Новости за 02.01.2020

(Казан, 2 гыйнвар "Татар-информ"). Татарстан Экология һәм табигать ресурслары министрлыгының Кама буе территориаль идарәсе хезмәткәрләре Мамадыш районы Зур Шыя урта мәктәбе укучылары өчен бәйрәмчә экологик чара уздырган. Бу турыда Татарстан Экология һәм табигать ресурслары сайында хәбәр ителә.

(Лениногорск, 2 гыйнвар, «Татар-информ»,«Заман сулышы»). «Сокол» боз кортында «Лениногорскнефть» идарәсенең «Алга» һәм «Лениногорск хоккей ветераннары» командалары очрашты.

(Яңа Чишмә, 2 гыйнвар, «Татар-информ», «Яңа Чишмә хәбәрләре»). Яңа ел алдыннан район мәдәният йортында яңа заманча кино залы ачылды. Беренче булып залда яңа экраннан совет кино фильмнарыннан аерым эпизодлар күрсәтелде. Бу турыда район басмасы хәбәр итә.

(Әлки, 2 гыйнвар, «Татар-информ», «Әлки хәбәрләре»). Әлки районында Яңа ел төне тыныч һәм имин узды. Бу турыда район басмасы хәбәр итә.

(Казан, 2 гыйнвар, «Татар-информ», Полина Шевчук). Татарстан Гадәттән тыш хәлләр министрлыгы көчле бозлавык вакытында саклык чараларын арттырырга кирәклеге турында искә төшерә. Бу хакта «Татар-информ»га ТР буенча Россия Гадәттән тыш хәлләр министрлыгы Баш идарәсенең матбугат хезмәте хәбәр итте.

(Казан, 2 гыйнвар, «Татар-информ»). Татарстанда җиңел машина трассадан юл читенә шуып төшкән, машина йөртүче хастаханәгә озатылган. Бу хакта «Татар-Информ» агентлыгына юл-траспорт һәлакәте шаһитлары хәбәр итте.

(Казан, 2 гыйнвар, «Татар-информ»). 2020 елның 1 гыйнварыннан Нидерландта илне билгеләү өчен «Голландия» сүзеннән рәсми рәвештә баш тартканнар. Бу хакта NOS радиостанциясе хәбәр итә.

(Казан, 2 гыйнвар, «Татар-информ»). Россиядә 1 гыйнвардан башлап, НДФЛ түләүдән качарга мөмкинлек бирүче бердәнбер торак белән идарә итү срогы биш елдан өч елга кадәр киметелде. РФ Салым кодексына кертелгән тиешле үзгәрешләр законлы көченә керде. Бу хакта РИА Новости хәбәр итә.

(Казан, 2 гыйнвар, «Татар-информ»). Россия җыелма командасы хоккей буенча яшьләр дөнья чемпионатының ¼ финал матчында җиңде. Бүген Валерий Брагин шәкертләре Швейцария командасын 3: 1 исәбе белән җиңде һәм ярымфиналга чыкты.

(Казан, 2 гыйнвар, «Татар-информ»). Пенза дәүләт университеты галимнәре су биргәндә югалтуны киметү һәм аның өчен түләүләрне азайту ысулын тапкан. Бу хакта «Российская газета» яза.

(Казан, 2 гыйнвар, «Татар-информ»). Иртәгә, 3 гыйнварда, бүгенге бераз гына суыктан соң, Татарстанда янә җылытачак. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

(Казан, 2 гыйнвар, «Татар-информ», Наталья Рыбакова). Табиблар, шәфкать туташлары, полиция хезмәткәрләре, машина йөртүчеләр, менеджерлар һәм инженерлар – бү бүгенге көндә Татарстан хезмәт базарында иң кирәкле вакансияләр. Бу хакта журналистларга ТР хезмәт, халыкны эш белән тәэмин итү һәм социаль яклау министры Эльмира Зарипова хәбәр итте.

(Казан, 2 гыйнвар, «Татар-информ»). Казахстан татарларының иҗатын барлау һәм туплау максатыннан, Казахстанда яшәп, иҗат итүче, шагыйрь, язучы, композитор, нәфис сүз остасы, җырчы Шамил Сәхәүтдинов Интернетта махсус сайт булдырган. Бу хакта Бөтендөнья татар конгрессы сайты хәбәр итә.

(Казан, 2 гыйнвар, «Татар-информ», Полина Шевчук). Чаллыда бала кайнар су белән пешкән бакча җитәкчесен прокуратура җәзага тартуны таләп итә. Бу хакта «Татар-информ»га ТР прокурорының өлкән ярдәмчесе Руслан Галиев сөйләде.

