Новости за 07.01.2020

(Казан, 7 гыйнвар, «Татар-информ»). Броньлау мәгълүматлары буенча, 2020 елның беренче яртыеллыгында мөстәкыйль туристлар арасында Таиландка сәфәр ихтыяҗы арта, дип хәбәр итә Biletix.

(Казан, 7 гыйнвар, «Татар-информ»). WhatsApp мессенджерында «яңа ел вирусы» тарала башлады. Бу хакта gizchina.com порталы хәбәр итә.

(Казан, 7 гыйнвар, «Татар-информ»). Кыргызстан татарларының Инстаграмдагы рәсми төркеме ике еллыгын билгеләп үтә. Бу хакта төркемнең администрациясе хәбәр итә.

(Казан, 7 гыйнвар, «Татар-информ», Гөлия Хәсбиуллина). Бүген «Ак Барс» хоккей командасы Казанда «Татнефть-Арена» боз сараенда Магнитогорск шәһәренең «Металлург» командасын кабул итте. Матч «Ак Барс» файдасына 2:0 исәбе белән төгәлләнде.

(Казан, 7 гыйнвар, «Татар-информ»). Бүген, 7 гыйнвар көнне, Мәскәү татарларының «Яңа ел party» дип исемләнгән күңел ачу чарасы узачак. Бу хакта оештыручылар хәбәр итә.

(Казан, 7 гыйнвар, «Татар-информ»). Чаллыдагы Ашыгыч медицина ярдәме хастаханәсендә табиблар пенсионер хатын-кызның йөрәгеннән зур тромб алган. Бу хакта хастаханәнең социаль челтәрдәге рәсми аккаунтында хәбәр ителә.

(Казан, 7 гыйнвар, «Татар-информ»). Андрей Каргинов «Дакар» раллиеның өченче этабында отты. Бүгенге маршрутта экипаж «КАМАЗ-Мастер» сайтындагы диаграммалар буенча 3:59.15 вакытта килде.

(Казан, 7 гыйнвар, «Татар-информ», Александр Комарова). Согуд Гарәбстанында «Дакар-2020» ралли-марафонының өченче этабында Дмитрий Сотников җитәкчелегендәге «КАМАЗ-Мастер» командасының йөк машинасы җитди зыян алды — йөк машинасы ташка бәрелгән. Бу хакта команданың Инстаграмдагы битендә хәбәр ителә.

(Казан, 7 гыйнвар, «Татар-информ»). Татарстан юлларында күз күреме начарланырга мөмкин. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 7 гыйнвар, «Татар-информ», Алексей Новиков). Роспотребнадзор Татарстан кибетләреннән 35 килограммнан артык снюс алган. Бу хакта оешманың матбугат хезмәтендә хәбәр иттеләр.

(Казан, 7 гыйнвар, «Татар-информ»). Бүген кич, төнлә һәм 8 гыйнварда иртән Татарстан территориясендә томан төшәргә мөмкин. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 7 гыйнвар, «Татар-информ»). Көнкүрештә кулланыла торган счетчикларны һәм башка үлчәү чараларын тикшерүнең бердәнбер юридик әһәмиятле нәтиҗәсе Росстандарт реестрында язу булачак. Тикшерү турындагы кәгазь таныклыклар өстәмә мәгълүмат характерында булачак һәм прибор хуҗасының теләге буенча рәсмиләштереләчәк. Бу хакта «Российская газета» хәбәр итә.

(Казан, 7 гыйнвар, «Татар-информ», Ксения Перепеченова). Казан һәм Татарстан митрополиты Феофан дин тотучыларга Раштуаның асылы турында искәртте. Идарә итүче архиерей сөйләгәнчә, Аллаһының гәүдәләнеше буларак, Христос кешеләр арасында «явызлык генетикасын» юкка чыгару һәм аларга күккә эләгү мөмкинлеген бирү өчен җиргә килгән.

(Казан, 7 гыйнвар, «Татар-информ», Зилә Мөбәрәкшина). Истанбул татар-башкорт яшьләре, «Россия-Төркия мәдәният, мәгариф, ярдәмләшү һәм теләктәшлек» оешмасы каршында исәнсез кешеләргә, һәр кешенең исәнлеге-саулыгына, дөньяның иминлегенә Коръән ашы үткәргән. Бу хакта «Татар-информ» хәбәрчесенә Истанбулда укучы аспирант Айгөл Зара Кәбирова хәбәр итте.

(Казан, 7 гыйнвар, «Татар-информ»). Россия Президенты Владимир Путин православие динен тотучы христианнарны һәм барлык Россия халкын Раштуа бәйрәме белән котлады. Яшьләрне тәрбияләүдә һәм җәмгыятьнең рухи-әхлакый нигезен ныгытуда Рус православие чиркәвенең ролен билгеләп үтте. Бу хакта Кремль матбугат хезмәте хәбәр итә.

(Казан, 7 гыйнвар, «Татар-информ»). Татарстан Республикасы җитәкчелеге «Татарстан Республикасы Министрлар Кабинеты каршындагы Хуҗалык идарәсе» ДБУ директоры Марсель Баһавиев вафат булу сәбәпле, кайгы уртаклашты. Ул кичә 62нче яшендә вафат булган. Бу хакта ТР Президенты матбугат хезмәте хәбәр итә.

(Казан, 7 гыйнвар, «Татар-информ»). Бүген, 7 гыйнварда Татарстанда бераз суыта. Бу турыда Татарстан Гидрометеорология һәм әйләнә-тирә мохитне күзәтү үзәге хәбәр итә.

(Казан, 6 гыйнвар, «Татар-информ»). 1-5 гыйнвар көннәрендә Иваново Җәмигъ мәчетендә узган балалар кышкы лагерында Җәмигъ мәчетенә йөрүче балалар Иваново Җәмигъ мәчетенең тәҗрибәле остазлары – имамнары Җурәбәк хәзрәт Әхмәтов һәм Мәхмүд хәзрәт җитәкчелегендә Ислам нигезләрен өйрәнде. Бу хакта Россия мөфтиләр сайтында хәбәр ителә.

(Казан, 7 гыйнвар, «Татар-информ»). Төмән өлкәсе Себер татарлары Милли-мәдәни автономиясе Советы әгъзалары шагыйрә Галия Абайдуллинаның 80 яшьлек юбилеен билгеләп үтте. Бу хакта Бөтендөнья татар конгрессы матбугат хезмәте хәбәр итә.

(Казан, 7 гыйнвар, «Татар-информ»). Чаллыда микроавтобус җиңел машина белән бәрелешкән вакытта ике өлкән кеше һәм бала зыян күргән. Бу хакта «Татар-информ» мәгълүмат агентлыгына авария шаһитлары хәбәр итте.

(Казан, 7 гыйнвар, «Татар-информ»). Әгерҗе районының Девәтернә һәм Кадрәк авылларында бәйрәм кәефен гадәти булмаган боз композицияләре тудыра. Девәтернә авылында Россия һәм Татарстан байракларын кар өстенә ясаганнар. Кардан ясалган байракка «ТАССРга 100 ел» дип язылган. Бу хакта «Әгерҗе хәбәрләре» яза.

(Казан, 7 гыйнвар, «Татар-информ»). Бөгелмәдә полиция стажеры ут ялмап алган йорттан ир-атны коткарган. Бу хакта Татарстан буенча Эчке эшләр министрлыгының матбугат хезмәтендә хәбәр иттеләр.