Новости за 11.01.2020

(Казан, 11 гыйнвар, «Татар-информ»). Яңа ел бәйрәмнәрендә Актанышта кышкы Сабан туе уздырганнар. Бу бәйрәмгә әкияти персонажлар, Кар бабайлар, Кыш бабай үзе дә килгән. Кышкы Сабан туенда уеннар да үзгә. Уенда катнашучылар кар атышу, чанада шуу буенча көч сынаштылар. Волейбол да уйнадылар. Балалар өчен аерым мәйданчыклар каралган иде. Бу турыда Бөтендөнья татар конгрессы сайтында хәбәр ителә.

(Менделеевск, 11 гыйнвар, «Татар-информ», «Менделеевск яңалыклары», Евгения Кожеева). Менделеевск район судының яңа җитәкчесе билгеләнде. Ул Денис Токтаров, Россия Федерациясе Президенты фәрманы белән әлеге вазифага 584 нче булып 2019 елның 6 декабрендә теркәлде. Бу турыда җирле басма хәбәр итә.

(Кукмара, 11 гыйнварь, «Татар-информ», «Хезмәт даны»). Бүген Кукмарада 2020 елның беренче сабыен тантаналы төстә бала тудыру йортыннан чыгардылар. Бу турыда район басмасы хәбәр итә.

(Казан, 11 гыйнвар, «Татар-информ»). Республикада традицион мәдәниятне үстерү үзәге һәм Фәннәр академиясе белгечләре Чирмешән районының Әмир авылының тарихын өйрәнде, милли ризыклар белән танышты, рецептларын сорашты, кул эшләнмәләрен җентекләп тикшерде, фотога төшерде. Бу турыда Бөтендөнь татар конгрессы «Безнең Чирмешән» сайтына сылтама белән хәбәр итә.

(Казан, 11 гыйнвар, «Татар-информ», «Шәһри Казан», Индира Сәйфуллина). Язмыш кешеләргә төрле сынаулар бирә, туган җиреннән аерып, әллә кайларда йөртә. Матур тормыш, яшьлек мәхәббәте дәртенә бирелеп, үз динен читкә куеп гомер итүчеләр бик күп. Алдагы язма герое белән очрашып сөйләшер алдыннан да байтак кына уйланып йөрдем, ә мин алай булдыра алыр идем микән?

(Казан, 11 гыйнвар, «Татар-информ»). Чаллы Башкарма комитеты җитәкчесе Ринат Абдуллин вазифасыннан китә. Ул хезмәт юлын ТР Төзелеш, архитектура һәм ТКХ министрлыгында дәвам итәчәк. Башкарма комитетның матбугат хезмәтендә әлеге мәгълүматны расладылар.

(Казан, 11 гыйнвар, «Татар-информ»). Санкт-Петербург шәһәрендә Васильев утравында урнашкан Кадет линиясендәге архитектор Александр Брюллов йортын Ислам мәдәнияте музей-институтын оештыру өчен «Әл-Мәкам» фондына тапшырачаклар. Санкт-Петербург вице-губернаторы Евгений Елин Закон чыгару җыены депутаты Алексей Ковалевның соравына шулай дип җавап биргән. Бу хакта «Интерфакс» агентлыгы хәбәр итә.

(Казан, 11 гыйнвар, «Татар-информ»). Бүген «Рубин» футбол клубының яңа тренеры Леонид Слуцкий Татарстан Президенты белән очрашу вакытында Рөстәм Миңнехановның Instagram социаль челтәрендәге сәхифәсенә язылуы һәм нәкъ менә аккаунт аша Татарстан белән таныша башлавы хакында сөйләде.

(Казан, 11 гыйнвар, «Татар-информ»). 10 гыйнварда Минск Җәмигъ мәчетендә Беларусь мөфтие Әбү-Бәкер Шабанович Россия мөселманнары ордены белән бүләкләнде. Бу хакта Россия мөселманнары Диния нәзарәтенең рәсми сайты хәбәр итә.

(Казан, 11 гыйнвар, «Татар-информ»). «Рубин» футбол клубы тренеры Леонид Слуцкий Татарстан Президенты Рөстәм Миңнеханов белән очрашты. Бу хакта ТР Президентының матбугат хезмәте җитәкчесе Лилия Галимова хәбәр итте.

(Казан, 11 гыйнвар, «Татар-информ»). Россия мәгариф министры Ольга Васильева «Российская газета»га төп һәм урта гомуми белем бирү турындагы аттестатлар тапшыруның яңа тәртибе турында сөйләде. Бу хакта РИА Новости агентлыгы хәбәр итә.

(Казан, 11 гыйнвар, «Татар-информ»). Татарстан Президенты Рөстәм Миңнеханов билгеләп үткәнчә, хуҗалык итүнең кече формаларына ярдәм күрсәтү программасының әһәмияте бик зур, чөнки шәхси хуҗалыклар авылны үстерүдә мөһим роль уйный. Бу хакта Татарстан Президентының матбугат хезмәте хәбәр итә.