(Казан, 2 гыйнвар, «Татар-информ», Зилә Мөбәрәкшина). Канададагы «Мирас» милли-мәдәни үзәге җитәкчесе Зилә Миргалиева татар теленең хәзерге торышы Квебектагы инглиз теленеке кебек хәлдә дип саный. Бу фикерен ул «Татар-информ» агентлыгы хәбәрчесенә биргән әңгәмәсендә сөйләде.

(Казан, 2 гыйнвар, «Татар-информ», Валерия Белова). Балалар Республика клиник хастаханәсендә табиблар яңа ел бәйрәмнәрендә Татарстанның Яшел Үзән районы Васильево бистәсеннән 11 яшьлек Даниил Максимовның тормышы өчен көрәшә. Бу хакта «Татар-информ»га хастаханә баш табибы урынбасары Владимир Филатов сөйләде.

(Казан, 2 гыйнвар, Татар-информ»). Кышкы чорда кирәкле витаминнарны төрле ысуллар белән алырга була. Аларны В.М. Горбатов исемендәге азык-төлек системаларының Федераль фәнни үзәге эксперты, медицина фәннәре докторы Валерий Сергеев санап күрсәтте. Бу хакта RT хәбәр итә.

(Казан, 2 гыйнвар, «Татар-информ», Рузилә Мөхәммәтова). Филармониянең әдәби-музыкаль лекториесенең сәнгать җитәкчесе Владимир Васильев яңе ел алдыннан чыгарылган «Бремен музыкантлары» музыкаль спектаклен «Тантана» премиясенә тәкъдим итәргә тели. Бу хакта ул спектакль премьерасыннан соң «Татар-информ» хәбәрчесенә әйтте.

(Казан, 2 гыйнвар, «Татар-информ», Полина Шевчук). Арча балалар бакчасында прокуратура тикшерүе бара. Тикшерүнең төп сәбәбе — тәрбияченең баланы этеп җибәргәнен төшергән видео. Бу хакта «Татар-информ»га ТР прокурорының өлкән ярдәмчесе Руслан Галиев хәбәр итте.

(Казан, 2 гыйнвар, «Татар-информ», Полина Шевчук). Чулман елгасында ике ир-ат «Нива» машинасында боз астына китә, берсен коткарып өлгерәләр. Бу хакта «Татар-информ» мәгълүмат агентлыгына ТР буенча Россия Гадәттән тыш хәлләр министрлыгы Баш идарәсенең матбугат хезмәтендә хәбәр иттеләр.

(Казан, 2 гыйнвар, «Татар-информ»). Махмыр вакытында, янә хәмер кулланып, үз хәлеңне яхшыртырга омтылу бик куркыныч. Шул турыда РФ Сәламәтлек саклау министрлыгының штаттан тыш баш психиатр-наркологы Евгений Брюн кисәтте. Бу хакта RT хәбәр итә.

(Казан, 2 гыйнвар, «Татар-информ»). Гадәттән тыш хәлләр министрлыгы бәйрәм көннәрендә янгыннар булдырмас өчен саклык чараларын күрергә кирәклекне искә төшерә. Бу хакта «Татар-Информ»га Россия Гадәттән тыш хәлләр министрлыгының Татарстан буенча Баш идарәсе матбугат хезмәте хәбәр итә.

(Казан, 2 гыйнвар, «Татар-информ»). Татарстанның өч кешесе Яңа ел лотереясы нәтиҗәсендә миллион сум акча отты. Бу хакта «Столото» матбугат хезмәте хәбәр итә.

(Казан, 2 гыйнвар, «Татар-информ»). Казан Раштуа бәйрәмендә ил туристлары сәяхәтләре өчен популяр булган Россия шәһәрләре арасында алтынчы урынны алды. Исемлек Tvil.ru кунакханәләрне броньлау сервисы белгечләре тарафыннан төзелде.

(Казан, 2 гыйнвар, «Татар-информ»). Татарстанда ярлылык дәрәҗәсе түбән. Ул 7,2 процент яки 280 мең кеше дип исәпләнә. Россия шәһәрләре белән чагыштырганда, республика әлеге күрсәткеч буенча Мәскәү һәм Санкт-Петербург белән беррәттән, икенче урынны алып тора, Бу гомумроссия дәрәҗәсендә 12,6 процент яки 18,5 млн кеше дигәнне аңлата. Бу хакта ТР Хезмәт, халыкны эш белән тәэмин итү һәм социаль яклау министрлыгы матбугат хезмәтендә хәбәр иттеләр.