Новости за 13.01.2020

(Әлмәт, 13 гыйнвар, «Татар-информ», «Әлмәт таңнары»). «Татнефть» ААҖ һәм шәһәр медсанчастенең табиблары 71 яшьлек хатын-кызның йөрәгенә уңышлы операция ясады.

(Әгерҗе, 13 гыйнвар, «Татар-информ», «Әгерҗе хәбәрләре», Миләүшә Ягъфәрова). ТР Президенты Аппараты, Иҗтимагый палата, Мәдәният министрлыклары вәкилләреннән торган комиссия Әгерҗе районы авылларының Яңа елга бизәлешен тикшерде. Бу турыда район басмасы хәбәр итә.

(Казан, 13 гыйнвар, "Татар-информ"). Татарстанда россиякүләм олимпиаданың региональ этабына старт бирелде. Шулай ук Казанда татар теле hәм әдәбияты буенча халыкара олимпиадасының төбәкара этабы узачак.

(Казан, 13 гыйнвар, «Татар-информ»). Андрей Каргинов җитәкчелегендәге «КАМАЗ-Мастер» командасы экипажы йөк автомобильләре категориясендә «Дакар» ралли-рейдының сигезенче этабында беренче булды. Андрей Каргинов участокны 4 сәгать 24 минут 58 секундта узды, бу ралли-рейд этапларында рәттән өченче җиңү.

(Казан, 13 гыйнвар, «Татар-информ», Полина Шевчук). Татарстанда биш өлкән кешене һәм өч баланы янган йортның өске катларыннан коткарганнар. Бу хакта ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

(Казан, 13 гыйнвар, «Татар-информ»). Татарстанда 2 миллион сумлык приз фонды белән хәрби-тарихи тематикага проектлар конкурсы уза. Бу хакта ТР Мәдәният министрлыгының матбугат хезмәте хәбәр итә.

(Казан, 13 гыйнвар, «Татар-информ»). Россия Президенты Путин профильле министрлыкка паллиатив медицина ярдәме күрсәтү системасын камилләштерергә кушты. Йөкләмәләр исемлеге Кремль сайтында урнаштырылган.

(Казан, 13 гыйнвар, «Татар-информ», Рузилә Мөхәммәтова). Олег Кинҗәгулов Чаллы дәүләт театрының баш режиссеры итеп куелырга мөмкин. Әлеге мәгълүмат «Татар-информ» га үз чыганаклары аша билгеле булды.

(Казан, 13 гыйнвар, «Татар-информ», Ләйсән Рәхмәтуллина). «Манзара» спорт-музыкаль премиясе кысаларында Казанның Цирк аренасында быел беренче тапкыр сумо көрәше булачак. Бу турыда «Татар-информ»да узган матбугат конференциясендә әйтелде.

(Казан, 13 гыйнвар, «Татар-информ», Полина Шевчук). Татарстанда сөт ташый торган машина юлдан чыгып китеп, агачка килеп бәрелгән, җәрәхәтләнгән шоферны хастаханәгә озатканнар. Бу хакта «Татар-информ»га юл-транспорт һәлакәте шаһитлары сөйләде.

(Казан, 13 гыйнвар, «Татар-информ», Полина Шевчук). Видеога Татарстанда М7 трассасында чит ил машинасының каршы хәрәкәт юлыннан килеп, фурага бәрелеп китеп, чак исән калуы эләккән. Видеоязманы кулланучылар социаль челтәрләрдә урнаштырды.

(Казан, 13 гыйнвар, «Татар-информ»). Татарстан Күп функцияле үзәкнең телефон хезмәте күрсәтү үзәге татар телендә консультация бирә башлады. Татарстан Күп функцияле үзәкнең колл-үзәге операторларыннан кызыксындырган сорауга җавапны хәзер татар телендә дә алырга мөмкин. Бердәм белешмәгә шалтыратканда, меню автомат рәвештә аралашу телен сайларга тәкъдим итә.

(Казан, 13 гыйнвар, «Татар-информ», Полина Шевчук). Татарстан приставлары банкларга 5,5 млн сумга якын бурычы булган ир-атны эзли. Бу хакта «Татар-информ»га Россия Федераль суд приставлары хезмәтенең ТР буенча идарәсенең массакүлә матбугат чаралары белән хезмәттәшлек итү буенча баш белгеч-эксперты Лилия Хәлимова сөйләде.

