Новости за 16.01.2020

(Казан, 16 гыйнвар, «Татар-информ»). Питрәч районы Татар Тау Илендә яшәүче Динә Камалиеваның хыялы чынга ашкан. Ул Мәскәүгә сәяхәт кылган һәм Россиянең халык артисты, композитор Игорь Николаев аңа синтезатор бүләк иткән.

(Ютазы, 16 гыйнвар, «Татар-информ», «Ютазы таңы», Ильмира Галиева). Ютазы районы Урыссу бистәсенең урау юлыннан беренче машиналар узды. Бүген Урыссу бистәсенең урау юлын рәсми рәвештә ачу тантанасы тәмамланды. Бу турыда район басмасы хәбәр итә.

(Казан, 16 гыйнвар, «Татар-информ», Наталья Рыбакова). Татарстанда һәр бишенче никах милләтара никах булып тора. 2019 елда чит ил гражданнары белән никах, алдагы еллардагы кебек, гомуми санның 5 процентыннан артмаган. Бу хакта бүген Татарстан Республикасы Министрлар Кабинетының ЗАГС идарәсе башлыгы Гөлшат Нигъмәтуллина ведомствоның йомгаклау коллегиясендә хәбәр итте.

(Казан, 16 гыйнвар, «Татар-информ»). Илһам Шакировның вафатыннан соң, Татар дәүләт филармониясенә җырчының рояле тапшырылды. Рояль филармониянең амфитеатры каршындагы фойеда урнаштырылган. Бу хакта «Татар-информ»га филармониянең матбугат секретаре Земфира Гыйльметдинова хәбәр итте.

(Казан, 16 гыйнвар, «Татар-информ»). РФ Конституциясенә Россия Президенты Владимир Путин тәкъдим иткән төзәтмәләр буенча бөтенроссия тавыш бирүне 1 майга кадәр уздырырга планлаштыралар. Бу хакта Федерация Советындагы чыганакка сылтама белән ТАСС хәбәр итә.

(Казан, 16 гыйнвар, «Татар-информ», Александра Давыдова). Француз сәясәтчесе, Франциянең 23нче президенты Николя Саркози Казан Социалистик көнкүреш музеена үзенең шәхси имзасы белән винтаж джинсы бүләк итте. Бу хакта «Татар-информ» корреспондентына музей директоры Рөстәм Вәлиәхмәтов сөйләде.

(Казан, 16 гыйнвар, «Татар-информ», Рузилә Мөхәммәтова). Татарстан театрлары «Кече ватан мәдәнияте» һәм «Театр — балаларга» проектлары кысаларында 2020 елда 34 спектакль чыгарачак, Минзәлә татар дәүләт драма театрына һәм Чаллы курчак театрына автобуслар алыначак. «Бердәм Россия» партиясенең региональ бүлеге бүген проектның өч ел эчендәге эшчәнлегенә нәтиҗә ясады һәм алдагы планнарын билгеләде.

(Казан, 16 гыйнвар, «Татар-информ», Наталья Рыбакова). Гражданлык хәле актларын теркәүнең бердәм дәүләт реестрын Татарстан ЗАГС идарәсе хезмәткәрләре формалаштыра. Узган ел 4,4 млн, ягъни планның 102 процентында акт язмасы цифрлаштырылган. Бу хакта бүген Татарстан Республикасы Министрлар Кабинетының ЗАГС идарәсе башлыгы Гөлшат Нигъмәтуллина ведомствоның йомгаклау коллегиясендә хәбәр итте.

(Казан, 16 гыйнвар, «Татар-информ», Наталья Рыбакова). Бүген Татарстан Премьер-министры урынбасары Ләйлә Фазлыева Татарстан Министрлар Кабинетының Гражданлык хәле актларын теркәү идарәсенең Казанда йомгаклау коллегиясендә катнашучыларны «Демография» илкүләм проекты бурычларын бергәләп гамәлгә ашыру өчен республика министрлыклары, ведомстволары һәм иҗтимагый оешмалары арасында ведомствоара хезмәттәшлекне җайга салырга чакырды.

(Казан, 16 гыйнвар, «Татар-информ»). Татарстан Президенты Рөстәм Миңнеханов Михаил Мишустинны Россия Хөкүмәте Рәисе вазифасына билгеләнүе белән котлады, нәтиҗәле эш теләде. ТР Президенты котлавын Instagram сәхифәсендә язды.

(Казан, 16 гыйнвар, «Татар-информ», Елена Сәлахова). ТР Юстиция министрлыгына Татарстан Президенты сайлауларын хокукый яктан сыйфатлы тәэмин итәргә кирәк. Бу хакта бүген республика Юстиция министрлыгының йомгаклау коллегиясендә Татарстан Республикасы Премьер-министрының беренче урынбасары Рөстәм Нигъмәтуллин сөйләде.

(Казан, 16 гыйнвар, Марат Ишкилдин ). Россиянең яңа Премьер-министры Михаил Мишустин Татарстанга һәрвакыт уңай карашта булды, дип сөйләде «Татар-информ» мәгълүмат агентлыгы корреспондентына Татарстан Республикасыннан Дәүләт Думасы депутаты Айрат Фәррахов.

