Новости за 17.01.2020

(Баулы, 17 гыйнвар, «Татар-информ», «Баулы-информ», Индира Сәйфуллина). Бүген Баулы районында туган тел һәм әдәбияты укытучыларының төбәкара семинар-киңәшмәсе үтте. Чарага Азнакай, Бөгелмә, Баулы, Лениногорск, Мөслим, Сарман, Ютазы, Әлмәт районнарыннан укытучылар җыелды. Семинар–киңәшмә ТАССР оешуга 100 ел кысаларында үтте. Бу турыда район басмасы хәбәр итә.

(Казан, 17 гыйнвар, «Татар-информ»). 15 гыйнварда Мамадыш районында күренекле язучы Шәйхи Маннурның туган көнендә, аның 115 еллыгына багышланган истәлекле чаралар узды. Шул ук көнне Мамадышта Шәйхи Маннур премияләре тапшырылды. Бу турыда Бөтендөнья татар конгрессы хәбәр итә.

(Казан, 17 гыйнвар, «Татар-информ», Гөлнар Гарифуллина). Ликвидацияләнгән, ягъни эшчәнлеген туктаткан оешмалар архивларга шәхси состав турында документлар тапшырмый. ТР архив эше буенча дәүләт комитеты рәисе Гөлнара Габдрахманова коллегия утырышындагы чыгышында әнә шул проблемага тукталды.

(Казан, 17 гыйнвар, «Татар-информ»). Бүген Татарстан парламенты башлыгы Фәрит Мөхәммәтшин Якутия Дәүләт Җыенының (Ил Тумэн) Фән, мәгариф, мәдәният, гаммәви мәгълүмат чаралары һәм җәмәгать оешмалары эшләре комитеты рәисе Феодосия Габышева белән очрашты. Комитет җитәкчесе Татарстанда урта белем бирү системасының үсеш дәрәҗәсе югары булуын билгеләп үтте. Бу хакта ТР Дәүләт Советының матбугат хезмәте хәбәр итә.

(Казан, 17 гыйнвар, «Татар-информ», Гөлнар Гарифуллина). Татарстанда медицина карталарын цифрлаштыру программасын эшләүне планлаштыралар. Бу хакта ТР архив эше буенча дәүләт комитетының коллегия утырышында ведомство җитәкчесе Гөлнара Габдрахманова сөйләде.

(Казан, 17 гыйнвар, «Татар-информ»). Татарстан Президенты Рөстәм Миңнеханов «КАМАЗ» ГАҖ генераль директоры Сергей Когогин, «КАМАЗ-Мастер» командасы җитәкчесе Владимир Чагин һәм «КАМАЗ-Мастер» командасы коллективын «Дакар-2020» халыкара раллиенда җиңүе белән котлады. Бу хакта ТР Президентының матбугат хезмәте хәбәр итә.

(Казан, 17 гыйнвар, «Татар-информ», Полина Шевчук). Казандагы күпкатлы йортта чыккан янгында кесә телефоны сәбәпче булырга мөмкин. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 17 гыйнвар, «Татар-информ», Полина Шевчук). Татарстандагы ике трассада машина йөртүчеләрне алдагы транспорт чарасын узу тыелган зона башлануы турында кисәтә торган «уклар» барлыкка киләчәк. ТР буенча Эчке эшләр министрлыгының ЮХИДИ идарәсе башлыгы Ленар Габдрахманов ТР Министрлар Кабинетында узган Юл хәрәкәте иминлеге комиссиясе утырышында шул хакта хәбәр итте.

(Казан, 17 гыйнвар, «Татар-информ»). Татарстан Дәүләт Советы Россия Президенты Владимир Путинның Федераль Җыенга Юлламасында телгә алынган социаль инициативаларны гамәлгә ашыруда катнашырга әзер. ТР Дәүләт Советы Рәисе Фәрит Мөхәммәтшин «Канун. Парламент. Җәмгыять» тапшыруына биргән интервьюсында шулай дип белдерде. Бу хакта республика парламентының матбугат хезмәте хәбәр итә.

(Казан, 17 гыйнвар, «Татар-информ»). Иртәгә, 18 гыйнварда, Татарстанда юлларда урыны белән бозлавык барлыкка киләчәк, төнлә һәм иртән томан төшәчәк. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

(Казан, 17 гыйнвар, «Татар-информ»). Татарстанда шәһәр яны поездларында йөрү өчен махсус тариф буенча абунә билетлары яңадан бирелә башлаячак. Бу хакта ТР Транспорт һәм юл хуҗалыгы министрлыгының матбугат хезмәте хәбәр итә.

(Казан, 17 гыйнвар, «Татар-информ», Егор Никитин). 2019 елда Татарстан юлларындагы аварияләрдә һәлак булучыларның күпчелеген иминлек каешын эләктермәгән пассажирлар һәм машина йөртүчеләр тәшкил иткән. Татарстанның баш дәүләт автоинспекторы Ленар Габдрахманов Хөкүмәт йортында узган Юл хәрәкәте иминлеге комиссиясе утырышында шундый мәгълүматлар китерде.

(Казан, 17 гыйнвар, «Татар-информ»). Казан 2021 елның февралендә Бөтендөнья кышкы Махсус Олимпиаданы үткәрүгә кандидат шәһәрләрнең берсе сыйфатында каралырга мөмкин. Бу хакта «Татар-информ» агентлыгына үз чыганакларыннан билгеле булды.