(Казан, 13 гыйнвар, «Татар-информ»). Иртәгә, 14 гыйнварда, 10:00 сәгатьтә «Татар-информ»да «Гаилә» мәчете уздырган бәйгеләргә багышланган матбугат конференциясе булачак.

(Казан, 13 гыйнвар, «Татар-информ», Ләйсән Рәхмәтуллина). Дүртенче тапкыр үтәчәк тантанада «Манзара-2018» премиясе иясе Раил Нургалиев һәм «Манзара-2019» җиңүчесе Муса Галләмов аерым приз фонды өчен көч сынашачак. Җиңүче 150 мең, ә җиңелүче 100 мең сум алачак.

(Казан, 13 гыйнвар, «Татар-информ», Полина Шевчук). Түбән Камада эшче кранга абына һәм аның өстенә арматура төшә. Бу хакта «Татар-информ» мәгълүмат агентлыгына Россия Тикшерү комитетының ТР буенча Тикшерү идарәсе җитәкчесенең өлкән ярдәмчесе Андрей Шептицкий хәбәр итте.

(Казан, 13 гыйнвар, «Татар-информ»). Татарстан буенча баш федераль инспектор Ренат Тимерҗанов пенсиягә чыгу сәбәпле отставкага китте. Бу хакта «Татар-информ»га РФ Президентының Идел буе федераль округындагы Тулы вәкаләтле вәкиле аппаратында хәбәр иттеләр.

(Казан, 13 гыйнвар, «Татар-информ»). Татарстан Президенты Рөстәм Миңнеханов Казан һәм Татарстан митрополиты Феофанга милләтара һәм конфессияара татулыкны ныгытуга керткән өлеше өчен «ТАССР төзелүгә 100 ел» медален тапшырды. Бу хакта республика җитәкчесенең матбугат хезмәте хәбәр итә.

(Казан, 13 гыйнвар, «Татар-информ», Гөлнар Гарифуллина). Бүген, Россия Матбугаты көнендә, Татарстанның Дәүләт Советы Рәисе Фәрит Мөхәммәтшин массакүләм мәгълүмат чаралары вәкилләренә дәүләт бүләкләре тапшырды. Чара ТР Милли музеенда узды.

(Казан, 13 гыйнвар, «Татар-информ»). Бүген Татарстан Президенты Рөстәм Миңнеханов һәм Татарстан Дәүләт Киңәшчесе Минтимер Шәймиев Казан Изге Ана иконасы соборын торгызу эшләренең барышы белән танышты. Бу хакта Татарстан Президенты матбугат хезмәте хәбәр итә.

(Казан, 13 гыйнвар, «Татар-информ»). ТР мөселманнары Диния нәзарәте «Ислам. Беренче адымнар» проектында катнашырга теләүчеләрдән кабат гаризалар кабул итә башлады. Бу хакта ТР Диния нәзарәте матбугат хезмәте хәбәр итә.

(Казан, 13 гыйнвар, "Татар-информ"). Россиядә минималь хезмәт хакы күләмен исәпләү методикасы искергән, ә минималь куллану бюджеты күләме 40 мең сумнан да ким булмаска тиеш. Бу хакта Россия Бәйсез профсоюзлар Федерациясе (ФНПР) секретаре Олег Соколовка сылтама белән РИА Новости хәбәр итә.

(Казан, 13 гыйнвар, «Татар-информ», Гөлнар Гарифуллина). Татарстан район-шәһәрләре җирле үзидарәләрендә аеруча талантлы депутатларны күрсәтү кирәк. Татарстан Республикасы Дәүләт Советы Рәисе Фәрит Мөхәммәтшин бүген, Россия Матбугаты көне уңаеннан, республика, федераль массакүләм мәгълүмат чаралары җитәкчеләре һәм журналистлары белән очрашуда шул хакта әйтте.

(Казан, 13 гыйнвар, «Татар-информ»). Бүген Иске Татар бистәсендә Зәйни Солтан урамы скверында Иске Яңа елны бәйрәм итәчәкләр. Бу турыда оештыручылар хәбәр итә.

(Казан, 13 гыйнвар, «Татар-информ»). Омск өлкәсендә Себер татарларының борынгы ишегалдын төзекләндерәләр. Бу турыда Бөтендөнья татар конгрессы хәбәр итә.