(Казан, 16 гыйнвар, «Татар-информ», Ләйсән Рәхмәтуллина). Гөлзада Сафиуллина һәр ел саен мәктәпләрдә Илһам Шакировның берәр җырын өйрәтергә кирәк дигән фикердә. Бу хакта ул «Мәрҗәни» мәчетендә Илһам Шакировны искә калу кичәсендә «Татар-информ»га әйтте.

(Казан, 16 гыйнвар, «Татар-информ»). Татарстан Президенты Рөстәм Миңнеханов Тышкы элемтәләр буенча яңа ярдәмчене билгеләү турындагы указга кул куйды. Ул - элек ТР Президенты Аппаратының тышкы элемтәләр департаменты директоры урынбасары вазифасын башкарган Газинур Бакиров. Бу хакта «Татар-информ»га Татарстан Президенты матбугат хезмәте җитәкчесе Лилия Галимова хәбәр итте.

(Казан, 16 гыйнвар, «Татар-информ», Наталья Рыбакова). Икенче һәм аннан соңгы балалар туу халык санын тотрыкландыруның мөһим факторы булып тора. 2019 ел нәтиҗәләре буенча нәкъ менә шундый балалар Татарстанда туучыларның гомуми санының 60 проценттан артыгын тәшкил иткән. Бу хакта бүген Татарстан Республикасы Министрлар Кабинетының ЗАГС идарәсе башлыгы Гөлшат Нигъмәтуллина ведомствоның йомгаклау коллегиясендә хәбәр итте.

(Казан, 16 гыйнвар, «Татар-информ», Ләйсән Рәхмәтуллина). Бүген «Мәрҗани» мәчетендә татар зыялылары Илһам Шакировны искә алдылар. Татар халкының бөек җырчысы нәкъ бер ел элек 16 гыйнварда вафат булган иде.

(Казан, 16 гыйнвар, «Татар-информ», Гөлия Хәсбиуллина). Бүген «Ак Барс» командасы Кытайның Пекин шәһәрендә «Куньлунь Ред Стар» хоккейчыларына каршы уенда җиңелде. Уен 3:1 исәбе белән төгәлләнде.

(Казан, 16 гыйнвар, «Татар-информ»). Татарстан халкы, Габдулла Тукай исеме бирелү уңаеннан, «Казан» халыкара аэропортын иң яхшы бизәү эше өчен тавыш бирүдә катнаша ала. Бу хакта аэропортның матбугат хезмәте хәбәр итә.

(Казан, 16 гыйнвар, «Татар-информ»). Россия Президенты Владимир Путин премьер-министр постын моңа кадәр башкарган Дмитрий Медведевны Иминлек Советы Рәисе урынбасары итеп билгеләде. Бу хакта РИА Новости хәбәр итә.

(Казан, 16 гыйнвар, «Татар-информ»). Россия президенты Владимир Путин Премьер-министр итеп Михаил Мишустинны билгеләү турындагы указга кул куйды. Бу хакта РИА Новости хәбәр итә.

(Казан, 16 гыйнвар, «Татар-информ», Надежда Гордеева). Бүген Казанда алтынчы чакырылыш ТР Иҗтимагый палатасының беренче оештыру утырышы узды. Палатаның яңа составын ТР Президенты Аппараты Җитәкчесе Әсгать Сәфәров сәламләде. Ул җәмәгатьчеләргә иҗади эшләр, файдалы инициативалар, барлык башлангычларда да принципиальлек һәм кыюлык теләде.

(Казан, 16 гыйнвар, «Татар-информ», Гөлнар Гарифуллина). 15 гыйнвардан Татарстанда наркологик авырулар өчен бушлай юридик һәм психологик консультация ачылды. Татарстан Республикасы Ресоциализация фонды проекты ярдәм сорап килгән кешеләргә социаль-психологик ярдәм өчен шартлар тудыруга йөз тота. Бу хакта ТР Сәламәтлек саклау министрлыгының матбугат хезмәте хәбәр итә.

(Казан, 16 гыйнвар, «Татар-информ», Наталья Рыбакова). Тугызынчы ел рәттән Татарстанда кешеләрнең тууын теркәү үлемне теркәүдән артып китүе билгеләп үтелә. Бу хакта бүген Татарстан Республикасы Министрлар Кабинетының гражданлык хәле актларын теркәү идарәсе башлыгы Гөлшат Нигъмәтуллина ведомствоның йомгаклау коллегиясендә хәбәр итте.

(Казан, 16 гыйнвар, «Татар-информ», Наталья Рыбакова). 2019 елда Татарстанда 43 мең 180 бала туган. Бүген бу хакта Татарстан Республикасы Министрлар Кабинетының гражданлык хәле актларын теркәү идарәсе башлыгы Гөлшат Нигъмәтуллина ведомствоның йомгаклау коллегиясендә хәбәр итте.

(Казан, 16 гыйнвар, «Татар-информ»). Казахстанның Алма-Атадагы Милли китапханәсендә бөек шагыйрь Абайның тууына 175 ел тулу уңаеннан әдәби үзәк ачылды. Бух акта «Казинформ» хәбәр итә