(Казан, 11 гыйнвар, «Татар-информ»). Татарстан Республикасында яңа 2020 елда 50 социаль юнәлешле программа гамәлгә ашырылачак. Республиканың төзелеш тармагы эшчәнлеге турында Татарстан Республикасы төзелеш, архитектура һәм ТКХ министры Ирек Фәйзуллин сөйләде. Бу турыда Татарстан Президенты матбугат хезмәте хәбәр итте.

(Казан, 11 гыйнвар, «Татар-информ», Полина Шевчук). Татарстан юлында такси һәм җиңел автомобиль бәрелешү нәтиҗәсендә бер кеше зыян күргән. Бу хакта «Татар-информ»га агентлыкның үз хәбәрчесе авария урыныннан хәбәр итте.

(Казан, 11 гыйнвар, «Татар-информ»). Украина очкычы ялгышлык белән бәреп төшерелде, диелә Иран Кораллы көчләре генераль штабы белдерүендә. Бу хакта ТАСС агентлыгы хәбәр итә.

(Казан, 11 гыйнвар, «Татар-информ»). Яшел Үзән шәһәрендә «ФармГрупп» ҖЧҖнең амбулатор диализ үзәген ачылды. Бу турыда Татарстан Сәламәтлек саклау министрлыгы матбугат хезмәте хәбәр итте.

(Казан, 11 гыйнвар, «Татар-информ», Елена Сәлахова). Өч гасырлык тарихында прокуратура органнары ведомство үсешендә зур алга китеш ясады һәм тәртипне контрольдә тотуда гаять зур тәҗрибә туплады. ТР Дәүләт Советы Рәисе Фәрит Мөхәммәтшин Татарстан Прокуратурасы хезмәткәрләрен хөрмәтләү тантанасында шул хакта хәбәр итте.

(Казан, 11 гыйнвар, «Татар-информ»). 2020 елның 16-23 маенда «Буа: Диалог киңлеге» IV Халыкара милли театрлар фестивале узачак. Анда унлап илдән театрлар килүе көтелә. Театрның сәнгать җитәкчесе Раил Садриев Instagram социаль челтәрендәге үз сәхифәсендә шул хакта хәбәр итте.

(Казан, 11 гыйнвар, «Татар-информ»). Россия Мөфтиләр шурасының «Хәләл» Халыкара стандартлаштыру һәм сертификация үзәге функциональ катнашмалар, тәмләткечләр һәм хуш исле өстәмәләр җитештерә торган «ТПК ТЭРА ПЛЮС» җаваплылыгы чикләнгән җәмгыятендә эшләп чыгарылган продукцияне тикшергән һәм сертивикат бирү турында карар чыгарган. Бу хакта Россия Мөфтиләр шурасының рәсми сайты хәбәр итә.

(Казан, 11 гыйнвар, «Татар-информ», Полина Шевчук). Татарстанда җиңел автомобиль, каршы як полосага чыгып, йөк машинасы белән бәрелешкән, шоферларның берсе һәлак булган. Бу хакта «Татар-информ» агентлыгына аварияне күргән кешеләр хәбәр итте.

(Казан, 11 гыйнвар, «Татар-информ», Надежда Гордеева). Татарстанның барлык районнарында Бөек Ватан сугышы елларында хәбәрсез югалган солдатлар турында мәгълүмат эзләү эшенә кураторлык итәчәк координация үзәкләре төзергә ниятлиләр. Татарстанның «Сугышчан дан клубы» ассоциациясе рәисе Михаил Черепанов «Татар-информ» агентлыгы өчен Андрей Кузьминга биргән интервьюсында шул хакта хәбәр итте.

(Казан, 11 гыйнвар, «Татар-информ»). Моңа кадәр Татарстан Сәнәгать һәм сәүдә министрлыгының халыкара элемтәләр бүлеге башлыгы вазифасын биләгән Айдар Әхтәриев Татарстанның Үзбәкстандагы яңа вәкиле итеп билгеләнде. Бу хакта Татарстан Президентының матбугат хезмәте хәбәр итә.

(Казан, 11 гыйнвар, «Татар-информ»). Башкорт корылтае Шәехзадә Бабичның исән вакытта чыккан бердәнбер шигырьләр җыентыгын яңадан нәшер итте. Китап «Йәш Башҡортостан. Зәңгәр жырлар» («Молодой Башкортостан. Голубые песни») дип атала. Бу турыда «Башинформ» хәбәр итә.

(Казан, 11 гыйнвар, «Татар-информ», Полина Шевчук). Татарстанның Әлмәт районында йөк төялгән автовоз кюветка төшеп киткән. Интернеттан файдаланучылар социаль челтәрләрдә авария урыныннан фотолар урнаштырган.

(Казан, 11 гыйнвар, «Татар-информ»). Түбән Камага Казаннан дини җырлар башкаручы Ильяс Халиков киләчәк. Бу турыда Түбән Кама районының рәсми сайты хәбәр итте.