(Казан, 17 гыйнвар, «Татар-информ», Вероника Ваганова). Татарстан Президенты Рөстәм Миңнеханов Давоста узачак форумда Srei Infrastructure Finance (Һиндстан) компаниясенең Татарстан территориясендәге инфраструктура проектларында катнашу мөмкинлеге хакында фикер алышырга ниятли. Президентның матбугат хезмәте җитәкчесе Лилия Галимова ТР Министрлар Кабинетында узган брифингта шул хакта хәбәр итте.

(Казан, 17 гыйнвар, «Татар-информ», Гөлнар Гарифуллина). Хуҗалык итүче һәр субъектның үз архивы булырга тиеш. Татарстан Президенты Рөстәм Миңнеханов ТР Архив эше буенча дәүләт комитетының коллегия утырышында шундый бурыч куйды.

(Казан, 17 гыйнвар, «Татар-информ», Назлыгөл Мәсәлимова). Татарстан авыл хуҗалыгы һәм азык-төлек министрлыгындагы музейны туплау өчен бер тиен дә акча сарыф ителмәгән. «Безнең министр урынбасарлары, җитәкчеләре үзләре районнардан экспонатлар җыеп алып кайтты», — диде музейны тәкъдим итү чарасында музей директоры Наил Сабиров. Музейда әлегә экспонатлар саны билгесез. Наил Сабиров сүзләре буенча 1000 артык булырга тиеш.

(Казан, 17 гыйнвар, «Татар-информ», Гөлнар Гарифуллина). Татарстан Президенты Рөстәм Миңнеханов ТР Архив эше буенча дәүләт комитеты утырышында күренекле галим Шиһабетдин Мәрҗанинең мирасны саклап калуга зур игътибар иткәнен билгеләп узды. Аның «Үткән заман — киләчәк заманның көзгесе, үткән заманнан алынган гыйбрәт һәм тәҗрибә дә киләчәк заманның юлбашчысы» дигән сүзләрен искә төшерде.

(Казан, 17 гыйнвар, «Татар-информ», Полина Шевчук). Гадәттән тыш хәлләр министрлыгында Татарстан елгаларындагы куркыныч урыннар хакында сөйләделәр. Бу хакта «Татар-информ» агентлыгына Россия Гадәттән тыш хәлләр министрлыгының ТР буенча Баш идарәсе матбугат хезмәтеннән хәбәр иттеләр.

(Казан, 17 гыйнвар, «Татар-информ»). Бүген Татарстан Президенты Рөстәм Миңнеханов Мәгариф һәм фән өлкәсендә күзәтчелек федераль хезмәте (Рособрнадзор) җитәкчесе Сергей Кравцов белән очрашты. Бу хакта ТР Президентының матбугат хезмәте җитәкчесе хәбәр итте.

(Казан, 17 гыйнвар, «Татар-информ»). Казан һәм Татарстан митрополиты Феофанның христианнарның Крещение бәйрәме уңаеннан Илаһи литургияне кайда үткәрәчәге билгеле булды. Бу хакта «Татар-информ» агентлыгына Татарстан митрополиясеннән хәбәр иттеләр.

(Казан, 17 гыйнвар, «Татар-информ», Полина Шевчук). Ир-атның Казанның күпкатлы йортларының берсендә кабынып киткән янгыннан чыкканда тәне пешкән. Бу хакта «Татар-Информ"га Татарстан буенча Россия Гадәттән тыш хәлләр министрлыгының Баш идарәсе матбугат хезмәте хәбәр итте.

(Казан, 17 гыйнвар, «Татар-информ», Гөлнар Гарифуллина). Бүген Татарстан Республикасы Архив эше буенча дәүләт комитетының коллегия утырышы алдыннан, Татарстан Президенты Рөстәм Миңнеханов архив хезмәте тарихына багышланган күргәзмә белән танышты. Анда уникаль медицина документлары тәкъдим ителгән.

(Казан, 17 гыйнвар, «Татар-информ», Артур Шипилов). «Зенит-Казан» ир-атлар волейбол клубы капитаны Александр Бутько Татарстан Республикасы Президенты Рөстәм Миңнехановның команданы котлавын шәрехләде.

(Казан, 17 гыйнвар, «Татар-информ»). Тукай районында «Безнең ишегалды» программасына 89 күп фатирлы йорт яны территориясе кергән. Быел Кече Шилнә, Князево, Түгәрәк Кыр, Борды, Бәтке авыл җирлекләре, шулай ук Новый бистәсе ишегаллары төзекләндереләчәк. Бу хакта «Якты юл» газетасы яза.

(Казан, 17 гыйнвар, «Татар-информ», Лилия Гаделшина). Татарстанның халык язучысы, Г.Тукай премиясе лауреаты Марсель Галиев фотоальбом-китап бастырып чыгарган. «Мин шулай күрәм» дип аталган китапның тәүге нөсхәсен ул «Татмедиа» акционерлык җәмгыяте генераль директоры Шамил Садыйковка бүләк итте. Язучы сүзләренчә, бу аның җитәкче кешегә бүләк иткән беренче китабы икән.