Новости за 15.01.2020

(Чирмешән, 15 гыйнвар, «Татар-информ», «Безнең Чирмешән», Кадыйр Гомәров). Чирмешәннең «Кояшлы» ял лагеренда яңа корылмалар төзергә планлаштыралар. Лагерьның үз амфитетары да булачак. Бу турыда район басмасы хәбәр итә.

(Казан, 15 гыйнвар, «Татар-информ»). Түбән Камада «Ак каен» мәчете төзелеше видеосигнал аша трансляцияләнә. Төзелеш барышын шәһәрнең Җәмигъ мәчетендә урнаштырылган махсус монитор аша карарга мөмкин. Бу турыда Түбән Кама муниципаль районы рәсми сайтында хәбәр ителә.

(Казан, 15 гыйнвар, «Татар-информ»). РФ Дәүләт Советының Россия Конституциясендә статусын ныгыту - дөрес карар, чөнки бу структура үзенең нәтиҗәлелеген исбатлады. Мондый фикерне Татарстан Республикасы Президенты Рөстәм Миңнеханов, Владимир Путинның ил парламентына еллык юлламасы барышында яңгыраган тәкъдимен шәрехләп, әйтте. Бу хакта ТР Президенты матбугат хезмәте хәбәр итә.

(Казан, 15 гыйнвар, «Татар-информ», Артур Казанцев). Гомумроссия халык фронтының Казандагы төбәк бүлеге Владимир Путинның Федераль Җыенга юлламасын карау нәтиҗәләре буенча иҗтимагый фикер алышу уздырды. Фикер алышу барышында белгечләр илдә куелган бурычларны гамәлгә ашыруга акча бар, әмма моның өчен кадрлар юк, дигән нәтиҗәгә килде.

(Казан, 15 гыйнвар, «Татар-информ»). Татарстан Республикасы Президенты Рөстәм Миңнеханов Россия Федерациясе Хөкүмәте Рәисе урынбасары вазифаларын башкаручы Виталий Мутконың Россия төбәкләре вәкилләре белән эшлекле очрашуында катнашты. Очрашу XI Гайдар форумы кысаларында узды. Бу хакта республика җитәкчесенең матбугат хезмәте хәбәр итә.

(Казан, 15 гыйнвар, «Татар-информ»). Владимир Путин Дәүләт Думасына Россия Премьер-министры вазифасына Федераль салым хезмәте башлыгы Михаил Мишустин кандидатурасын кертте. Бу хакта Кремль сайтында хәбәр ителә.

(Казан, 15 гыйнвар, «Татар-информ»). Татарстанда 2020 елдан күп балалы һәм аз керемле гаиләләргә ярдәм итүнең яңа төрләре кертеләчәк, меңләгән кеше финанс ярдәме алачак. Бу хакта ТР Президенты матбугат хезмәте җитәкчесе Лилия Галимова хәбәр итте.

(Казан, 15 гыйнвар, «Татар-информ»). Татарстанда ярлылык проблемасын хәл итү өчен 2020 елда 635,5 млн сум акча сарыф итү планлаштырыла, әлеге акчаларның бер өлешен халык белән социаль контрактлар төзүгә тоту планлаштырыла. Бу хакта ТР Президентының матбугат хезмәте җитәкчесе Лилия Галимова хәбәр итте.

(Казан, 15 гыйнвар, «Татар-информ»). 16 гыйнварда Казанның «Черек күл» паркында шугалак вакытлыча ябылачак. Бу аномаль җылы һава торышы белән бәйле — пәнҗешәмбе көнне һаваны температурасы нульдән югары булачак. Бу хакта Парк һәм скверлар дирекциясенең Инстаграм битендә хәбәр ителә.

(Казан, 15 гыйнвар, «Татар-информ»). Россиядә латыш телен рәсми рәвештә укыта торган бердәнбер мәктәп Башкортстанда эшли. Бу турыда «Башинформ» хәбәр итә.

(Казан, 15 гыйнвар, «Татар-информ»). Татарстанда барлык мәктәпләр дә башлангыч сыйныф укучылары өчен бушлай кайнар туклану оештыру мөмкинлегенә ия, шуңа күрә РФ Президенты йөкләмәсе республикада кыска вакыт эчендә үтәләчәк. Бу хакта Татарстан Президентының матбугат хезмәте җитәкчесе Лилия Галимова хәбәр итте.

(Казан, 15 гыйнвар, «Татар-информ», Наталья Рыбакова). Узган ел йомгаклары буенча Татарстан хезмәт хакы күләме буенча Идел буе федераль округы төбәкләре арасында алдынгы урыннарны били. Бу хакта бүген ТР хезмәт, халыкны эш белән тәэмин итү һәм социаль яклау министры Эльмира Зарипова ведомствоның йомгаклау коллегиясендә хәбәр итте.

