры Эльмира Зарипова журналистларга хәбәр итте.

(Казан, 3 гыйнвар, «Татар-информ», Полина Шевчук). Татарстанда коткаручылар М7 федераль трассасында машинасы ватылып калган хатын-кызга ярдәм иткән. Бу хакта «Татар-информ» агентлыгына РФ Гадәттән тыш хәлләр министрлыгының ТР буенча Баш идарәсе матбугат хезмәте хәбәр итте.

(Казан, 3 гыйнвар, «Татар-информ»). 4 гыйнварда Казанның Горький исемендәге паркында «Казан чаралары» фестивале узачак. Бу хакта Казан мэриясенең рәсми сайты хәбәр итә.

(Казан, 3 гыйнвар, «Татар-информ»). Россия Гадәттән тыш хәлләр министрлыгы гражданнарны төрле афәтләр, гадәттән тыш хәлләр булган урыннардан мәҗбүри рәвештә эвакуацияләргә рөхсәт итүче закон проекты әзерләде. Бу хакта ТАСС агентлыгы хәбәр итә.

(Казан, 3 гыйнвар, «Татар-информ»). Яңа ел ялларында Казан паркларында шәһәр халкы һәм кунаклар өчен көн саен иртәдән кичкә кадәр төрле күңел ачу программалары оештырыла. Бүген 17.00 сәгатьтә Казанның «Ак чәчәкләр» бульварында татар эстрадасы артистлары катнашында Яңа ел концерты узачак, дип хәбәр итә мэриянең матбугат хезмәте.

(Казан, 3 гыйнвар, «Татар-информ», Ләйсән Рәхмәтуллина). 1 гыйнвар көнне татарча әсәрләр уку буенча X Дөньякүләм «Әдәби марафон» башланып китте. Әлеге бәйге 2017 елдан бирле һәр квартал саен үткәрелә.

(Казан, 3 гыйнвар, «Татар-информ»). Болгар ислам академиясе бинасында Татарстан мөселманнары Диния нәзарәтенең «30/40» мөселман форумы үз эшен башлап җибәрде. Укулар 2-5 гыйнвар көннәрендә уза, дип хәбәр итә Диния нәзарәте матбугат хезмәте.

(Казан, 3 гыйнвар, «Татар-информ», Полина Шевчук). Казанда микроавтобус һәм ике җиңел машина авариягә очраган. Бу һәлакәттә өлкән яшьтәге ханым тән җәрәхәтләре алган. Әлеге хәл турында «Татар-информ» агентлыгына аварияне күргән кешеләр хәбәр итте.

(Казан, 3 гыйнвар, «Татар-информ», Рузилә Мөхәммәтова). «Сөембикә» операсы быел Казанда Ф.Шаляпин исемендәге Халыкара опера фестивале программасына кертелгән. Фестивальнең афишасы Татар дәүләт академия опера һәм балет театры сайтында урын алган.

(Казан, 3 гыйнвар, «Татар-информ»). 3 гыйнварда Татарстан территориясендә һәм Казанда урыны белән юлларда көчле бозлавык көтелә, көндез кайбер районнарда кар явачак. Бу хакта Татарстанның Гидрометеорология һәм әйләнә-тирә мохитне күзәтү идарәсе кисәтте.

(Казан, 3 гыйнвар, «Татар-информ», Рузилә Мөхәммәтова). ТАССРның 100 еллыгына багышлап әдәбият һәм сәнгать әсәрләре иҗат итү өчен Татарстан Хөкүмәте грантын алучылар исемлеге билгеле. Грантлар бирү буенча конкурс комиссиясе утырышы беркетмәсе ТР Мәдәният министрлыгы сайтына урнаштырылган.

(Казан, 3 гыйнвар, «Татар-информ»). 2020 елның 2 гыйнварында Алабуга районының Покровское авылы – Түбән Кама районының Кызыл Чишмә бистәсе маршруты буенча Кама елгасы аша боз кичүе ачылды. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәте хәбәр итә.

(Казан, 3 гыйнвар, «Татар-информ»). Татарстан Мәдәният министрлыгы Габдулла Тукай исемендәге Дәүләт премиясенә дәгъва итү өчен тәкъдимнәр кабул итә башлады. Бу хакта министрлыкның рәсми сайтында хәбәр ителә.

(Баулы, 3 гыйнвар, «Татар-информ», «Баулы-информ»). 4 гыйнварда, 15.00 сәгатьтә Баулының Октябрь мәйданында Казан артистлары «Снеговиклар» спектаклен күрсәтәчәк. Бу турыда район басмасы хәбәр итә.