Новости за 19.01.2020

(Зәй, 19 гыйнвар, «Татар-информ», «Зәй офыклары», Николай Шамионов). Бүген Зәйнең Иске Зәйне әйләнеп узу юлында урнашкан Изге чишмә янында көйләнгән махсус урында православие динен тотучылар Качману бәйрәме йоласын үтәде. Дини чарада район җитәкчеләре дә катнашты. Бу турыда район басмасы хәбәр итә.

(Саба, 19 гыйнвар, «Татар-информ», «Саба таңнары», Фәнил Мәүлетов). Сабада «Тимерман» төнге чаңгы узышларына старт бирелде. Ярышларда 300дән артык кеше — мәктәпкәчә яшьтәге балалар катнашты. Бу турыда район басмасы хәбәр итә.

(Сарман, 19 гыйнвар, «Татар-информ», «Сарман»). Сарманда креатив чаналар фестивале узды. Әлеге чара районда беренче тапкыр уздырыла һәм ул зур бәйрәм төсен алды. Бу турыда район басмасы хәбәр итә.

(Әлмәт, 19 гыйнвар, «Татар-информ», «Әлмәт таңнары», Лилия Заһретдинова). Әлмәттә яшәүче кояш кызы Аделина Хәлилова инвалид хатын-кызлар арасында VI республика бәйгесенең финал тамашасында туган шәһәренең данын лаеклы яклады.

(Казан, 19 гыйнвар, «Татар-информ», Алексей Новиков). Казан янында Зәңгәр күлгә төшеп киткән автомобильне видеога төшереп алганнар. Социаль челтәрләрдә шул урында төшерелгән видеоролик урнаштырганнар.

(Казан, 19 гыйнвар, «Татар-информ»). Россиядә Бөек Ватан сугышы елларында югалган мәдәни кыйммәтләрне эзләү һәм кире кайтару белән шөгыльләнә торган структур бүлекчә барлыкка киләчәк. Бу хакта ТАСС агентлыгы РФ Мәдәният министрлыгының музейлар департаменты директоры Владислав Кононовның гаризасына сылтама белән хәбәр итә.

(Казан, 19 гыйнвар, «Татар-информ»). Фигуралы шуу буенча Олимпия чемпионы Алинә Заһитова 31 мартта Казанда узачак «Чемпионнар — бозда» дигән боз тамашасында катнашырга ниятли.

(Казан, 19 гыйнвар, «Татар-информ»). Россиянең иң популяр курортлары Кырымда, шулай ук Краснодар һәм Ставрополь крайларында урнашкан. Бу хакта RT телеканалы Тернәкләндерү һәм курортология фәнни-тикшеренү институтына сылтама белән хәбәр итә.

(Казан, 19 гыйнвар, «Татар-информ»). Казанның Ямашев проспектында асфальт убылган. Бу хакта социаль челтәрләрдән файдаланучылар хәбәр итә.

(Казан, 19 гыйнвар, «Татар-информ»). Бүген Казанның «Олимп» мәдәни-спорт комплексы базасында бию спорты буенча Татарстан чемпионаты һәм беренчелеге ярышлары уза. Бу хакта ТР Спорт министрлыгының матбугат хезмәте хәбәр итә.

(Казан, 19 гыйнвар, «Татар-информ»). 20 гыйнварда төнлә һәм көндез Татарстан территориясендә һәм Казанда юлларда көчле бозлавык хасил булачак. Бу хакта ТР Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

(Казан, 19 гыйнвар, «Татар-информ»). Казан үзәгендә ике җиңел автомобиль бәрелешеп, светофорны аудара язган. Бу хакта социаль челтәрләрдән файдаланучылар хәбәр итә.

(Казан, 19 гыйнвар, «Татар-информ»). Татарстан 17-26 гыйнвар көннәрендә Берлинда узучы «Яшел атна 2020» (International Green Week Berlin) 85нче халыкара күргәзмә-ярминкәсендә үз экспозициясен тәкъдим итте. Бу хакта ТР Авыл хуҗалыгы һәм азык-төлек министрлыгының матбугат хезмәтеннән хәбәр иттеләр.