(Казан, 15 гыйнвар, «Татар-информ»). «Демография» илкүләм проектын гамәлгә ашыру Татарстанда яслеләрдә 3,1 меңнән артык урын булдырырга мөмкинлек бирде. Бу хакта «Татар-информ» мәгълүмат агентлыгына ТР Президенты матбугат хезмәте җитәкчесе Лилия Галимова хәбәр итте.

(Казан, 15 гыйнвар, «Татар-информ»). Бүген Татарстан Президенты Рөстәм Миңнеханов Мәскәүгә эшлекле сәфәре вакытында «КАМАЗ» автомобиль заводының беренче генераль директоры Лев Васильев белән очрашты. Бу хакта республика җитәкчесенең матбугат хезмәте хәбәр итә.

(Казан, 15 гыйнвар, «Татар-информ»). Татарстан Президенты Рөстәм Миңнеханов Россия Инновацион төбәкләре ассоциациясе советы рәисе итеп яңадан сайланды. Карар бүген ассоцация әгъзаларының XI Гайдар форумы гомуми җыелышында кабул ителде. Бу хакта ТР Президенты матбугат хезмәте җитәкчесе Лилия Галимова хәбәр итте.

(Казан, 15 гыйнвар, «Татар-информ»). Бүген Россия Президенты Владимир Путин Федераль Җыенга еллык Юлламасында җиткерелгән балалы гаиләләрнең социаль иминлеген арттыру чаралары халык үсеше һәм аның мул тормышы өчен нигез булачак. Мондый фикерне РФ Дәүләт Думасы депутаты Ольга Павлова әйтте.

(Казан, 15 гыйнвар, «Татар-информ», Вероника Ваганова). Россия мәктәпләрендәге сыйныф җитәкчеләре ай саен 5 мең сум өстәмә акча ала башлаячак. Бу хакта Федераль Җыенга Юлламада Россия Президенты Владимир Путин әйтте.

(Казан, 15 гыйнвар, «Татар-информ», Марат Ишкильдин). Россиядә илнең һәр субъектының барлык проблемаларын, үзенчәлекләрен һәм тәҗрибәсен исәпкә алу өчен РФ дәрәҗәсендә карарлар кабул итүдә губернаторларның әһәмияте артачак. Бу хакта Россия Федерациясе Федераль Җыенга еллык Юлламасында Россия Президенты Владимир Путин әйтте.

(Казан, 15 гыйнвар, «Татар-информ», Егор Никитин). Россия үзенең оборонага сәләтен дистә елларга алга тәэмин итте. Шуның аркасында икътисад үсешенә һәм кешеләрнең тормыш дәрәҗәсен арттыруга игътибарны җәлеп итү мөмкинлеге барлыкка килде. Бу хакта Федераль Җыенга Юлламасында Россия Президенты Владимир Путин әйтте.

(Казан, 15 гыйнвар, «Татар-информ», Вероника Ваганова). Россиядә министрларга, депутатларга, төбәк башлыкларына һәм башка дәүләт хезмәткәрләренә чит ил гражданлыгы һәм чит илдә яшәү өчен рөхсәт алу конституцион дәрәҗәдә тыелачак. Бу хакта Россия Президенты Владимир Путин Федераль Җыенга еллык Юлламасында хәбәр итте.

(Казан, 15 гыйнвар, «Татар-информ», Гөлнар Гарифуллина). Бүген Татарстан вице-премьеры — мәгариф һәм фән министры Рафис Борһанов милли мәгариф өчен җаваплы методистлар һәм туган телдә белем һәм тәрбия бирүче мәктәп директорлары өчен киңәшмәдә балаларны беренче сыйныфка кабул итү тәртибе үтәлергә тиешлеген искәртте. Чара 2нче лицей-интернатта узды.

(Казан, 15 гыйнвар, «Татар-информ», Александра Давыдова). 2019 елда дәүләт сатып алулары өзелү сәбәпле, Россиянең кайбер төбәкләрендә дарулар белән тәэмин итүдә өзеклекләр килеп чыккан. Бу хакта Федераль Җыенга Юлламада Россия Президенты Владимир Путин әйтте.

(Казан, 15 гыйнвар, «Татар-информ»). РФ Премьер-министры Дмитрий Медведев Владимир Путинның юлламасыннан соң Россия хөкүмәтенең тулы составы белән отставкага китүе хакында белдерде.

(Казан, 15 гыйнвар, «Татар-информ»). РФ Президенты Владимир Путин Россия Дәүләт Думасы депутатларыннан җинаятьләрнең икътисади составлары өлешендә җинаять законнарының аңлашылып бетмәгән нормаларын җыючы төзәтмәләр пакетын хуплауны сорады. Бу хакта дәүләт башлыгы Россия Федераль Җыенына еллык юлламасында хәбәр итте.

(Казан, 15 гыйнвар, «Татар-информ», Гөлнар Гарифуллина). Әгәр грипп белән авыручылар артса, Татарстан хастаханәләре грипп эпидемиясенә әзер. Бу хакта журналистларга Татарстанның сәламәтлек саклау министры урынбасары Илдар Фатыйхов әйтте.