(Казан, 19 гыйнвар, «Татар-информ», Алексей Новиков). Татарстанда ике йөк автомобиле бәрелешкән, машина йөртүчеләрнең берсен хастаханәгә алып киткәннәр. Бу хакта «Татар-информ» агентлыгына әлеге аварияне күргән кешеләр хәбәр итте.

(Казан, 19 гыйнвар, «Татар-информ»). Татарстанның Арча районында чыккан янгын шәхси йортны юк иткән һәм хуҗаның гомерен өзгән. Бу хакта Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 19 гыйнвар, «Татар-информ», Рузилә Мөхәммәтова). Театрлар авылларга гастрольләр белән килгәндә билетны касса аппаратыннан башка сата алалар. Декабрь азагында гына «Россия Федерациясендә исәп-хисап ясаганда контроль-касса техникасын куллану турында»гы законга үзгәрешләр кертелде.

(Казан, 19 гыйнвар, «Татар-информ»). Галимнәр югары кан басымын төшерергә сәләтле продуктларны атады. Бу хакта «Российская газета» яза.

(Казан, 19 гыйнвар, «Татар-информ»). Кытайның Ухань шәһәре медицина идарәсе пневмониянең 17 яңа очрагы хакында хәбәр итте. Шул рәвешле, шәһәрдә әлеге чирне йоктырган кешеләрнең гомуми саны 62гә җиткән, ике кеше үлгән. Бу хакта «Интерфакс» агентлыгы хәбәр итә.

(Казан, 18 гыйнвар, «Татар-информ», Рузилә Мөхәммәтова). Буа дәүләт театры Ркаил Зәйдулла хикәяләре буенча куелган «Абага» спектакле белән «Кече шәһәр театрлары» XVIII бөтенроссия театр фестивалендә катнаша. Фестиваль программасы оештыручы булган Милләтләр театры сайтында урын алган.

(Казан, 19 декабрь, «Татар-информ», Рузилә Мөхәммәтова). Татар музыкасында беренче тапкыр оркестр белән кыл-кубыз өчен әсәр язылган. Оркестр белән кыл-кубыз өчен «Чатыр тау» симфоник риваятенең премьерасы «Мирас» фестиваленең икенче концертында тәкъдим ителде.

(Казан, 19 гыйнвар, «Татар-информ»). Россиядә эзтабарлар хәрәкәтенә дәүләт ярдәме күрсәтү дәвам итәчәк. РФ Президенты Владимир Путин Санкт-Петербургта ветераннар һәм иҗтимагый патриотик берләшмә вәкилләре белән очрашу вакытында шулай дип белдерде. Бу хакта ТАСС агентлыгы хәбәр итә.

(Казан, 19 гыйнвар, «Татар-информ»). 1 февральдә Түбән Камада «Ак халатлы фәрештәләр» фестивале узачак. Язмышларын медицина белән бәйләргә ниятләгән мәктәп укучылары һәм студентлар үзләренең булачак һөнәрләре турында тулырак күзаллау алачак. Бу турыда Түбән Кама муниципаль районы рәсми сайтында хәбәр ителә.

(Апас, 19 гыйнвар, «Татар-информ», «Апастово-информ» ). Апаста педагогик хезмәткәрләрнең дәрәҗәсен күтәрү, һөнәри осталыгын ачыклау максатыннан уздырылган «Ел укытучысы» бәйгесендә иң оста укытучылар ачыкланды. Бу турыда район басмасы хәбәр итә.

(Казан, 19 гыйнвар, «Татар-информ»). Биектау аграрийлары эре мөгезле терлекләр савымы буенча югары күрсәткечләргә ирешү тәҗрибәсе белән уртаклаштылар. Бу турыдаТатарстан Авыл хуҗалыгы һәм азык-төлек министрлыгы матбугат хезмәтендә хәбәр иттеләр.

(Казан, 19 гыйнвар, «Татар-информ»). Татарстан Республикасы Мамадыш муниципаль районында яңа мәктәп урманчылыгы барлыкка киләчәк. Бу турыда Татарстан урман хуҗалыгы министрлыгы матбугат хезмәте хәбәр итә